அத² ஷட்³விம்ஶ꞉ ஸர்க³꞉
ப்ரஸக்தாஶ்ருமுகீ² த்வேவம்
	ப்³ருவதீ ஜனகாத்மஜா ।
அதோ⁴க³தமுகீ² பா³லா
	விலப்துமுபசக்ரமே ॥1॥
உன்மத்தேவ ப்ரமத்தேவ
	ப்⁴ராந்தசித்தேவ ஶோசதீ ।
உபாவ்ருத்தா கிஶோரீவ
	விசேஷ்டந்தீ மஹீதலே ॥2॥
ராக⁴வஸ்ய ப்ரமத்தஸ்ய
	ரக்ஷஸா காமரூபிணா ।
ராவணேன ப்ரமத்²யாஹம்
	ஆனீதா க்ரோஶதீ ப³லாத் ॥3॥
ராக்ஷஸீவஶமாபன்னா
	ப⁴ர்த்ஸ்யமானா ச தா³ருணம் ।
சிந்தயந்தீ ஸுது³꞉கா²ர்தா
	நாஹம் ஜீவிதுமுத்ஸஹே ॥4॥
நஹி மே ஜீவிதேனார்தோ²
	நைவார்தை²ர்ன ச பூ⁴ஷணை꞉।
வஸந்த்யா ராக்ஷஸீமத்⁴யே
	வினா ராமம் மஹாரத²ம் ॥5॥
அஶ்மஸாரமித³ம் நூனம்
	அத²வாப்யஜராமரம் ।
ஹ்ருத³யம் மம யேனேத³ம்
	ந து³꞉கே²ன விஶீர்யதே ॥6॥
தி⁴ங்மாமனார்யாமஸதீம்
	யாஹம் தேன வினா க்ருதா ।
முஹூர்தமபி ஜீவாமி
	ஜீவிதம் பாபஜீவிகா ॥7॥
சரணேனாபி ஸவ்யேன
	ந ஸ்ப்ருஶேயம் நிஶாசரம் ।
ராவணம் கிம் புனரஹம்
	காமயேயம் விக³ர்ஹிதம் ॥8॥
ப்ரத்யாக்²யானம் ந ஜானாதி
	நாத்மானம் நாத்மன꞉ குலம் ।
யோ ந்ருஶம்ஸஸ்வபா⁴வேன
	மாம் ப்ரார்த²யிதுமிச்ச²தி ॥9॥
சி²ன்னா பி⁴ன்னா ப்ரபி⁴ன்னா வா
	தீ³ப்தா வாக்³னௌ ப்ரதீ³பிதா ।
ராவணம் நோபதிஷ்டே²யம்
	கிம் ப்ரலாபேன வஶ்சிரம் ॥10॥
க்²யாத꞉ ப்ராஜ்ஞ꞉ க்ருதஜ்ஞஶ்ச
	ஸானுக்ரோஶஶ்ச ராக⁴வ꞉।
ஸத்³வ்ருத்தோ நிரனுக்ரோஶ꞉
	ஶங்கே மத்³பா⁴க்³யஸங்க்ஷயாத் ॥11॥
ராக்ஷஸானாம் ஜனஸ்தா²னே
	ஸஹஸ்ராணி சதுர்த³ஶ ।
ஏகேனைவ நிரஸ்தானி
	ஸ மாம் கிம் நாபி⁴பத்³யதே ॥12॥
நிருத்³தா⁴ ராவணேனாஹம்
	அல்பவீர்யேண ரக்ஷஸா ।
ஸமர்த²꞉ க²லு மே ப⁴ர்தா
	ராவணம் ஹந்துமாஹவே ॥13॥
விராதோ⁴ த³ண்ட³காரண்யே
	யேன ராக்ஷஸபுங்க³வ꞉।
ரணே ராமேண நிஹத꞉
	ஸ மாம் கிம் நாபி⁴பத்³யதே ॥14॥
காமம் மத்⁴யே ஸமுத்³ரஸ்ய
	லங்கேயம் து³ஷ்ப்ரத⁴ர்ஷணா ।
ந து ராக⁴வபா³ணானாம்
	க³திரோதோ⁴ ப⁴விஷ்யதி ॥15॥
கிம் நு தத்காரணம் யேன
	ராமோ த்³ருட⁴பராக்ரம꞉।
ரக்ஷஸாபஹ்ருதாம் பா⁴ர்யாம்
	இஷ்டாம் யோ நாபி⁴பத்³யதே ॥16॥
இஹஸ்தா²ம் மாம் ந ஜானீதே
	ஶங்கே லக்ஷ்மணபூர்வஜ꞉।
ஜானன்னபி ஸ தேஜஸ்வீ
	த⁴ர்ஷணாம் மர்ஷயிஷ்யதி ॥17॥
ஹ்ருதேதி மாம் யோऽதி⁴க³த்ய
	ராக⁴வாய நிவேத³யேத் ।
க்³ருத்⁴ரராஜோऽபி ஸ ரணே
	ராவணேன நிபாதித꞉॥18॥
க்ருதம் கர்ம மஹத்தேன
	மாம் ததா²ப்⁴யவபத்³யதா ।
திஷ்ட²தா ராவணவதே⁴
	வ்ருத்³தே⁴னாபி ஜடாயுஷா ॥19॥
யதி³ மாமிஹ ஜானீயாத்
	வர்தமானாம் ஹி ராக⁴வ꞉।
அத்³ய பா³ணைரபி⁴க்ருத்³த⁴꞉
	குர்யால்லோகமராக்ஷஸம் ॥20॥
நிர்த³ஹேச்ச புரீம் லங்காம்
	நிர்த³ஹேச்ச மஹோத³தி⁴ம் ।
ராவணஸ்ய ச நீசஸ்ய
	கீர்திம் நாம ச நாஶயேத் ॥21॥
ததோ நிஹதநாதா²னாம்
	ராக்ஷஸீனாம் க்³ருஹே க்³ருஹே ।
யதா²ஹமேவம் ருத³தீ
	ததா² பூ⁴யோ ந ஸம்ஶய꞉॥22॥
அன்விஷ்ய ரக்ஷஸாம் லங்காம்
	குர்யாத்³ராம꞉ ஸலக்ஷ்மண꞉।
நஹி தாப்⁴யாம் ரிபுர்த்³ருஷ்டோ
	முஹூர்தமபி ஜீவதி ॥23॥
சிதாதூ⁴மாகுலபதா²
	க்³ருத்⁴ரமண்ட³லமண்டி³தா ।
அசிரேணைவ காலேன
	ஶ்மஶானஸத்³ருஶீ ப⁴வேத் ॥24॥
அசிரேணைவ காலேன
	ப்ராப்ஸ்யாம்யேனம் மனோரத²ம் ।
து³ஷ்ப்ரஸ்தா²னோऽயமாபா⁴தி
	ஸர்வேஷாம் வோ விபர்யய꞉॥25॥
யாத்³ருஶானி து த்³ருஶ்யந்தே
	லங்காயாமஶுபா⁴னி து ।
அசிரேணைவ காலேன
	ப⁴விஷ்யதி ஹதப்ரபா⁴ ॥26॥
நூனம் லங்கா ஹதே பாபே
	ராவணே ராக்ஷஸாதி⁴பே ।
ஶோஷமேஷ்யதி து³ர்த⁴ர்ஷா
	ப்ரமதா³ வித⁴வா யதா² ॥27॥
புண்யோத்ஸவஸம்ருத்³தா⁴ ச
	நஷ்டப⁴ர்த்ரீ ஸராக்ஷஸா ।
ப⁴விஷ்யதி புரீ லங்கா
	நஷ்டப⁴ர்த்ரீ யதா²ங்க³னா ॥28॥
நூனம் ராக்ஷஸகன்யானாம்
	ருத³தீனாம் க்³ருஹே க்³ருஹே ।
ஶ்ரோஷ்யாமி நசிராதே³வ
	து³꞉கா²ர்தாநாமிஹ த்⁴வனிம் ॥29॥
ஸாந்த⁴காரா ஹதத்³யோதா
	ஹதராக்ஷஸபுங்க³வா ।
ப⁴விஷ்யதி புரீ லங்கா
	நிர்த³க்³தா⁴ ராமஸாயகை꞉॥30॥
யதி³ நாம ஸ ஶூரோ மாம்
	ராமோ ரக்தாந்தலோசன꞉।
ஜானீயாத்³வர்தமானாம் யாம்
	ராக்ஷஸஸ்ய நிவேஶனே ॥31॥
அனேன து ந்ருஶம்ஸேன
	ராவணேனாத⁴மேன மே ।
ஸமயோ யஸ்து நிர்தி³ஷ்ட꞉
	தஸ்ய காலோऽயமாக³த꞉॥32॥
ஸ ச மே விஹிதோ ம்ருத்யு꞉
	அஸ்மின் து³ஷ்டேன வர்ததே ।
அகார்யம் யே ந ஜானந்தி
	நைர்ருதா꞉ பாபகாரிண꞉॥33॥
அத⁴ர்மாத்து மஹோத்பாதோ
	ப⁴விஷ்யதி ஹி ஸாம்ப்ரதம் ।
நைதே த⁴ர்மம் விஜானந்தி
	ராக்ஷஸா꞉ பிஶிதாஶனா꞉॥34॥
த்⁴ருவம் மாம் ப்ராதராஶார்த²ம்
	ராக்ஷஸ꞉ கல்பயிஷ்யதி ।
ஸாஹம் கத²ம் கரிஷ்யாமி
	தம் வினா ப்ரியத³ர்ஶனம் ॥35॥
ராமம் ரக்தாந்தநயனம்
	அபஶ்யந்தீ ஸுது³꞉கி²தா ।
க்ஷிப்ரம் வைவஸ்வதம் தே³வம்
	பஶ்யேயம் பதினா வினா ॥36॥
நாஜானாஜ்ஜீவதீம் ராம꞉
	ஸ மாம் ப⁴ரதபூர்வஜ꞉।
ஜானந்தௌ து ந குர்யாதாம்
	நோர்வ்யாம் ஹி பரிமார்க³ணம் ॥37॥
நூனம் மமைவ ஶோகேன
	ஸ வீரோ லக்ஷ்மணாக்³ரஜ꞉।
தே³வலோகமிதோ யாத꞉
	த்யக்த்வா தே³ஹம் மஹீதலே ॥38॥
த⁴ன்யா தே³வா꞉ ஸக³ந்த⁴ர்வா꞉
	ஸித்³தா⁴ஶ்ச பரமர்ஷய꞉।
மம பஶ்யந்தி யே வீரம்
	ராமம் ராஜீவலோசனம் ॥39॥
அத²வா நஹி தஸ்யார்தோ²
	த⁴ர்மகாமஸ்ய தீ⁴மத꞉।
மயா ராமஸ்ய ராஜர்ஷே꞉
	பா⁴ர்யயா பரமாத்மன꞉॥40॥
த்³ருஶ்யமானே ப⁴வேத் ப்ரீதி꞉
	ஸௌஹ்ருத³ம் நாஸ்த்யத்³ருஶ்யத꞉।
நாஶயந்தி க்ருதக்⁴னாஸ்து
	ந ராமோ நாஶயிஷ்யதி ॥41॥
கிம் வா மய்யகு³ணா꞉ கேசித்
	கிம் வா பா⁴க்³ய க்ஷயோ ஹி மே ।
யா ஹி ஸீதா வரார்ஹேண
	ஹீனா ராமேண பா⁴மினீ ॥42॥
ஶ்ரேயோ மே ஜீவிதான்மர்தும்
	விஹீனாயா மஹாத்மனா ।
ராமாத³க்லிஷ்டசாரித்ராச்-
	சூ²ராச்ச²த்ருனிப³ர்ஹணாத் ॥43॥
அத²வா ந்யஸ்தஶஸ்த்ரௌ தௌ
	வனே மூலப²லாஶனௌ ।
ப்⁴ராதரௌ ஹி நரஶ்ரேஷ்டௌ²
	சரந்தௌ வனகோ³சரௌ ॥44॥
அத²வா ராக்ஷஸேந்த்³ரேண
	ராவணேன து³ராத்மனா ।
ச²த்³மனா கா⁴திதௌ ஶூரௌ
	ப்⁴ராதரௌ ராமலக்ஷ்மணௌ ॥45॥
ஸாஹமேவம்விதே⁴ காலே
	மர்துமிச்சா²மி ஸர்வத꞉।
ந ச மே விஹிதோ ம்ருத்யு꞉
	அஸ்மின் து³꞉கே²ऽதிவர்ததி ॥46॥
த⁴ன்யா꞉ க²லு மஹாத்மானோ
	முனய꞉ ஸத்யஸம்மதா꞉।
ஜிதாத்மானோ மஹாபா⁴கா³
	யேஷாம் ந ஸ்த꞉ ப்ரியாப்ரியே ॥47॥
ப்ரியான்ன ஸம்ப⁴வேத்³து³꞉க²ம்
	அப்ரியாத³தி⁴கம் ப⁴வேத் ।
தாப்⁴யாம் ஹி தே வியுஜ்யந்தே
	நமஸ்தேஷாம் மஹாத்மனாம் ॥48॥
ஸாஹம் த்யக்தா ப்ரியேணைவ
	ராமேண விதி³தாத்மனா ।
ப்ராணாம்ஸ்த்யக்ஷ்யாமி பாபஸ்ய
	ராவணஸ்ய க³தா வஶம் ॥49॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ ஷட்³விம்ஶ꞉ ஸர்க³꞉