அத² அஷ்டம꞉ ஸர்க³꞉
ஸ தஸ்ய மத்⁴யே ப⁴வனஸ்ய ஸம்ஸ்தி²தோ
	மஹத்³விமானம் மணிரத்னசித்ரிதம் ।
ப்ரதப்தஜாம்பூ³னத³ஜாலக்ருத்ரிமம்
	த³த³ர்ஶ தீ⁴மான் பவனாத்மஜ꞉ கபி꞉॥1॥
தத³ப்ரமேயப்ரதிகாரக்ருத்ரிமம்
	க்ருதம் ஸ்வயம் ஸாத்⁴விதி விஶ்வகர்மணா ।
தி³வம் க³தே வாயுபதே² ப்ரதிஷ்டி²தம்
	வ்யராஜதாதி³த்யபத²ஸ்ய லக்ஷ்ம தத் ॥2॥
ந தத்ர கிஞ்சின்ன க்ருதம் ப்ரயத்னதோ
	ந தத்ர கிஞ்சின்ன மஹார்ஹரத்னவத் ।
ந தே விஶேஷா நியதா꞉ ஸுரேஷ்வபி
	ந தத்ர கிஞ்சின்ன மஹாவிஶேஷவத் ॥3॥
தப꞉ ஸமாதா⁴னபராக்ரமார்ஜிதம்
	மன꞉ ஸமாதா⁴னவிசாரசாரிணம் ।
அனேகஸம்ஸ்தா²னவிஶேஷநிர்மிதம்
	ததஸ்ததஸ்துல்யவிஶேஷநிர்மிதம் ॥4॥
மன꞉ ஸமாதா⁴ய து ஶீக்⁴ரகா³மினம்
	து³ராஸத³ம் மாருததுல்யகா³மினம் ।
மஹாத்மனாம் புண்யக்ருதாம் மஹர்த்³தி⁴னாம்
	யஶஸ்விநாமக்³ர்யமுதா³மிவாலயம் ॥5॥
விஶேஷமாலம்ப்³ய விஶேஷஸம்ஸ்தி²தம்
	விசித்ரகூடம் ப³ஹுகூடமண்டி³தம் ।
மனோऽபி⁴ராமம் ஶரதி³ந்து³நிர்மலம்
	விசித்ரகூடம் ஶிக²ரம் கி³ரேர்யதா² ॥6॥
வஹந்தி யத்குண்ட³லஶோபி⁴தானனா
	மஹாஶனா வ்யோமசராநிஶாசரா꞉।
விவ்ருத்தவித்⁴வஸ்தவிஶாலலோசனா
	மஹாஜவா பூ⁴தக³ணா꞉ ஸஹஸ்ரஶ꞉॥7॥
வஸந்தபுஷ்போத்கரசாருத³ர்ஶனம்
	வஸந்தமாஸாத³பி சாருத³ர்ஶனம் ।
ஸ புஷ்பகம் தத்ர விமானமுத்தமம்
	த³த³ர்ஶ தத்³வானரவீரஸத்தம꞉॥8॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ அஷ்டம꞉ ஸர்க³꞉