அத² சதுர்விம்ஶ꞉ ஸர்க³꞉
தத꞉ ஸீதாம் ஸமஸ்தாஸ்தா
	ராக்ஷஸ்யோ விக்ருதானனா꞉।
பருஷம் பருஷானர்ஹாம்
	ஊசுஸ்தத்³வாக்யமப்ரியம் ॥1॥
கிம் த்வமந்த꞉புரே ஸீதே
	ஸர்வபூ⁴தமனோரமே ।
மஹார்ஹஶயனோபேதே
	ந வாஸமனுமன்யஸே ॥2॥
மானுஷீ மானுஷஸ்யைவ
	பா⁴ர்யாத்வம் ப³ஹு மன்யஸே ।
ப்ரத்யாஹர மனோ ராமான்
	நைவம் ஜாது ப⁴விஷ்யதி ॥3॥
த்ரைலோக்யவஸுபோ⁴க்தாரம்
	ராவணம் ராக்ஷஸேஶ்வரம் ।
ப⁴ர்தாரமுபஸங்க³ம்ய
	விஹரஸ்வ யதா²ஸுக²ம் ॥4॥
மானுஷீ மானுஷம் தம் து
	ராமமிச்ச²ஸி ஶோப⁴னே ।
ராஜ்யாத்³ப்⁴ரஷ்டமஸித்³தா⁴ர்த²ம்
	விக்லவந்தமனிந்தி³தே ॥5॥
ராக்ஷஸீனாம் வச꞉ ஶ்ருத்வா
	ஸீதா பத்³மனிபே⁴க்ஷணா ।
நேத்ராப்⁴யாமஶ்ருபூர்ணாப்⁴யாம்
	இத³ம் வசனமப்³ரவீத் ॥6॥
யதி³த³ம் லோகவித்³விஷ்டம்
	உதா³ஹரத ஸங்க³தா꞉।
நைதன்மனஸி வாக்யம் மே
	கில்பி³ஷம் ப்ரதிதிஷ்ட²தி ॥7॥
ந மானுஷீ ராக்ஷஸஸ்ய
	பா⁴ர்யா ப⁴விதுமர்ஹதி ।
காமம் கா²த³த மாம் ஸர்வா
	ந கரிஷ்யாமி வோ வச꞉॥8॥
தீ³னோ வா ராஜ்யஹீனோ வா
	யோ மே ப⁴ர்தா ஸ மே கு³ரு꞉।
தம் நித்யமனுரக்தாஸ்மி
	யதா² ஸூர்யம் ஸுவர்சலா ॥9॥
யதா² ஶசீ மஹாபா⁴கா³
	ஶக்ரம் ஸமுபதிஷ்ட²தி ।
அருந்த⁴தீ வஸிஷ்ட²ம் ச
	ரோஹிணீ ஶஶினம் யதா² ॥10॥
லோபாமுத்³ரா யதா²க³ஸ்த்யம்
	ஸுகன்யா ச்யவனம் யதா² ।
ஸாவித்ரீ ஸத்யவந்தம் ச
	கபிலம் ஸ்ரீமதீ யதா² ॥11॥
ஸௌதா³ஸம் மத³யந்தீவ
	கேஶினீ ஸக³ரம் யதா² ।
நைஷத⁴ம் த³மயந்தீவ
	பை⁴மீ பதிமனுவ்ரதா ॥12॥
ததா²ऽஹமிக்ஷ்வாகுவரம் ராமம் பதிமனுவ்ரதா ।
ஸீதாயா வசனம் ஶ்ருத்வா
	ராக்ஷஸ்ய꞉ க்ரோத⁴மூர்சி²தா꞉।
ப⁴ர்த்ஸயந்தி ஸ்ம பருஷை꞉
	வாக்யை ராவணசோதி³தா꞉॥13॥
அவலீன꞉ ஸ நிர்வாக்யோ
	ஹனுமான் ஶிம்ஶபாத்³ருமே ।
ஸீதாம் ஸந்தர்ஜயந்தீஸ்தா
	ராக்ஷஸீரஶ்ருணோத்கபி꞉॥14॥
தாமபி⁴க்ரம்ய ஸம்ரப்³தா⁴
	வேபமானாம் ஸமந்தத꞉।
ப்⁴ருஶம் ஸம்லிலிஹுர்தீ³ப்தான்
	ப்ரலம்பா³ன் த³ஶனச்ச²தா³ன் ॥15॥
ஊசுஶ்ச பரமக்ருத்³தா⁴꞉
	ப்ரக்³ருஹ்யாஶு பரஶ்வதா⁴ன் ।
நேயமர்ஹதி ப⁴ர்தாரம்
	ராவணம் ராக்ஷஸாதி⁴பம் ॥16॥
ஸா ப⁴ர்த்ஸ்யமானா பீ⁴மாபீ⁴
	ராக்ஷஸீபி⁴ர்வராங்க³னா ।
ஸா பா³ஷ்பமபமார்ஜந்தீ
	ஶிம்ஶபாம் தாமுபாக³மத் ॥17॥
ததஸ்தாம் ஶிம்ஶபாம் ஸீதா
	ராக்ஷஸீபி⁴꞉ ஸமாவ்ருதா ।
அபி⁴க³ம்ய விஶாலாக்ஷீ
	தஸ்தௌ² ஶோகபரிப்லுதா ॥18॥
தாம் க்ருஶாம் தீ³னவத³னாம்
	மலினாம்ப³ரவாஸினீம் ।
ப⁴ர்த்ஸயாஞ்சக்ரிரே பீ⁴மா
	ராக்ஷஸ்யஸ்தா꞉ ஸமந்தத꞉॥19॥
ததஸ்து வினதா நாம
	ராக்ஷஸீ பீ⁴மத³ர்ஶனா ।
அப்³ரவீத்குபிதாகாரா
	கராலா நிர்ணதோத³ரீ ॥20॥
ஸீதே பர்யாப்தமேதாவத்
	ப⁴ர்த்ருஸ்னேஹ꞉ ப்ரத³ர்ஶித꞉।
ஸர்வத்ராதிக்ருதம் ப⁴த்³ரே
	வ்யஸனாயோபகல்பதே ॥21॥
பரிதுஷ்டாஸ்மி ப⁴த்³ரம் தே
	மானுஷஸ்தே க்ருதோ விதி⁴꞉।
மமாபி து வச꞉ பத்²யம்
	ப்³ருவந்த்யா꞉ குரு மைதி²லி ॥22॥
ராவணம் ப⁴ஜ ப⁴ர்தாரம்
	ப⁴ர்தாரம் ஸர்வரக்ஷஸாம் ।
விக்ராந்தமாபதந்தம் ச
	ஸுரேஶமிவ வாஸவம் ॥23॥
த³க்ஷிணம் த்யாக³ஶீலம் ச
	ஸர்வஸ்ய ப்ரியவாதி³னம் ।
மானுஷம் க்ருபணம் ராமம்
	த்யக்த்வா ராவணமாஶ்ரய ॥24॥
தி³வ்யாங்க³ராகா³ வைதே³ஹி
	தி³வ்யாப⁴ரணபூ⁴ஷிதா ।
அத்³யப்ரப்⁴ருதி லோகானாம்
	ஸர்வேஷாமீஶ்வரீ ப⁴வ ॥25॥
அக்³னே꞉ ஸ்வாஹா யதா² தே³வீ
	ஶசீவேந்த்³ரஸ்ய ஶோப⁴னே ।
கிம் தே ராமேண வைதே³ஹி
	க்ருபணேன க³தாயுஷா ॥26॥
ஏதது³க்தம் ச மே வாக்யம்
	யதி³ த்வம் ந கரிஷ்யஸி ।
அஸ்மின்முஹூர்தே ஸர்வாஸ்த்வாம்
	ப⁴க்ஷயிஷ்யாமஹே வயம் ॥27॥
அன்யா து விகடா நாம
	லம்ப³மானபயோத⁴ரா ।
அப்³ரவீத்குபிதா ஸீதாம்
	முஷ்டிமுத்³யம்ய தர்ஜதீ ॥28॥
ப³ஹூன்யப்ரதிரூபாணி
	வசனானி ஸுது³ர்மதே ।
அனுக்ரோஶான்ம்ருது³த்வாச்ச
	ஸோடா⁴னி தவ மைதி²லி ॥29॥
ந ச ந꞉ குருஷே வாக்யம்
	ஹிதம் காலபுரஸ்க்ருதம் ।
ஆனீதாஸி ஸமுத்³ரஸ்ய
	பாரமன்யைர்து³ராஸத³ம் ॥30॥
ராவணாந்த꞉புரே கோ⁴ரே
	ப்ரவிஷ்டா சாஸி மைதி²லி ।
ராவணஸ்ய க்³ருஹே ருத்³தா⁴
	அஸ்மாபி⁴ஸ்த்வபி⁴ரக்ஷிதா ॥31॥
ந த்வாம் ஶக்த꞉ பரித்ராதும்
	அபி ஸாக்ஷாத்புரந்த³ர꞉।
குருஷ்வ ஹிதவாதி³ன்யா
	வசனம் மம மைதி²லி ॥32॥
அலமஶ்ருனிபாதேன
	த்யஜ ஶோகமனர்த²கம் ।
ப⁴ஜ ப்ரீதிம் ப்ரஹர்ஷம் ச
	த்யஜந்தீ நித்யதை³ன்யதாம் ॥33॥
ஸீதே ராக்ஷஸராஜேன
	பரிக்ரீட³ யதா²ஸுக²ம் ।
ஜானீமஹே யதா² பீ⁴ரு
	ஸ்த்ரீணாம் யௌவனமத்⁴ருவம் ॥34॥
யாவன்ன தே வ்யதிக்ராமேத்
	தாவத்ஸுக²மவாப்னுஹி ।
உத்³யானானி ச ரம்யாணி
	பர்வதோபவனானி ச ॥35॥
ஸஹ ராக்ஷஸராஜேன
	சர த்வம் மதி³ரேக்ஷணே ।
ஸ்த்ரீஸஹஸ்ராணி தே தே³வி
	வஶே ஸ்தா²ஸ்யந்தி ஸுந்த³ரி ॥36॥
ராவணம் ப⁴ஜ ப⁴ர்தாரம்
	ப⁴ர்தாரம் ஸர்வரக்ஷஸாம் ।
உத்பாட்ய வா தே ஹ்ருத³யம்
	ப⁴க்ஷயிஷ்யாமி மைதி²லி ॥37॥
யதி³ மே வ்யாஹ்ருதம் வாக்யம்
	ந யதா²வத்கரிஷ்யஸி ।
ததஶ்சண்டோ³த³ரீ நாம
	ராக்ஷஸீ க்ரூரத³ர்ஶனா ॥38॥
ப்⁴ராமயந்தீ மஹச்சூ²லம்
	இத³ம் வசனமப்³ரவீத் ।
இமாம் ஹரிணஶாவாக்ஷீம்
	த்ராஸோத்கம்பபயோத⁴ராம் ॥39॥
ராவணேன ஹ்ருதாம் த்³ருஷ்ட்வா
	தௌ³ர்ஹ்ருதோ³ மே மஹானயம் ।
யக்ருத்ப்லீஹம் மஹத் க்ரோட³ம்
	ஹ்ருத³யம் ச ஸப³ந்த⁴னம் ॥40॥
கா³த்ராண்யபி ததா² ஶீர்ஷம்
	கா²தே³யமிதி மே மதி꞉।
ததஸ்து ப்ரக⁴ஸா நாம
	ராக்ஷஸீ வாக்யமப்³ரவீத் ॥41॥
கண்ட²மஸ்யா ந்ருஶம்ஸாயா꞉
	பீட³யாம꞉ கிமாஸ்யதே ।
நிவேத்³யதாம் ததோ ராஜ்ஞே
	மானுஷீ ஸா ம்ருதேதி ஹ ॥42॥
நாத்ர கஶ்சன ஸந்தே³ஹ꞉
	கா²த³தேதி ஸ வக்ஷ்யதி ।
ததஸ்த்வஜாமுகீ² நாம
	ராக்ஷஸீ வாக்யமப்³ரவீத் ॥43॥
விஶஸ்யேமாம் தத꞉ ஸர்வான்
	ஸமான்குருத பிண்ட³கான் ।
விப⁴ஜாம தத꞉ ஸர்வா
	விவாதோ³ மே ந ரோசதே ॥44॥
பேயமானீயதாம் க்ஷிப்ரம்
	மால்யம் ச விவித⁴ம் ப³ஹு ।
தத꞉ ஶூர்பணகா² நாம
	ராக்ஷஸீ வாக்யமப்³ரவீத் ॥45॥
அஜாமுக்²யா யது³க்தம் வை
	ததே³வ மம ரோசதே ।
ஸுரா சானீயதாம் க்ஷிப்ரம்
	ஸர்வஶோகவிநாஶினீ ॥46॥
மானுஷம் மாம் ஸமாஸ்வாத்³ய
	ந்ருத்யாமோऽத² நிகும்பி⁴லாம் ।
ஏவம் நிர்ப⁴ர்த்ஸ்யமானா ஸா
	ஸீதா ஸுரஸுதோபமா ।
ராக்ஷஸீபி⁴ர்விரூபாபி⁴꞉
	தை⁴ர்யமுத்ஸ்ருஜ்ய ரோதி³தி ॥47॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ சதுர்விம்ஶ꞉ ஸர்க³꞉