அத² விம்ஶ꞉ ஸர்க³꞉
ஸ தாம் பரிவ்ருதாம் தீ³னாம்
	நிரானந்தா³ம் தபஸ்வினீம் ।
ஸாகாரைர்மது⁴ரைர்வாக்யை꞉
	ந்யத³ர்ஶயத ராவண꞉॥1॥
மாம் த்³ருஷ்ட்வா நாக³னாஸோரு-
	கூ³ஹமானா ஸ்தனோத³ரம் ।
அத³ர்ஶனமிவாத்மானம்
	ப⁴யான்னேதும் த்வமிச்ச²ஸி ॥2॥
காமயே த்வாம் விஶாலாக்ஷி
	ப³ஹுமன்யஸ்வ மாம் ப்ரியே ।
ஸர்வாங்க³கு³ணஸம்பன்னே
	ஸர்வலோகமனோஹரே ॥3॥
நேஹ கேசின்மனுஷ்யா வா
	ராக்ஷஸா꞉ காமரூபிண꞉।
வ்யபஸர்பது தே ஸீதே
	ப⁴யம் மத்த꞉ ஸமுத்தி²தம் ॥4॥
ஸ்வத⁴ர்மோ ரக்ஷஸாம் பீ⁴ரு
	ஸர்வதை³வ ந ஸம்ஶய꞉।
க³மனம் வா பரஸ்த்ரீணாம்
	ஹரணம் ஸம்ப்ரமத்²ய வா ॥5॥
ஏவம் சைவமகாமாம் த்வாம்
	ந ச ஸ்ப்ரக்ஷ்யாமி மைதி²லி ।
காமம் காம꞉ ஶரீரே மே
	யதா²காமம் ப்ரவர்ததாம் ॥6॥
தே³வி நேஹ ப⁴யம் கார்யம்
	மயி விஶ்வஸிஹி ப்ரியே ।
ப்ரணயஸ்வ ச தத்த்வேன
	மைவம் பூ⁴꞉ ஶோகலாலஸா ॥7॥
ஏகவேணீ த⁴ராஶய்யா
	த்⁴யானம் மலினமம்ப³ரம் ।
அஸ்தா²னேऽப்யுபவாஸஶ்ச
	நைதான்யௌபயிகானி தே ॥8॥
விசித்ராணி ச மால்யானி
	சந்த³னான்யக³ரூணி ச ।
விவிதா⁴னி ச வாஸாம்ஸி
	தி³வ்யான்யாப⁴ரணானி ச ॥9॥
மஹார்ஹாணி ச பானானி
	ஶயனாந்யாஸனானி ச ।
கீ³தம் ந்ருத்யம் ச வாத்³யம் ச
	லப⁴ மாம் ப்ராப்ய மைதி²லி ॥10॥
ஸ்த்ரீரத்னமஸி மைவம் பூ⁴꞉
	குரு கா³த்ரேஷு பூ⁴ஷணம் ।
மாம் ப்ராப்ய ஹி கத²ம் வா ஸ்யா꞉
	த்வமனர்ஹா ஸுவிக்³ரஹே ॥11॥
இத³ம் தே சாரு ஸஞ்ஜாதம்
	யௌவனம் ஹ்யதிவர்ததே ।
யத³தீதம் புனர்னைதி
	ஸ்ரோத꞉ ஸ்ரோதஸ்விநாமிவ ॥12॥
த்வாம் க்ருத்வோபரதோ மன்யே
	ரூபகர்தா ஸ விஶ்வக்ருத் ।
நஹி ரூபோபமா ஹ்யன்யா
	தவாஸ்தி ஶுப⁴த³ர்ஶனே ॥13॥
த்வாம் ஸமாஸாத்³ய வைதே³ஹி
	ரூபயௌவனஶாலினீம் ।
க꞉ புனர்னாதிவர்தேத
	ஸாக்ஷாத³பி பிதாமஹ꞉॥14॥
யத்³யத்பஶ்யாமி தே கா³த்ரம்
	ஶீதாம்ஶுஸத்³ருஶானனே ।
தஸ்மிம்ஸ்தஸ்மின்ப்ருது²ஶ்ரோணி
	சக்ஷுர்மம நிப³த்⁴யதே ॥15॥
ப⁴வ மைதி²லி பா⁴ர்யா மே
	மோஹமேதம் விஸர்ஜய ।
ப³ஹ்வீநாமுத்தமஸ்த்ரீணாம்
	மமாக்³ரமஹிஷீ ப⁴வ ॥16॥
லோகேப்⁴யோ யானி ரத்னானி
	ஸம்ப்ரமத்²யாஹ்ருதானி மே ।
தானி தே பீ⁴ரு ஸர்வாணி
	ராஜ்யம் சைவ த³தா³மி தே ॥17॥
விஜித்ய ப்ருதி²வீம் ஸர்வாம்
	நாநாநக³ரமாலினீம்
ஜனகாய ப்ரதா³ஸ்யாமி
	தவ ஹேதோர்விலாஸினி ॥18॥
நேஹ பஶ்யாமி லோகேऽன்யம்
	யோ மே ப்ரதிப³லோ ப⁴வேத் ।
பஶ்ய மே ஸுமஹத்³வீர்யம்
	அப்ரதித்³வந்த்³வமாஹவே ॥19॥
அஸக்ருத்ஸம்யுகே³ ப⁴க்³னா
	மயா விம்ருதி³தத்⁴வஜா꞉।
அஶக்தா꞉ ப்ரத்யனீகேஷு
	ஸ்தா²தும் மம ஸுராஸுரா꞉॥20॥
இச்ச² மாம் க்ரியதாமத்³ய
	ப்ரதிகர்ம தவோத்தமம் ।
ஸுப்ரபா⁴ண்யவஸஜ்ஜந்தாம்
	தவாங்கே³ பூ⁴ஷணானி ஹி ॥21॥
ஸாது⁴ பஶ்யாமி தே ரூபம்
	ஸுயுக்தம் ப்ரதிகர்மணா ।
ப்ரதிகர்மாபி⁴ஸம்யுக்தா
	தா³க்ஷிண்யேன வரானனே ॥22॥
பு⁴ங்க்ஷ்வ போ⁴கா³ன்யதா²காமம்
	பிப³ பீ⁴ரு ரமஸ்வ ச ।
யதே²ஷ்டம் ச ப்ரயச்ச² த்வம்
	ப்ருதி²வீம் வா த⁴னானி ச ॥23॥
லலஸ்வ மயி விஸ்ரப்³தா⁴
	த்⁴ருஷ்டமாஜ்ஞாபயஸ்வ ச ।
மத்ப்ரஸாதா³ல்லலந்த்யாஶ்ச
	லலதாம் பா³ந்த⁴வஸ்தவ ॥24॥
ருத்³தி⁴ம் மமானுபஶ்ய த்வம்
	ஶ்ரியம் ப⁴த்³ரே யஶஸ்வினி ।
கிம் கரிஷ்யஸி ராமேண
	ஸுப⁴கே³ சீரவாஸினா ॥25॥
நிக்ஷிப்தவிஜயோ ராமோ
	க³தஸ்ரீர்வனகோ³சர꞉।
வ்ரதீ ஸ்த²ண்டி³லஶாயீ ச
	ஶங்கே ஜீவதி வா ந வா ॥26॥
ந ஹி வைதே³ஹி ராமஸ்த்வாம்
	த்³ரஷ்டும் வாப்யுபலப்⁴யதே ।
புரோ ப³லாகைரஸிதை꞉
	மேகை⁴ர்ஜ்யோத்ஸ்நாமிவாவ்ருதாம் ॥27॥
ந சாபி மம ஹஸ்தாத்த்வாம்
	ப்ராப்துமர்ஹதி ராக⁴வ꞉।
ஹிரண்யகஶிபு꞉ கீர்திம்
	இந்த்³ரஹஸ்தக³தாமிவ ॥28॥
சாருஸ்மிதே சாருத³தி
	சாருநேத்ரே விலாஸினி ।
மனோ ஹரஸி மே பீ⁴ரு
	ஸுபர்ண꞉ பன்னக³ம் யதா² ॥29॥
க்லிஷ்டகௌஶேயவஸனாம்
	தன்வீமப்யனலங்க்ருதாம் ।
த்வாம் த்³ருஷ்ட்வா ஸ்வேஷு தா³ரேஷு
	ரதிம் நோபலபா⁴ம்யஹம் ॥30॥
அந்த꞉புரநிவாஸின்ய꞉
	ஸ்த்ரிய꞉ ஸர்வகு³ணான்விதா꞉।
யாவத்யோ மம ஸர்வாஸாம்
	ஐஶ்வர்யம் குரு ஜானகி ॥31॥
மம ஹ்யஸிதகேஶாந்தே
	த்ரைலோக்யப்ரவரஸ்த்ரிய꞉।
தாஸ்த்வாம் பரிசரிஷ்யந்தி
	ஶ்ரியமப்ஸரஸோ யதா² ॥32॥
யானி வைஶ்ரவணே ஸுப்⁴ரு
	ரத்னானி ச த⁴னானி ச ।
தானி லோகாம்ஶ்ச ஸுஶ்ரோணி
	மயா பு⁴ங்க்ஷ்வ யதா²ஸுக²ம் ॥33॥
ந ராமஸ்தபஸா தே³வி
	ந ப³லேன ச விக்ரமை꞉।
ந த⁴னேன மயா துல்ய꞉
	தேஜஸா யஶஸாபி வா ॥34॥
பிப³ விஹர ரமஸ்வ பு⁴ங்க்ஷ்வ போ⁴கா³ன்
	த⁴னனிசயம் ப்ரதி³ஶாமி மேதி³னீம் ச ।
மயி லல லலனே யதா²ஸுக²ம் த்வம்
	த்வயி ச ஸமேத்ய லலந்து பா³ந்த⁴வாஸ்தே ॥35॥
குஸுமிததருஜாலஸந்ததானி
	ப்⁴ரமரயுதானி ஸமுத்³ரதீரஜானி ।
கனகவிமலஹாரபூ⁴ஷிதாங்கீ³
	விஹர மயா ஸஹ பீ⁴ரு கானனானி ॥36॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ விம்ஶ꞉ ஸர்க³꞉