அத² பஞ்சசத்வாரிம்ஶ꞉ ஸர்க³꞉
ததஸ்தே ராக்ஷஸேந்த்³ரேண
	சோதி³தா மந்த்ரிண꞉ ஸுதா꞉।
நிர்யயுர்ப⁴வனாத்தஸ்மாத்
	ஸப்த ஸப்தார்சிவர்சஸ꞉॥1॥
மஹத்³ப³லபரீவாரா
	த⁴னுஷ்மந்தோ மஹாப³லா꞉।
க்ருதாஸ்த்ராஸ்த்ரவிதா³ம் ஶ்ரேஷ்டா²꞉
	பரஸ்பரஜயைஷிண꞉॥2॥
ஹேமஜாலபரிக்ஷிப்தை꞉
	த்⁴வஜவத்³பி⁴꞉ பதாகிபி⁴꞉।
தோயத³ஸ்வனநிர்கோ⁴ஷை꞉
	வாஜியுக்தைர்மஹாரதை²꞉॥3॥
தப்தகாஞ்சனசித்ராணி
	சாபான்யமிதவிக்ரமா꞉।
விஸ்பா²ரயந்த꞉ ஸம்ஹ்ருஷ்டா꞉
	தடி³த்³வந்த இவாம்பு³தா³꞉॥4॥
ஜனன்யஸ்தாஸ்ததஸ்தேஷாம்
	விதி³த்வா கிங்கரான்ஹதான் ।
ப³பூ⁴வு꞉ ஶோகஸம்ப்⁴ராந்தா꞉
	ஸபா³ந்த⁴வஸுஹ்ருஜ்ஜனா꞉॥5॥
தே பரஸ்பரஸங்க⁴ர்ஷாத்
	தப்தகாஞ்சனபூ⁴ஷணா꞉।
அபி⁴பேதுர்ஹனூமந்தம்
	தோரணஸ்த²மவஸ்தி²தம் ॥6॥
ஸ்ருஜந்தோ பா³ணவ்ருஷ்டிம் தே
	ரத²க³ர்ஜிதநி꞉ஸ்வனா꞉।
ப்ராவ்ருட்கால இவாம்போ⁴தா³
	விசேருர்நைர்ருதாம்பு³தா³꞉॥7॥
அவகீர்ணஸ்ததஸ்தாபி⁴꞉
	ஹனூமாஞ்ஶரவ்ருஷ்டிபி⁴꞉।
அப⁴வத்ஸம்வ்ருதாகார꞉
	ஶைலராடி³வ வ்ருஷ்டிபி⁴꞉॥8॥
ஸ ஶரான்வஞ்சயாமாஸ
	தேஷாமாஶுசர꞉ கபி꞉।
ரத²வேகா³ம்ஶ்ச வீராணாம்
	விசரன்விமலேऽம்ப³ரே ॥9॥
ஸ தை꞉ க்ரீட³ந்த⁴னுஷ்மத்³பி⁴꞉
	வ்யோம்னி வீர꞉ ப்ரகாஶதே ।
த⁴னுஷ்மத்³பி⁴ர்யதா² மேகை⁴꞉
	மாருத꞉ ப்ரபு⁴ரம்ப³ரே ॥10॥
ஸ க்ருத்வா நினத³ம் கோ⁴ரம்
	த்ராஸயம்ஸ்தாம் மஹாசமூம் ।
சகார ஹனுமான்வேக³ம்
	தேஷு ரக்ஷ꞉ஸு வீர்யவான் ॥11॥
தலேநாபி⁴ஹனத்காம்ஶ்சித்
	பாதை³꞉ காம்ஶ்சித்பரந்தப꞉।
முஷ்டிபி⁴ஶ்சாஹனத்காம்ஶ்சின்
	நகை²꞉ காம்ஶ்சித்³வ்யதா³ரயத் ॥12॥
ப்ரமமாதோ²ரஸா காம்ஶ்சித்
	ஊருப்⁴யாமபரானபி।
கேசித் தஸ்யைவ நாதே³ன
	தத்ரைவ பதிதா பு⁴வி ॥13॥
ததஸ்தேஷ்வவபன்னேஷு
	பூ⁴மௌ நிபதிதேஷு ச ।
தத்ஸைன்யமக³மத்ஸர்வம்
	தி³ஶோ த³ஶ ப⁴யார்தி³தம் ॥14॥
வினேது³ர்விஸ்வரம் நாகா³
	நிபேதுர்பு⁴வி வாஜின꞉।
ப⁴க்³னனீட³த்⁴வஜச்ச²த்ரை꞉
	பூ⁴ஶ்ச கீர்ணாப⁴வத்³ரதை²꞉॥15॥
ஸ்ரவதா ருதி⁴ரேணாத²
	ஸ்ரவந்த்யோ த³ர்ஶிதா꞉ பதி² ।
விவிதை⁴ஶ்ச ஸ்வனைர்லங்கா
	நநாத³ விக்ருதம் ததா³ ॥16॥
ஸ தான்ப்ரவ்ருத்³தா⁴ன்வினிஹத்ய ராக்ஷஸான்
	மஹாப³லஶ்சண்ட³பராக்ரம꞉ கபி꞉।
யுயுத்ஸுரன்யை꞉ புனரேவ ராக்ஷஸை-
	ஸ்ததே³வ வீரோऽபி⁴ஜகா³ம தோரணம் ॥17॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ பஞ்சசத்வாரிம்ஶ꞉ ஸர்க³꞉