அத² த்³விசத்வாரிம்ஶ꞉ ஸர்க³꞉
தத꞉ பக்ஷினிநாதே³ன
	வ்ருக்ஷப⁴ங்க³ஸ்வனேன ச ।
ப³பூ⁴வுஸ்த்ராஸஸம்ப்⁴ராந்தா꞉
	ஸர்வே லங்காநிவாஸின꞉॥1॥
வித்³ருதாஶ்ச ப⁴யத்ரஸ்தா
	வினேது³ர்ம்ருக³பக்ஷிண꞉।
ரக்ஷஸாம் ச நிமித்தானி
	க்ரூராணி ப்ரதிபேதி³ரே ॥2॥
ததோ க³தாயாம் நித்³ராயாம்
	ராக்ஷஸ்யோ விக்ருதானனா꞉।
தத்³வனம் த³த்³ருஶுர்ப⁴க்³னம்
	தம் ச வீரம் மஹாகபிம் ॥3॥
ஸ தா த்³ருஷ்ட்வ மஹாபா³ஹு꞉
	மஹாஸத்த்வோ மஹாப³ல꞉।
சகார ஸுமஹத்³ரூபம்
	ராக்ஷஸீனாம் ப⁴யாவஹம் ॥4॥
ததஸ்து கி³ரிஸங்காஶம்
	அதிகாயம் மஹாப³லம் ।
ராக்ஷஸ்யோ வானரம் த்³ருஷ்ட்வா
	பப்ரச்சு²ர்ஜனகாத்மஜாம் ॥5॥
கோऽயம் கஸ்ய குதோ வாயம்
	கிம்நிமித்தமிஹாக³த꞉।
கத²ம் த்வயா ஸஹானேன
	ஸம்வாத³꞉ க்ருத இத்யுத ॥6॥
ஆசக்ஷ்வ நோ விஶாலாக்ஷி
	மா பூ⁴த்தே ஸுப⁴கே³ ப⁴யம் ।
ஸம்வாத³மஸிதாபாங்கி³
	த்வயா கிம் க்ருதவானயம் ॥7॥
அதா²ப்³ரவீத்ததா³ ஸாத்⁴வீ
	ஸீதா ஸர்வாங்க³ஶோப⁴னா ।
ரக்ஷஸாம் காமரூபாணாம்
	விஜ்ஞானே கா க³திர்மம ॥8॥
யூயமேவாஸ்ய ஜானீத
	யோऽயம் யத்³வா கரிஷ்யதி ।
அஹிரேவ ஹ்யஹே꞉ பாதா³ன்
	விஜானாதி ந ஸம்ஶய꞉॥9॥
அஹமப்யதி பீ⁴தாஸ்மி
	நைவ ஜாநாமி கோ ஹ்யயம் ।
வேத்³மி ராக்ஷஸமேவைனம்
	காமரூபிணமாக³தம் ॥10॥
வைதே³ஹ்யா வசனம் ஶ்ருத்வா
	ராக்ஷஸ்யோ வித்³ருதா த்³ருதம் ।
ஸ்தி²தா꞉ காஶ்சித்³க³தா꞉ காஶ்சித்
	ராவணாய நிவேதி³தும் ॥11॥
ராவணஸ்ய ஸமீபே து
	ராக்ஷஸ்யோ விக்ருதானனா꞉।
விரூபம் வானரம் பீ⁴மம்
	ராவணாய ந்யவேதி³ஷு꞉॥12॥
அஶோகவனிகா மத்⁴யே
	ராஜன் பீ⁴மவபு꞉ கபி꞉।
ஸீதயா க்ருதஸம்வாத³꞉
	திஷ்ட²த்யமிதவிக்ரம꞉॥13॥
ந ச தம் ஜானகீ ஸீதா
	ஹரிம் ஹரிணலோசனா ।
அஸ்மாபி⁴ர்ப³ஹுதா⁴ ப்ருஷ்டா
	நிவேத³யிதுமிச்ச²தி ॥14॥
வாஸவஸ்ய ப⁴வேத்³தூ³தோ
	தூ³தோ வைஶ்ரவணஸ்ய வா ।
ப்ரேஷிதோ வாபி ராமேண
	ஸீதான்வேஷணகாங்க்ஷயா ॥15॥
தேனைவாத்³பு⁴தரூபேண
	யத்தத்தவ மனோஹரம் ।
நாநாம்ருக³க³ணாகீர்ணம்
	ப்ரம்ருஷ்டம் ப்ரமதா³வனம் ॥16॥
ந தத்ர கஶ்சிது³த்³தே³ஶோ
	யஸ்தேன ந விநாஶித꞉।
யத்ர ஸா ஜானகீ தே³வீ
	ஸ தேன ந விநாஶித꞉॥17॥
ஜானகீரக்ஷணார்த²ம் வா
	ஶ்ரமாத்³வா நோபலக்ஷ்யதே ।
அத²வா க꞉ ஶ்ரமஸ்தஸ்ய
	ஸைவ தேநாபி⁴ரக்ஷிதா ॥18॥
சாருபல்லவபத்ராட்⁴யம்
	யம் ஸீதா ஸ்வயமாஸ்தி²தா ।
ப்ரவ்ருத்³த⁴꞉ ஶிம்ஶபாவ்ருக்ஷ꞉
	ஸ ச தேநாபி⁴ரக்ஷித꞉॥19॥
தஸ்யோக்³ரரூபஸ்யோக்³ரம் த்வம்
	த³ண்ட³மாஜ்ஞாதுமர்ஹஸி ।
ஸீதா ஸம்பா⁴ஷிதா யேன
	வனம் தேன விநாஶிதம் ॥20॥
மன꞉பரிக்³ருஹீதாம் தாம்
	தவ ரக்ஷோக³ணேஶ்வர ।
க꞉ ஸீதாமபி⁴பா⁴ஷேத
	யோ ந ஸ்யாத்த்யக்தஜீவித꞉॥21॥
ராக்ஷஸீனாம் வச꞉ ஶ்ருத்வா
	ராவணோ ராக்ஷஸேஶ்வர꞉।
சிதாக்³நிரிவ ஜஜ்வால
	கோபஸம்வர்திதேக்ஷண꞉॥22॥
தஸ்ய க்ருத்³த⁴ஸ்ய நேத்ராப்⁴யாம்
	ப்ராபதன்னஶ்ருபி³ந்த³வ꞉।
தீ³ப்தாப்⁴யாமிவ தீ³பாப்⁴யாம்
	ஸார்சிஷ꞉ ஸ்னேஹபி³ந்த³வ꞉॥23॥
ஆத்மன꞉ ஸத்³ருஶான் வீரான்
	கிங்கராந்நாம ராக்ஷஸான் ।
வ்யாதி³தே³ஶ மஹாதேஜா
	நிக்³ரஹார்த²ம் ஹனூமத꞉॥24॥
தேஷாமஶீதிஸாஹஸ்ரம்
	கிங்கராணாம் தரஸ்வினாம் ।
நிர்யயுர்ப⁴வனாத்தஸ்மாத்
	கூடமுத்³க³ரபாணய꞉॥25॥
மஹோத³ரா மஹாத³ம்ஷ்ட்ரா
	கோ⁴ரரூபா மஹாப³லா꞉।
யுத்³தா⁴பி⁴மனஸ꞉ ஸர்வே
	ஹனூமத்³க்³ரஹணோன்முகா²꞉॥26॥
தே கபிம் தம் ஸமாஸாத்³ய
	தோரணஸ்த²மவஸ்தி²தம் ।
அபி⁴பேதுர்மஹாவேகா³꞉
	பதங்கா³ இவ பாவகம் ॥27॥
தே க³தா³பி⁴ர்விசித்ராபி⁴꞉
	பரிகை⁴꞉ காஞ்சனாங்க³தை³꞉।
ஆஜக்³முர்வானரஶ்ரேஷ்ட²ம்
	ஶரைராதி³த்யஸம்நிபை⁴꞉॥28॥
முத்³க³ரை꞉ பட்டிஶை꞉ ஶூலை꞉
	ப்ராஸதோமரபாணய꞉।
பரிவார்ய ஹனூமந்தம்
	ஸஹஸா தஸ்து²ரக்³ரத꞉॥29॥
ஹனூமானபி தேஜஸ்வீ
	ஸ்ரீமான்பர்வதஸம்நிப⁴꞉।
க்ஷிதாவாவித்³த்⁴ய லாங்கூ³லம்
	நநாத³ ச மஹாத்⁴வனிம் ॥30॥
ஸ பூ⁴த்வா து மஹாகாயோ
	ஹனுமான்மாருதாத்மஜ꞉।
புச்ச²மாஸ்போ²டயாமாஸ
	லங்காம் ஶப்³தே³ன பூரயன் ॥31॥
தஸ்யாஸ்போ²டிதஶப்³தே³ன
	மஹதா சானுநாதி³னா ।
பேதுர்விஹங்கா³ க³க³னாத்
	உச்சைஶ்சேத³மகோ⁴ஷயத் ॥32॥
ஜயத்யதிப³லோ ராமோ
	லக்ஷ்மணஶ்ச மஹாப³ல꞉।
ராஜா ஜயதி ஸுக்³ரீவோ
	ராக⁴வேணாபி⁴பாலித꞉॥33॥
தா³ஸோऽஹம் கோஸலேந்த்³ரஸ்ய
	ராமஸ்யாக்லிஷ்டகர்மண꞉।
ஹனுமாஞ்ஶத்ருஸைன்யானாம்
	நிஹந்தா மாருதாத்மஜ꞉॥34॥
ந ராவணஸஹஸ்ரம் மே
	யுத்³தே⁴ ப்ரதிப³லம் ப⁴வேத் ।
ஶிலாபி⁴ஶ்ச ப்ரஹரத꞉
	பாத³பைஶ்ச ஸஹஸ்ரஶ꞉॥35॥
அர்த³யித்வா புரீம் லங்காம்
	அபி⁴வாத்³ய ச மைதி²லீம் ।
ஸம்ருத்³தா⁴ர்தோ² க³மிஷ்யாமி
	மிஷதாம் ஸர்வரக்ஷஸாம் ॥36॥
தஸ்ய ஸம்நாத³ஶப்³தே³ன
	தேऽப⁴வன்ப⁴யஶங்கிதா꞉।
த³த்³ருஶுஶ்ச ஹனூமந்தம்
	ஸந்த்⁴யாமேக⁴மிவோன்னதம் ॥37॥
ஸ்வாமிஸந்தே³ஶநி꞉ஶங்கா꞉
	ததஸ்தே ராக்ஷஸா꞉ கபிம் ।
சித்ரை꞉ ப்ரஹரணைர்பீ⁴மை꞉
	அபி⁴பேதுஸ்ததஸ்தத꞉॥38॥
ஸ தை꞉ பரிவ்ருத꞉ ஶூரை꞉
	ஸர்வத꞉ ஸ மஹாப³ல꞉।
ஆஸஸாதா³யஸம் பீ⁴மம்
	பரிக⁴ம் தோரணாஶ்ரிதம் ॥39॥
ஸ தம் பரிக⁴மாதா³ய
	ஜகா⁴ன ரஜநீசரான் ।
ஸபன்னக³மிவாதா³ய
	ஸ்பு²ரந்தம் வினதாஸுத꞉॥40॥
விசசாராம்ப³ரே வீர꞉
	பரிக்³ருஹ்ய ச மாருதி꞉।
ஸூத³யாமாஸ வஜ்ரேண
	தை³த்யானிவ ஸஹஸ்ரத்³ருக் ॥41॥
ஸ ஹத்வா ராக்ஷஸான்வீர꞉
	கிங்கரான்மாருதாத்மஜ꞉।
யுத்³தா⁴காங்க்ஷீ மஹாவீர꞉
	தோரணம் ஸமவஸ்தி²த꞉॥42॥
ததஸ்தஸ்மாத்³ப⁴யான்முக்தா꞉
	கதிசித்தத்ர ராக்ஷஸா꞉।
நிஹதான்கிங்கரான்ஸர்வான்
	ராவணாய ந்யவேத³யன் ॥43॥
ஸ ராக்ஷஸானாம் நிஹதம் மஹாப³லம்
	நிஶம்ய ராஜா பரிவ்ருத்தலோசன꞉।
ஸமாதி³தே³ஶாப்ரதிமம் பராக்ரமே
	ப்ரஹஸ்தபுத்ரம் ஸமரே ஸுது³ர்ஜயம் ॥44॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ த்³விசத்வாரிம்ஶ꞉ ஸர்க³꞉