அத² மங்க³லஶ்லோகா꞉ ஸ்வஸ்தி ப்ரஜாப்⁴ய꞉ பரிபாலயந்தாம் ந்யாய்யேன மார்கே³ண மஹீம் மஹீஶா꞉ । கோ³ப்³ராஹ்மணேப்⁴ய꞉ ஶுப⁴மஸ்து நித்யம் லோகா꞉ ஸமஸ்தா꞉ ஸுகி²னோ ப⁴வந்து ॥ காலே வர்ஷது பர்ஜன்ய꞉ ப்ருதி²வீ ஸஸ்யஶாலினீ । தே³ஶோऽயம் க்ஷோப⁴ரஹிதோ ப்³ராஹ்மணா꞉ ஸந்து நிர்ப⁴யா꞉ ॥ அபுத்ரா꞉ புத்ரிண꞉ ஸந்து புத்ரிண꞉ ஸந்து பௌத்ரிண꞉ । அத⁴னா꞉ ஸத⁴னா꞉ ஸந்து ஜீவந்து ஶரதா³ம் ஶதம் ॥ சரிதம் ரகு⁴நாத²ஸ்ய ஶதகோடிப்ரவிஸ்தரம் । ஏகைகமக்ஷரம் ப்ரோக்தம் மஹாபாதகநாஶனம் ॥ ஶ்ர்ருண்வன் ராமாயணம் ப⁴க்த்யா ய꞉ பாத³ம் பத³மேவ வா । ஸ யாதி ப்³ரஹ்மண꞉ ஸ்தா²னம் ப்³ரஹ்மணா பூஜ்யதே ஸதா³ ॥ ராமாய ராமப⁴த்³ராய ராமசந்த்³ராய வேத⁴ஸே । ரகு⁴நாதா²ய நாதா²ய ஸீதாயா꞉ பதயே நம꞉ ॥ யன்மங்க³லம் ஸஹஸ்ராக்ஷே ஸர்வதே³வநமஸ்க்ருதே । வ்ருத்ரநாஶே ஸமப⁴வத் தத்தே ப⁴வது மங்க³லம் ॥ யன்மங்க³லம் ஸுபர்ணஸ்ய வினதாகல்பயத் புரா । அம்ருதம் ப்ரார்த²யானஸ்ய தத்தே ப⁴வது மங்க³லம் ॥ மங்க³லம் கோஸலேந்த்³ராய மஹனீயகு³ணாத்மனே । சக்ரவர்திதனூஜாய ஸார்வபௌ⁴மாய மங்க³லம் ॥ அம்ருதோத்பாத³னே தை³த்யான் க்⁴னதோ வஜ்ரத⁴ரஸ்ய யத் । அதி³திர்மங்க³லம் ப்ராதா³த் தத்தே ப⁴வது மங்க³லம் ॥ த்ரீன் விக்ரமான் ப்ரக்ரமதோ விஷ்ணோரமிததேஜஸ꞉ । யதா³ஸீன்மங்க³லம் ராம தத்தே ப⁴வது மங்க³லம் ॥ ருஷய꞉ ஸாக³ரா த்³வீபா வேதா³ லோகா தி³ஶஶ்ச தே । மங்க³லானி மஹாபா³ஹோ தி³ஶந்து தவ ஸர்வதா³ ॥ காயேன வாசா மனஸேந்த்³ரியைர்வா பு³த்³த்⁴யாத்மனா வா ப்ரக்ருதே꞉ ஸ்வபா⁴வாத் । கரோமி யத்³ யத் ஸகலம் பரஸ்மை நாராயணாயேதி ஸமர்பயாமி ॥ இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ மங்க³லஶ்லோகா꞉