அத² த்³விதீய꞉ ஸர்க³꞉
ஸ ஸாக³ரமனாத்⁴ருஷ்யம்
	அதிக்ரம்ய மஹாப³ல꞉।
த்ரிகூடஸ்ய தடே லங்காம்
	ஸ்தி²த꞉ ஸ்வஸ்தோ² த³த³ர்ஶ ஹ ॥1॥
தத꞉ பாத³பமுக்தேன
	புஷ்பவர்ஷேண வீர்யவான் ।
அபி⁴வ்ருஷ்டஸ்ததஸ்தத்ர
	ப³பௌ⁴ புஷ்பமயோ ஹரி꞉॥2॥
யோஜனானாம் ஶதம் ஸ்ரீமான்
	தீர்த்வாப்யுத்தமவிக்ரம꞉।
அநி꞉ஶ்வஸன் கபிஸ்தத்ர
	ந க்³லானிமதி⁴க³ச்ச²தி ॥3॥
ஶதான்யஹம் யோஜனானாம்
	க்ரமேயம் ஸுப³ஹூன்யபி ।
கிம் புன꞉ ஸாக³ரஸ்யாந்தம்
	ஸங்க்²யாதம் ஶதயோஜனம் ॥4॥
ஸ து வீர்யவதாம் ஶ்ரேஷ்ட²꞉
	ப்லவதாமபி சோத்தம꞉।
ஜகா³ம வேக³வான் லங்காம்
	லங்க⁴யித்வா மஹோத³தி⁴ம் ॥5॥
ஶாத்³வலானி ச நீலானி
	க³ந்த⁴வந்தி வனானி ச ।
மது⁴மந்தி ச மத்⁴யேன
	ஜகா³ம நக³வந்தி ச ॥6॥
ஶைலாம்ஶ்ச தருஸஞ்ச²ன்னான்
	வனராஜீஶ்ச புஷ்பிதா꞉।
அபி⁴சக்ராம தேஜஸ்வீ
	ஹனூமான் ப்லவக³ர்ஷப⁴꞉॥7॥
ஸ தஸ்மின்னசலே திஷ்ட²ன்
	வனான்யுபவனானி ச ।
ஸ நகா³க்³ரே ஸ்தி²தாம் லங்காம்
	த³த³ர்ஶ பவனாத்மஜ꞉॥8॥
ஸரலான் கர்ணிகாராம்ஶ்ச
	க²ர்ஜூராம்ஶ்ச ஸுபுஷ்பிதான் ।
ப்ரியாலான் முசுலிந்தா³ம்ஶ்ச
	குடஜான் கேதகானபி ॥9॥
ப்ரியங்கூ³ன் க³ந்த⁴பூர்ணாம்ஶ்ச
	நீபான் ஸப்தச்ச²தா³ம்ஸ்ததா² ।
அஸனான் கோவிதா³ராம்ஶ்ச
	கரவீராம்ஶ்ச புஷ்பிதான் ॥10॥
புஷ்பபா⁴ரநிப³த்³தா⁴ம்ஶ்ச
	ததா² முகுலிதானபி ।
பாத³பான் விஹகா³கீர்ணான்
	பவனாதூ⁴தமஸ்தகான் ॥11॥
ஹம்ஸகாரண்ட³வாகீர்ணா
	வாபீ꞉ பத்³மோத்பலாவ்ருதா꞉।
ஆக்ரீடா³ன் விவிதா⁴ன் ரம்யான்
	விவிதா⁴ம்ஶ்ச ஜலாஶயான் ॥12॥
ஸந்ததான் விவிதை⁴ர்வ்ருக்ஷை꞉
	ஸர்வர்துப²லபுஷ்பிதை꞉।
உத்³யானானி ச ரம்யாணி
	த³த³ர்ஶ கபிகுஞ்ஜர꞉॥13॥
ஸமாஸாத்³ய ச லக்ஷ்மீவான்
	லங்காம் ராவணபாலிதாம் ।
பரிகா²பி⁴꞉ ஸபத்³மாபி⁴꞉
	ஸோத்பலாபி⁴ரலங்க்ருதாம் ॥14॥
ஸீதாபஹரணாத் தேன
	ராவணேன ஸுரக்ஷிதாம் ।
ஸமந்தாத்³ விசரத்³பி⁴ஶ்ச
	ராக்ஷஸைருக்³ரத⁴ன்விபி⁴꞉॥15॥
காஞ்சனேனாவ்ருதாம் ரம்யாம்
	ப்ராகாரேண மஹாபுரீம் ।
க்³ருஹைஶ்ச கி³ரிஸங்காஶை꞉
	ஶாரதா³ம்பு³த³ஸன்னிபை⁴꞉॥16॥
பாண்டு³ராபி⁴꞉ ப்ரதோலீபி⁴꞉
	உச்சாபி⁴ரபி⁴ஸம்வ்ருதாம் ।
அட்டாலகஶதாகீர்ணாம்
	பதாகாத்⁴வஜஶோபி⁴தாம் ॥17॥
தோரணை꞉ காஞ்சனைர்தி³வ்யை꞉
	லதாபங்க்திவிராஜிதை꞉।
த³த³ர்ஶ ஹனுமான் லங்காம்
	தே³வோ தே³வபுரீமிவ ॥18॥
கி³ரிமூர்த்⁴னி ஸ்தி²தாம் லங்காம்
	பாண்டு³ரைர்ப⁴வனை꞉ ஶுபை⁴꞉।
த³த³ர்ஶ ஸ கபி꞉ ஸ்ரீமான்
	புரீமாகாஶகா³மிவ ॥19॥
பாலிதாம் ராக்ஷஸேந்த்³ரேண
	நிர்மிதாம் விஶ்வகர்மணா ।
ப்லவமாநாமிவாகாஶே
	த³த³ர்ஶ ஹனுமான் கபி꞉॥20॥
வப்ரப்ராகாரஜக⁴னாம்
	விபுலாம்பு³வனாம்ப³ராம் ।
ஶதக்⁴னீஶூலகேஶாந்தாம்
	அட்டாலகாவதம்ஸகாம் ॥21॥
மனஸேவ க்ருதாம் லங்காம்
	நிர்மிதாம் விஶ்வகர்மணா ।
த்³வாரமுத்தரமாஸாத்³ய
	சிந்தயாமாஸ வானர꞉॥22॥
கைலாஸநிலயப்ரக்²யம்
	ஆலிக²ந்தமிவாம்ப³ரம் ।
த்⁴ரியமாணமிவாகாஶம்
	உச்ச்²ரிதைர்ப⁴வனோத்தமை꞉॥23॥
ஸம்பூர்ணா ராக்ஷஸைர்கோ⁴ரை꞉
	நாகை³ர்போ⁴க³வதீமிவ ।
அசிந்த்யாம் ஸுக்ருதாம் ஸ்பஷ்டாம்
	குபே³ராத்⁴யுஷிதாம் புரா ॥24॥
த³ம்ஷ்ட்ராபி⁴ர்ப³ஹுபி⁴꞉ ஶூரை꞉
	ஶூலபட்டிஶபாணிபி⁴꞉।
ரக்ஷிதாம் ராக்ஷஸைர்கோ⁴ரை꞉
	கு³ஹாமாஶீவிஷைரிவ ॥25॥
தஸ்யாஶ்ச மஹதீம் கு³ப்திம்
	ஸாக³ரம் ச நிரீக்ஷ்ய ஸ꞉।
ராவணம் ச ரிபும் கோ⁴ரம்
	சிந்தயாமாஸ வானர꞉॥26॥
ஆக³த்யாபீஹ ஹரயோ
	ப⁴விஷ்யந்தி நிரர்த²கா꞉।
நஹி யுத்³தே⁴ன வை லங்கா
	ஶக்யா ஜேதும் ஸுரைரபி ॥27॥
இமாம் த்வவிஷமாம் லங்காம்
	து³ர்கா³ம் ராவணபாலிதாம் ।
ப்ராப்யாபி ஸுமஹாபா³ஹு꞉
	கிம் கரிஷ்யதி ராக⁴வ꞉॥28॥
அவகாஶோ ந ஸாம்னஸ்து
	ராக்ஷஸேஷ்வபி⁴க³ம்யதே ।
ந தா³னஸ்ய ந பே⁴த³ஸ்ய
	நைவ யுத்³த⁴ஸ்ய த்³ருஶ்யதே ॥29॥
சதுர்ணாமேவ ஹி க³தி꞉
	வானராணாம் தரஸ்வினாம் ।
வாலிபுத்ரஸ்ய நீலஸ்ய
	மம ராஜ்ஞஶ்ச தீ⁴மத꞉॥30॥
யாவஜ்ஜாநாமி வைதே³ஹீம்
	யதி³ ஜீவதி வா ந வா ।
தத்ரைவ சிந்தயிஷ்யாமி
	த்³ருஷ்ட்வா தாம் ஜனகாத்மஜாம் ॥31॥
தத꞉ ஸ சிந்தயாமாஸ
	முஹூர்தம் கபிகுஞ்ஜர꞉।
கி³ரே꞉ ஶ்ருங்கே³ ஸ்தி²தஸ்தஸ்மின்
	ராமஸ்யாப்⁴யுத³யம் தத꞉॥32॥
அனேன ரூபேண மயா
	ந ஶக்யா ரக்ஷஸாம் புரீ ।
ப்ரவேஷ்டும் ராக்ஷஸைர்கு³ப்தா
	க்ரூரைர்ப³லஸமன்விதை꞉॥33॥
மஹௌஜஸோ மஹாவீர்யா
	ப³லவந்தஶ்ச ராக்ஷஸா꞉।
வஞ்சனீயா மயா ஸர்வே
	ஜானகீம் பரிமார்க³தா ॥34॥
லக்ஷ்யாலக்ஷ்யேண ரூபேண
	ராத்ரௌ லங்காபுரீ மயா ।
ப்ராப்தகாலம் ப்ரவேஷ்டும் மே
	க்ருத்யம் ஸாத⁴யிதும் மஹத் ॥35॥
தாம் புரீம் தாத்³ருஶீம் த்³ருஷ்ட்வா
	து³ராத⁴ர்ஷாம் ஸுராஸுரை꞉।
ஹனூமாம்ஶ்சிந்தயாமாஸ
	விநி꞉ஶ்வஸ்ய முஹுர்முஹு꞉॥36॥
கேனோபாயேன பஶ்யேயம்
	மைதி²லீம் ஜனகாத்மஜாம் ।
அத்³ருஷ்டோ ராக்ஷஸேந்த்³ரேண
	ராவணேன து³ராத்மனா ॥37॥
ந வினஶ்யேத் கத²ம் கார்யம்
	ராமஸ்ய விதி³தாத்மன꞉।
ஏகாமேகஸ்து பஶ்யேயம்
	ரஹிதே ஜனகாத்மஜாம் ॥38॥
பூ⁴தாஶ்சார்தா² வினஶ்யந்தி
	தே³ஶகாலவிரோதி⁴தா꞉।
விக்லவம் தூ³தமாஸாத்³ய
	தம꞉ ஸூர்யோத³யே யதா² ॥39॥
அர்தா²னர்தா²ந்தரே பு³த்³தி⁴꞉
	நிஶ்சிதாபி ந ஶோப⁴தே ।
கா⁴தயந்தீஹ கார்யாணி
	தூ³தா꞉ பண்டி³தமானின꞉॥40॥
ந வினஶ்யேத் கத²ம் கார்யம்
	வைக்லவ்யம் ந கத²ம் ப⁴வேத் ।
லங்க⁴னம் ச ஸமுத்³ரஸ்ய
	கத²ம் நு ந ப⁴வேத்³ வ்ருதா² ॥41॥
மயி த்³ருஷ்டே து ரக்ஷோபீ⁴
	ராமஸ்ய விதி³தாத்மன꞉।
ப⁴வேத்³ வ்யர்த²மித³ம் கார்யம்
	ராவணானர்த²மிச்ச²த꞉॥42॥
நஹி ஶக்யம் க்வசித் ஸ்தா²தும்
	அவிஜ்ஞாதேன ராக்ஷஸை꞉।
அபி ராக்ஷஸரூபேண
	கிமுதான்யேன கேனசித் ॥43॥
வாயுரப்யத்ர நாஜ்ஞாத꞉
	சரேதி³தி மதிர்மம ।
நஹ்யத்ராவிதி³தம் கிஞ்சித்³
	ரக்ஷஸாம் பீ⁴மகர்மணாம் ॥44॥
இஹாஹம் யதி³ திஷ்டா²மி
	ஸ்வேன ரூபேண ஸம்வ்ருத꞉।
விநாஶமுபயாஸ்யாமி
	ப⁴ர்துரர்த²ஶ்ச ஹாஸ்யதி ॥45॥
தத³ஹம் ஸ்வேன ரூபேண
	ரஜன்யாம் ஹ்ரஸ்வதாம் க³த꞉।
லங்காமபி⁴பதிஷ்யாமி
	ராக⁴வஸ்யார்த²ஸித்³த⁴யே ॥46॥
ராவணஸ்ய புரீம் ராத்ரௌ
	ப்ரவிஶ்ய ஸுது³ராஸதா³ம் ।
ப்ரவிஶ்ய ப⁴வனம் ஸர்வம்
	த்³ரக்ஷ்யாமி ஜனகாத்மஜாம் ॥47॥
இதி நிஶ்சித்ய ஹனுமான்
	ஸூர்யஸ்யாஸ்தமயம் கபி꞉।
ஆசகாங்க்ஷே ததா³ வீரோ
	வைதே³ஹ்யா த³ர்ஶனோத்ஸுக꞉॥48॥
ஸூர்யே சாஸ்தம் க³தே ராத்ரௌ
	தே³ஹம் ஸங்க்ஷிப்ய மாருதி꞉।
வ்ருஷத³ம்ஶகமாத்ரோऽத²
	ப³பூ⁴வாத்³பு⁴தத³ர்ஶன꞉॥49॥
ப்ரதோ³ஷகாலே ஹனுமான்
	தூர்ணமுத்பத்ய வீர்யவான் ।
ப்ரவிவேஶ புரீம் ரம்யாம்
	ப்ரவிப⁴க்தமஹாபதா²ம் ॥50॥
ப்ராஸாத³மாலாவிததாம்
	ஸ்தம்பை⁴꞉ காஞ்சனஸன்னிபை⁴꞉।
ஶாதகும்ப⁴னிபை⁴ர்ஜாலை꞉
	க³ந்த⁴ர்வநக³ரோபமாம் ॥51॥
ஸப்தபௌ⁴மாஷ்டபௌ⁴மைஶ்ச
	ஸ த³த³ர்ஶ மஹாபுரீம் ।
தலை꞉ ஸ்ப²டிகஸங்கீர்ணை꞉
	கார்தஸ்வரவிபூ⁴ஷிதை꞉॥52॥
வைதூ³ர்யமணிசித்ரைஶ்ச
	முக்தாஜாலவிபூ⁴ஷிதை꞉।
தைஸ்தை꞉ ஶுஶுபி⁴ரே தானி
	ப⁴வனான்யத்ர ரக்ஷஸாம் ॥53॥
காஞ்சனானி விசித்ராணி
	தோரணானி ச ரக்ஷஸாம் ।
லங்காமுத்³யோதயாமாஸு꞉
	ஸர்வத꞉ ஸமலங்க்ருதாம் ॥54॥
அசிந்த்யாமத்³பு⁴தாகாராம்
	த்³ருஷ்ட்வா லங்காம் மஹாகபி꞉।
ஆஸீத்³ விஷண்ணோ ஹ்ருஷ்டஶ்ச
	வைதே³ஹ்யா த³ர்ஶனோத்ஸுக꞉॥55॥
ஸ பாண்டு³ராவித்³த⁴விமானமாலினீம்
	மஹார்ஹஜாம்பூ³னத³ஜாலதோரணாம் ।
யஶஸ்வினீம் ராவணபா³ஹுபாலிதாம்
	க்ஷபாசரைர்பீ⁴மப³லை꞉ ஸுபாலிதாம் ॥56॥
சந்த்³ரோऽபி ஸாசிவ்யமிவாஸ்ய குர்வம்-
	ஸ்தாராக³ணைர்மத்⁴யக³தோ விராஜன் ।
ஜ்யோத்ஸ்னாவிதானேன விதத்ய லோகா-
	நுத்திஷ்ட²தேऽனேகஸஹஸ்ரரஶ்மி꞉॥57॥
ஶங்க²ப்ரப⁴ம் க்ஷீரம்ருணாலவர்ண
	முத்³க³ச்ச²மானம் வ்யவபா⁴ஸமானம் ।
த³த³ர்ஶ சந்த்³ரம் ஸ கபிப்ரவீர꞉
	போப்லூயமானம் ஸரஸீவ ஹம்ஸம் ॥58॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ த்³விதீய꞉ ஸர்க³꞉