அத² த³ஶம꞉ ஸர்க³꞉
தத்ர தி³வ்யோபமம் முக்²யம்
	ஸ்பா²டிகம் ரத்னபூ⁴ஷிதம் ।
அவேக்ஷமாணோ ஹனுமான்
	த³த³ர்ஶ ஶயனாஸனம் ॥1॥
தா³ந்தகாஞ்சனசித்ராங்கை³꞉
	வைதூ³ர்யைஶ்ச வராஸனை꞉।
மஹார்ஹாஸ்தரணோபேதை꞉
	உபபன்னம் மஹாத⁴னை꞉॥2॥
தஸ்ய சைகதமே தே³ஶே
	தி³வ்யமால்யோபஶோபி⁴தம் ।
த³த³ர்ஶ பாண்டு³ரம் ச²த்ரம்
	தாராதி⁴பதிஸம்நிப⁴ம் ॥3॥
ஜாதரூபபரிக்ஷிப்தம்
	சித்ரபா⁴னோ꞉ ஸமப்ரப⁴ம் ।
அஶோகமாலாவிததம்
	த³த³ர்ஶ பரமாஸனம் ॥4॥
வாலவ்யஜனஹஸ்தாபி⁴꞉
	வீஜ்யமானம் ஸமந்தத꞉।
க³ந்தை⁴ஶ்ச விவிதை⁴ர்ஜுஷ்டம்
	வரதூ⁴பேன தூ⁴பிதம் ॥5॥
பரமாஸ்தரணாஸ்தீர்ணம்
	ஆவிகாஜினஸம்வ்ருதம் ।
தா³மபி⁴ர்வரமால்யானாம்
	ஸமந்தாது³பஶோபி⁴தம் ॥6॥
தஸ்மிஞ்ஜீமூதஸங்காஶம்
	ப்ரதீ³ப்தோஜ்ஜ்வலகுண்ட³லம் ।
லோஹிதாக்ஷம் மஹாபா³ஹும்
	மஹாரஜதவாஸஸம் ॥7॥
லோஹிதேனானுலிப்தாங்க³ம்
	சந்த³னேன ஸுக³ந்தி⁴னா ।
ஸந்த்⁴யாரக்தமிவாகாஶே
	தோயத³ம் ஸதடி³த்³கு³ணம் ॥8॥
வ்ருதமாப⁴ரணைர்தி³வ்யை꞉
	ஸுரூபம் காமரூபிணம் ।
ஸவ்ருக்ஷவனகு³ல்மாட்⁴யம்
	ப்ரஸுப்தமிவ மந்த³ரம் ॥9॥
க்ரீடி³த்வோபரதம் ராத்ரௌ
	வராப⁴ரணபூ⁴ஷிதம் ।
ப்ரியம் ராக்ஷஸகன்யானாம்
	ராக்ஷஸானாம் ஸுகா²வஹம் ॥10॥
பீத்வாப்யுபரதம் சாபி
	த³த³ர்ஶ ஸ மஹாகபி꞉।
பா⁴ஸ்வரே ஶயனே வீரம்
	ப்ரஸுப்தம் ராக்ஷஸாதி⁴பம் ॥11॥
நி꞉ஶ்வஸந்தம் யதா² நாக³ம்
	ராவணம் வானரோத்தம꞉।
ஆஸாத்³ய பரமோத்³விக்³ன꞉
	ஸோபாஸர்பத்ஸுபீ⁴தவத் ॥12॥
அதா²ரோஹணமாஸாத்³ய
	வேதி³காந்தரமாஶ்ரித꞉।
க்ஷீவம் ராக்ஷஸஶார்தூ³லம்
	ப்ரேக்ஷதே ஸ்ம மஹாகபி꞉॥13॥
ஶுஶுபே⁴ ராக்ஷஸேந்த்³ரஸ்ய
	ஸ்வபத꞉ ஶயனம் ஶுப⁴ம் ।
க³ந்த⁴ஹஸ்தினி ஸம்விஷ்டே
	யதா² ப்ரஸ்ரவணம் மஹத் ॥14॥
காஞ்சனாங்க³த³ஸம்நத்³தௌ⁴
	த³த³ர்ஶ ஸ மஹாத்மன꞉।
விக்ஷிப்தௌ ராக்ஷஸேந்த்³ரஸ்ய
	பு⁴ஜாவிந்த்³ரத்⁴வஜோபமௌ ॥15॥
ஐராவதவிஷாணாக்³ரை꞉
	ஆபீடி³னக்ருதவ்ரணௌ ।
வஜ்ரோல்லிகி²தபீனாம்ஸௌ
	விஷ்ணுசக்ரபரிக்ஷதௌ ॥16॥
பீனௌ ஸமஸுஜாதாம்ஸௌ
	ஸங்க³தௌ ப³லஸம்யுதௌ ।
ஸுலக்ஷண நகா²ங்கு³ஷ்டௌ²
	ஸ்வங்கு³லீயகலக்ஷிதௌ ॥17॥
ஸம்ஹதௌ பரிகா⁴காரௌ
	வ்ருத்தௌ கரிகரோபமௌ ।
விக்ஷிப்தௌ ஶயனே ஶுப்⁴ரே
	பஞ்சஶீர்ஷாவிவோரகௌ³ ॥18॥
ஶஶக்ஷதஜகல்பேன
	ஸுஶீதேன ஸுக³ந்தி⁴னா ।
சந்த³னேன பரார்த்⁴யேன
	ஸ்வனுலிப்தௌ ஸ்வலங்க்ருதௌ ॥19॥
உத்தமஸ்த்ரீவிம்ருதி³தௌ
	க³ந்தோ⁴த்தமநிஷேவிதௌ ।
யக்ஷபன்னக³க³ந்த⁴ர்வ-
	தே³வதா³னவராவிணௌ ॥20॥
த³த³ர்ஶ ஸ கபிஸ்தஸ்ய
	பா³ஹூ ஶயனஸம்ஸ்தி²தௌ ।
மந்த³ரஸ்யாந்தரே ஸுப்தௌ
	மஹாஹீ ருஷிதாவிவ ॥21॥
தாப்⁴யாம் ஸ பரிபூர்ணாப்⁴யாம்
	உபா⁴ப்⁴யாம் ராக்ஷஸேஶ்வர꞉।
ஶுஶுபே⁴ऽசலஸங்காஶ꞉
	ஶ்ருங்கா³ப்⁴யாமிவ மந்த³ர꞉॥22॥
சூதபும்நாக³ஸுரபி⁴꞉
	ப³குலோத்தமஸம்யுத꞉।
ம்ருஷ்டான்னரஸஸம்யுக்த꞉
	பானக³ந்த⁴புர꞉ஸர꞉॥23॥
தஸ்ய ராக்ஷஸராஜஸ்ய
	நிஶ்சக்ராம மஹாமுகா²த் ।
ஶயானஸ்ய விநி꞉ஶ்வாஸ꞉
	பூரயன்னிவ தத்³க்³ருஹம் ॥24॥
முக்தாமணிவிசித்ரேண
	காஞ்சனேன விராஜிதா ।
முகுடேனாபவ்ருத்தேன
	குண்ட³லோஜ்ஜ்வலிதானனம் ॥25॥
ரக்தசந்த³னதி³க்³தே⁴ன
	ததா² ஹாரேண ஶோபி⁴னா ।
பீனாயதவிஶாலேன
	வக்ஷஸாபி⁴விராஜிதா ॥26॥
பாண்டு³ரேணாபவித்³தே⁴ன
	க்ஷௌமேண க்ஷதஜேக்ஷணம் ।
மஹார்ஹேண ஸுஸம்வீதம்
	பீதேனோத்தரவாஸஸா ॥27॥
மாஷராஶிப்ரதீகாஶம்
	நி꞉ஶ்வஸந்தம் பு⁴ஜங்க³வத் ।
கா³ங்கே³ மஹதி தோயாந்தே
	ப்ரஸுப்தமிவ குஞ்ஜரம் ॥28॥
சதுர்பி⁴꞉ காஞ்சனைர்தீ³பை꞉
	தீ³ப்யமானம் சதுர்தி³ஶம் ।
ப்ரகாஶீக்ருதஸர்வாங்க³ம்
	மேக⁴ம் வித்³யுத்³க³ணைரிவ ॥29॥
பாத³மூலக³தாஶ்சாபி
	த³த³ர்ஶ ஸுமஹாத்மன꞉।
பத்னீ꞉ ஸ ப்ரியபா⁴ர்யஸ்ய
	தஸ்ய ரக்ஷ꞉பதேர்க்³ருஹே ॥30॥
ஶஶிப்ரகாஶவத³னா
	வரகுண்ட³லபூ⁴ஷணா꞉।
அம்லானமால்யாப⁴ரணா
	த³த³ர்ஶ ஹரியூத²ப꞉॥31॥
ந்ருத்யவாதி³த்ரகுஶலா
	ராக்ஷஸேந்த்³ரபு⁴ஜாங்ககா³꞉।
வராப⁴ரணதா⁴ரிண்யோ
	நிஷண்ணா த³த்³ருஶே கபி꞉॥32॥
வஜ்ரவைதூ³ர்யக³ர்பா⁴ணி
	ஶ்ரவணாந்தேஷு யோஷிதாம் ।
த³த³ர்ஶ தாபனீயானி
	குண்ட³லான்யங்க³தா³னி ச ॥33॥
தாஸாம் சந்த்³ரோபமைர்வக்த்ரை꞉
	ஶுபை⁴ர்லலிதகுண்ட³லை꞉।
விரராஜ விமானம் தன்
	நப⁴ஸ்தாராக³ணைரிவ ॥34॥
மத³வ்யாயாமகி²ன்னாஸ்தா
	ராக்ஷஸேந்த்³ரஸ்ய யோஷித꞉।
தேஷு தேஷ்வவகாஶேஷு
	ப்ரஸுப்தாஸ்தனுமத்⁴யமா꞉॥35॥
அங்க³ஹாரைஸ்ததை²வான்யா
	கோமலைர்ந்ருத்யஶாலினீ ।
வின்யஸ்தஶுப⁴ஸர்வாங்கீ³
	ப்ரஸுப்தா வரவரர்ணினீ ॥36॥
காசித்³வீணாம் பரிஷ்வஜ்ய
	ப்ரஸுப்தா ஸம்ப்ரகாஶதே ।
மஹாநதீ³ப்ரகீர்ணேவ
	நலினீ போதமாஶ்ரிதா ॥37॥
அன்யா கக்ஷக³தேனைவ
	மட்³டு³கேனாஸிதேக்ஷணா ।
ப்ரஸுப்தா பா⁴மினீ பா⁴தி
	பா³லபுத்ரேவ வத்ஸலா ॥38॥
படஹம் சாருஸர்வாங்கீ³
	ந்யஸ்ய ஶேதே ஶுப⁴ஸ்தனீ ।
சிரஸ்ய ரமணம் லப்³த்⁴வா
	பரிஷ்வஜ்யேவ காமினீ ॥39॥
காசித்³ வீணாம் பரிஷ்வஜ்ய
	ஸுப்தா கமலலோசனா ।
வரம் ப்ரியதமம் க்³ருஹ்ய
	ஸகாமேவ ஹி காமினி ॥40॥
விபஞ்சீம் பரிக்³ருஹ்யான்யா
	நியதா ந்ருத்யஶாலினீ ।
நித்³ராவஶமனுப்ராப்தா
	ஸஹகாந்தேவ பா⁴மினீ ॥41॥
அன்யா கனகஸங்காஶை꞉
	ம்ருது³பீனைர்மனோரமை꞉।
ம்ருத³ங்க³ம் பரிவித்³த்⁴யாங்கை³꞉
	ப்ரஸுப்தா மத்தலோசனா ॥42॥
பு⁴ஜபாஶாந்தரஸ்தே²ன
	கக்ஷகே³ன க்ருஶோத³ரீ ।
பணவேன ஸஹானிந்த்³யா
	ஸுப்தா மத³க்ருதஶ்ரமா ॥43॥
டி³ண்டி³மம் பரிக்³ருஹ்யான்யா
	ததை²வாஸக்தடி³ண்டி³மா ।
ப்ரஸுப்தா தருணம் வத்ஸம்
	உபகு³ஹ்யேவ பா⁴மினீ ॥44॥
காசிதா³ட³ம்ப³ரம் நாரீ
	பு⁴ஜஸம்போ⁴க³பீடி³தம் ।
க்ருத்வா கமலபத்ராக்ஷீ
	ப்ரஸுப்தா மத³மோஹிதா ॥45॥
கலஶீமபவித்³த்⁴யான்யா
	ப்ரஸுப்தா பா⁴தி பா⁴மினீ ।
வஸந்தே புஷ்பஶப³லா
	மாலேவ பரிமார்ஜிதா ॥46॥
பாணிப்⁴யாம் ச குசௌ காசித்
	ஸுவர்ணகலஶோபமௌ ।
உபகூ³ஹ்யாப³லா ஸுப்தா
	நித்³ராப³லபராஜிதா ॥47॥
அன்யா கமலபத்ராக்ஷீ
	பூர்ணேந்து³ஸத்³ருஶானனா ।
அன்யாமாலிங்க்³ய ஸுஶ்ரோணீம்
	ப்ரஸுப்தா மத³விஹ்வலா ॥48॥
ஆதோத்³யானி விசித்ராணி
	பரிஷ்வஜ்ய வரஸ்த்ரிய꞉।
நிபீட்³ய ச குசை꞉ ஸுப்தா꞉
	காமின்ய꞉ காமுகானிவ ॥49॥
தாஸாமேகாந்தவின்யஸ்தே
	ஶயானாம் ஶயனே ஶுபே⁴ ।
த³த³ர்ஶ ரூபஸம்பன்னாம்
	அத² தாம் ஸ கபி꞉ ஸ்த்ரியம் ॥50॥
முக்தாமணிஸமாயுக்தை꞉
	பூ⁴ஷணை꞉ ஸுவிபூ⁴ஷிதாம் ।
விபூ⁴ஷயந்தீமிவ ச
	ஸ்வஶ்ரியா ப⁴வனோத்தமம் ॥51॥
கௌ³ரீம் கனகவர்ணாபா⁴ம்
	இஷ்டாமந்த꞉புரேஶ்வரீம் ।
கபிர்மந்தோ³த³ரீம் தத்ர
	ஶயானாம் சாருரூபிணீம் ॥52॥
ஸ தாம் த்³ருஷ்ட்வா மஹாபா³ஹு꞉
	பூ⁴ஷிதாம் மாருதாத்மஜ꞉।
தர்கயாமாஸ ஸீதேதி ரூபயௌவனஸம்பதா³ ।
ஹர்ஷேண மஹதா யுக்தோ
	நனந்த³ ஹரியூத²ப꞉॥53॥
ஆஸ்போ²டயாமாஸ சுசும்ப³ புச்ச²ம்
	நனந்த³ சிக்ரீட³ ஜகௌ³ ஜகா³ம ।
ஸ்தம்பா⁴னரோஹந்நிபபாத பூ⁴மௌ
	நித³ர்ஶயன் ஸ்வாம் ப்ரக்ருதிம் கபீனாம் ॥54॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ த³ஶம꞉ ஸர்க³꞉