அத² ஸப்தம꞉ ஸர்க³꞉
ஸ வேஶ்மஜாலம் ப³லவாந்த³த³ர்ஶ
	வ்யாஸக்தவைதூ³ர்யஸுவர்ணஜாலம் ।
யதா² மஹத்ப்ராவ்ருஷி மேக⁴ஜாலம்
	வித்³யுத்பினத்³த⁴ம் ஸவிஹங்க³ஜாலம் ॥1॥
நிவேஶனானாம் விவிதா⁴ஶ்ச ஶாலா꞉
	ப்ரதா⁴னஶங்கா²யுத⁴சாபஶாலா꞉।
மனோஹராஶ்சாபி புனர்விஶாலா
	த³த³ர்ஶ வேஶ்மாத்³ரிஷு சந்த்³ரஶாலா꞉॥2॥
க்³ருஹாணி நாநாவஸுராஜிதானி
	தே³வாஸுரைஶ்சாபி ஸுபூஜிதானி ।
ஸர்வைஶ்ச தோ³ஷை꞉ பரிவர்ஜிதானி
	கபிர்த³த³ர்ஶ ஸ்வப³லார்ஜிதானி ॥3॥
தானி ப்ரயத்நாபி⁴ஸமாஹிதானி
	மயேன ஸாக்ஷாதி³வ நிர்மிதானி ।
மஹீதலே ஸர்வகு³ணோத்தராணி
	த³த³ர்ஶ லங்காதி⁴பதேர்க்³ருஹாணி ॥4॥
ததோ த³த³ர்ஶோச்ச்²ரிதமேக⁴ரூபம்
	மனோஹரம் காஞ்சனசாருரூபம் ।
ரக்ஷோऽதி⁴பஸ்யாத்மப³லானுரூபம்
	க்³ருஹோத்தமம் ஹ்யப்ரதிரூபரூபம் ॥5॥
மஹீதலே ஸ்வர்க³மிவ ப்ரகீர்ணம்
	ஶ்ரியா ஜ்வலந்தம் ப³ஹுரத்னகீர்ணம் ।
நாநாதரூணாம் குஸுமாவகீர்ணம்
	கி³ரேரிவாக்³ரம் ரஜஸாவகீர்ணம் ॥6॥
நாரீப்ரவேகைரிவ தீ³ப்யமானம்
	தடி³த்³பி⁴ரம்போ⁴த⁴ரமர்ச்யமானம் ।
ஹம்ஸப்ரவேகைரிவ வாஹ்யமானம்
	ஶ்ரியா யுதம் கே² ஸுக்ருதம் விமானம் ॥7॥
யதா² நகா³க்³ரம் ப³ஹுதா⁴துசித்ரம்
	யதா² நப⁴ஶ்ச க்³ரஹசந்த்³ரசித்ரம் ।
த³த³ர்ஶ யுக்தீக்ருதசாருமேக⁴-
	சித்ரம் விமானம் ப³ஹுரத்னசித்ரம் ॥8॥
மஹீ க்ருதா பர்வதராஜிபூர்ணா
	ஶைலா꞉ க்ருதா வ்ருக்ஷவிதானபூர்ணா꞉।
வ்ருக்ஷா꞉ க்ருதா꞉ புஷ்பவிதானபூர்ணா꞉
	புஷ்பம் க்ருதம் கேஸரபத்ரபூர்ணம் ॥9॥
க்ருதானி வேஶ்மானி ச பாண்டு³ராணி
	ததா² ஸுபுஷ்பாண்யபி புஷ்கராணி ।
புனஶ்ச பத்³மானி ஸகேஸராணி
	வனானி சித்ராணி ஸரோவராணி ॥10॥
புஷ்பாஹ்வயம் நாம விராஜமானம்
	ரத்னப்ரபா⁴பி⁴ஶ்ச விகூ⁴ர்ணமானம் ।
வேஶ்மோத்தமாநாமபி சோச்சமானம்
	மஹாகபிஸ்தத்ர மஹாவிமானம் ॥11॥
க்ருதாஶ்ச வைதூ³ர்யமயா விஹங்கா³
	ரூப்யப்ரவாலைஶ்ச ததா² விஹங்கா³꞉।
சித்ராஶ்ச நாநாவஸுபி⁴ர்பு⁴ஜங்கா³
	ஜாத்யானுரூபாஸ்துரகா³꞉ ஶுபா⁴ங்கா³꞉॥12॥
ப்ரவாலஜாம்பூ³னத³புஷ்பபக்ஷா꞉
	ஸலீலமாவர்ஜிதஜிஹ்மபக்ஷா꞉।
காமஸ்ய ஸாக்ஷாதி³வ பா⁴ந்தி பக்ஷா꞉
	க்ருதா விஹங்கா³꞉ ஸுமுகா²꞉ ஸுபக்ஷா꞉॥13॥
நியுஜ்யமாநாஶ்ச க³ஜா꞉ ஸுஹஸ்தா꞉
	ஸகேஸராஶ்சோத்பலபத்ரஹஸ்தா꞉।
ப³பூ⁴வ தே³வீ ச க்ருதாஸுஹஸ்தா
	லக்ஷ்மீஸ்ததா² பத்³மினி பத்³மஹஸ்தா ॥14॥
இதீவ தத்³க்³ருஹமபி⁴க³ம்ய ஶோப⁴னம்
	ஸவிஸ்மயோ நக³மிவ சாருகந்த³ரம் ।
புனஶ்ச தத்பரமஸுக³ந்தி⁴ ஸுந்த³ரம்
	ஹிமாத்யயே நக³மிவ சாருகந்த³ரம் ॥15॥
தத꞉ ஸ தாம் கபிரபி⁴பத்ய பூஜிதாம்
	சரன்புரீம் த³ஶமுக²பா³ஹுபாலிதாம் ।
அத்³ருஶ்ய தாம் ஜனகஸுதாம் ஸுபூஜிதாம்
	ஸுது³꞉கி²தாம் பதிகு³ணவேக³நிர்ஜிதாம் ॥16॥
ததஸ்ததா³ ப³ஹுவித⁴பா⁴விதாத்மன꞉
	க்ருதாத்மனோ ஜனகஸுதாம் ஸுவர்த்மன꞉।
அபஶ்யதோऽப⁴வத³திது³꞉கி²தம் மன꞉
	ஸசக்ஷுஷ꞉ ப்ரவிசரதோ மஹாத்மன꞉॥17॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ ஸப்தம꞉ ஸர்க³꞉