அத² த்⁴யானஶ்லோகா꞉ ஶுக்லாம்ப³ரத⁴ரம் விஷ்ணும் ஶஶிவர்ணம் சதுர்பு⁴ஜம் । ப்ரஸன்னவத³னம் த்⁴யாயேத் ஸர்வவிக்⁴னோபஶாந்தயே ॥ வாகீ³ஶாத்³யா꞉ ஸுமனஸ꞉ ஸர்வார்தா²நாமுபக்ரமே । யம் நத்வா க்ருதக்ருத்யா꞉ ஸ்யு꞉ தம் நமாமி க³ஜானனம் ॥ தோ³ர்பி⁴ர்யுக்தா சதுர்பி⁴꞉ ஸ்ப²டிக- மணிமயீமக்ஷமாலாம் த³தா⁴னா ஹஸ்தேனைகேன பத்³மம் ஸிதம் அபி ச ஶுகம் புஸ்தகம் சாபரேண । பா⁴ஸா குந்தே³ந்து³ஶங்க²ஸ்ப²டிக- மணினிபா⁴ பா⁴ஸமானாஸமானா ஸா மே வாக்³தே³வதேயம் நிவஸது வத³னே ஸர்வதா³ ஸுப்ரஸன்னா ॥ கு³ருர்ப்³ரஹ்மா கு³ருர்விஷ்ணு꞉ கு³ருர்தே³வோ மஹேஶ்வர꞉ । கு³ரு꞉ ஸாக்ஷாத் பரம் ப்³ரஹ்ம தஸ்மை ஸ்ரீகு³ரவே நம꞉ ॥ கூஜந்தம் ராமராமேதி மது⁴ரம் மது⁴ராக்ஷரம் । ஆருஹ்ய கவிதாஶாகா²ம் வந்தே³ வால்மீகிகோகிலம் ॥ வால்மீகேர்முனிஸிம்ஹஸ்ய கவிதாவனசாரிண꞉ । ஶ்ருண்வன் ராமகதா²நாத³ம் கோ ந யாதி பராம் க³திம் ॥ ய꞉ பிப³ன் ஸததம் ராம- சரிதாம்ருதஸாக³ரம் । அத்ருப்தஸ்தம் முனிம் வந்தே³ ப்ராசேதஸமகல்மஷம் ॥ கோ³ஷ்பதீ³க்ருதவாராஶிம் மஶகீக்ருதராக்ஷஸம் । ராமாயணமஹாமாலா- ரத்னம் வந்தே³ऽனிலாத்மஜம் ॥ அஞ்ஜனாநந்த³னம் வீரம் ஜானகீஶோகநாஶனம் । கபீஶமக்ஷஹந்தாரம் வந்தே³ லங்காப⁴யங்கரம் ॥ உல்லங்க்⁴ய ஸிந்தோ⁴꞉ ஸலிலம் ஸலீலம் ய꞉ ஶோகவஹ்னிம் ஜனகாத்மஜாயா꞉ । ஆதா³ய தேனைவ த³தா³ஹ லங்காம் நமாமி தம் ப்ராஞ்ஜலிராஞ்ஜனேயம் ॥ ஆஞ்ஜனேயமதிபாடலானனம் காஞ்சநாத்³ரிகமனீயவிக்³ரஹம் । பாரிஜாததருமூலவாஸினம் பா⁴வயாமி பவமானநந்த³னம் ॥ யத்ர யத்ர ரகு⁴நாத²கீர்தனம் தத்ர தத்ர க்ருதமஸ்தகாஞ்ஜலிம் । பா³ஷ்பவாரிபரிபூர்ணலோசனம் மாருதிம் நமத ராக்ஷஸாந்தகம் ॥ மனோஜவம் மாருததுல்யவேக³ம் ஜிதேந்த்³ரியம் பு³த்³தி⁴மதாம் வரிஷ்ட²ம் । வாதாத்மஜம் வானரயூத²முக்²யம் ஸ்ரீராமதூ³தம் ஶிரஸா நமாமி ॥ ய꞉ கர்ணாஞ்ஜலிஸம்புடைர் அஹரஹ꞉ ஸம்யக் பிப³த்யாத³ராத் வால்மீகேர்வத³னாரவிந்த³- க³லிதம் ராமாயணாக்²யம் மது⁴ । ஜன்மவ்யாதி⁴ஜராவிபத்தி- மரணைரத்யந்தஸோபத்³ரவம் ஸம்ஸாரம் ஸ விஹாய க³ச்ச²தி புமான் விஷ்ணோ꞉ பத³ம் ஶாஶ்வதம் ॥ தது³பக³தஸமாஸஸந்தி⁴யோக³ம் ஸமமது⁴ரோபனதார்த²வாக்யப³த்³த⁴ம் । ரகு⁴வரசரிதம் முனிப்ரணீதம் த³ஶஶிரஸஶ்ச வத⁴ம் நிஶாமயத்⁴வம் ॥ வால்மீகிகி³ரிஸம்பூ⁴தா ராமஸாக³ரகா³மினீ । புனாது பு⁴வனம் புண்யா ராமாயணமஹாநதீ³ ॥ ஶ்லோகஸாரஸமாகீர்ணம் ஸர்க³கல்லோலஸங்குலம் । காண்ட³க்³ராஹமஹாமீனம் வந்தே³ ராமாயணார்ணவம் ॥ வேத³வேத்³யே பரே பும்ஸி ஜாதே த³ஶரதா²த்மஜே । வேத³꞉ ப்ராசேதஸாதா³ஸீத் ஸாக்ஷாத்³ராமாயணாத்மனா ॥ வைதே³ஹீஸஹிதம் ஸுரத்³ரும- தலே ஹைமே மஹாமண்டபே மத்⁴யே புஷ்பகமாஸனே மணிமயே வீராஸனே ஸுஸ்தி²தம் । அக்³ரே வாசயதி ப்ரப⁴ஞ்ஜன- ஸுதே தத்த்வம் முனிப்⁴ய꞉ பரம் வ்யாக்²யாந்தம் ப⁴ரதாதி³பி⁴꞉ பரிவ்ருதம் ராமம் ப⁴ஜே ஶ்யாமலம் ॥ வாமே பூ⁴மிஸுதா புரஶ்ச ஹனுமான் பஶ்சாத் ஸுமித்ராஸுத꞉ ஶத்ருக்⁴னோ ப⁴ரதஶ்ச பார்ஶ்வ- த³லயோர்வாய்வாதி³கோணேஷு ச । ஸுக்³ரீவஶ்ச விபீ⁴ஷணஶ்ச யுவராட் தாராஸுதோ ஜாம்ப³வான் மத்⁴யே நீலஸரோஜகோமல- ருசிம் ராமம் ப⁴ஜே ஶ்யாமலம் ॥ நமோऽஸ்து ராமாய ஸலக்ஷ்மணாய தே³வ்யை ச தஸ்யை ஜனகாத்மஜாயை । நமோऽஸ்து ருத்³ரேந்த்³ரயமானிலேப்⁴யோ நமோऽஸ்து சந்த்³ரார்கமருத்³க³ணேப்⁴ய꞉ ॥ இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ த்⁴யானஶ்லோகா꞉