அத² அஷ்டாவிம்ஶ꞉ ஸர்க³꞉
ஸா ராக்ஷஸேந்த்³ரஸ்ய வசோ நிஶம்ய
	தத்³ ராவணஸ்ய ப்ரியமப்ரியார்தா ।
ஸீதா விதத்ராஸ யதா² வனாந்தே
	ஸிம்ஹாபி⁴பன்னா க³ஜராஜகன்யா ॥1॥
ஸா ராக்ஷஸீமத்⁴யக³தா ச பீ⁴ரு-
	ர்வாக்³பி⁴ர்ப்⁴ருஶம் ராவணதர்ஜிதா ச ।
காந்தாரமத்⁴யே விஜனே விஸ்ருஷ்டா
	பா³லேவ கன்யா விலலாப ஸீதா ॥2॥
ஸத்யம் ப³தேத³ம் ப்ரவத³ந்தி லோகே
	நாகாலம்ருத்யுர்ப⁴வதீதி ஸந்த꞉।
யத்ராஹமேவம் பரிப⁴ர்த்ஸ்யமானா
	ஜீவாமி யஸ்மாத் க்ஷணமப்யபுண்யா ॥3॥
ஸுகா²த்³விஹீனம் ப³ஹுது³꞉க²பூர்ண-
	மித³ம் து நூனம் ஹ்ருத³யம் ஸ்தி²ரம் மே ।
விதீ³ர்யதே யன்ன ஸஹஸ்ரதா⁴த்³ய
	வஜ்ராஹதம் ஶ்ருங்க³மிவாசலஸ்ய ॥4॥
நைவாஸ்தி நூனம் மம தோ³ஷமத்ர
	வத்⁴யாஹமஸ்யாப்ரியத³ர்ஶனஸ்ய ।
பா⁴வம் ந சாஸ்யாஹமனுப்ரதா³து-
	மலம் த்³விஜோ மந்த்ரமிவாத்³விஜாய ॥5॥
தஸ்மின்னநாக³ச்ச²தி லோகநாதே²
	க³ர்ப⁴ஸ்த²ஜந்தோரிவ ஶல்யக்ருந்த꞉।
நூனம் மமாங்கா³ன்யசிராத³னார்ய꞉
	ஶஸ்த்ரை꞉ ஶிதைஶ்சே²த்ஸ்யதி ராக்ஷஸேந்த்³ர꞉॥6॥
து³꞉க²ம் ப³தேத³ம் நனு து³꞉கி²தாயா
	மாஸௌ சிராயாபி⁴க³மிஷ்யதோ த்³வௌ ।
ப³த்³த⁴ஸ்ய வத்⁴யஸ்ய யதா² நிஶாந்தே
	ராஜோபரோதா⁴தி³வ தஸ்கரஸ்ய ॥7॥
ஹா ராம ஹா லக்ஷ்மண ஹா ஸுமித்ரே
	ஹா ராமமாத꞉ ஸஹ மே ஜனன்ய꞉।
ஏஷா விபத்³யாம்யஹமல்பபா⁴க்³யா
	மஹார்ணவே நௌரிவ மூட⁴வாதா ॥8॥
தரஸ்வினௌ தா⁴ரயதா ம்ருக³ஸ்ய
	ஸத்த்வேன ரூபம் மனுஜேந்த்³ரபுத்ரௌ ।
நூனம் விஶஸ்தௌ மம காரணாத்தௌ
	ஸிம்ஹர்ஷபௌ⁴ த்³வாவிவ வைத்³யுதேன ॥9॥
நூனம் ஸ காலோ ம்ருக³ரூபதா⁴ரீ
	மாமல்பபா⁴க்³யாம் லுலுபே⁴ ததா³னீம் ।
யத்ரார்யபுத்ரௌ விஸஸர்ஜ மூடா⁴
	ராமானுஜம் லக்ஷ்மணபூர்வஜம் ச ॥10॥
ஹா ராம ஸத்யவ்ரத தீ³ர்க⁴பா³ஹோ
	ஹா பூர்ணசந்த்³ரப்ரதிமானவக்த்ர ।
ஹா ஜீவலோகஸ்ய ஹித꞉ ப்ரியஶ்ச
	வத்⁴யாம் ந மாம் வேத்ஸி ஹி ராக்ஷஸானாம் ॥11॥
அனன்யதே³வத்வமியம் க்ஷமா ச
	பூ⁴மௌ ச ஶய்யா நியமஶ்ச த⁴ர்மே ।
பதிவ்ரதாத்வம் விப²லம் மமேத³ம்
	க்ருதம் க்ருதக்⁴னேஷ்விவ மானுஷாணாம் ॥12॥
மோகோ⁴ ஹி த⁴ர்மஶ்சரிதோ மமாயம்
	ததை²கபத்னீத்வமித³ம் நிரர்த²கம் ।
யா த்வாம் ந பஶ்யாமி க்ருஶா விவர்ணா
	ஹீனா த்வயா ஸங்க³மனே நிராஶா ॥13॥
பிதுர்னிதே³ஶம் நியமேன க்ருத்வா
	வனாந்நிவ்ருத்தஶ்சரிதவ்ரதஶ்ச ।
ஸ்த்ரீபி⁴ஸ்து மன்யே விபுலேக்ஷணாபி⁴꞉
	ஸம்ரம்ஸ்யஸே வீதப⁴ய꞉ க்ருதார்த²꞉॥14॥
அஹம் து ராம த்வயி ஜாதகாமா
	சிரம் விநாஶாய நிப³த்³த⁴பா⁴வா ।
மோக⁴ம் சரித்வாத² தபோவ்ரதம் ச
	த்யக்ஷ்யாமி தி⁴க்³ஜீவிதமல்பபா⁴க்³யாம் ॥15॥
ஸஞ்ஜீவிதம் க்ஷிப்ரமஹம் த்யஜேயம்
	விஷேண ஶஸ்த்ரேண ஶிதேன வாபி ।
விஷஸ்ய தா³தா ந து மேऽஸ்தி கஶ்சி-
	ச்ச²ஸ்த்ரஸ்ய வா வேஶ்மனி ராக்ஷஸஸ்ய ॥16॥
ஶோகாபி⁴தப்தா ப³ஹுதா⁴ விசிந்த்ய
	ஸீதாத² வேணீக்³ரத²னம் க்³ருஹீத்வா ।
உத்³ப³த்³த்⁴ய வேண்யுத்³க்³ரத²னேன ஶீக்⁴ர-
	மஹம் க³மிஷ்யாமி யமஸ்ய மூலம் ॥17॥
உபஸ்தி²தா ஸா ம்ருது³ஸர்வகா³த்ரீ
	ஶாகா²ம் க்³ருஹீத்வா ச நக³ஸ்ய தஸ்ய ।
தஸ்யாஸ்து ராமம் பரிசிந்தயந்த்யா
	ராமானுஜம் ஸ்வம் ச குலம் ஶுபா⁴ங்க்³யா꞉॥18॥
தஸ்யா விஶோகானி ததா³ ப³ஹூனி
	தை⁴ர்யார்ஜிதானி ப்ரவராணி லோகே ।
ப்ராது³ர்நிமித்தானி ததா³ ப³பூ⁴வு꞉
	புராபி ஸித்³தா⁴ன்யுபலக்ஷிதானி ॥19॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ அஷ்டாவிம்ஶ꞉ ஸர்க³꞉