அத² த்³வாவிம்ஶ꞉ ஸர்க³꞉
ஸீதாயா வசனம் ஶ்ருத்வா
	பருஷம் ராக்ஷஸேஶ்வர꞉।
ப்ரத்யுவாச தத꞉ ஸீதாம்
	விப்ரியம் ப்ரியத³ர்ஶநாம் ॥1॥
யதா² யதா² ஸாந்த்வயிதா
	வஶ்ய꞉ ஸ்த்ரீணாம் ததா² ததா² ।
யதா² யதா² ப்ரியம் வக்தா
	பரிபூ⁴தஸ்ததா² ததா² ॥2॥
ஸம்நியச்ச²தி மே க்ரோத⁴ம்
	த்வயி காம꞉ ஸமுத்தி²த꞉।
த்³ரவதோ மார்க³மாஸாத்³ய
	ஹயானிவ ஸுஸாரதி²꞉॥3॥
வாம꞉ காமோ மனுஷ்யாணாம்
	யஸ்மின்கில நிப³த்⁴யதே ।
ஜனே தஸ்மிம்ஸ்த்வனுக்ரோஶ꞉
	ஸ்னேஹஶ்ச கில ஜாயதே ॥4॥
ஏதஸ்மாத்காரணான்ன த்வாம்
	கா⁴தயாமி வரானனே ।
வதா⁴ர்ஹாமவமானார்ஹாம்
	மித்²யா ப்ரவ்ரஜனே ரதாம் ॥5॥
பருஷாணி ஹி வாக்யானி
	யானி யானி ப்³ரவீஷி மாம் ।
தேஷு தேஷு வதோ⁴ யுக்த꞉
	தவ மைதி²லி தா³ருண꞉॥6॥
ஏவமுக்த்வா து வைதே³ஹீம்
	ராவணோ ராக்ஷஸாதி⁴ப꞉।
க்ரோத⁴ஸம்ரம்ப⁴ஸம்யுக்த꞉
	ஸீதாமுத்தரமப்³ரவீத் ॥7॥
த்³வௌ மாஸௌ ரக்ஷிதவ்யௌ மே
	யோऽவதி⁴ஸ்தே மயா க்ருத꞉।
தத꞉ ஶயனமாரோஹ
	மம த்வம் வரவர்ணினி ॥8॥
த்³வாப்⁴யாமூர்த்⁴வம் து மாஸாப்⁴யாம்
	ப⁴ர்தாரம் மாமனிச்ச²தீம் ।
மம த்வாம் ப்ராதராஶார்தே²
	ஸூதா³ஶ்சே²த்ஸ்யந்தி க²ண்ட³ஶ꞉॥9॥
தாம் ப⁴ர்த்ஸ்யமானாம் ஸம்ப்ரேக்ஷ்ய
	ராக்ஷஸேந்த்³ரேண ஜானகீம் ।
தே³வக³ந்த⁴ர்வகந்யாஸ்தா
	விஷேது³ர்விக்ருதேக்ஷணா꞉॥10॥
ஓஷ்ட²ப்ரகாரைரபரா
	நேத்ரைர்வக்த்ரைஸ்ததா²பரா꞉।
ஸீதாமாஶ்வாஸயாமாஸு꞉
	தர்ஜிதாம் தேன ரக்ஷஸா ॥11॥
தாபி⁴ராஶ்வாஸிதா ஸீதா
	ராவணம் ராக்ஷஸாதி⁴பம் ।
உவாசாத்மஹிதம் வாக்யம்
	வ்ருத்தஶௌடீர்யக³ர்விதம் ॥12॥
நூனம் ந தே ஜன꞉ கஶ்சித்
	அஸ்மிந்நி꞉ஶ்ரேயஸி ஸ்தி²த꞉।
நிவாரயதி யோ ந த்வாம்
	கர்மணோऽஸ்மாத்³விக³ர்ஹிதாத் ॥13॥
மாம் ஹி த⁴ர்மாத்மன꞉ பத்னீம்
	ஶசீமிவ ஶசீபதே꞉।
த்வத³ன்யஸ்த்ரிஷு லோகேஷு
	ப்ரார்த²யேன்மனஸாபி க꞉॥14॥
ராக்ஷஸாத⁴ம ராமஸ்ய
	பா⁴ர்யாமமிததேஜஸ꞉।
உக்தவானஸி யத்பாபம்
	க்வ க³தஸ்தஸ்ய மோக்ஷ்யஸே ॥15॥
யதா² த்³ருப்தஶ்ச மாதங்க³꞉
	ஶஶஶ்ச ஸஹிதௌ வனே ।
ததா² த்³விரத³வத்³ராம꞉
	த்வம் நீச ஶஶவத்ஸ்ம்ருத꞉॥16॥
ஸ த்வமிக்ஷ்வாகுநாத²ம் வை
	க்ஷிபன்னிஹ ந லஜ்ஜஸே ।
சக்ஷுஷோ விஷயே தஸ்ய
	ந யாவது³பக³ச்ச²ஸி ॥17॥
இமே தே நயனே க்ரூரே
	விக்ருதே க்ருஷ்ணபிங்க³லே ।
க்ஷிதௌ ந பதிதே கஸ்மாத்
	மாமனார்ய நிரீக்ஷத꞉॥18॥
தஸ்ய த⁴ர்மாத்மன꞉ பத்னீ
	ஸ்னுஷா த³ஶரத²ஸ்ய ச ।
கத²ம் வ்யாஹரதோ மாம் தே
	ந ஜிஹ்வா பாப ஶீர்யதி ॥19॥
அஸந்தே³ஶாத்து ராமஸ்ய
	தபஸஶ்சானுபாலனாத் ।
ந த்வாம் குர்மி த³ஶக்³ரீவ
	ப⁴ஸ்ம ப⁴ஸ்மார்ஹதேஜஸா ॥20॥
நாபஹர்துமஹம் ஶக்யா
	தஸ்ய ராமஸ்ய தீ⁴மத꞉।
விதி⁴ஸ்தவ வதா⁴ர்தா²ய
	விஹிதோ நாத்ர ஸம்ஶய꞉॥21॥
ஶூரேண த⁴னத³ப்⁴ராதா
	ப³லை꞉ ஸமுதி³தேன ச ।
அபோஹ்ய ராமம் கஸ்மாஞ்சித்³
	தா³ரசௌர்யம் த்வயா க்ருதம் ॥22॥
ஸீதாயா வசனம் ஶ்ருத்வா
	ராவணோ ராக்ஷஸாதி⁴ப꞉।
விவ்ருத்ய நயனே க்ரூரே
	ஜானகீமன்வவைக்ஷத ॥23॥
நீலஜீமூதஸங்காஶோ
	மஹாபு⁴ஜஶிரோத⁴ர꞉।
ஸிம்ஹஸத்த்வக³தி꞉ ஸ்ரீமான்
	தீ³ப்தஜிஹ்வோக்³ரலோசன꞉॥24॥
சலாக்³ரமுகுடப்ராம்ஶு꞉
	சித்ரமால்யானுலேபன꞉।
ரக்தமால்யாம்ப³ரத⁴ர꞉
	தப்தாங்க³த³விபூ⁴ஷண꞉॥25॥
ஶ்ரோணீஸூத்ரேண மஹதா
	மேசகேன ஸுஸம்வ்ருத꞉।
அம்ருதோத்பாத³னே நத்³தோ⁴
	பு⁴ஜங்கே³னேவ மந்த³ர꞉॥26॥
தாப்⁴யாம் ஸ பரிபூர்ணாப்⁴யாம்
	பு⁴ஜாப்⁴யாம் ராக்ஷஸேஶ்வர꞉।
ஶுஶுபே⁴ऽசலஸங்காஶ꞉
	ஶ்ருங்கா³ப்⁴யாமிவ மந்த³ர꞉॥27॥
தருணாதி³த்யவர்ணாப்⁴யாம்
	குண்ட³லாப்⁴யாம் விபூ⁴ஷித꞉।
ரக்தபல்லவபுஷ்பாப்⁴யாம்
	அஶோகாப்⁴யாமிவாசல꞉॥28॥
ஸ கல்பவ்ருக்ஷப்ரதிமோ
	வஸந்த இவ மூர்திமான் ।
ஶ்மஶானசைத்யப்ரதிமோ
	பூ⁴ஷிதோऽபி ப⁴யங்கர꞉॥29॥
அவேக்ஷமாணோ வைதே³ஹீம்
	கோபஸம்ரக்தலோசன꞉।
உவாச ராவண꞉ ஸீதாம்
	பு⁴ஜங்க³ இவ நி꞉ஶ்வஸன் ॥30॥
அனயேநாபி⁴ஸம்பன்னம்
	அர்த²ஹீனமனுவ்ரதே ।
நாஶயாம்யஹமத்³ய த்வாம்
	ஸூர்ய꞉ ஸந்த்⁴யாமிவௌஜஸா ॥31॥
இத்யுக்த்வா மைதி²லீம் ராஜா
	ராவண꞉ ஶத்ருராவண꞉।
ஸந்த³த³ர்ஶ தத꞉ ஸர்வா
	ராக்ஷஸீர்கோ⁴ரத³ர்ஶனா꞉॥32॥
ஏகாக்ஷீமேககர்ணாம் ச
	கர்ணப்ராவரணாம் ததா² ।
கோ³கர்ணீம் ஹஸ்திகர்ணீம் ச
	லம்ப³கர்ணீமகர்ணிகாம் ॥33॥
ஹஸ்திபத்³யஶ்வபத்³யௌ ச
	கோ³பதீ³ம் பாத³சூலிகாம் ।
ஏகாக்ஷீமேகபாதீ³ம் ச
	ப்ருது²பாதீ³மபாதி³காம் ॥34॥
அதிமாத்ரஶிரோக்³ரீவாம்
	அதிமாத்ரகுசோத³ரீம் ।
அதிமாத்ராஸ்யநேத்ராம் ச
	தீ³ர்க⁴ஜிஹ்வாநகா²மபி ॥35॥
அநாஸிகாம் ஸிம்ஹமுகீ²ம்
	கோ³முகீ²ம் ஸூகரீமுகீ²ம் ।
யதா² மத்³வஶகா³ ஸீதா
	க்ஷிப்ரம் ப⁴வதி ஜானகீ ॥36॥
ததா² குருத ராக்ஷஸ்ய꞉
	ஸர்வா꞉ க்ஷிப்ரம் ஸமேத்ய வா ।
ப்ரதிலோமானுலோமைஶ்ச
	ஸாமதா³நாதி³பே⁴த³னை꞉॥37॥
ஆவர்ஜயத வைதே³ஹீம்
	த³ண்ட³ஸ்யோத்³யமனேன ச ।
இதி ப்ரதிஸமாதி³ஶ்ய
	ராக்ஷஸேந்த்³ர꞉ புன꞉ புன꞉॥38॥
காமமன்யுபரீதாத்மா
	ஜானகீம் ப்ரதி க³ர்ஜத ।
உபக³ம்ய தத꞉ க்ஷிப்ரம்
	ராக்ஷஸீ தா⁴ன்யமாலினீ ॥39॥
பரிஷ்வஜ்ய த³ஶக்³ரீவம்
	இத³ம் வசனமப்³ரவீத் ।
மயா க்ரீட³ மஹாராஜ
	ஸீதயா கிம் தவானயா ॥40॥
விவர்ணயா க்ருபணயா
	மானுஷ்யா ராக்ஷஸேஶ்வர ।
நூநமஸ்யாம் மஹாராஜ
	ந தே³வா போ⁴க³ஸத்தமான் ॥41॥
வித³த⁴த்யமரஶ்ரேஷ்டா²꞉
	தவ பா³ஹுப³லார்ஜிதான் ।
அகாமாம் காமயானஸ்ய
	ஶரீரமுபதப்யதே ॥42॥
இச்ச²தீம் காமயானஸ்ய
	ப்ரீதிர்ப⁴வதி ஶோப⁴னா ।
ஏவமுக்தஸ்து ராக்ஷஸ்யா
	ஸமுத்க்ஷிப்தஸ்ததோ ப³லீ ।
ப்ரஹஸன்மேக⁴ஸங்காஶோ
	ராக்ஷஸ꞉ ஸ ந்யவர்தத ॥43॥
ப்ரஸ்தி²த꞉ ஸ த³ஶக்³ரீவ꞉
	கம்பயன்னிவ மேதி³னீம் ।
ஜ்வலத்³பா⁴ஸ்கரஸங்காஶம்
	ப்ரவிவேஶ நிவேஶனம் ॥44॥
தே³வக³ந்த⁴ர்வகன்யாஶ்ச
	நாக³கன்யாஶ்ச தாஸ்தத꞉।
பரிவார்ய த³ஶக்³ரீவம்
	ப்ரவிஶுஸ்தா க்³ருஹோத்தமம் ॥45॥
ஸ மைதி²லீம் த⁴ர்மபராமவஸ்தி²தாம்
	ப்ரவேபமானாம் பரிப⁴ர்த்ஸ்ய ராவண꞉।
விஹாய ஸீதாம் மத³னேன மோஹித꞉
	ஸ்வமேவ வேஶ்ம ப்ரவிவேஶ ராவண꞉॥46॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ த்³வாவிம்ஶ꞉ ஸர்க³꞉