அத² த்ரிசத்வாரிம்ஶ꞉ ஸர்க³꞉
தத꞉ ஸ கிங்கரான் ஹத்வா
	ஹனூமான் த்⁴யானமாஸ்தி²த꞉।
வனம் ப⁴க்³னம் மயா சைத்ய-
	ப்ராஸாதோ³ ந விநாஶித꞉॥1॥
தஸ்மாத்ப்ராஸாத³மத்³யைவம்
	இமம் வித்⁴வம்ஸயாம்யஹம் ।
இதி ஸஞ்சிந்த்ய ஹனுமான்
	மனஸாத³ர்ஶயன் ப³லம் ॥2॥
சைத்யப்ராஸாத³முத்ப்லுத்ய
	மேருஶ்ருங்க³மிவோன்னதம் ।
ஆருரோஹ ஹரிஶ்ரேஷ்டோ²
	ஹனூமான்மாருதாத்மஜ꞉॥3॥
ஆருஹ்ய கி³ரிஸங்காஶம்
	ப்ராஸாத³ம் ஹரியூத²ப꞉।
ப³பௌ⁴ ஸ ஸுமஹாதேஜா꞉
	ப்ரதிஸூர்ய இவோதி³த꞉॥4॥
ஸம்ப்ரத்⁴ருஷ்ய து து³ர்த⁴ர்ஷ꞉
	சைத்யப்ராஸாத³முன்னதம் ।
ஹனூமான்ப்ரஜ்வலம்ல்லக்ஷ்ம்யா
	பாரியாத்ரோபமோऽப⁴வத் ॥5॥
ஸ பூ⁴த்வா ஸுமஹாகாய꞉
	ப்ரபா⁴வான் மாருதாத்மஜ꞉।
த்⁴ருஷ்டமாஸ்போ²டயாமாஸ
	லங்காம் ஶப்³தே³ன பூரயன் ॥6॥
தஸ்யாஸ்போ²டிதஶப்³தே³ன
	மஹதா ஶ்ரோத்ரகா⁴தினா ।
பேதுர்விஹங்க³மாஸ்தத்ர
	சைத்யபாலாஶ்ச மோஹிதா꞉॥7॥
அஸ்த்ரவிஜ்ஜயதாம் ராமோ
	லக்ஷ்மணஶ்ச மஹாப³ல꞉।
ராஜா ஜயதி ஸுக்³ரீவோ
	ராக⁴வேணாபி⁴பாலித꞉॥8॥
தா³ஸோऽஹம் கோஸலேந்த்³ரஸ்ய
	ராமஸ்யாக்லிஷ்டகர்மண꞉।
ஹனுமாஞ்ஶத்ருஸைன்யானாம்
	நிஹந்தா மாருதாத்மஜ꞉॥9॥
ந ராவணஸஹஸ்ரம் மே
	யுத்³தே⁴ ப்ரதிப³லம் ப⁴வேத் ।
ஶிலாபி⁴ஸ்து ப்ரஹரத꞉
	பாத³பைஶ்ச ஸஹஸ்ரஶ꞉॥10॥
அர்த³யித்வா புரீம் லங்காம்
	அபி⁴வாத்³ய ச மைதி²லீம் ।
ஸம்ருத்³தா⁴ர்தோ² க³மிஷ்யாமி
	மிஷதாம் ஸர்வரக்ஷஸாம் ॥11॥
ஏவமுக்த்வா மஹாகாய꞉
	சைத்யஸ்தோ² ஹரியூத²ப꞉।
நநாத³ பீ⁴மநிர்ஹ்ராதோ³
	ரக்ஷஸாம் ஜநயன்ப⁴யம் ॥12॥
தேன நாதே³ன மஹதா
	சைத்யபாலா꞉ ஶதம் யயு꞉।
க்³ருஹீத்வா விவிதா⁴னஸ்த்ரான்
	ப்ராஸான்க²ட்³கா³ன்பரஶ்வதா⁴ன் ॥13॥
விஸ்ருஜந்தோ மஹாகாயா
	மாருதிம் பர்யவாரயன் ।
தே க³தா³பி⁴ர்விசித்ராபி⁴꞉
	பரிகை⁴꞉ காஞ்சனாங்க³தை³꞉॥14॥
ஆஜக்³முர்வானரஶ்ரேஷ்ட²ம்
	பா³ணைஶ்சாதி³த்யஸன்னிபை⁴꞉।
ஆவர்த இவ க³ங்கா³யா꞉
	தோயஸ்ய விபுலோ மஹான் ॥15॥
பரிக்ஷிப்ய ஹரிஶ்ரேஷ்ட²ம்
	ஸ ப³பௌ⁴ ரக்ஷஸாம் க³ண꞉।
ததோ வாதாத்மஜ꞉ க்ருத்³தோ⁴
	பீ⁴மரூபம் ஸமாஸ்தி²த꞉॥16॥
ப்ராஸாத³ஸ்ய மஹாம்ஸ்தஸ்ய
	ஸ்தம்ப⁴ம் ஹேமபரிஷ்க்ருதம் ।
உத்பாடயித்வா வேகே³ன
	ஹனூமான்மாருதாத்மஜ꞉॥17॥
ததஸ்தம் ப்⁴ராமயாமாஸ
	ஶததா⁴ரம் மஹாப³ல꞉।
தத்ர சாக்³நிஸ்ஸமப⁴வத்
	ப்ராஸாத³ஶ்சாப்யத³ஹ்யத ॥18॥
த³ஹ்யமானம் ததோ த்³ருஷ்ட்வா
	ப்ராஸாத³ம் ஹரியூத²ப꞉।
ஸ ராக்ஷஸஶதம் ஹத்வா
	வஜ்ரேணேந்த்³ர இவாஸுரான் ॥19॥
அந்தரிக்ஷஸ்தி²த꞉ ஸ்ரீமான்
	இத³ம் வசனமப்³ரவீத் ।
மாத்³ருஶானாம் ஸஹஸ்ராணி
	விஸ்ருஷ்டானி மஹாத்மனாம் ॥20॥
ப³லினாம் வானரேந்த்³ராணாம்
	ஸுக்³ரீவவஶவர்தினாம் ।
அடந்தி வஸுதா⁴ம் க்ருத்ஸ்னாம்
	வயமன்யே ச வானரா꞉॥21॥
த³ஶநாக³ப³லா꞉ கேசித்
	கேசித்³த³ஶகு³ணோத்தரா꞉।
கேசிந்நாக³ஸஹஸ்ரஸ்ய
	ப³பூ⁴வுஸ்துல்யவிக்ரமா꞉॥22॥
ஸந்தி சௌக⁴ப³லா꞉ கேசித்
	ஸந்தி வாயுப³லோபமா꞉।
அப்ரமேயப³லா꞉ கேசித்
	தத்ராஸன்ஹரியூத²பா꞉॥23॥
ஈத்³ருக்³விதை⁴ஸ்து ஹரிபி⁴꞉
	வ்ருதோ த³ந்தநகா²யுதை⁴꞉।
ஶதை꞉ ஶதஸஹஸ்ரைஶ்ச
	கோடீபி⁴ஶ்சாயுதைரபி ॥24॥
ஆக³மிஷ்யதி ஸுக்³ரீவ꞉
	ஸர்வேஷாம் வோ நிஷூத³ன꞉।
நேயமஸ்தி புரீ லங்கா ந யூயம் ந ச ராவண꞉।
யஸ்ய த்விக்ஷ்வாகுவீரேண
	ப³த்³த⁴ம் வைரம் மஹாத்மனா ॥25॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ த்ரிசத்வாரிம்ஶ꞉ ஸர்க³꞉