அத² பஞ்சத்ரிம்ஶ꞉ ஸர்க³꞉
தாம் து ராமகதா²ம் ஶ்ருத்வா
	வைதே³ஹீ வானரர்ஷபா⁴த் ।
உவாச வசனம் ஸாந்த்வம்
	இத³ம் மது⁴ரயா கி³ரா ॥1॥
க்வ தே ராமேண ஸம்ஸர்க³꞉
	கத²ம் ஜானாஸி லக்ஷ்மணம் ।
வானராணாம் நராணாம் ச
	கத²மாஸீத் ஸமாக³ம꞉॥2॥
யானி ராமஸ்ய சிஹ்னானி
	லக்ஷ்மணஸ்ய ச வானர ।
தானி பூ⁴ய꞉ ஸமாசக்ஷ்வ
	ந மாம் ஶோக꞉ ஸமாவிஶேத் ॥3॥
கீத்³ருஶம் தஸ்ய ஸம்ஸ்தா²னம்
	ரூபம் தஸ்ய ச கீத்³ருஶம் ।
கத²மூரூ கத²ம் பா³ஹூ
	லக்ஷ்மணஸ்ய ச ஶம்ஸ மே ॥4॥
ஏவமுக்தஸ்து வைதே³ஹ்யா
	ஹனூமான் மாருதாத்மஜ꞉।
ததோ ராமம் யதா²தத்த்வம்
	ஆக்²யாதுமுபசக்ரமே ॥5॥
ஜானந்தீ ப³த தி³ஷ்ட்யா மாம்
	வைதே³ஹி பரிப்ருச்ச²ஸி ।
ப⁴ர்து꞉ கமலபத்ராக்ஷி
	ஸம்ஸ்தா²னம் லக்ஷ்மணஸ்ய ச ॥6॥
யானி ராமஸ்ய சிஹ்னானி
	லக்ஷ்மணஸ்ய ச யானி வை ।
லக்ஷிதானி விஶாலாக்ஷி
	வத³த꞉ ஶ்ருணு தானி மே ॥7॥
ராம꞉ கமலபத்ராக்ஷ꞉
	பூர்ணசந்த்³ரனிபா⁴னன꞉।
ரூபதா³க்ஷிண்யஸம்பன்ன꞉
	ப்ரஸூதோ ஜனகாத்மஜே ॥8॥
தேஜஸாऽऽதி³த்யஸங்காஶ꞉
	க்ஷமயா ப்ருதி²வீஸம꞉।
ப்³ருஹஸ்பதிஸமோ பு³த்³த்⁴யா
	யஶஸா வாஸவோபம꞉॥9॥
ரக்ஷிதா ஜீவலோகஸ்ய
	ஸ்வஜனஸ்ய ச ரக்ஷிதா ।
ரக்ஷிதா ஸ்வஸ்ய வ்ருத்தஸ்ய
	த⁴ர்மஸ்ய ச பரந்தப꞉॥10॥
ராமோ பா⁴மினி லோகஸ்ய
	சாதுர்வர்ண்யஸ்ய ரக்ஷிதா ।
மர்யாதா³னாம் ச லோகஸ்ய
	கர்தா காரயிதா ச ஸ꞉॥11॥
அர்சிஷ்மானர்சிதோऽத்யர்த²ம்
	ப்³ரஹ்மசர்யவ்ரதே ஸ்தி²த꞉।
ஸாதூ⁴நாமுபகாரஜ்ஞ꞉
	ப்ரசாரஜ்ஞஶ்ச கர்மணாம் ॥12॥
ராஜனீத்யாம் வினீதஶ்ச
	ப்³ராஹ்மணாநாமுபாஸக꞉।
ஜ்ஞானவாஞ்ஶீலஸம்பன்னோ
	வினீதஶ்ச பரந்தப꞉॥13॥
யஜுர்வேத³வினீதஶ்ச
	வேத³வித்³பி⁴꞉ ஸுபூஜித꞉।
த⁴னுர்வேதே³ ச வேதே³ ச
	வேதா³ங்கே³ஷு ச நிஷ்டி²த꞉॥14॥
விபுலாம்ஸோ மஹாபா³ஹு꞉
	கம்பு³க்³ரீவ꞉ ஶுபா⁴னன꞉।
கூ³ட⁴ஜத்ரு꞉ ஸுதாம்ராக்ஷோ
	ராமோ நாம ஜனை꞉ ஶ்ருத꞉॥15॥
து³ந்து³பி⁴ஸ்வனநிர்கோ⁴ஷ꞉
	ஸ்னிக்³த⁴வர்ண꞉ ப்ரதாபவான் ।
ஸமஶ்ச ஸுவிப⁴க்தாங்கோ³
	வர்ணம் ஶ்யாமம் ஸமாஶ்ரித꞉॥16॥
த்ரிஸ்தி²ரஸ்த்ரிப்ரலம்ப³ஶ்ச
	த்ரிஸமஸ்த்ரிஷு சோன்னத꞉।
த்ரிதாம்ரஸ்த்ரிஷு ச ஸ்ரிக்³தோ⁴
	க³ம்பீ⁴ரஸ்த்ரிஷு நித்ரஶ꞉॥17॥
த்ரிவலீமாம்ஸ்த்ர்யவனத꞉
	சதுர்வ்யங்க³ஸ்த்ரிஶீர்ஷவான் ।
சதுஷ்கலஶ்சதுர்லேக²꞉
	சதுஷ்கிஷ்குஶ்சது꞉ ஸம꞉॥18॥
சதுர்த³ஶஸமத்³வந்த்³வ꞉
	சதுர்த³ஷ்ட்ரஶ்சதுர்க³தி꞉।
மஹௌஷ்ட²ஹனுனாஸஶ்ச
	பஞ்சஸ்னிக்³தோ⁴ऽஷ்டவம்ஶவான் ॥19॥
த³ஶபத்³மோ த³ஶப்³ருஹத்
	த்ரிபி⁴ர்வ்யாப்தோ த்³விஶுக்லவான் ।
ஷடு³ன்னதோ நவதனு꞉
	த்ரிபி⁴ர்வ்யாப்னோதி ராக⁴வ꞉॥20॥
ஸத்யத⁴ர்மரத꞉ ஸ்ரீமான்
	ஸங்க்³ரஹானுக்³ரஹே ரத꞉।
தே³ஶகாலவிபா⁴க³ஜ்ஞ꞉
	ஸர்வலோகப்ரியம்வத³꞉॥21॥
ப்⁴ராதா சாஸ்ய ச வைமாத்ர꞉
	ஸௌமித்ரிரமிதப்ரப⁴꞉।
அனுராகே³ண ரூபேண
	கு³ணைஶ்சாபி ததா²வித⁴꞉॥22॥
ஸ ஸுவர்ணச்ச²வி꞉ ஸ்ரீமான்
	ராம꞉ ஶ்யாமோ மஹாயஶா꞉।
தாவுபௌ⁴ நரஶார்தூ³லௌ
	த்வத்³த³ர்ஶனக்ருதோத்ஸவௌ ॥23॥
விசின்வந்தௌ மஹீம் க்ருத்ஸ்ராம்
	அஸ்மாபி⁴꞉ ஸஹ ஸங்க³தௌ ।
த்வாமேவ மார்க³மாணௌ தௌ
	விசரந்தௌ வஸுந்த⁴ராம் ॥24॥
த³த³ர்ஶதுர்ம்ருக³பதிம்
	பூர்வஜேனாவரோபிதம் ।
ருஷ்யமூகஸ்ய மூலே து
	ப³ஹுபாத³பஸங்குலே ॥25॥
ப்⁴ராதுர்ப⁴யார்தமாஸீனம்
	ஸுக்³ரீவம் ப்ரியத³ர்ஶனம் ।
வயம் ச ஹரிராஜம் தம்
	ஸுக்³ரீவம் ஸத்யஸங்க³ரம் ॥26॥
பரிசர்யாமஹே ராஜ்யாத்
	பூர்வஜேனாவரோபிதம் ।
ததஸ்தௌ சீரவஸனௌ
	த⁴னு꞉ப்ரவரபாணினௌ ॥27॥
ருஷ்யமூகஸ்ய ஶைலஸ்ய
	ரம்யம் தே³ஶமுபாக³தௌ ।
ஸ தௌ த்³ருஷ்ட்வா நரவ்யாக்⁴ரௌ
	த⁴ன்வினௌ வானரர்ஷப⁴꞉॥28॥
அபி⁴ப்லுதோ கி³ரேஸ்தஸ்ய
	ஶிக²ரம் ப⁴யமோஹித꞉।
தத꞉ ஸ ஶிக²ரே தஸ்மின்
	வானரேந்த்³ரோ வ்யவஸ்தி²த꞉॥29॥
தயோ꞉ ஸமீபம் மாமேவ
	ப்ரேஷயாமாஸ ஸத்வரம் ।
தாவஹம் புருஷவ்யாக்⁴ரௌ
	ஸுக்³ரீவவசனாத்ப்ரபூ⁴ ॥30॥
ரூபலக்ஷணஸம்பன்னௌ
	க்ருதாஞ்ஜலிருபஸ்தி²த꞉।
தௌ பரிஜ்ஞாததத்த்வார்தௌ²
	மயா ப்ரீதிஸமன்விதௌ ॥31॥
ப்ருஷ்ட²மாரோப்ய தம் தே³ஶம்
	ப்ராபிதௌ புருஷர்ஷபௌ⁴ ।
நிவேதி³தௌ ச தத்த்வேன
	ஸுக்³ரீவாய மஹாத்மனே ॥32॥
தயோரன்யோன்யஸம்பா⁴ஷாத்
	ப்⁴ருஶம் ப்ரீதிரஜாயத ।
தத்ர தௌ கீர்திஸம்பன்னௌ
	ஹரீஶ்வரனரேஶ்வரௌ ॥33॥
பரஸ்பரக்ருதாஶ்வாஸௌ
	கத²யா பூர்வவ்ருத்தயா ।
தம் தத꞉ ஸாந்த்வயாமாஸ
	ஸுக்³ரீவம் லக்ஷ்மணாக்³ரஜ꞉॥34॥
ஸ்த்ரீஹேதோர்வாலினா ப்⁴ராத்ரா
	நிரஸ்தம் புருதேஜஸா ।
ததஸ்த்வந்நாஶஜம் ஶோகம்
	ராமஸ்யாக்லிஷ்டகர்மண꞉॥35॥
லக்ஷ்மணோ வானரேந்த்³ராய
	ஸுக்³ரீவாய ந்யவேத³யத் ।
ஸ ஶ்ருத்வா வானரேந்த்³ரஸ்து
	லக்ஷ்மணேனேரிதம் வச꞉॥36॥
ததா³ஸீந்நிஷ்ப்ரபோ⁴ऽத்யர்த²ம்
	க்³ரஹக்³ரஸ்த இவாம்ஶுமான் ।
ததஸ்த்வத்³கா³த்ரஶோபீ⁴னி
	ரக்ஷஸா ஹ்ரியமாணயா ॥37॥
யான்யாப⁴ரணஜாலானி
	பாதிதானி மஹீதலே ।
தானி ஸர்வாணி ராமாய
	ஆனீய ஹரியூத²பா꞉॥38॥
ஸம்ஹ்ருஷ்டா த³ர்ஶயாமாஸு꞉
	க³திம் து ந விது³ஸ்தவ ।
தானி ராமாய த³த்தானி
	மயைவோபஹ்ருதானி ச ॥39॥
ஸ்வனவந்த்யவகீர்ணானி
	தஸ்மின்விஹதசேதஸி ।
தான்யங்கே த³ர்ஶனீயானி
	க்ருத்வா ப³ஹுவித⁴ம் ததா³ ॥40॥
தேன தே³வப்ரகாஶேன
	தே³வேன பரிதே³விதம் ।
பஶ்யதஸ்தானி ருத³த꞉
	தாம்யதஶ்ச புன꞉ புன꞉॥41॥
ப்ராதீ³பயத்³ தா³ஶரதே²꞉
	ததா³ ஶோகஹுதாஶனம் ॥42॥
ஶாயிதம் ச சிரம் தேன
	து³꞉கா²ர்தேன மஹாத்மனா ।
மயாபி விவிதை⁴ர்வாக்யை꞉
	க்ருச்ச்²ராது³த்தா²பித꞉ புன꞉॥43॥
தானி த்³ருஷ்ட்வா மஹார்ஹாணி
	த³ர்ஶயித்வா முஹுர்முஹு꞉।
ராக⁴வ꞉ ஸஹஸௌமித்ரி꞉
	ஸுக்³ரீவே ஸம்ந்யவேஶயத் ॥44॥
ஸ தவாத³ர்ஶநாதா³ர்யே
	ராக⁴வ꞉ பரிதப்யதே ।
மஹதா ஜ்வலதா நித்யம்
	அக்³னினேவாக்³னிபர்வத꞉॥45॥
த்வத்க்ருதே தமநித்³ரா ச
	ஶோகஶ்சிந்தா ச ராக⁴வம் ।
தாபயந்தி மஹாத்மானம்
	அக்³ன்யகா³ரமிவாக்³னய꞉॥46॥
தவாத³ர்ஶனஶோகேன
	ராக⁴வ꞉ ப்ரரிசால்யதே ।
மஹதா பூ⁴மிகம்பேன
	மஹானிவ ஶிலோச்சய꞉॥47॥
கானனானி ஸுரம்யாணி
	நதீ³ப்ரஸ்ரவணானி ச ।
சரன்ன ரதிமாப்னோதி
	த்வமபஶ்யந்ந்ருபாத்மஜே ॥48॥
ஸ த்வாம் மனுஜஶார்தூ³ல꞉
	க்ஷிப்ரம் ப்ராப்ஸ்யதி ராக⁴வ꞉।
ஸமித்ரபா³ந்த⁴வம் ஹத்வா
	ராவணம் ஜனகாத்மஜே ॥49॥
ஸஹிதௌ ராமஸுக்³ரீவௌ
	உபா⁴வகுருதாம் ததா³ ।
ஸமயம் வாலினம் ஹந்தும்
	தவ சான்வேஷணம் ப்ரதி ॥50॥
ததஸ்தாப்⁴யாம் குமாராப்⁴யாம்
	வீராப்⁴யாம் ஸ ஹரீஶ்வர꞉।
கிஷ்கிந்தா⁴ம் ஸமுபாக³ம்ய
	வாலீ யுத்³தே⁴ நிபாதித꞉॥51॥
ததோ நிஹத்ய தரஸா
	ராமோ வாலினமாஹவே ।
ஸர்வர்க்ஷஹரிஸங்கா⁴னாம்
	ஸுக்³ரீவமகரோத்பதிம் ॥52॥
ராமஸுக்³ரீவயோரைக்யம்
	தே³வ்யேவம் ஸமஜாயத ।
ஹனூமந்தம் ச மாம் வித்³தி⁴
	தயோர்தூ³தமுபாக³தம் ॥53॥
ஸ்வம் ராஜ்யம் ப்ராப்ய ஸுக்³ரீவ꞉
	ஸ்வானானீய மஹாகபீன் ।
த்வத³ர்த²ம் ப்ரேஷயாமாஸ
	தி³ஶோ த³ஶ மஹாப³லான் ॥54॥
ஆதி³ஷ்டா வானரேந்த்³ரேண
	ஸுக்³ரீவேண மஹௌஜஸ꞉।
அத்³ரிராஜப்ரதீகாஶா꞉
	ஸர்வத꞉ ப்ரஸ்தி²தா மஹீம் ॥55॥
ததஸ்தே மார்க³மாணா வை
	ஸுக்³ரீவவசனாதுரா꞉।
சரந்தி வஸுதா⁴ம் க்ருத்ஸ்னாம்
	வயமன்யே ச வானரா꞉॥56॥
அங்க³தோ³ நாம லக்ஷ்மீவான்
	வாலிஸூனுர்மஹாப³ல꞉।
ப்ரஸ்தி²த꞉ கபிஶார்தூ³ல꞉
	த்ரிபா⁴க³ப³லஸம்வ்ருத꞉॥57॥
தேஷாம் நோ விப்ரணஷ்டானாம்
	விந்த்⁴யே பர்வதஸத்தமே ।
ப்⁴ருஶம் ஶோகபரீதனாம்
	அஹோராத்ரக³ணா க³தா꞉॥58॥
தே வயம் கார்யநைராஶ்யாத்
	காலஸ்யாதிக்ரமேண ச ।
ப⁴யாச்ச கபிராஜஸ்ய
	ப்ராணாம்ஸ்த்யக்துமுபஸ்தி²தா꞉॥59॥
விசித்ய கி³ரிது³ர்கா³ணி
	நதீ³ப்ரஸ்ரவணானி ச ।
அனாஸாத்³ய பத³ம் தே³வ்யா꞉
	ப்ராணாம்ஸ்த்யக்தும் வ்யவஸ்தி²தா꞉॥60॥
ததஸ்தஸ்ய கி³ரேர்மூத்⁴னி
	வயம் ப்ராயமுபாஸ்மஹே ।
த்³ருஷ்ட்வா ப்ராயோபவிஷ்டாம்ஶ்ச
	ஸர்வான் வானரபுங்க³வான் ॥61॥
ப்⁴ருஶம் ஶோகார்ணவே மக்³ன꞉
	பர்யதே³வயத³ங்க³த³꞉।
தவ நாஶம் ச வைதே³ஹி
	வாலினஶ்ச ததா² வத⁴ம் ॥62॥
ப்ராயோபவேஶமஸ்மாகம்
	மரணம் ச ஜடாயுஷ꞉।
தேஷாம் ந꞉ ஸ்வாமிஸந்தே³ஶான்
	நிராஶானாம் முமூர்ஷதாம் ॥63॥
கார்யஹேதோரிஹாயாத꞉
	ஶகுநிர்வீர்யவான்மஹான் ।
க்³ருத்⁴ரராஜஸ்ய ஸோத³ர்ய꞉
	ஸம்பாதிர்நாம க்³ருத்⁴ரராட் ॥64॥
ஶ்ருத்வா ப்⁴ராத்ருவத⁴ம் கோபாத்
	இத³ம் வசனமப்³ரவீத் ।
யவீயான் கேன மே ப்⁴ராதா
	ஹத꞉ க்வ ச நிபாதித꞉॥65॥
ஏததா³க்²யாதுமிச்சா²மி
	ப⁴வத்³பி⁴ர்வானரோத்தமா꞉।
அங்க³தோ³ऽகத²யத்தஸ்ய
	ஜனஸ்தா²னே மஹத்³வத⁴ம் ॥66॥
ரக்ஷஸா பீ⁴மரூபேண
	த்வாமுத்³தி³ஶ்ய யதா²ர்த²த꞉।
ஜடாயோஸ்து வத⁴ம் ஶ்ருத்வா
	து³꞉கி²த꞉ ஸோऽருணாத்மஜ꞉॥67॥
த்வாமாஹ ஸ வராரோஹே
	வஸந்தீம் ராவணாலயே ।
தஸ்ய தத்³வசனம் ஶ்ருத்வா
	ஸம்பாதே꞉ ப்ரீதிவர்த⁴னம் ॥68॥
அங்க³த³ப்ரமுகா²꞉ ஸர்வே
	தத꞉ ப்ரஸ்தா²பிதா வயம் ।
விந்த்⁴யாது³த்தா²ய ஸம்ப்ராப்தா꞉
	ஸாக³ரஸ்யாந்தமுத்தமம் ॥69॥
த்வத்³த³ர்ஶனே க்ருதோத்ஸாஹா
	ஹ்ருஷ்டா꞉ புஷ்டா꞉ ப்லவங்க³மா꞉।
அங்க³த³ப்ரமுகா²꞉ ஸர்வே
	வேலோபாந்தமுபாக³தா꞉॥70॥
சிந்தாம் ஜக்³மு꞉ புனர்பீ⁴மாம்
	த்வத்³த³ர்ஶனஸமுத்ஸுகா꞉।
அதா²ஹம் ஹரிஸைன்யஸ்ய
	ஸாக³ரம் த்³ருஶ்ய ஸீத³த꞉॥71॥
வ்யவதூ⁴ய ப⁴யம் தீவ்ரம்
	யோஜனானாம் ஶதம் ப்லுத꞉।
லங்கா சாபி மயா ராத்ரௌ
	ப்ரவிஷ்டா ராக்ஷஸாகுலா ॥72॥
ராவணஶ்ச மயா த்³ருஷ்ட꞉
	த்வம் ச ஶோகனிபீடி³தா ।
ஏதத்தே ஸர்வமாக்²யாதம்
	யதா²வ்ருத்தமனிந்தி³தே ॥73॥
அபி⁴பா⁴ஷஸ்வ மாம் தே³வி
	தூ³தோ தா³ஶரதே²ரஹம் ।
தன்மாம் ராமக்ருதோத்³யோக³ம்
	த்வந்நிமித்தமிஹாக³தம் ॥74॥
ஸுக்³ரீவஸசிவம் தே³வி
	பு³த்³த்⁴யஸ்வ பவனாத்மஜம் ।
குஶலீ தவ காகுத்ஸ்த²꞉
	ஸர்வஶஸ்த்ரப்⁴ருதாம் வர꞉॥75॥
கு³ரோராராத⁴னே யுக்தோ
	லக்ஷ்மண꞉ ஶுப⁴லக்ஷண꞉।
தஸ்ய வீர்யவதோ தே³வி
	ப⁴ர்துஸ்தவ ஹிதே ரத꞉॥76॥
அஹமேகஸ்து ஸம்ப்ராப்த꞉
	ஸுக்³ரீவவசநாதி³ஹ ।
மயேயமஸஹாயேன
	சரதா காமரூபிணா ॥77॥
த³க்ஷிணா தி³க³னுக்ராந்தா
	த்வன்மார்க³விசயைஷிணா ।
தி³ஷ்ட்யாஹம் ஹரிஸைன்யானாம்
	த்வந்நாஶமனுஶோசதாம் ॥78॥
அபனேஷ்யாமி ஸந்தாபம்
	தவாதி⁴க³மஶாஸனாத் ।
தி³ஷ்ட்யா ஹி ந மம வ்யர்த²ம்
	ஸாக³ரஸ்யேஹ லங்க⁴னம் ॥79॥
ப்ராப்ஸ்யாம்யஹமித³ம் தே³வி
	த்வத்³த³ர்ஶனக்ருதம் யஶ꞉।
ராக⁴வஶ்ச மஹாவீர்ய꞉
	க்ஷிப்ரம் த்வாமபி⁴பத்ஸ்யதே ॥80॥
ஸபுத்ரபா³ந்த⁴வம் ஹத்வா
	ராவணம் ராக்ஷஸாதி⁴பம் ।
மால்யவான் நாம வைதே³ஹி 
	கி³ரீணாமுத்தமோ கி³ரி꞉॥81॥
ததோ க³ச்ச²தி கோ³கர்ணம்
	பர்வதம் கேஸரீ ஹரி꞉।
ஸ ச தே³வர்ஷிபி⁴ர்தி³ஷ்ட꞉ பிதா மம மஹாகபி꞉।
தீர்தே² நதீ³பதே꞉ புண்யே
	ஶம்ப³ஸாத³னமுத்³த⁴ரன் ॥82॥
யஸ்யாஹம் ஹரிண꞉ க்ஷேத்ரே
	ஜாதோ வாதேன மைதி²லி ।
ஹனூமானிதி விக்²யாதோ
	லோகே ஸ்வேனைவ கர்மணா ॥83॥
விஶ்வாஸார்த²ம் து வைதே³ஹி
	ப⁴ர்துருக்தா மயா கு³ணா꞉।
அசிராத் த்வாமிதோ தே³வி
	ராக⁴வோ நயிதா த்⁴ருவம் ॥84॥
ஏவம் விஶ்வாஸிதா ஸீதா
	ஹேதுபி⁴꞉ ஶோககர்ஶிதா ।
உபபன்னைரபி⁴ஜ்ஞானை꞉
	தூ³தம் தமதி⁴க³ச்ச²தி ॥85॥
அதுலம் ச க³தா ஹர்ஷம்
	ப்ரஹர்ஷேண து ஜானகீ ।
நேத்ராப்⁴யாம் வக்ரபக்ஷ்மாப்⁴யாம்
	முமோசானந்த³ஜம் ஜலம் ॥86॥
சாரு தத்³ வத³னம் தஸ்யா꞉
	தாம்ரஶுக்லாயதேக்ஷணம் ।
அஶோப⁴த விஶாலாக்ஷ்யா
	ராஹுமுக்த இவோடு³ராட் ॥87॥
ஹனூமந்தம் கபிம் வ்யக்தம்
	மன்யதே நான்யதே²தி ஸா ।
அதோ²வாச ஹனூமாம்ஸ்தாம்
	உத்தரம் ப்ரியத³ர்ஶநாம் ॥88॥
ஏதத்தே ஸர்வமாக்²யாதம்
	ஸமாஶ்வஸிஹி மைதி²லி ।
கிம் கரோமி கத²ம் வா தே
	ரோசதே ப்ரதியாம்யஹம் ॥89॥
ஹதேऽஸுரே ஸம்யதி ஶம்ப³ஸாத³னே
	கபிப்ரவீரேண மஹர்ஷிசோத³னாத் ।
ததோऽஸ்மி வாயுப்ரப⁴வோ ஹி மைதி²லி
	ப்ரபா⁴வதஸ்தத்ப்ரதிமஶ்ச வானர꞉॥90॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ பஞ்சத்ரிம்ஶ꞉ ஸர்க³꞉