அத² ஏகோனசத்வாரிம்ஶ꞉ ஸர்க³꞉
மணிம் த³த்த்வா தத꞉ ஸீதா
	ஹனூமந்தமதா²ப்³ரவீத் ।
அபி⁴ஜ்ஞானமபி⁴ஜ்ஞாதம்
	ஏதத்³ ராமஸ்ய தத்த்வத꞉॥1॥
மணிம் த்³ருஷ்ட்வா து ராமோ வை
	த்ரயாணாம் ஸம்ஸ்மரிஷ்யதி ।
வீரோ ஜனன்யா மம ச
	ராஜ்ஞோ த³ஶரத²ஸ்ய ச ॥2॥
ஸ பூ⁴யஸ்த்வம் ஸமுத்ஸாஹ-
	சோதி³தோ ஹரிஸத்தம ।
அஸ்மின் கார்யஸமுத்ஸாஹே
	ப்ரசிந்தய யது³த்தரம் ॥3॥
த்வமஸ்மின்கார்யநிர்யோகே³
	ப்ரமாணம் ஹரிஸத்தம ।
தஸ்ய சிந்தய யோ யத்னோ
	து³꞉க²க்ஷயகரோ ப⁴வேத் ॥4॥
ஹனுமன் யத்னமாஸ்தா²ய
	து³꞉க²க்ஷயகரோ ப⁴வ ।
ஸ ததே²தி ப்ரதிஜ்ஞாய
	மாருதிர்பீ⁴மவிக்ரம꞉॥5॥
ஶிரஸாऽऽவந்த்³ய வைதே³ஹீம்
	க³மனாயோபசக்ரமே ।
ஜ்ஞாத்வா ஸம்ப்ரஸ்தி²தம் தே³வீ
	வானரம் பவனாத்மஜம் ॥6॥
பா³ஷ்பக³த்³க³த³யா வாசா
	மைதி²லீ வாக்யமப்³ரவீத் ।
ஹனூமன் குஶலம் ப்³ரூயா꞉
	ஸஹிதௌ ராமலக்ஷ்மணௌ ॥7॥
ஸுக்³ரீவம் ச ஸஹாமாத்யம்
	ஸர்வான் வ்ருத்³தா⁴ம்ஶ்ச வானரான் ।
ப்³ரூயாஸ்த்வம் வானரஶ்ரேஷ்ட²
	குஶலம் த⁴ர்மஸம்ஹிதம் ॥8॥
யதா² ச ஸ மஹாபா³ஹு꞉
	மாம் தாரயதி ராக⁴வ꞉।
அஸ்மாத்³து³꞉கா²ம்பு³ஸம்ரோதா⁴த்
	த்வம் ஸமாதா⁴துமர்ஹஸி ॥9॥
ஜீவந்தீம் மாம் யதா² ராம꞉
	ஸம்பா⁴வயதி கீர்திமான் ।
தத்த்வயா ஹனுமன்வாச்யம்
	வாசா த⁴ர்மமவாப்னுஹி ॥10॥
நித்யமுத்ஸாஹயுக்தஸ்ய
	வாச꞉ ஶ்ருத்வா மயேரிதா꞉।
வர்தி⁴ஷ்யதே தா³ஶரதே²꞉
	பௌருஷம் மத³வாப்தயே ॥11॥
மத்ஸந்தே³ஶயுதா வாச꞉
	த்வத்த꞉ ஶ்ருத்வைவ ராக⁴வ꞉।
பராக்ரமே மதிம் வீரோ
	விதி⁴வத்ஸம்விதா⁴ஸ்யதி ॥12॥
ஸீதாயாஸ்தத்³வச꞉ ஶ்ருத்வா
	ஹனுமான் மாருதாத்மஜ꞉।
ஶிரஸ்யஞ்ஜலிமாதா⁴ய
	வாக்யமுத்தரமப்³ரவீத் ॥13॥
க்ஷிப்ரமேஷ்யதி காகுத்ஸ்தோ²
	ஹர்ய்ருக்ஷப்ரவரைர்வ்ருத꞉।
யஸ்தே யுதி⁴ விஜித்யாரீன்
	ஶோகம் வ்யபனயிஷ்யதி ॥14॥
நஹி பஶ்யாமி மர்த்யேஷு
	நாஸுரேஷு ஸுரேஷு வா ।
யஸ்தஸ்ய வமதோ பா³ணான்
	ஸ்தா²துமுத்ஸஹதேऽக்³ரத꞉॥15॥
அப்யர்கமபி பர்ஜன்யம்
	அபி வைவஸ்வதம் யமம் ।
ஸ ஹி ஸோடு⁴ம் ரணே ஶக்த꞉
	தவ ஹேதோர்விஶேஷத꞉॥16॥
ஸ ஹி ஸாக³ரபர்யந்தாம்
	மஹீம் ஸாதி⁴துமர்ஹதி ।
த்வந்நிமித்தோ ஹி ராமஸ்ய
	ஜயோ ஜனகனந்தி³னி ॥17॥
தஸ்ய தத்³வசனம் ஶ்ருத்வா
	ஸம்யக்ஸத்யம் ஸுபா⁴ஷிதம் ।
ஜானகீ ப³ஹு மேனே தம்
	வசனம் சேத³மப்³ரவீத் ॥18॥
ததஸ்தம் ப்ரஸ்தி²தம் ஸீதா
	வீக்ஷமாணா புன꞉ புன꞉।
ப⁴ர்துஸ்னேஹான்விதம் வாக்யம்
	ஸௌஹார்தா³த³னுமானயத் ॥19॥
யதி³ வா மன்யஸே வீர
	வஸைகாஹமரிந்த³ம ।
கஸ்மிம்ஶ்சித்ஸம்வ்ருதே தே³ஶே
	விஶ்ராந்த꞉ ஶ்வோ க³மிஷ்யஸி ॥20॥
மம சைவால்பபா⁴க்³யாயா꞉
	ஸாம்நித்⁴யாத் தவ வானர ।
அஸ்ய ஶோகஸ்ய மஹதோ
	முஹூர்தம் மோக்ஷணம் ப⁴வேத் ॥21॥
ததோ ஹி ஹரிஶார்தூ³ல
	புனராக³மனாய து ।
ப்ராணாநாமபி ஸந்தே³ஹோ
	மம ஸ்யான்னாத்ர ஸம்ஶய꞉॥22॥
தவாத³ர்ஶனஜ꞉ ஶோகோ
	பூ⁴யோ மாம் பரிதாபயேத் ।
து³꞉கா²த்³து³꞉க²பராம்ருஷ்டாம்
	தீ³பயன்னிவ வானர ॥23॥
அயம் ச வீர ஸந்தே³ஹ꞉
	திஷ்ட²தீவ மமாக்³ரத꞉।
ஸுமஹாம்ஸ்த்வத்ஸஹாயேஷு
	ஹர்ய்ருக்ஷேஷு ஹரீஶ்வர ॥24॥
கத²ம் நு க²லு து³ஷ்பாரம்
	தரிஷ்யந்தி மஹோத³தி⁴ம் ।
தானி ஹர்ய்ருக்ஷஸைன்யானி
	தௌ வா நரவராத்மஜௌ ॥25॥
த்ரயாணாமேவ பூ⁴தானாம்
	ஸாக³ரஸ்யேஹ லங்க⁴னே ।
ஶக்தி꞉ ஸ்யாத்³வைனதேயஸ்ய
	தவ வா மாருதஸ்ய வா ॥26॥
தத³ஸ்மின்கார்யநிர்யோகே³
	வீரைவம் து³ரதிக்ரமே ।
கிம் பஶ்யஸே ஸமாதா⁴னம்
	த்வம் ஹி கார்யவிதா³ம் வர꞉॥27॥
காமமஸ்ய த்வமேவைக꞉
	கார்யஸ்ய பரிஸாத⁴னே ।
பர்யாப்த꞉ பரவீரக்⁴ன
	யஶஸ்யஸ்தே ப²லோத³ய꞉॥28॥
ப³லை꞉ ஸமக்³ரைர்யுதி⁴ மாம்
	ராவணம் ஜித்ய ஸம்யுகே³ ।
விஜயீ ஸ்வபுரம் யாயாத்
	தத்தஸ்ய ஸத்³ருஶம் ப⁴வேத் ॥29॥
ப³லைஸ்து ஸங்குலாம் க்ருத்வா
	லங்காம் பரப³லார்த³ன꞉।
மாம் நயேத்³யதி³ காகுத்ஸ்த²꞉
	தத்தஸ்ய ஸத்³ருஶம் ப⁴வேத் ॥30॥
தத்³யதா² தஸ்ய விக்ராந்தம்
	அனுரூபம் மஹாத்மன꞉।
ப⁴வேதா³ஹவ ஶூரஸ்ய
	ததா² த்வமுபபாத³ய ॥31॥
தத³ர்தோ²பஹிதம் வாக்யம்
	ப்ரஶ்ரிதம் ஹேதுஸம்ஹிதம் ।
நிஶம்ய ஹனுமாஞ்ஶேஷம்
	வாக்யமுத்தரமப்³ரவீத் ॥32॥
தே³வி ஹர்ய்ருக்ஷஸைன்யானாம்
	ஈஶ்வர꞉ ப்லவதாம் வர꞉।
ஸுக்³ரீவ꞉ ஸத்யஸம்பன்ன꞉
	தவார்தே² க்ருதநிஶ்சய꞉॥33॥
ஸ வானரஸஹஸ்ராணாம்
	கோடீபி⁴ரபி⁴ஸம்வ்ருத꞉।
க்ஷிப்ரமேஷ்யதி வைதே³ஹி
	ராக்ஷஸானாம் நிப³ர்ஹண꞉॥34॥
தஸ்ய விக்ரமஸம்பன்னா꞉
	ஸத்த்வவந்தோ மஹாப³லா꞉।
மன꞉ஸங்கல்பஸம்பாதா
	நிதே³ஶே ஹரய꞉ ஸ்தி²தா꞉॥35॥
யேஷாம் நோபரி நாத⁴ஸ்தான்
	ந திர்யக்ஸஜ்ஜதே க³தி꞉।
ந ச கர்மஸு ஸீத³ந்தி
	மஹத்ஸ்வமிததேஜஸ꞉॥36॥
அஸக்ருத்தைர்மஹோத்ஸாஹை꞉
	ஸஸாக³ரத⁴ராத⁴ரா ।
ப்ரத³க்ஷிணீக்ருதா பூ⁴மி꞉
	வாயுமார்கா³னுஸாரிபி⁴꞉॥37॥
மத்³விஶிஷ்டாஶ்ச துல்யாஶ்ச
	ஸந்தி தத்ர வனௌகஸ꞉।
மத்த꞉ ப்ரத்யவர꞉ கஶ்சித்
	நாஸ்தி ஸுக்³ரீவஸம்நிதௌ⁴ ॥38॥
அஹம் தாவதி³ஹ ப்ராப்த꞉
	கிம் புனஸ்தே மஹாப³லா꞉।
ந ஹி ப்ரக்ருஷ்டா꞉ ப்ரேஷ்யந்தே
	ப்ரேஷ்யந்தே ஹீதரே ஜனா꞉॥39॥
தத³லம் பரிதாபேன
	தே³வி ஶோகோ வ்யபைது தே ।
ஏகோத்பாதேன தே லங்காம்
	ஏஷ்யந்தி ஹரியூத²பா꞉॥40॥
மம ப்ருஷ்ட²க³தௌ தௌ ச
	சந்த்³ரஸூர்யாவிவோதி³தௌ ।
த்வத்ஸகாஶம் மஹாஸங்கௌ⁴
	ந்ருஸிம்ஹாவாக³மிஷ்யத꞉॥41॥
தௌ ஹி வீரௌ நரவரௌ
	ஸஹிதௌ ராமலக்ஷ்மணௌ ।
ஆக³ம்ய நக³ரீம் லங்காம்
	ஸாயகைர்வித⁴மிஷ்யத꞉॥42॥
ஸக³ணம் ராவணம் ஹத்வா
	ராக⁴வோ ரகு⁴நந்த³ன꞉।
த்வாமாதா³ய வராரோஹே
	ஸ்வபுரீம் ப்ரதியாஸ்யதி ॥43॥
ததா³ஶ்வஸிஹி ப⁴த்³ரம் தே
	ப⁴வ த்வம் காலகாங்க்ஷிணீ ।
நசிராத்³த்³ரக்ஷ்யஸே ராமம்
	ப்ரஜ்வலந்தமிவானலம் ॥44॥
நிஹதே ராக்ஷஸேந்த்³ரே ச
	ஸபுத்ராமாத்யபா³ந்த⁴வே ।
த்வம் ஸமேஷ்யஸி ராமேண
	ஶஶாங்கேனேவ ரோஹிணீ ॥45॥
க்ஷிப்ரம் த்வம் தே³வி ஶோகஸ்ய
	பாரம் த்³ரக்ஷ்யஸி மைதி²லி ।
ராவணம் சைவ ராமேண
	த்³ரக்ஷ்யஸே நிஹதம் ப³லாத் ॥46॥
ஏவமாஶ்வாஸ்ய வைதே³ஹீம்
	ஹனூமான்மாருதாத்மஜ꞉।
க³மனாய மதிம் க்ருத்வா
	வைதே³ஹீம் புனரப்³ரவீத் ॥47॥
தமரிக்⁴னம் க்ருதாத்மானம்
	க்ஷிப்ரம் த்³ரக்ஷ்யஸி ராக⁴வம் ।
லக்ஷ்மணம் ச த⁴னுஷ்பாணிம்
	லங்காத்³வாரமுபாக³தம் ॥48॥
நக²த³ம்ஷ்ட்ராயுதா⁴ன்வீரான்
	ஸிம்ஹஶார்தூ³லவிக்ரமான் ।
வானரான்வாரணேந்த்³ராபா⁴ன்
	க்ஷிப்ரம் த்³ரக்ஷ்யஸி ஸங்க³தான் ॥49॥
ஶைலாம்பு³த³னிகாஶானாம்
	லங்காமலயஸானுஷு ।
நர்த³தாம் கபிமுக்²யானாம்
	ஆர்யே யூதா²ன்யனேகஶ꞉॥50॥
ஸ து மர்மணி கோ⁴ரேண
	தாடி³தோ மன்மதே²ஷுணா ।
ந ஶர்ம லப⁴தே ராம꞉
	ஸிம்ஹார்தி³த இவ த்³விப꞉॥51॥
ருத³ மா தே³வி ஶோகேன
	மா பூ⁴த்தே மனஸோ ப⁴யம் ।
ஶசீவ ப⁴ர்த்ரா ஶக்ரேண
	ஸங்க³மேஷ்யஸி ஶோப⁴னே ॥52॥
ராமாத்³விஶிஷ்ட꞉ கோऽன்யோऽஸ்தி
	கஶ்சித்ஸௌமித்ரிணா ஸம꞉।
அக்³னிமாருதகல்பௌ தௌ
	ப்⁴ராதரௌ தவ ஸம்ஶ்ரயௌ ॥53॥
நாஸ்மிம்ஶ்சிரம் வத்ஸ்யஸி தே³வி தே³ஶே
	ரக்ஷோக³ணைரத்⁴யுஷிதேऽதிரௌத்³ரே ।
ந தே சிராதா³க³மனம் ப்ரியஸ்ய
	க்ஷமஸ்வ மத்ஸங்க³மகாலமாத்ரம் ॥54॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ ஏகோனசத்வாரிம்ஶ꞉ ஸர்க³꞉