அத² ஏகோனவிம்ஶ꞉ ஸர்க³꞉
தஸ்மின்னேவ தத꞉ காலே
	ராஜபுத்ரீ த்வனிந்தி³தா ।
ரூபயௌவனஸம்பன்னம்
	பூ⁴ஷணோத்தமபூ⁴ஷிதம் ॥1॥
ததோ த்³ருஷ்ட்வைவ வைதே³ஹீ
	ராவணம் ராக்ஷஸாதி⁴பம் ।
ப்ராவேபத வராரோஹா
	ப்ரவாதே கத³லீ யதா² ॥2॥
ஊருப்⁴யாமுத³ரம் சா²த்³ய
	பா³ஹுப்⁴யாம் ச பயோத⁴ரௌ ।
உபவிஷ்டா விஶாலாக்ஷீ
	ருத³தீ வரவர்ணினீ ॥3॥
த³ஶக்³ரீவஸ்து வைதே³ஹீம்
	ரக்ஷிதாம் ராக்ஷஸீக³ணை꞉।
த³த³ர்ஶ தீ³னாம் து³꞉கா²ர்தாம்
	நாவம் ஸந்நாமிவார்ணவே ॥4॥
அஸம்வ்ருதாயாமாஸீனாம்
	த⁴ரண்யாம் ஸம்ஶிதவ்ரதாம் ।
சி²ன்னாம் ப்ரபதிதாம் பூ⁴மௌ
	ஶாகா²மிவ வனஸ்பதே꞉॥5॥
மலமண்ட³னதி³க்³தா⁴ங்கீ³ம்
	மண்ட³னார்ஹாமமண்ட³னாம் ।
ம்ருணாலீ பங்கதி³க்³தே⁴வ
	விபா⁴தி ந விபா⁴தி ச ॥6॥
ஸமீபம் ராஜஸிம்ஹஸ்ய
	ராமஸ்ய விதி³தாத்மன꞉।
ஸங்கல்பஹயஸம்யுக்தை꞉
	யாந்தீமிவ மனோரதை²꞉॥7॥
ஶுஷ்யந்தீம் ருத³தீமேகாம்
	த்⁴யானஶோகபராயணாம் ।
து³꞉க²ஸ்யாந்தமபஶ்யந்தீம்
	ராமாம் ராமமனுவ்ரதாம் ॥8॥
சேஷ்டமாநாமதா²விஷ்டாம்
	பன்னகே³ந்த்³ரவதூ⁴மிவ ।
தூ⁴ப்யமானாம் க்³ரஹேணேவ
	ரோஹிணீம் தூ⁴மகேதுனா ॥9॥
வ்ருத்தஶீலே குலே ஜாதாம்
	ஆசாரவதி தா⁴ர்மிகே ।
புன꞉ ஸம்ஸ்காரமாபன்னாம்
	ஜாதமிவ ச து³ஷ்குலே ॥10॥
ஸந்நாமிவ மஹாகீர்திம்
	ஶ்ரத்³தா⁴மிவ விமானிதாம் ।
ப்ரஜ்ஞாமிவ பரிக்ஷீணாம்
	ஆஶாம் ப்ரதிஹதாமிவ ॥11॥
ஆயதீமிவ வித்⁴வஸ்தாம்
	ஆஜ்ஞாம் ப்ரதிஹதாமிவ ।
தீ³ப்தாமிவ தி³ஶம் காலே
	பூஜாமபஹதாமிவ ॥12॥
பௌர்ணமாஸீமிவ நிஶாம்
	தமோக்³ரஸ்தேந்து³மண்ட³லாம் ।
பத்³மினீமிவ வித்⁴வஸ்தாம்
	ஹதஶூராம் சமூமிவ ॥13॥
ப்ரபா⁴மிவ தமோத்⁴வஸ்தாம்
	உபக்ஷீணாமிவாபகா³ம் ।
வேதீ³மிவ பராம்ருஷ்டாம்
	ஶாந்தாமக்³நிஶிகா²மிவ ॥14॥
உத்க்ருஷ்டபர்ணகமலாம்
	வித்ராஸிதவிஹங்க³மாம் ।
ஹஸ்திஹஸ்தபராம்ருஷ்டாம்
	ஆகுலாமிவ பத்³மினீம் ॥15॥
பதிஶோகாதுராம் ஶுஷ்காம்
	நதீ³ம் விஸ்ராவிதாமிவ ।
பரயா ம்ருஜயா ஹீனாம்
	க்ருஷ்ணபக்ஷே நிஶாமிவ ॥16॥
ஸுகுமாரீம் ஸுஜாதாங்கீ³ம்
	ரத்நக³ர்ப⁴க்³ருஹோசிதாம் ।
தப்யமாநாமிவோஷ்ணேன
	ம்ருணாலீமசிரோத்³த்⁴ருதாம் ॥17॥
க்³ருஹீதாமாலிதாம் ஸ்தம்பே⁴
	யூத²பேன வினாக்ருதாம் ।
நி꞉ஶ்வஸந்தீம் ஸுது³꞉கா²ர்தாம்
	க³ஜராஜவதூ⁴மிவ ॥18॥
ஏகயா தீ³ர்க⁴யா வேண்யா
	ஶோப⁴மாநாமயத்னத꞉।
நீலயா நீரதா³பாயே
	வனராஜ்யா மஹீமிவ ॥19॥
உபவாஸேன ஶோகேன
	த்⁴யானேன ச ப⁴யேன ச ।
பரிக்ஷீணாம் க்ருஶாம் தீ³னாம்
	அல்பாஹாராம் தபோத⁴னாம் ॥20॥
ஆயாசமானாம் து³꞉கா²ர்தாம்
	ப்ராஞ்ஜலிம் தே³வதாமிவ ।
பா⁴வேன ரகு⁴முக்²யஸ்ய
	த³ஶக்³ரீவபராப⁴வம் ॥21॥
ஸமீக்ஷமாணாம் ருத³தீமனிந்தி³தாம்
	ஸுபக்ஷ்மதாம்ராயதஶுக்லலோசனாம் ।
அனுவ்ரதாம் ராமமதீவ மைதி²லீம்
	ப்ரலோப⁴யாமாஸ வதா⁴ய ராவண꞉॥22॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ ஏகோனவிம்ஶ꞉ ஸர்க³꞉