அத² த்³வாத்ரிம்ஶ꞉ ஸர்க³꞉
தத꞉ ஶாகா²ந்தரே லீனம்
	த்³ருஷ்ட்வா சலிதமானஸா ।
வேஷ்டிதார்ஜுனவஸ்த்ரம் தம்
	வித்³யுத்ஸங்கா⁴தபிங்க³லம் ॥1॥
ஸா த³த³ர்ஶ கபிம் தத்ர
	ப்ரஶ்ரிதம் ப்ரியவாதி³னம் ।
பு²ல்லாஶோகோத்கராபா⁴ஸம்
	தப்தசாமீகரேக்ஷணம் ॥2॥
ஸாத² த்³ருஷ்ட்வா ஹரிஶ்ரேஷ்ட²ம்
	வினீதவத³வஸ்தி²தம் ।
மைதி²லீ சிந்தயாமாஸ
	விஸ்மயம் பரமம் க³தா ॥3॥
அஹோ பீ⁴மமித³ம் ஸத்த்வம்
	வானரஸ்ய து³ராஸத³ம் ।
து³ர்நிரீக்ஷ்யமித³ம் மத்வா
	புனரேவ முமோஹ ஸா ॥4॥
விலலாப ப்⁴ருஶம் ஸீதா
	கருணம் ப⁴யமோஹிதா ।
ராம ராமேதி து³꞉கா²ர்தா
	லக்ஷ்மணேதி ச பா⁴மினீ ॥5॥
ருரோத³ ஸஹஸா ஸீதா
	மந்த³மந்த³ஸ்வரா ஸதீ ।
ஸாத² த்³ருஷ்ட்வா ஹரிவரம்
	வினீதவது³பாக³தம் ।
மைதி²லீ சிந்தயாமாஸ
	ஸ்வப்னோऽயமிதி பா⁴மினீ ॥6॥
ஸா வீக்ஷமாணா ப்ருது²பு⁴க்³னவக்த்ரம்
	ஶாகா²ம்ருகே³ந்த்³ரஸ்ய யதோ²க்தகாரம் ।
த³த³ர்ஶ பிங்க³ப்ரவரம் மஹார்ஹம்
	வாதாத்மஜம் பு³த்³தி⁴மதாம் வரிஷ்ட²ம் ॥7॥
ஸா தம் ஸமீக்ஷ்யைவ ப்⁴ருஶம் விபன்னா
	க³தாஸுகல்பேவ ப³பூ⁴வ ஸீதா ।
சிரேண ஸஞ்ஜ்ஞாம் ப்ரதிலப்⁴ய சைவம்
	விசிந்தயாமாஸ விஶாலநேத்ரா ॥8॥
ஸ்வப்னோ மயாயம் விக்ருதோऽத்³ய த்³ருஷ்ட꞉
	ஶாகா²ம்ருக³꞉ ஶாஸ்த்ரக³ணைர்நிஷித்³த⁴꞉।
ஸ்வஸ்த்யஸ்து ராமாய ஸ லக்ஷ்மணாய
	ததா² பிதுர்மே ஜனகஸ்ய ராஜ்ஞ꞉॥9॥
ஸ்வப்னோ ஹி நாயம் நஹி மேऽஸ்தி நித்³ரா
	ஶோகேன து³꞉கே²ன ச பீடி³தாயா꞉।
ஸுக²ம் ஹி மே நாஸ்தி யதோ விஹீனா
	தேனேந்து³பூர்ணப்ரதிமானனேன ॥10॥
ராமேதி ராமேதி ஸதை³வ பு³த்³த்⁴யா
	விசிந்த்ய வாசா ப்³ருவதீ தமேவ ।
தஸ்யானுரூபம் ச கதா²ம் தத³ர்த²-
	மேவம் ப்ரபஶ்யாமி ததா² ஶ்ருணோமி ॥11॥
அஹம் ஹி தஸ்யாத்³ய மனோப⁴வேன
	ஸம்பீடி³தா தத்³க³தஸர்வபா⁴வா ।
விசிந்தயந்தீ ஸததம் தமேவ
	ததை²வ பஶ்யாமி ததா² ஶ்ருணோமி ॥12॥
மனோரத²꞉ ஸ்யாதி³தி சிந்தயாமி
	ததா²பி பு³த்³த்⁴யாபி விதர்கயாமி ।
கிம் காரணம் தஸ்ய ஹி நாஸ்தி
	ரூபம் ஸுவ்யக்தரூபஶ்ச வத³த்யயம் மாம் ॥13॥
நமோऽஸ்து வாசஸ்பதயே ஸவஜ்ரிணே
	ஸ்வயம்பு⁴வே சைவ ஹுதாஶனாய ।
அனேன சோக்தம் யதி³த³ம் மமாக்³ரதோ
	வனௌகஸா தச்ச ததா²ஸ்து நான்யதா² ॥14॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ த்³வாத்ரிம்ஶ꞉ ஸர்க³꞉