அத² சதுஸ்த்ரிம்ஶ꞉ ஸர்க³꞉ தஸ்யாஸ்தத்³வசனம் ஶ்ருத்வா ஹனூமான் ஹரிபுங்க³வ꞉। து³꞉கா²த்³து³꞉கா²பி⁴பூ⁴தாயா꞉ ஸாந்த்வமுத்தரமப்³ரவீத் ॥1॥ அஹம் ராமஸ்ய ஸந்தே³ஶாத் தே³வி தூ³தஸ்தவாக³த꞉। வைதே³ஹி குஶலீ ராம꞉ ஸ த்வாம் கௌஶலமப்³ரவீத் ॥2॥ யோ ப்³ராஹ்மமஸ்த்ரம் வேதா³ம்ஶ்ச வேத³ வேத³விதா³ம் வர꞉। ஸ த்வாம் தா³ஶரதீ² ராமோ தே³வி கௌஶலமப்³ரவீத் ॥3॥ லக்ஷ்மணஶ்ச மஹாதேஜா ப⁴ர்துஸ்தேऽனுசர꞉ ப்ரிய꞉। க்ருதவாஞ்சோ²கஸந்தப்த꞉ ஶிரஸா தேऽபி⁴வாத³னம் ॥4॥ ஸா தயோ꞉ குஶலம் தே³வீ நிஶம்ய நரஸிம்ஹயோ꞉। ப்ரதிஸம்ஹ்ருஷ்டஸர்வாங்கீ³ ஹனூமந்தமதா²ப்³ரவீத் ॥5॥ கல்யாணீ ப³த கா³தே²யம் லௌகிகீ ப்ரதிபா⁴தி மா । ஏதி ஜீவந்தமானந்தோ³ நரம் வர்ஷஶதாத³பி ॥6॥ தயோ꞉ ஸமாக³மே தஸ்மின் ப்ரீதிருத்பாதி³தாத்³பு⁴தா । பரஸ்பரேண சாலாபம் விஶ்வஸ்தௌ தௌ ப்ரசக்ரது꞉॥7॥ தஸ்யாஸ்தத்³வசனம் ஶ்ருத்வா ஹனூமான் மாருதாத்மஜ꞉। ஸீதாயா꞉ ஶோகதப்தாயா꞉ ஸமீபமுபசக்ரமே ॥8॥ யதா² யதா² ஸமீபம் ஸ ஹனூமானுபஸர்பதி । ததா² ததா² ராவணம் ஸா தம் ஸீதா பரிஶங்கதே ॥9॥ அஹோ தி⁴க்³தி⁴க்க்ருதமித³ம் கதி²தம் ஹி யத³ஸ்ய மே । ரூபாந்தரமுபாக³ம்ய ஸ ஏவாயம் ஹி ராவண꞉॥10॥ தாமஶோகஸ்ய ஶாகா²ம் து விமுக்த்வா ஶோககர்ஶிதா । தஸ்யாமேவானவத்³யாங்கீ³ த⁴ரண்யாம் ஸமுபாவிஶத் ॥11॥ அவந்த³த மஹாபா³ஹு꞉ ததஸ்தாம் ஜனகாத்மஜாம் । ஸா சைனம் ப⁴யஸந்த்ரஸ்தா பூ⁴யோ நைனமுதை³க்ஷத ॥12॥ தம் த்³ருஷ்ட்வா வந்த³மானம் ச ஸீதா ஶஶினிபா⁴னனா । அப்³ரவீத்³தீ³ர்க⁴முச்ச்²வஸ்ய வானரம் மது⁴ரஸ்வரா ॥13॥ மாயாம் ப்ரவிஷ்டோ மாயாவீ யதி³ த்வம் ராவண꞉ ஸ்வயம் । உத்பாத³யஸி மே பூ⁴ய꞉ ஸந்தாபம் தன்ன ஶோப⁴னம் ॥14॥ ஸ்வம் பரித்யஜ்ய ரூபம் ய꞉ பரிவ்ராஜகரூபவான் । ஜனஸ்தா²னே மயா த்³ருஷ்ட꞉ த்வம் ஸ ஏவ ஹி ராவண꞉॥15॥ உபவாஸக்ருஶாம் தீ³னாம் காமரூப நிஶாசர । ஸந்தாபயஸி மாம் பூ⁴ய꞉ ஸந்தாபம் தன்ன ஶோப⁴னம் ॥16॥ அத²வா நைததே³வம் ஹி யன்மயா பரிஶங்கிதம் । மனஸோ ஹி மம ப்ரீதி꞉ உத்பன்னா தவ த³ர்ஶனாத் ॥17॥ யதி³ ராமஸ்ய தூ³தஸ்த்வம் ஆக³தோ ப⁴த்³ரமஸ்து தே । ப்ருச்சா²மி த்வாம் ஹரிஶ்ரேஷ்ட² ப்ரியா ராம கதா² ஹி மே ॥18॥ கு³ணான் ராமஸ்ய கத²ய ப்ரியஸ்ய மம வானர । சித்தம் ஹரஸி மே ஸௌம்ய நதீ³கூலம் யதா² ரய꞉॥19॥ அஹோ ஸ்வப்னஸ்ய ஸுக²தா யாஹமேவ சிராஹ்ருதா । ப்ரேஷிதம் நாம பஶ்யாமி ராக⁴வேண வனௌகஸம் ॥20॥ ஸ்வப்னேऽபி யத்³யஹம் வீரம் ராக⁴வம் ஸஹலக்ஷ்மணம் । பஶ்யேயம் நாவஸீதே³யம் ஸ்வப்னோऽபி மம மத்ஸரீ ॥21॥ நாஹம் ஸ்வப்னமிமம் மன்யே ஸ்வப்னே த்³ருஷ்ட்வா ஹி வானரம் । ந ஶக்யோऽப்⁴யுத³ய꞉ ப்ராப்தும் ப்ராப்தஶ்சாப்⁴யுத³யோ மம ॥22॥ கிம் நு ஸ்யாச்சித்தமோஹோऽயம் ப⁴வேத்³வாதக³திஸ்த்வியம் । உன்மாத³ஜோ விகாரோ வா ஸ்யாத³யம் ம்ருக³த்ருஷ்ணிகா ॥23॥ அத²வா நாயமுன்மாதோ³ மோஹோऽப்யுன்மாத³லக்ஷண꞉। ஸம்பு³த்⁴யே சாஹமாத்மானம் இமம் சாபி வனௌகஸம் ॥24॥ இத்யேவம் ப³ஹுதா⁴ ஸீதா ஸம்ப்ரதா⁴ர்ய ப³லாப³லம் । ரக்ஷஸாம் காமரூபத்வான் மேனே தம் ராக்ஷஸாதி⁴பம் ॥25॥ ஏதாம் பு³த்³தி⁴ம் ததா³ க்ருத்வா ஸீதா ஸா தனுமத்⁴யமா । ந ப்ரதிவ்யாஜஹாராத² வானரம் ஜனகாத்மஜா ॥26॥ ஸீதாயா நிஶ்சிதம் பு³த்³த்⁴வா ஹனூமான் மாருதாத்மஜ꞉। ஶ்ரோத்ரானுகூலைர்வசனை꞉ ததா³ தாம் ஸம்ப்ரஹர்ஷயன் ॥27॥ ஆதி³த்ய இவ தேஜஸ்வீ லோககாந்த꞉ ஶஶீ யதா² । ராஜா ஸர்வஸ்ய லோகஸ்ய தே³வோ வைஶ்ரவணோ யதா² ॥28॥ விக்ரமேணோபபன்னஶ்ச யதா² விஷ்ணுர்மஹாயஶா꞉। ஸத்யவாதீ³ மது⁴ரவாக்³- தே³வோ வாசஸ்பதிர்யதா² ॥29॥ ரூபவான் ஸுப⁴க³꞉ ஸ்ரீமான் கந்த³ர்ப இவ மூர்திமான் । ஸ்தா²னக்ரோதே⁴ ப்ரஹர்தா ச ஶ்ரேஷ்டோ² லோகே மஹாரத²꞉॥30॥ பா³ஹுச்சா²யாமவஷ்டப்³தோ⁴ யஸ்ய லோகோ மஹாத்மன꞉। அபக்ரம்யாஶ்ரமபதா³ன் ம்ருக³ரூபேண ராக⁴வம் ॥31॥ ஶூன்யே யேனாபனீதாஸி தஸ்ய த்³ரக்ஷ்யஸி தத்ப²லம் । அசிராத்³ராவணம் ஸங்க்²யே யோ வதி⁴ஷ்யதி வீர்யவான் ॥32॥ க்ரோத⁴ப்ரமுக்தைரிஷுபி⁴꞉ ஜ்வலத்³பி⁴ரிவ பாவகை꞉। தேனாஹம் ப்ரேஷிதோ தூ³த꞉ த்வத்ஸகாஶமிஹாக³த꞉॥33॥ த்வத்³வியோகே³ன து³꞉கா²ர்த꞉ ஸ த்வாம் கௌஶலமப்³ரவீத் । லக்ஷ்மணஶ்ச மஹாதேஜா꞉ ஸுமித்ரானந்த³வர்த⁴ன꞉॥34॥ அபி⁴வாத்³ய மஹாபா³ஹு꞉ ஸ த்வாம் கௌஶலமப்³ரவீத் । ராமஸ்ய ச ஸகா² தே³வி ஸுக்³ரீவோ நாம வானர꞉॥35॥ ராஜா வானரமுக்²யானாம் ஸ த்வாம் கௌஶலமப்³ரவீத் । நித்யம் ஸ்மரதி தே ராம꞉ ஸஸுக்³ரீவ꞉ ஸலக்ஷ்மண꞉॥36॥ தி³ஷ்ட்யா ஜீவஸி வைதே³ஹி ராக்ஷஸீவஶமாக³தா । நசிராத்³த்³ரக்ஷ்யஸே ராமம் லக்ஷ்மணம் ச மஹாரத²ம் ॥37॥ மத்⁴யே வாநரகோடீனாம் ஸுக்³ரீவம் சாமிதௌஜஸம் । அஹம் ஸுக்³ரீவஸசிவோ ஹனூமான் நாம வானர꞉॥38॥ ப்ரவிஷ்டோ நக³ரீம் லங்காம் லங்க⁴யித்வா மஹோத³தி⁴ம் । க்ருத்வா மூர்த்⁴னி பத³ந்யாஸம் ராவணஸ்ய து³ராத்மன꞉॥39॥ த்வாம் த்³ரஷ்டுமுபயாதோऽஹம் ஸமாஶ்ரித்ய பராக்ரமம் । நாஹமஸ்மி ததா² தே³வி யதா² மாமவக³ச்ச²ஸி । விஶங்கா த்யஜ்யதாமேஷா ஶ்ரத்³த⁴த்ஸ்வ வத³தோ மம ॥40॥ இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ சதுஸ்த்ரிம்ஶ꞉ ஸர்க³꞉