அத² அஷ்டாத்ரிம்ஶ꞉ ஸர்க³꞉
தத꞉ ஸ கபிஶார்தூ³ல꞉
	தேன வாக்யேன தோஷித꞉।
ஸீதாமுவாச தச்ச்²ருத்வா
	வாக்யம் வாக்யவிஶாரத³꞉॥1॥
யுக்தரூபம் த்வயா தே³வி
	பா⁴ஷிதம் ஶுப⁴த³ர்ஶனே ।
ஸத்³ருஶம் ஸ்த்ரீஸ்வபா⁴வஸ்ய
	ஸாத்⁴வீனாம் வினயஸ்ய ச ॥2॥
ஸ்த்ரீத்வான்ன த்வம் ஸமர்தா²ஸி
	ஸாக³ரம் வ்யதிவர்திதும் ।
மாமதி⁴ஷ்டா²ய விஸ்தீர்ணம்
	ஶதயோஜனமாயதம் ॥3॥
த்³விதீயம் காரணம் யச்ச
	ப்³ரவீஷி வினயான்விதே ।
ராமாத³ன்யஸ்ய நார்ஹாமி
	ஸம்ஸர்க³மிதி ஜானகி ॥4॥
ஏதத்தே தே³வி ஸத்³ருஶம்
	பத்ந்யாஸ்தஸ்ய மஹாத்மன꞉।
கா ஹ்யன்யா த்வாம்ருதே தே³வி
	ப்³ரூயாத்³வசனமீத்³ருஶம் ॥5॥
ஶ்ரோஷ்யதே சைவ காகுத்ஸ்த²꞉
	ஸர்வம் நிரவஶேஷத꞉।
சேஷ்டிதம் யத்த்வயா தே³வி
	பா⁴ஷிதம் ச மமாக்³ரத꞉॥6॥
காரணைர்ப³ஹுபி⁴ர்தே³வி
	ராம ப்ரியசிகீர்ஷயா ।
ஸ்னேஹப்ரஸ்கன்னமனஸா
	மயைதத்ஸமுதீ³ரிதம் ॥7॥
லங்காயா து³ஷ்ப்ரவேஶத்வாத்
	து³ஸ்தரத்வான்மஹோத³தே⁴꞉।
ஸாமர்த்²யாதா³த்மனஶ்சைவ
	மயைதத்ஸமுதீ³ரிதம் ॥8॥
இச்சா²மி த்வாம் ஸமானேதும்
	அத்³யைவ ரகு⁴னந்தி³னா ।
கு³ருஸ்னேஹேன ப⁴க்த்யா ச
	நான்யதா² தது³தா³ஹ்ருதம் ॥9॥
யதி³ நோத்ஸஹதே யாதும்
	மயா ஸார்த⁴மனிந்தி³தே ।
அபி⁴ஜ்ஞானம் ப்ரயச்ச² த்வம்
	ஜானீயாத்³ராக⁴வோ ஹி யத் ॥10॥
ஏவமுக்தா ஹனுமதா
	ஸீதா ஸுரஸுதோபமா ।
உவாச வசனம் மந்த³ம்
	பா³ஷ்பப்ரக்³ரதி²தாக்ஷரம் ॥11॥
இத³ம் ஶ்ரேஷ்ட²மபி⁴ஜ்ஞானம்
	ப்³ரூயாஸ்த்வம் து மம ப்ரியம் ।
ஶைலஸ்ய சித்ரகூடஸ்ய
	பாதே³ பூர்வோத்தரே பதே³ ॥12॥
தாபஸாஶ்ரமவாஸின்யா꞉
	ப்ராஜ்யமூலப²லோத³கே ।
தஸ்மின்ஸித்³தா⁴ஶ்ரிதே தே³ஶே
	மந்தா³கின்யவிதூ³ரத꞉॥13॥
தஸ்யோபவநக²ண்டே³ஷு
	நாநாபுஷ்பஸுக³ந்தி⁴ஷு ।
விஹ்ருத்ய ஸலிலே க்லின்னோ
	மமாங்கே ஸமுபாவிஶ꞉॥14॥
ததோ மாம்ஸஸமாயுக்தோ
	வாயஸ꞉ பர்யதுண்ட³யத் ।
தமஹம் லோஷ்டமுத்³யம்ய
	வாரயாமி ஸ்ம வாயஸம் ॥15॥
தா³ரயன்ஸ ச மாம் காக꞉
	தத்ரைவ பரிலீயதே ।
ந சாப்யுபாரமன்மாம்ஸாத்
	ப⁴க்ஷார்தீ² ப³லிபோ⁴ஜன꞉॥16॥
உத்கர்ஷந்த்யாம் ச ரஶநாம்
	க்ருத்³தா⁴யாம் மயி பக்ஷிணே ।
ஸ்ரம்ஸமானே ச வஸனே
	ததோ த்³ருஷ்டா த்வயா ஹ்யஹம் ॥17॥
த்வயா விஹஸிதா சாஹம்
	க்ருத்³தா⁴ ஸம்லஜ்ஜிதா ததா³ ।
ப⁴க்ஷ்ய க்³ருத்³தே⁴ன காகேன
	தா³ரிதா த்வாமுபாக³தா ॥18॥
தத꞉ ஶ்ராந்தாஹமுத்ஸங்க³ம்
	ஆஸீனஸ்ய தவாவிஶம் ।
க்ருத்⁴யந்தீவ ப்ரஹ்ருஷ்டேன
	த்வயாஹம் பரிஸாந்த்விதா ॥19॥
பா³ஷ்பபூர்ணமுகீ² மந்த³ம்
	சக்ஷுஷீ பரிமார்ஜதீ ।
லக்ஷிதாஹம் த்வயா நாத²
	வாயஸேன ப்ரகோபிதா ॥20॥
பரிஶ்ரமாச்ச ஸுப்தா ஹே
	ராக⁴வாங்கேऽஸ்ம்யஹம் சிரம் ।
பர்யாயேண ப்ரஸுப்தஶ்ச
	மமாங்கே ப⁴ரதாக்³ரஜ꞉॥21॥
ஸ தத்ர புனரேவாத வாயஸ꞉ ஸமுபாக³மத் ।
தத꞉ ஸுப்தப்ரபு³த்³தா⁴ம் மாம்
	ராக⁴வாங்காத் ஸமுத்தி²தாம் ।
வாயஸ꞉ ஸஹஸாக³ம்ய
	வித³தா³ர ஸ்தனாந்தரே ॥22॥
புன꞉ புனரதோ²த்பத்ய
	வித³தா³ர ஸ மாம் ப்⁴ருஶம் ।
தத꞉ ஸமுத்தி²தோ ராமோ
	முக்தை꞉ ஶோணிதபி³ந்து³பி⁴꞉॥23॥
ஸ மாம் த்³ருஷ்ட்வா மஹாபா³ஹு꞉
	விதுன்னாம் ஸ்தனயோஸ்ததா³ ।
ஆஶீவிஷ இவ க்ருத்³த⁴꞉
	ஶ்வஸன் வாக்யமபா⁴ஷத ॥24॥
கேன தே நாக³னாஸோரு
	விக்ஷதம் வை ஸ்தனாந்தரம் ।
க꞉ க்ரீட³தி ஸரோஷேண
	பஞ்சவக்த்ரேண போ⁴கி³னா ॥25॥
வீக்ஷமாணஸ்ததஸ்தம் வை
	வாயஸம் ஸமவைக்ஷத ।
நகை²꞉ ஸருதி⁴ரைஸ்தீக்ஷ்ணை꞉
	மாமேவாபி⁴முக²ம் ஸ்தி²தம் ॥26॥
புத்ர꞉ கில ஸ ஶக்ரஸ்ய
	வாயஸ꞉ பததாம் வர꞉।
த⁴ராந்தரம் க³த꞉ ஶீக்⁴ரம்
	பவனஸ்ய க³தௌ ஸம꞉॥27॥
ததஸ்தஸ்மின்மஹாபா³ஹு꞉
	கோபஸம்வர்திதேக்ஷண꞉।
வாயஸே க்ருதவான்க்ரூராம்
	மதிம் மதிமதாம் வர꞉॥28॥
ஸ த³ர்ப⁴ஸம்ஸ்தராத்³க்³ருஹ்ய
	ப்³ரஹ்மணோऽஸ்த்ரேண யோஜயேத் ।
ஸ தீ³ப்த இவ காலாக்³னி꞉
	ஜஜ்வாலாபி⁴முகோ² த்³விஜம் ॥29॥
ஸ தம் ப்ரதீ³ப்தம் சிக்ஷேப
	த³ர்ப⁴ம் தம் வாயஸம் ப்ரதி ।
ததஸ்து வாயஸம் த³ர்ப⁴꞉
	ஸோऽம்ப³ரேऽனுஜகா³ம ஹ ॥30॥
அனுஸ்ருஷ்டஸ்ததா³ காகோ
	ஜகா³ம விவிதா⁴ம் க³திம் ।
த்ராணகாம இமம் லோகம்
	ஸர்வம் வை விசசார ஹ ॥31॥
ஸ பித்ரா ச பரித்யக்த꞉
	ஸர்வைஶ்ச பரமர்ஷிபி⁴꞉।
த்ரீம்ல்லோகான்ஸம்பரிக்ரம்ய
	தமேவ ஶரணம் க³த꞉॥32॥
ஸ தம் நிபதிதம் பூ⁴மௌ
	ஶரண்ய꞉ ஶரணாக³தம் ।
வதா⁴ர்ஹமபி காகுத்ஸ்த²꞉
	க்ருபயா பர்யபாலயத் ॥33॥
பரித்³யூனம் விவர்ணம் ச
	பதமானம் தமப்³ரவீத் ।
மோக⁴ம்மஸ்த்ரம் ந ஶக்யம் து
	ப்³ராஹ்மம் கர்தும் தது³ச்யதாம் ॥34॥
ததஸ்தஸ்யாக்ஷி காகஸ்ய
	ஹினஸ்தி ஸ்ம ஸ த³க்ஷிணம் ।
த³த்த்வா து த³க்ஷிணம் நேத்ரம்
	ப்ராணேப்⁴ய꞉ பரிரக்ஷித꞉॥35॥
ஸ ராமாய நமஸ்க்ருத்வா
	ராஜ்ஞே த³ஶரதா²ய ச ।
விஸ்ருஷ்டஸ்தேன வீரேண
	ப்ரதிபேதே³ ஸ்வமாலயம் ॥36॥
மத்க்ருதே காகமாத்ரேऽபி
	ப்³ரஹ்மாஸ்த்ரம் ஸமுதீ³ரிதம் ।
கஸ்மாத்³யோ மாஹரத்த்வத்த꞉
	க்ஷமஸே தம் மஹீபதே ॥37॥
ஸ குருஷ்வ மஹோத்ஸாஹாம்
	க்ருபாம் மயி நரர்ஷப⁴ ।
த்வயா நாத²வதீ நாத²
	ஹ்யநாதா² இவ த்³ருஶ்யதே ॥38॥
ஆந்ருஶம்ஸ்யம் பரோ த⁴ர்ம꞉
	த்வத்த ஏவ மயா ஶ்ருதம் ।
ஜாநாமி த்வாம் மஹாவீர்யம்
	மஹோத்ஸாஹம் மஹாப³லம் ॥39॥
அபாரபாரமக்ஷோப்⁴யம்
	கா³ம்பீ⁴ர்யாத்ஸாக³ரோபமம் ।
ப⁴ர்தாரம் ஸஸமுத்³ராயா
	த⁴ரண்யா வாஸவோபமம் ॥40॥
ஏவமஸ்த்ரவிதா³ம் ஶ்ரேஷ்டோ²
	ப³லவான் ஸத்த்வவானபி ।
கிமர்த²மஸ்த்ரம் ரக்ஷ꞉ஸு
	ந யோஜயஸி ராக⁴வ ॥41॥
ந நாகா³ நாபி க³ந்த⁴ர்வா
	ந ஸுரா ந மருத்³க³ணா꞉।
ராமஸ்ய ஸமரே வேக³ம்
	ஶக்தா꞉ ப்ரதிஸமீஹிதும் ॥42॥
தஸ்ய வீர்யவத꞉ கஶ்சித்
	யத்³யஸ்தி மயி ஸம்ப்⁴ரம꞉।
கிமர்த²ம் ந ஶரைஸ்தீக்ஷ்ணை꞉
	க்ஷயம் நயதி ராக்ஷஸான் ॥43॥
ப்⁴ராதுராதே³ஶமாதா³ய
	லக்ஷ்மணோ வா பரந்தப꞉।
கஸ்ய ஹேதோர்ன மாம் வீர꞉
	பரித்ராதி மஹாப³ல꞉॥44॥
யதி³ தௌ புருஷவ்யாக்⁴ரௌ
	வாய்விந்த்³ரஸமதேஜஸௌ ।
ஸுராணாமபி து³ர்த⁴ர்ஷௌ
	கிமர்த²ம் மாமுபேக்ஷத꞉॥45॥
மமைவ து³ஷ்க்ருதம் கிஞ்சித்
	மஹத³ஸ்தி ந ஸம்ஶய꞉।
ஸமர்தா²வபி தௌ யன்மாம்
	நாவேக்ஷேதே பரந்தபௌ ॥46॥
வைதே³ஹ்யா வசனம் ஶ்ருத்வா
	கருணம் ஸாஶ்ருபா⁴ஷிதம் ।
அதா²ப்³ரவீன்மஹாதேஜா
	ஹனுமான் ஹரியூத²ப꞉॥47॥
த்வச்சோ²கவிமுகோ² ராமோ
	தே³வி ஸத்யேன தே ஶபே ।
ராமே து³꞉கா²பி⁴பன்னே து
	லக்ஷ்மண꞉ பரிதப்யதே ॥48॥
கத²ஞ்சித்³ப⁴வதீ த்³ருஷ்டா
	ந கால꞉ பரிஶோசிதும் ।
இமம் முஹூர்தம் து³꞉கா²னாம்
	அந்தம் த்³ரக்ஷ்யஸி ஶோப⁴னே ॥49॥
தாவுபௌ⁴ புருஷவ்யாக்⁴ரௌ
	ராஜபுத்ரௌ மஹாப³லௌ ।
த்வத்³த³ர்ஶனக்ருதோத்ஸாஹௌ
	லோகான் ப⁴ஸ்மீகரிஷ்யத꞉॥50॥
ஹத்த்வா ச ஸமரக்ரூரம்
	ராவணம் ஸஹபா³ந்த⁴வம் ।
ராக⁴வஸ்த்வாம் விஶாலாக்ஷி
	ஸ்வாம் புரீம் ப்ரதி நேஷ்யதி ॥51॥
ப்³ரூஹி யத்³ராக⁴வோ வாச்யோ
	லக்ஷ்மணஶ்ச மஹாப³ல꞉।
ஸுக்³ரீவோ வாபி தேஜஸ்வீ
	ஹரயோ வா ஸமாக³தா꞉॥52॥
இத்யுக்தவதி தஸ்மிம்ஶ்ச
	ஸீதா புனரதா²ப்³ரவீத் ।
கௌஸல்யா லோகப⁴ர்தாரம்
	ஸுஷுவே யம் மனஸ்வினீ ॥53॥
தம் மமார்தே² ஸுக²ம் ப்ருச்ச²
	ஶிரஸா சாபி⁴வாத³ய ।
ஸ்ரஜஶ்ச ஸர்வரத்னானி
	ப்ரியாயாஶ்ச வராங்க³னா꞉॥54॥
ஐஶ்வர்யம் ச விஶாலாயாம்
	ப்ருதி²வ்யாமபி து³ர்லப⁴ம் ।
பிதரம் மாதரம் சைவ
	ஸம்மான்யாபி⁴ப்ரஸாத்³ய ச ॥55॥
அனுப்ரவ்ரஜிதோ ராமம்
	ஸுமித்ரா யேன ஸுப்ரஜா꞉।
ஆனுகூல்யேன த⁴ர்மாத்மா
	த்யக்த்வா ஸுக²மனுத்தமம் ॥56॥
அனுக³ச்ச²தி காகுத்ஸ்த²ம்
	ப்⁴ராதரம் பாலயன்வனே ।
ஸிம்ஹஸ்கந்தோ⁴ மஹாபா³ஹு꞉
	மனஸ்வீ ப்ரியத³ர்ஶன꞉॥57॥
பித்ருவத்³வர்ததே ராமே
	மாத்ருவன்மாம் ஸமாசரத் ।
ஹ்ரியமாணாம் ததா³ வீரோ
	ந து மாம் வேத³ லக்ஷ்மண꞉॥58॥
வ்ருத்³தோ⁴பஸேவீ லக்ஷ்மீவான்
	ஶக்தோ ந ப³ஹுபா⁴ஷிதா ।
ராஜபுத்ர꞉ ப்ரியஶ்ரேஷ்ட²꞉
	ஸத்³ருஶ꞉ ஶ்வஶுரஸ்ய மே ॥59॥
மத்த꞉ ப்ரியதரோ நித்யம்
	ப்⁴ராதா ராமஸ்ய லக்ஷ்மண꞉।
நியுக்தோ து⁴ரி யஸ்யாம் து
	தாமுத்³வஹதி வீர்யவான் ॥60॥
யம் த்³ருஷ்ட்வா ராக⁴வோ நைவ
	வ்ருத்தமார்யமனுஸ்மரத் ।
ஸ மமார்தா²ய குஶலம்
	வக்தவ்யோ வசனான்மம ॥61॥
ம்ருது³ர்நித்யம் ஶுசிர்த³க்ஷ꞉
	ப்ரியோ ராமஸ்ய லக்ஷ்மண꞉।
யதா² ஹி வானரஶ்ரேஷ்ட²
	து³꞉க²க்ஷயகரோ ப⁴வேத் ॥62॥
த்வமஸ்மின் கார்யநிர்வாஹே
	ப்ரமாணம் ஹரியூத²ப ।
ராக⁴வஸ்த்வத்ஸமாரம்பா⁴ன்
	மயி யத்னபரோ ப⁴வேத் ॥63॥
இத³ம் ப்³ரூயாஶ்ச மே நாத²ம்
	ஶூரம் ராமம் புன꞉ புன꞉।
ஜீவிதம் தா⁴ரயிஷ்யாமி
	மாஸம் த³ஶரதா²த்மஜ ॥64॥
ஊர்த்⁴வம் மாஸான்ன ஜீவேயம்
	ஸத்யேனாஹம் ப்³ரவீமி தே ।
ராவணேனோபருத்³தா⁴ம் மாம்
	நிக்ருத்யா பாபகர்மணா ।
த்ராதுமர்ஹஸி வீர த்வம்
	பாதாலாதி³வ கௌஶிகீம் ॥65॥
ததோ வஸ்த்ரக³தம் முக்த்வா
	தி³வ்யம் சூடா³மணிம் ஶுப⁴ம் ।
ப்ரதே³யோ ராக⁴வாயேதி
	ஸீதா ஹனுமதே த³தௌ³ ॥66॥
ப்ரதிக்³ருஹ்ய ததோ வீரோ
	மணிரத்னமனுத்தமம் ।
அங்கு³ல்யா யோஜயாமாஸ
	நஹ்யஸ்ய ப்ராப⁴வத்³பு⁴ஜ꞉॥67॥
மணிரத்னம் கபிவர꞉
	ப்ரதிக்³ருஹ்யாபி⁴வாத்³ய ச ।
ஸீதாம் ப்ரத³க்ஷிணம் க்ருத்வா
	ப்ரணத꞉ பார்ஶ்வத꞉ ஸ்தி²த꞉॥68॥
ஹர்ஷேண மஹதா யுக்த꞉
	ஸீதாத³ர்ஶனஜேன ஸ꞉।
ஹ்ருத³யேன க³தோ ராமம்
	லக்ஷ்மணம் ச ஸலக்ஷணம் ॥69॥
மணிவரமுபக்³ருஹ்ய தம் மஹார்ஹம்
	ஜனகந்ருபாத்மஜயா த்⁴ருதம் ப்ரபா⁴வாத் ।
கி³ரிவரபவனாவதூ⁴தமுக்த꞉
	ஸுகி²தமனா꞉ ப்ரதிஸங்க்ரமம் ப்ரபேதே³ ॥70॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ அஷ்டாத்ரிம்ஶ꞉ ஸர்க³꞉