அத² த்³வாத³ஶ꞉ ஸர்க³꞉
ஸ தஸ்ய மத்⁴யே ப⁴வனஸ்ய ஸம்ஸ்தி²தோ
	லதாக்³ருஹாம்ஶ்சித்ரக்³ருஹாந்நிஶாக்³ருஹான் ।
ஜகா³ம ஸீதாம் ப்ரதித³ர்ஶனோத்ஸுகோ
	ந சைவ தாம் பஶ்யதி சாருத³ர்ஶநாம் ॥1॥
ஸ சிந்தயாமாஸ ததோ மஹாகபி꞉
	ப்ரியாமபஶ்யன்ரகு⁴நந்த³னஸ்ய தாம் ।
த்⁴ருவம் ந ஸீதா த்⁴ரியதே யதா² ந மே
	விசின்வதோ த³ர்ஶனமேதி மைதி²லீ ॥2॥
ஸா ராக்ஷஸானாம் ப்ரவரேண ஜானகீ
	ஸ்வஶீலஸம்ரக்ஷணதத்பரா ஸதீ ।
அனேன நூனம் ப்ரதி து³ஷ்டகர்மணா
	ஹதா ப⁴வேதா³ர்யபதே² பரே ஸ்தி²தா ॥3॥
விரூபரூபா விக்ருதா விவர்சஸோ
	மஹானனா தீ³ர்க⁴விரூபத³ர்ஶனா꞉।
ஸமீக்ஷ்ய தா ராக்ஷஸராஜயோஷிதோ
	ப⁴யாத்³விநஷ்டா ஜனகேஶ்வராத்மஜா ॥4॥
ஸீதாமத்³ருஷ்ட்வா ஹ்யனவாப்ய பௌருஷம்
	விஹ்ருத்ய காலம் ஸஹ வானரைஶ்சிரம் ।
ந மேऽஸ்தி ஸுக்³ரீவஸமீபகா³ க³தி꞉
	ஸுதீக்ஷ்ணத³ண்டோ³ ப³லவாம்ஶ்ச வானர꞉॥5॥
த்³ருஷ்டமந்த꞉புரம் ஸர்வம்
	த்³ருஷ்டா ராவணயோஷித꞉।
ந ஸீதா த்³ருஶ்யதே ஸாத்⁴வீ
	வ்ருதா² ஜாதோ மம ஶ்ரம꞉॥6॥
கிம் நு மாம் வானரா꞉ ஸர்வே
	க³தம் வக்ஷ்யந்தி ஸங்க³தா꞉।
க³த்வா தத்ர த்வயா வீர
	கிம் க்ருதம் தத்³வத³ஸ்வ ந꞉॥7॥
அத்³ருஷ்ட்வா கிம் ப்ரவக்ஷ்யாமி
	தாமஹம் ஜனகாத்மஜாம் ।
த்⁴ருவம் ப்ராயமுபாஸிஷ்யே
	காலஸ்ய வ்யதிவர்தனே ॥8॥
கிம் வா வக்ஷ்யதி வ்ருத்³த⁴ஶ்ச
	ஜாம்ப³வானங்க³த³ஶ்ச ஸ꞉।
க³தம் பாரம் ஸமுத்³ரஸ்ய
	வானராஶ்ச ஸமாக³தா꞉॥9॥
அநிர்வேத³꞉ ஶ்ரியோ மூலம்
	அநிர்வேத³꞉ பரம் ஸுக²ம் ।
அநிர்வேதோ³ ஹி ஸததம்
	ஸர்வார்தே²ஷு ப்ரவர்தக꞉॥10॥
கரோதி ஸப²லம் ஜந்தோ꞉
	கர்ம யச்ச கரோதி ஸ꞉।
தஸ்மாத³நிர்வேத³கரம்
	யத்னம் சேஷ்டேऽஹமுத்தமம் ॥11॥
பூ⁴யஸ்தத்ர விசேஷ்யாமி
	ந யத்ர விசய꞉ க்ருத꞉ ।
அத்³ருஷ்டாம்ஶ்ச விசேஷ்யாமி
	தே³ஶான்ராவணபாலிதான் ॥12॥
ஆபானஶாலா விசிதா꞉
	ததா² புஷ்பக்³ருஹாணி ச ।
சித்ரஶாலாஶ்ச விசிதா
	பூ⁴ய꞉ க்ரீடா³க்³ருஹாணி ச ॥13॥
நிஷ்குடாந்தரரத்²யாஶ்ச
	விமானானி ச ஸர்வஶ꞉।
இதி ஸஞ்சிந்த்ய பூ⁴யோऽபி
	விசேதுமுபசக்ரமே ॥14॥
பூ⁴மீக்³ருஹாம்ஶ்சைத்யக்³ருஹான்
	க்³ருஹாதிக்³ருஹகானபி ।
உத்பதன்னிபதம்ஶ்சாபி
	திஷ்ட²ன்க³ச்ச²ன்புன꞉ க்வசித் ॥15॥
அபவ்ருண்வம்ஶ்ச த்³வாராணி
	கபாடான்யவக⁴ட்டயன் ।
ப்ரவிஶந்நிஷ்பதம்ஶ்சாபி
	ப்ரபதன்னுத்பதன்னிவ ॥16॥
ஸர்வமப்யவகாஶம் ஸ விசசார மஹாகபி꞉।
சதுரங்கு³லமாத்ரோऽபி
	நாவகாஶ꞉ ஸ வித்³யதே ।
ராவணாந்த꞉புரே தஸ்மின்
	யம் கபிர்ன ஜகா³ம ஸ꞉॥17॥
ப்ராகராந்தரவீத்²யஶ்ச
	வேதி³கஶ்சைத்யஸம்ஶ்ரயா꞉।
ஶ்வப்⁴ராஶ்ச புஷ்கரிண்யஶ்ச
	ஸர்வம் தேனாவலோகிதம் ॥18॥
ராக்ஷஸ்யோ விவிதா⁴காரா
	விரூபா விக்ருதாஸ்ததா² ।
த்³ருஷ்டா ஹனுமதா தத்ர
	ந து ஸா ஜனகாத்மஜா ॥19॥
ரூபேணாப்ரதிமா லோகே
	பரா வித்³யாத⁴ரஸ்த்ரிய꞉।
த்³ருஷ்டா ஹனுமதா தத்ர
	ந து ராக⁴வனந்தி³னீ ॥20॥
நாக³கன்யா வராரோஹா꞉
	பூர்ணசந்த்³ரனிபா⁴னனா꞉।
த்³ருஷ்டா ஹனுமதா தத்ர
	ந து ஸா ஜனகாத்மஜா ॥21॥
ப்ரமத்²ய ராக்ஷஸேந்த்³ரேண
	நாக³கன்யா ப³லாத்³த்⁴ருதா꞉।
த்³ருஷ்டா ஹனுமதா தத்ர
	ந ஸா ஜனகனந்தி³னீ ॥22॥
ஸோऽபஶ்யம்ஸ்தாம் மஹாபா³ஹு꞉
	பஶ்யம்ஶ்சான்யா வரஸ்த்ரிய꞉।
விஷஸாத³ மஹாபா³ஹு꞉
	ஹனூமான்மாருதாத்மஜ꞉॥23॥
உத்³யோக³ம் வானரேந்த்³ராணாம்
	ப்லவனம் ஸாக³ரஸ்ய ச ।
வ்யர்த²ம் வீக்ஷ்யானிலஸுத꞉
	சிந்தாம் புனருபாக³த꞉॥24॥
அவதீர்ய விமானாச்ச
	ஹனூமான்மாருதாத்மஜ꞉।
சிந்தாமுபஜகா³மாத²
	ஶோகோபஹதசேதன꞉॥25॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ த்³வாத³ஶ꞉ ஸர்க³꞉