அத² ஸப்தத³ஶ꞉ ஸர்க³꞉
தத꞉ குமுத³ஷண்டா³போ⁴
	நிர்மலம் நிர்மலோத³ய꞉।
ப்ரஜகா³ம நப⁴ஶ்சந்த்³ரோ
	ஹம்ஸோ நீலமிவோத³கம் ॥1॥
ஸாசிவ்யமிவ குர்வன்ஸ
	ப்ரப⁴யா நிர்மலப்ரப⁴꞉।
சந்த்³ரமா ரஶ்மிபி⁴꞉ ஶீதை꞉
	ஸிஷேவே பவனாத்மஜம் ॥2॥
ஸ த³த³ர்ஶ தத꞉ ஸீதாம்
	பூர்ணசந்த்³ரனிபா⁴னனாம் ।
ஶோகபா⁴ரைரிவ ந்யஸ்தாம்
	பா⁴ரைர்னாவமிவாம்ப⁴ஸி ॥3॥
தி³த்³ருக்ஷமாணோ வைதே³ஹீம்
	ஹனூமான்மாருதாத்மஜ꞉।
ஸ த³த³ர்ஶாவிதூ³ரஸ்தா²
	ராக்ஷஸீர்கோ⁴ரத³ர்ஶனா꞉॥4॥
ஏகாக்ஷீமேககர்ணாம் ச
	கர்ணப்ராவரணாம் ததா² ।
அகர்ணாம் ஶங்குகர்ணாம் ச
	மஸ்தகோச்ச்²வாஸநாஸிகாம் ॥5॥
அதிகாயோத்தமாங்கீ³ம் ச
	தனுதீ³ர்க⁴ஶிரோத⁴ராம் ।
த்⁴வஸ்தகேஶீம் ததா²கேஶீம்
	கேஶகம்ப³லதா⁴ரிணீம் ॥6॥
லம்ப³கர்ணலலாடாம் ச
	லம்போ³த³ரபயோத⁴ராம் ।
லம்போ³ஷ்டீ²ம் சிபு³கோஷ்டீ²ம் ச
	லம்பா³ஸ்யாம் லம்ப³ஜானுகாம் ॥7॥
ஹ்ரஸ்வாம் தீ³ர்கா⁴ம் ச குப்³ஜாம் ச
	விகடாம் வாமனாம் ததா² ।
கராலாம் பு⁴க்³னவக்த்ராம் ச
	பிங்கா³க்ஷீம் விக்ருதானனாம் ॥8॥
விக்ருதா꞉ பிங்க³லா꞉ காலீ꞉
	க்ரோத⁴னா꞉ கலஹப்ரியா꞉।
காலாயஸமஹாஶூல-
	கூடமுத்³க³ரதா⁴ரிணீ꞉॥9॥
வராஹம்ருக³ஶார்தூ³ல-
	மஹிஷாஜஶிவா முகா²꞉।
க³ஜோஷ்ட்ரஹயபாதா³ஶ்ச
	நிகா²தஶிரஸோऽபரா꞉॥10॥
ஏகஹஸ்தைகபாதா³ஶ்ச
	க²ரகர்ண்யஶ்வகர்ணிகா꞉।
கோ³கர்ணீர்ஹஸ்திகர்ணீஶ்ச
	ஹரிகர்ணீஸ்ததா²பரா꞉॥11॥
அதினாஸாஶ்ச காஶ்சிச்ச
	திர்யங்னாஸா அநாஸிகா꞉।
க³ஜஸன்னிப⁴னாஸாஶ்ச
	லலாடோச்ச்²வாஸநாஸிகா꞉॥12॥
ஹஸ்திபாதா³ மஹாபாதா³
	கோ³பாதா³꞉ பாத³சூலிகா꞉।
அதிமாத்ரஶிரோக்³ரீவா
	அதிமாத்ரகுசோத³ரீ꞉॥13॥
அதிமாத்ராஸ்ய நேத்ராஶ்ச
	தீ³ர்க⁴ஜிஹ்வானனாஸ்ததா² ।
அஜாமுகீ²ர்ஹஸ்திமுகீ²꞉
	கோ³முகீ²꞉ ஸூகரீமுகீ²꞉॥14॥
ஹயோஷ்ட்ரக²ரவக்த்ராஶ்ச
	ராக்ஷஸீர்கோ⁴ரத³ர்ஶனா꞉।
ஶூலமுத்³க³ரஹஸ்தாஶ்ச
	க்ரோத⁴னா꞉ கலஹப்ரியா꞉॥15॥
கராலா தூ⁴ம்ரகேஶின்யோ
	ராக்ஷஸீர்விக்ருதானனா꞉।
பிப³ந்தீ ஸததம் பானம்
	ஸுராமாம்ஸஸதா³ப்ரியா꞉॥16॥
மாம்ஸஶோணிததி³க்³தா⁴ங்கீ³꞉
	மாம்ஸஶோணிதபோ⁴ஜனா꞉।
தா த³த³ர்ஶ கபிஶ்ரேஷ்டோ²
	ரோமஹர்ஷணத³ர்ஶனா꞉॥17॥
ஸ்கந்த⁴வந்தமுபாஸீனா꞉
	பரிவார்ய வனஸ்பதிம் ।
தஸ்யாத⁴ஸ்தாச்ச தாம் தே³வீம்
	ராஜபுத்ரீமனிந்தி³தாம் ॥18॥
லக்ஷயாமாஸ லக்ஷ்மீவான்
	ஹனூமாஞ்ஜனகாத்மஜாம் ।
நிஷ்ப்ரபா⁴ம் ஶோகஸந்தப்தாம்
	மலஸங்குலமூர்த⁴ஜாம் ॥19॥
க்ஷீணபுண்யாம் ச்யுதாம் பூ⁴மௌ
	தாராம் நிபதிதாமிவ ।
சாரித்ர்ய வ்யபதே³ஶாட்⁴யாம்
	ப⁴ர்த்ருத³ர்ஶனது³ர்க³தாம் ॥20॥
பூ⁴ஷணைருத்தமைர்ஹீனாம்
	ப⁴ர்த்ருவாத்ஸல்யபூ⁴ஷிதாம் ।
ராக்ஷஸாதி⁴பஸம்ருத்³தா⁴ம்
	ப³ந்து⁴பி⁴ஶ்ச வினாக்ருதாம் ॥21॥
வியூதா²ம் ஸிம்ஹஸம்ருத்³தா⁴ம்
	ப³த்³தா⁴ம் க³ஜவதூ⁴மிவ ।
சந்த்³ரரேகா²ம் பயோதா³ந்தே
	ஶாரதா³ப்⁴ரைரிவாவ்ருதாம் ॥22॥
க்லிஷ்டரூபாமஸம்ஸ்பர்ஶாத்
	அயுக்தாமிவ வல்லகீம் ।
ஸ தாம் ப⁴ர்த்ருஹிதே யுக்தாம்
	அயுக்தாம் ரக்ஷஸாம் வஶே ॥23॥
அஶோகவநிகாமத்⁴யே
	ஶோகஸாக³ரமாப்லுதாம் ।
தாபி⁴꞉ பரிவ்ருதாம் தத்ர
	ஸக்³ரஹாமிவ ரோஹிணீம் ॥24॥
த³த³ர்ஶ ஹனுமாம்ஸ்தத்ர
	லதாமகுஸுமாமிவ ।
ஸா மலேன ச தி³க்³தா⁴ங்கீ³
	வபுஷா சாப்யலங்க்ருதா ।
ம்ருணாலீ பங்கதி³க்³தே⁴வ
	விபா⁴தி ச ந பா⁴தி ச ॥25॥
மலினேன து வஸ்த்ரேண
	பரிக்லிஷ்டேன பா⁴மினீம் ।
ஸம்வ்ருதாம் ம்ருக³ஶாவாக்ஷீம்
	த³த³ர்ஶ ஹனுமான்கபி꞉॥26॥
தாம் தே³வீம் தீ³னவத³னாம்
	அதீ³னாம் ப⁴ர்த்ருதேஜஸா ।
ரக்ஷிதாம் ஸ்வேன ஶீலேன
	ஸீதாமஸிதலோசனாம் ॥27॥
தாம் த்³ருஷ்ட்வா ஹனுமான்ஸீதாம்
	ம்ருக³ஶாவனிபே⁴க்ஷணாம் ।
ம்ருக³கன்யாமிவ த்ரஸ்தாம்
	வீக்ஷமாணாம் ஸமந்தத꞉॥28॥
த³ஹந்தீமிவ நி꞉ஶ்வாஸை꞉
	வ்ருக்ஷான்பல்லவதா⁴ரிண꞉।
ஸங்கா⁴தமிவ ஶோகானாம்
	து³꞉க²ஸ்யோர்மிமிவோத்தி²தாம் ॥29॥
தாம் க்ஷமாம் ஸுவிப⁴க்தாங்கீ³ம்
	விநாப⁴ரணஶோபி⁴னீம் ।
ப்ரஹர்ஷமதுலம் லேபே⁴
	மாருதி꞉ ப்ரேக்ஷ்ய மைதி²லீம் ॥30॥
ஹர்ஷஜானி ச ஸோऽஶ்ரூணி
	தாம் த்³ருஷ்ட்வா மதி³ரேக்ஷணாம் ।
முமோச ஹனுமாம்ஸ்தத்ர
	நமஶ்சக்ரே ச ராக⁴வம் ॥31॥
நமஸ்க்ருத்வாத² ராமாய
	லக்ஷ்மணாய ச வீர்யவான் ।
ஸீதாத³ர்ஶனஸம்ஹ்ருஷ்டோ
	ஹனுமான் ஸம்வ்ருதோऽப⁴வத் ॥32॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ ஸப்தத³ஶ꞉ ஸர்க³꞉