அத² ஏகத்ரிம்ஶ꞉ ஸர்க³꞉
ஏவம் ப³ஹுவிதா⁴ம் சிந்தாம்
	சிந்தயித்வா மஹாமதி꞉।
ஸம்ஶ்ரவே மது⁴ரம் வாக்யம்
	வைதே³ஹ்யா வ்யாஜஹார ஹ ॥1॥
ராஜா த³ஶரதோ² நாம
	ரத²குஞ்ஜரவாஜிமான் ।
புண்யஶீலோ மஹாகீர்தி꞉
	இக்ஷ்வாகூணாம் மஹாயஶா꞉॥2॥
ராஜர்ஷீணாம் கு³ணஶ்ரேஷ்ட²꞉
	தபஸா சர்ஷிபி⁴꞉ ஸம꞉।
சக்ரவர்திகுலே ஜாத꞉
	புரந்த³ரஸமோ ப³லே ॥3॥
அஹிம்ஸாரதிரக்ஷுத்³ரோ
	க்⁴ருணீ ஸத்யபராக்ரம꞉।
முக்²யஶ்சேக்ஷ்வாகுவம்ஶஸ்ய
	லக்ஷ்மீவாம்ல்லக்ஷ்மிவர்த⁴ன꞉॥4॥
பார்தி²வவ்யஞ்ஜனைர்யுக்த꞉
	ப்ருது²ஸ்ரீ꞉ பார்தி²வர்ஷப⁴꞉।
ப்ருதி²வ்யாம் சதுரந்தயாம்
	விஶ்ருத꞉ ஸுக²த³꞉ ஸுகீ² ॥5॥
தஸ்ய புத்ர꞉ ப்ரியோ ஜ்யேஷ்ட²꞉
	தாராதி⁴பனிபா⁴னன꞉।
ராமோ நாம விஶேஷஜ்ஞ꞉
	ஶ்ரேஷ்ட²꞉ ஸர்வத⁴னுஷ்மதாம் ॥6॥
ரக்ஷிதா ஸ்வஸ்ய வ்ருத்தஸ்ய
	ஸ்வஜனஸ்யாபி ரக்ஷிதா ।
ரக்ஷிதா ஜீவலோகஸ்ய
	த⁴ர்மஸ்ய ச பரந்தப꞉॥7॥
தஸ்ய ஸத்யாபி⁴ஸந்த⁴ஸ்ய
	வ்ருத்³த⁴ஸ்ய வசனாத் பிது꞉।
ஸபா⁴ர்ய꞉ ஸஹ ச ப்⁴ராத்ரா
	வீர꞉ ப்ரவ்ரஜிதோ வனம் ॥8॥
தேன தத்ர மஹாரண்யே
	ம்ருக³யாம் பரிதா⁴வதா ।
ராக்ஷஸா நிஹதா꞉ ஶூரா
	ப³ஹவ꞉ காமரூபிண꞉॥9॥
ஜனஸ்தா²னவத⁴ம் ஶ்ருத்வா
	நிஹதௌ க²ரதூ³ஷணௌ ।
ததஸ்த்வமர்ஷாபஹ்ருதா
	ஜானகீ ராவணேன து ॥10॥
வஞ்சயித்வா வனே ராமம்
	ம்ருக³ரூபேண மாயயா ।
ஸ மார்க³மாணஸ்தாம் தே³வீம்
	ராம꞉ ஸீதாமனிந்தி³தாம் ॥11॥
ஆஸஸாத³ வனே மித்ரம்
	ஸுக்³ரீவம் நாம வானரம் ।
தத꞉ ஸ வாலினம் ஹத்வா
	ராம꞉ பரபுரஞ்ஜய꞉॥12॥
ஆயச்ச²த் கபிராஜ்யம் து
	ஸுக்³ரீவாய மஹாத்மனே ।
ஸுக்³ரீவேணாபி⁴ஸந்தி³ஷ்டா
	ஹரய꞉ காமரூபிண꞉॥13॥
தி³க்ஷு ஸர்வாஸு தாம் தே³வீம்
	விசின்வந்த꞉ ஸஹஸ்ரஶ꞉।
அஹம் ஸம்பாதிவசனாத்
	ச²தயோஜனமாயதம் ॥14॥
தஸ்யா ஹேதோர்விஶாலாக்ஷ்யா꞉
	ஸமுத்³ரம் வேக³வான் ப்லுத꞉।
யதா²ரூபாம் யதா²வர்ணாம்
	யதா²லக்ஷ்மீம் ச நிஶ்சிதாம் ॥15॥
அஶ்ரௌஷம் ராக⁴வஸ்யாஹம்
	ஸேயமாஸாதி³தா மயா ।
விரராமைவமுக்த்வா ஸ
	வாசம் வானரபுங்க³வ꞉॥16॥
ஜானகீ சாபி தச்ச்²ருத்வா
	விஸ்மயம் பரமம் க³தா ।
தத꞉ ஸா வக்ரகேஶாந்தா
	ஸுகேஶீ கேஶஸம்வ்ருதம் ।
உன்னம்ய வத³னம் பீ⁴ரு꞉
	ஶிம்ஶபாமன்வவைக்ஷத ॥17॥
நிஶம்ய ஸீதா வசனம் கபேஶ்ச
	தி³ஶஶ்ச ஸர்வா꞉ ப்ரதி³ஶஶ்ச வீக்ஷ்ய ।
ஸ்வயம் ப்ரஹர்ஷம் பரமம் ஜகா³ம
	ஸர்வாத்மனா ராமமனுஸ்மரந்தீ ॥18॥
ஸா திர்யகூ³ர்த்⁴வம் ச ததா² ஹ்யத⁴ஸ்தான்
	நிரீக்ஷமாணா தமசிந்த்யபு³த்³தி⁴ம் ।
த³த³ர்ஶ பிங்கா³தி⁴பதேரமாத்யம்
	வாதாத்மஜம் ஸூர்யமிவோத³யஸ்த²ம் ॥19॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ ஏகத்ரிம்ஶ꞉ ஸர்க³꞉