அத² த்ரயோத³ஶ꞉ ஸர்க³꞉
விமானாத்து ஸ ஸங்க்ரம்ய
	ப்ராகாரம் ஹரியூத²ப꞉।
ஹனூமான்வேக³வானாஸீத்
	யதா² வித்³யுத்³ க⁴னாந்தரே ॥1॥
ஸம்பரிக்ரம்ய ஹனுமான்
	ராவணஸ்ய நிவேஶனான் ।
அத்³ருஷ்ட்வா ஜானகீம் ஸீதாம்
	அப்³ரவீத்³வசனம் கபி꞉॥2॥
பூ⁴யிஷ்ட²ம் லோலிதா லங்கா
	ராமஸ்ய சரதா ப்ரியம் ।
ந ஹி பஶ்யாமி வைதே³ஹீம்
	ஸீதாம் ஸர்வாங்க³ஶோப⁴னாம் ॥3॥
பல்வலானி தடாகானி
	ஸராம்ஸி ஸரிதஸ்ததா² ।
நத்³யோऽனூபவனாந்தாஶ்ச
	து³ர்கா³ஶ்ச த⁴ரணீத⁴ரா꞉॥4॥
லோலிதா வஸுதா⁴ ஸர்வா
	ந ச பஶ்யாமி ஜானகீம் ।
இஹ ஸம்பாதினா ஸீதா
	ராவணஸ்ய நிவேஶனே ॥5॥
ஆக்²யாதா க்³ருத்⁴ரராஜேன
	ந ச ஸா த்³ருஶ்யதே ந கிம் ।
கிம் நு ஸீதாத² வைதே³ஹீ
	மைதி²லீ ஜனகாத்மஜா ।
உபதிஷ்டே²த விவஶா
	ராவணேன ஹ்ருதா ப³லாத் ॥6॥
க்ஷிப்ரமுத்பததோ மன்யே
	ஸீதாமாதா³ய ரக்ஷஸ꞉।
பி³ப்⁴யதோ ராமபா³ணானாம்
	அந்தரா பதிதா ப⁴வேத் ॥7॥
அத²வா ஹ்ரியமாணாயா꞉
	பதி² ஸித்³த⁴நிஷேவிதே ।
மன்யே பதிதமார்யாயா
	ஹ்ருத³யம் ப்ரேக்ஷ்ய ஸாக³ரம் ॥8॥
ராவணஸ்யோருவேகே³ன
	பு⁴ஜாப்⁴யாம் பீடி³தேன ச ।
தயா மன்யே விஶாலாக்ஷ்யா
	த்யக்தம் ஜீவிதமார்யயா ॥9॥
உபர்யுபரி ஸா நூனம்
	ஸாக³ரம் க்ரமதஸ்ததா³ ।
விசேஷ்டமானா பதிதா
	ஸமுத்³ரே ஜனகாத்மஜா ॥10॥
ஆஹோ க்ஷுத்³ரேண சானேன
	ரக்ஷந்தீ ஶீலமாத்மன꞉।
அப³ந்து⁴ர்ப⁴க்ஷிதா ஸீதா
	ராவணேன தபஸ்வினீ ॥11॥
அத² வா ராக்ஷஸேந்த்³ரஸ்ய
	பத்னீபி⁴ரஸிதேக்ஷணா ।
அது³ஷ்டா து³ஷ்டபா⁴வாபி⁴꞉
	ப⁴க்ஷிதா ஸா ப⁴விஷ்யதி ॥12॥
ஸம்பூர்ணசந்த்³ரப்ரதிமம்
	பத்³மபத்ரனிபே⁴க்ஷணம் ।
ராமஸ்ய த்⁴யாயதீ வக்த்ரம்
	பஞ்சத்வம் க்ருபணா க³தா ॥13॥
ஹா ராம லக்ஷ்மணேத்யேவம்
	ஹாயோத்⁴யே சேதி மைதி²லீ ।
விலப்ய ப³ஹு வைதே³ஹீ
	ந்யஸ்ததே³ஹா ப⁴விஷ்யதி ॥14॥
அத²வா நிஹிதா மன்யே
	ராவணஸ்ய நிவேஶனே ।
ப்⁴ருஶம் லாலப்யதே பா³லா
	பஞ்ஜரஸ்தே²வ ஸாரிகா ॥15॥
ஜனகஸ்ய குலே ஜாதா
	ராமபத்னீ ஸுமத்⁴யமா ।
கத²முத்பலபத்ராக்ஷீ
	ராவணஸ்ய வஶம் வ்ரஜேத் ॥16॥
விநஷ்டா வா ப்ரணஷ்டா வா
	ம்ருதா வா ஜனகாத்மஜா ।
ராமஸ்ய ப்ரியபா⁴ர்யஸ்ய
	ந நிவேத³யிதும் க்ஷமம் ॥17॥
நிவேத்³யமானே தோ³ஷ꞉ ஸ்யாத்
	தோ³ஷ꞉ ஸ்யாத³நிவேத³னே ।
கத²ம் நு க²லு கர்தவ்யம்
	விஷமம் ப்ரதிபா⁴தி மே ॥18॥
அஸ்மின்னேவங்க³தே கார்யே
	ப்ராப்தகாலம் க்ஷமம் ச கிம் ।
ப⁴வேதி³தி மதிம் பூ⁴யோ
	ஹனுமான்ப்ரவிசாரயன் ॥19॥
யதி³ ஸீதாமத்³ருஷ்ட்வாஹம்
	வானரேந்த்³ரபுரீமித꞉।
க³மிஷ்யாமி தத꞉ கோ மே
	புருஷார்தோ² ப⁴விஷ்யதி ॥20॥
மமேத³ம் லங்க⁴னம் வ்யர்த²ம்
	ஸாக³ரஸ்ய ப⁴விஷ்யதி ।
ப்ரவேஶஶ்சைவ லங்காயாம்
	ராக்ஷஸானாம் ச த³ர்ஶனம் ॥21॥
கிம் வா வக்ஷ்யதி ஸுக்³ரீவோ
	ஹரயோ வாபி ஸங்க³தா꞉।
கிஷ்கிந்தா⁴மனுஸம்ப்ராப்தம்
	தௌ வா த³ஶரதா²த்மஜௌ ॥22॥
க³த்வா து யதி³ காகுத்ஸ்த²ம்
	வக்ஷ்யாமி பருஷம் வச꞉।
ந த்³ருஷ்டேதி மயா ஸீதா
	ததஸ்த்யக்ஷ்யதி ஜீவிதம் ॥23॥
பருஷம் தா³ருணம் தீக்ஷ்ணம்
	க்ரூரமிந்த்³ரியதாபனம் ।
ஸீதாநிமித்தம் து³ர்வாக்யம்
	ஶ்ருத்வா ஸ ந ப⁴விஷ்யதி ॥24॥
தம் து க்ருச்ச்²ரக³தம் த்³ருஷ்ட்வா
	பஞ்சத்வக³தமானஸம் ।
ப்⁴ருஶானுரக்தமேதா⁴வீ
	ந ப⁴விஷ்யதி லக்ஷ்மண꞉॥25॥
விநஷ்டௌ ப்⁴ராதரௌ ஶ்ருத்வா
	ப⁴ரதோऽபி மரிஷ்யதி ।
ப⁴ரதம் ச ம்ருதம் த்³ருஷ்ட்வா
	ஶத்ருக்⁴னோ ந ப⁴விஷ்யதி ॥26॥
புத்ரான் ம்ருதான் ஸமீக்ஷ்யாத²
	ந ப⁴விஷ்யந்தி மாதர꞉।
கௌஸல்யா ச ஸுமித்ரா ச
	கைகேயீ ச ந ஸம்ஶய꞉॥27॥
க்ருதஜ்ஞ꞉ ஸத்யஸந்த⁴ஶ்ச
	ஸுக்³ரீவ꞉ ப்லவகா³தி⁴ப꞉।
ராமம் ததா²க³தம் த்³ருஷ்ட்வா
	ததஸ்த்யக்ஷ்யதி ஜீவிதம் ॥28॥
து³ர்மனா வ்யதி²தா தீ³னா
	நிரானந்தா³ தபஸ்வினீ ।
பீடி³தா ப⁴ர்த்ருஶோகேன
	ருமா த்யக்ஷ்யதி ஜீவிதம் ॥29॥
வாலிஜேன து து³꞉கே²ன
	பீடி³தா ஶோககர்ஶிதா ।
பஞ்சத்வமாக³தா ராஜ்ஞீ
	தாராபி ந ப⁴விஷ்யதி ॥30॥
மாதாபித்ரோர்விநாஶேன
	ஸுக்³ரீவ வ்யஸனேன ச ।
குமாரோऽப்யங்க³த³꞉ தஸ்மாத்³
	விஜஹிஷ்யதி ஜீவிதம் ॥31॥
ப⁴ர்த்ருஜேன து து³꞉கே²ன
	அபி⁴பூ⁴தா வனௌகஸ꞉।
ஶிராம்ஸ்யபி⁴ஹநிஷ்யந்தி
	தலைர்முஷ்டிபி⁴ரேவ ச ॥32॥
ஸாந்த்வேனானுப்ரதா³னேன
	மானேன ச யஶஸ்வினா ।
லாலிதா꞉ கபிநாதே²ன
	ப்ராணாம்ஸ்த்யக்ஷ்யந்தி வானரா꞉॥33॥
ந வனேஷு ந ஶைலேஷு
	ந நிரோதே⁴ஷு வா புன꞉।
க்ரீடா³மனுப⁴விஷ்யந்தி
	ஸமேத்ய கபிகுஞ்ஜரா꞉॥34॥
ஸபுத்ரதா³ரா꞉ ஸாமாத்யா
	ப⁴ர்த்ருவ்யஸனபீடி³தா꞉।
ஶைலாக்³ரேப்⁴ய꞉ பதிஷ்யந்தி
	ஸமேஷு விஷமேஷு ச ॥35॥
விஷமுத்³ப³ந்த⁴னம் வாபி
	ப்ரவேஶம் ஜ்வலனஸ்ய வா ।
உபவாஸமதோ² ஶஸ்த்ரம்
	ப்ரசரிஷ்யந்தி வானரா꞉॥36॥
கோ⁴ரமாரோத³னம் மன்யே
	க³தே மயி ப⁴விஷ்யதி ।
இக்ஷ்வாகுகுலநாஶஶ்ச
	நாஶஶ்சைவ வனௌகஸாம் ॥37॥
ஸோऽஹம் நைவ க³மிஷ்யாமி
	கிஷ்கிந்தா⁴ம் நக³ரீமித꞉।
ந ஹி ஶக்ஷ்யாம்யஹம் த்³ரஷ்டும்
	ஸுக்³ரீவம் மைதி²லீம் வினா ॥38॥
மய்யக³ச்ச²தி சேஹஸ்தே²
	த⁴ர்மாத்மானௌ மஹாரதௌ² ।
ஆஶயா தௌ த⁴ரிஷ்யேதே
	வானராஶ்ச தரஸ்வின꞉॥39॥
ஹஸ்தாதா³னோ முகா²தா³னோ
	நியதோ வ்ருக்ஷமூலிக꞉।
வானப்ரஸ்தோ² ப⁴விஷ்யாமி
	ஹ்யத்³ருஷ்ட்வா ஜனகாத்மஜாம் ॥40॥
ஸாக³ரானூபஜே தே³ஶே
	ப³ஹுமூலப²லோத³கே ।
சிதிம் க்ருத்வா ப்ரவேக்ஷ்யாமி
	ஸமித்³த⁴மரணீஸுதம் ॥41॥
உபவிஷ்டஸ்ய வா ஸம்யக்³
	லிங்கி³னம் ஸாத⁴யிஷ்யத꞉।
ஶரீரம் ப⁴க்ஷயிஷ்யந்தி
	வாயஸா꞉ ஶ்வாபதா³னி ச ॥42॥
இத³மப்ய்ருஷிபி⁴ர்த்³ருஷ்டம்
	நிர்யாணமிதி மே மதி꞉।
ஸம்யகா³ப꞉ ப்ரவேக்ஷ்யாமி
	ந சேத்பஶ்யாமி ஜானகீம் ॥43॥
ஸுஜாதமூலா ஸுப⁴கா³
	கீர்திமாலா யஶஸ்வினீ ।
ப்ரப⁴க்³னா சிரராத்ராய
	மம ஸீதாமபஶ்யத꞉॥44॥
தாபஸோ வா ப⁴விஷ்யாமி
	நியதோ வ்ருக்ஷமூலிக꞉।
நேத꞉ ப்ரதிக³மிஷ்யாமி
	தாமத்³ருஷ்ட்வாஸிதேக்ஷணாம் ॥45॥
யதி³ து ப்ரதிக³ச்சா²மி
	ஸீதாமனதி⁴க³ம்ய தாம் ।
அங்க³த³꞉ ஸஹித꞉ ஸர்வை꞉
	வானரைர்ன ப⁴விஷ்யதி ॥46॥
விநாஶே ப³ஹவோ தோ³ஷா
	ஜீவன்ப்ராப்னோதி ப⁴த்³ரகம் ।
தஸ்மாத்ப்ராணாந்த⁴ரிஷ்யாமி
	த்⁴ருவோ ஜீவதி ஸங்க³ம꞉॥47॥
ஏவம் ப³ஹுவித⁴ம் து³꞉க²ம்
	மனஸா தா⁴ரயன் ப³ஹு ।
நாத்⁴யக³ச்ச²த்ததா³ பாரம்
	ஶோகஸ்ய கபிகுஞ்ஜர꞉॥48॥
ததோ விக்ரமமாஸாத்³ய
	தை⁴ர்யவான் கபிகுஞ்ஜர꞉।
ராவணம் வா வதி⁴ஷ்யாமி
	த³ஶக்³ரீவம் மஹாப³லம் ।
காமமஸ்து ஹ்ருதா ஸீதா
	ப்ரத்யாசீர்ணம் ப⁴விஷ்யதி ॥49॥
அத²வைனம் ஸமுத்க்ஷிப்ய
	உபர்யுபரி ஸாக³ரம் ।
ராமாயோபஹரிஷ்யாமி
	பஶும் பஶுபதேரிவ ॥50॥
இதி சிந்தா ஸமாபன்ன꞉
	ஸீதாமனதி⁴க³ம்ய தாம் ।
த்⁴யானஶோகபரீதாத்மா
	சிந்தயாமாஸ வானர꞉॥51॥
யாவத்ஸீதாம் ந பஶ்யாமி
	ராமபத்னீம் யஶஸ்வினீம் ।
தாவதே³தாம் புரீம் லங்காம்
	விசினோமி புன꞉ புன꞉॥52॥
ஸம்பாதி வசனாச்சாபி
	ராமம் யத்³யானயாம்யஹம் ।
அபஶ்யன்ராக⁴வோ பா⁴ர்யாம்
	நிர்த³ஹேத்ஸர்வவானரான் ॥53॥
இஹைவ நியதாஹாரோ
	வத்ஸ்யாமி நியதேந்த்³ரிய꞉।
ந மத்க்ருதே வினஶ்யேயு꞉
	ஸர்வே தே நரவானரா꞉॥54॥
அஶோகவனிகா சாபி
	மஹதீயம் மஹாத்³ருமா ।
இமாமதி⁴க³மிஷ்யாமி
	நஹீயம் விசிதா மயா ॥55॥
வஸூன் ருத்³ராம்ஸ்ததா²ऽऽதி³த்யான்
	அஶ்வினௌ மருதோऽபி ச ।
நமஸ்க்ருத்வா க³மிஷ்யாமி
	ரக்ஷஸாம் ஶோகவர்த⁴ன꞉॥56॥
ஜித்வா து ராக்ஷஸாந்தே³வீம்
	இக்ஷ்வாகுகுலனந்தி³னீம் ।
ஸம்ப்ரதா³ஸ்யாமி ராமாய
	ஸித்³தீ⁴மிவ தபஸ்வினே ॥57॥
ஸ முஹூர்தமிவ த்⁴யாத்வா
	சிந்தாவிக்³ரதி²தேந்த்³ரிய꞉।
உத³திஷ்ட²ன்மஹாபா³ஹு꞉
	ஹனூமான்மாருதாத்மஜ꞉॥58॥
நமோऽஸ்து ராமாய ஸலக்ஷ்மணாய
	தே³வ்யை ச தஸ்யை ஜனகாத்மஜாயை ।
நமோऽஸ்து ருத்³ரேந்த்³ரயமானிலேப்⁴யோ
	நமோऽஸ்து சந்த்³ரார்கமருத்³க³ணேப்⁴ய꞉॥59॥
ஸ தேப்⁴யஸ்து நமஸ்க்ருத்வா
	ஸுக்³ரீவாய ச மாருதி꞉।
தி³ஶ꞉ ஸர்வா꞉ ஸமாலோக்ய
	ஸோऽஶோகவநிகாம் ப்ரதி ॥60॥
ஸ க³த்வா மனஸா பூர்வம்
	அஶோகவநிகாம் ஶுபா⁴ம் ।
உத்தரம் சிந்தயாமாஸ
	வானரோ மாருதாத்மஜ꞉॥61॥
த்⁴ருவம் து ரக்ஷோப³ஹுலா
	ப⁴விஷ்யதி வனாகுலா ।
அஶோகவனிகா புண்யா
	ஸர்வஸம்ஸ்காரஸம்ஸ்க்ருதா ॥62॥
ரக்ஷிணஶ்சாத்ர விஹிதா
	நூனம் ரக்ஷந்தி பாத³பான் ।
ப⁴க³வானபி விஶ்வாத்மா
	நாதிக்ஷோப⁴ம் ப்ரவாயதி ॥63॥
ஸங்க்ஷிப்தோऽயம் மயாऽऽத்மா ச
	ராமார்தே² ராவணஸ்ய ச ।
ஸித்³தி⁴ம் தி³ஶந்து மே ஸர்வே
	தே³வா꞉ ஸர்ஷிக³ணாஸ்த்விஹ ॥64॥
ப்³ரஹ்மா ஸ்வயம்பூ⁴ர்ப⁴க³வான்
	தே³வாஶ்சைவ தபஸ்வின꞉।
ஸித்³தி⁴மக்³நிஶ்ச வாயுஶ்ச
	புருஹூதஶ்ச வஜ்ரப்⁴ருத் ॥65॥
வருண꞉ பாஶஹஸ்தஶ்ச
	ஸோமாதி³த்யௌ ததை²வ ச ।
அஶ்வினௌ ச மஹாத்மானௌ
	மருத꞉ ஸர்வ ஏவ ச ॥66॥
ஸித்³தி⁴ம் ஸர்வாணி பூ⁴தானி
	பூ⁴தானாம் சைவ ய꞉ ப்ரபு⁴꞉।
தா³ஸ்யந்தி மம யே சான்யேऽபி
	அத்³ருஷ்டா꞉ பதி² கோ³சரா꞉॥67॥
தது³ன்னஸம் பாண்டு³ரத³ந்தமவ்ரணம்
	ஶுசிஸ்மிதம் பத்³மபலாஶலோசனம் ।
த்³ரக்ஷ்யே ததா³ர்யாவத³னம் கதா³ன்வஹம்
	ப்ரஸன்னதாராதி⁴பதுல்யவர்சஸம் ॥68॥
க்ஷுத்³ரேண ஹீனேன ந்ருஶம்ஸமூர்தினா
	ஸுதா³ருணாலங்க்ருதவேஷதா⁴ரிணா ।
ப³லாபி⁴பூ⁴தா ஹ்யப³லா தபஸ்வினீ
	கத²ம் நு மே த்³ருஷ்டிபதே²ऽத்³ய ஸா ப⁴வேத் ॥69॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ த்ரயோத³ஶ꞉ ஸர்க³꞉