அத² ஷட்சத்வாரிம்ஶ꞉ ஸர்க³꞉
ஹதான்மந்த்ரிஸுதான்பு³த்³த்⁴வா
	வானரேண மஹாத்மனா ।
ராவண꞉ ஸம்வ்ருதாகார꞉
	சகார மதிமுத்தமாம் ॥1॥
ஸ விரூபாக்ஷயூபாக்ஷௌ
	து³ர்த⁴ரம் சைவ ராக்ஷஸம் ।
ப்ரக⁴ஸம் பா⁴ஸகர்ணம் ச
	பஞ்சஸேநாக்³ரநாயகான் ॥2॥
ஸந்தி³தே³ஶ த³ஶக்³ரீவோ
	வீரான்னயவிஶாரதா³ன் ।
ஹனூமத்³க்³ரஹணேऽவ்யக்³ரான்
	வாயுவேக³ஸமான்யுதி⁴ ॥3॥
யாத ஸேநாக்³ரகா³꞉ ஸர்வே
	மஹாப³லபரிக்³ரஹா꞉।
ஸவாஜிரத²மாதங்கா³꞉
	ஸ கபி꞉ ஶாஸ்யதாமிதி ॥4॥
யத்தைஶ்ச க²லு பா⁴வ்யம் ஸ்யாத்
	தமாஸாத்³ய வனாலயம் ।
கர்ம சாபி ஸமாதே⁴யம்
	தே³ஶகாலாவிரோதி⁴தம் ॥5॥
ந ஹ்யஹம் தம் கபிம் மன்யே
	கர்மணா ப்ரதிதர்கயன் ।
ஸர்வதா² தன்மஹத்³பூ⁴தம்
	மஹாப³லபரிக்³ரஹம் ॥6॥
வானரோऽயமிதி ஜ்ஞாத்வா
	நஹி ஶுத்³த்⁴யதி மே மன꞉।
நைவாஹம் தம் கபிம் மன்யே
	யதே²யம் ப்ரஸ்துதா கதா² ॥7॥
ப⁴வேதி³ந்த்³ரேண வா ஸ்ருஷ்டம்
	அஸ்மத³ர்த²ம் தபோப³லாத் ।
ஸநாக³யக்ஷக³ந்த⁴ர்வ
	தே³வாஸுரமஹர்ஷய꞉॥8॥
யுஷ்மாபி⁴꞉ ப்ரஹிதை꞉ ஸர்வை꞉
	மயா ஸஹ விநிர்ஜிதா꞉।
தைரவஶ்யம் விதா⁴தவ்யம்
	வ்யலீகம் கிஞ்சிதே³வ ந꞉॥9॥
ததே³வ நாத்ர ஸந்தே³ஹ꞉
	ப்ரஸஹ்ய பரிக்³ருஹ்யதாம் ।
யாத ஸேநாக்³ரகா³꞉ ஸர்வே
	மஹாப³லபரிக்³ரஹா꞉॥10॥
ஸவாஜிரத²மாதங்கா³꞉
	ஸ கபி꞉ ஶாஸ்யதாமிதி ।
நாவமன்யோ ப⁴வத்³பி⁴ஶ்ச
	கபிர்தீ⁴ரபராக்ரம꞉॥11॥
த்³ருஷ்டா ஹி ஹரய꞉ பூர்வே
	மயா விபுலவிக்ரமா꞉।
வாலீ ச ஸஹ ஸுக்³ரீவோ
	ஜாம்ப³வாம்ஶ்ச மஹாப³ல꞉॥12॥
நீல꞉ ஸேனாபதிஶ்சைவ
	யே சான்யே த்³விவிதா³த³ய꞉।
நைவ தேஷாம் க³திர்பீ⁴மா
	ந தேஜோ ந பராக்ரம꞉॥13॥
ந மதிர்ன ப³லோத்ஸாஹோ
	ந ரூபபரிகல்பனம் ।
மஹத்ஸத்த்வமித³ம் ஜ்ஞேயம்
	கபிரூபம் வ்யவஸ்தி²தம் ॥14॥
ப்ரயத்னம் மஹதா³ஸ்தா²ய
	க்ரியதாமஸ்ய நிக்³ரஹ꞉।
காமம் லோகாஸ்த்ரய꞉ ஸேந்த்³ரா꞉
	ஸஸுராஸுரமானவா꞉॥15॥
ப⁴வதாமக்³ரத꞉ ஸ்தா²தும்
	ந பர்யாப்தா ரணாஜிரே ।
ததா²பி து நயஜ்ஞேன
	ஜயமாகாங்க்ஷதா ரணே ॥16॥
ஆத்மா ரக்ஷ்ய꞉ ப்ரயத்னேன
	யுத்³த⁴ஸித்³தி⁴ர்ஹி சஞ்சலா ।
தே ஸ்வாமிவசனம் ஸர்வே
	ப்ரதிக்³ருஹ்ய மஹௌஜஸ꞉॥17॥
ஸமுத்பேதுர்மஹாவேகா³
	ஹுதாஶஸமதேஜஸ꞉।
ரதை²ஶ்ச மத்தைர்நாகை³ஶ்ச
	வாஜிபி⁴ஶ்ச மஹாஜவை꞉॥18॥
ஶஸ்த்ரைஶ்ச விவிதை⁴ஸ்தீக்ஷ்ணை꞉
	ஸர்வைஶ்சோபஹிதா ப³லை꞉।
ததஸ்து த³த்³ருஶுர்வீரா
	தீ³ப்யமானம் மஹாகபிம் ॥19॥
ரஶ்மிமந்தமிவோத்³யந்தம்
	ஸ்வதேஜோரஶ்மிமாலினம் ।
தோரணஸ்த²ம் மஹாவேக³ம்
	மஹாஸத்த்வம் மஹாப³லம் ॥20॥
மஹாமதிம் மஹோத்ஸாஹம்
	மஹாகாயம் மஹாபு⁴ஜம் ।
தம் ஸமீக்ஷ்யைவ தே ஸர்வே
	தி³க்ஷு ஸர்வாஸ்வவஸ்தி²தா꞉॥21॥
தைஸ்தை꞉ ப்ரஹரணைர்பீ⁴மை꞉
	அபி⁴பேதுஸ்ததஸ்தத꞉।
தஸ்ய பஞ்சாயஸாஸ்தீக்ஷ்ணா꞉
	ஸிதா꞉ பீதமுகா²꞉ ஶரா꞉।
ஶிரஸ்த்யுத்பலபத்ராபா⁴
	து³ர்த⁴ரேண நிபாதிதா꞉॥22॥
ஸ தை꞉ பஞ்சபி⁴ராவித்³த⁴꞉
	ஶரை꞉ ஶிரஸி வானர꞉।
உத்பபாத நத³ன்வ்யோம்னி
	தி³ஶோ த³ஶ விநாத³யன் ॥23॥
ததஸ்து து³ர்த⁴ரோ வீர꞉
	ஸரத²꞉ ஸஜ்ஜகார்முக꞉।
கிரஞ்ஶரஶதைர்னைகை꞉
	அபி⁴பேதே³ மஹாப³ல꞉॥24॥
ஸ கபிர்வாரயாமாஸ
	தம் வ்யோம்னி ஶரவர்ஷிணம் ।
வ்ருஷ்டிமந்தம் பயோதா³ந்தே
	பயோத³மிவ மாருத꞉॥25॥
அர்த்³யமானஸ்ததஸ்தேன
	து³ர்த⁴ரேணானிலாத்மஜ꞉।
சகார நினத³ம் பூ⁴யோ
	வ்யவர்த⁴த ச வீர்யவான் ॥26॥
ஸ தூ³ரம் ஸஹஸோத்பத்ய
	து³ர்த⁴ரஸ்ய ரதே² ஹரி꞉।
நிபபாத மஹாவேகோ³
	வித்³யுத்³ராஶிர்கி³ராவிவ ॥27॥
தத꞉ ஸ மதி²தாஷ்டாஶ்வம்
	ரத²ம் ப⁴க்³னாக்ஷகூப³ரம் ।
விஹாய ந்யபதத்³பூ⁴மௌ
	து³ர்த⁴ரஸ்த்யக்தஜீவித꞉॥28॥
தம் விரூபாக்ஷயூபாக்ஷௌ
	த்³ருஷ்ட்வா நிபதிதம் பு⁴வி ।
தௌ ஜாதரோஷௌ து³ர்த⁴ர்ஷௌ
	உத்பேததுரரிந்த³மௌ ॥29॥
ஸ தாப்⁴யாம் ஸஹஸோத்ப்லுத்ய
	விஷ்டி²தோ விமலேऽம்ப³ரே ।
முத்³க³ராப்⁴யாம் மஹாபா³ஹு꞉
	வக்ஷஸ்யபி⁴ஹத꞉ கபி꞉॥30॥
தயோர்வேக³வதோர்வேக³ம்
	நிஹத்ய ஸ மஹாப³ல꞉।
நிபபாத புனர்பூ⁴மௌ
	ஸுபர்ண இவ வேகி³த꞉॥31॥
ஸ ஸாலவ்ருக்ஷமாஸாத்³ய
	ஸமுத்பாட்ய ச வானர꞉।
தாவுபௌ⁴ ராக்ஷஸௌ வீரௌ
	ஜகா⁴ன பவனாத்மஜ꞉॥32॥
ததஸ்தாம்ஸ்த்ரீன்ஹதாஞ்ஜ்ஞாத்வா
	வானரேண தரஸ்வினா ।
அபி⁴பேதே³ மஹாவேக³꞉
	ப்ரஸஹ்ய ப்ரக⁴ஸோ ப³லீ ॥33॥
பா⁴ஸகர்ணஶ்ச ஸங்க்ருத்³த⁴꞉
	ஶூலமாதா³ய வீர்யவான் ।
ஏகத꞉ கபிஶார்தூ³லம்
	யஶஸ்வினமவஸ்தி²தௌ ॥34॥
பட்டிஶேன ஶிதாக்³ரேண
	ப்ரக⁴ஸ꞉ ப்ரத்யபோத²யத் ।
பா⁴ஸகர்ணஶ்ச ஶூலேன
	ராக்ஷஸ꞉ கபிகுஞ்ஜரம் ॥35॥
ஸ தாப்⁴யாம் விக்ஷதைர்கா³த்ரை꞉
	அஸ்ருக்³தி³க்³த⁴தனூருஹ꞉।
அப⁴வத்³வானர꞉ க்ருத்³தோ⁴
	பா³லஸூர்யஸமப்ரப⁴꞉॥36॥
ஸமுத்பாட்ய கி³ரே꞉ ஶ்ருங்க³ம்
	ஸம்ருக³வ்யாலபாத³பம் ।
ஜகா⁴ன ஹனுமான்வீரோ
	ராக்ஷஸௌ கபிகுஞ்ஜர꞉।
கி³ரிஶ்ருங்க³ஸுநிஷ்பிஷ்டௌ
	திலஶஸ்தௌ ப³பூ⁴வது꞉॥37॥
ததஸ்தேஷ்வவஸன்னேஷு
	ஸேனாபதிஷு பஞ்சஸு ।
ப³லம் தத³வஶேஷம் து
	நாஶயாமாஸ வானர꞉॥38॥
அஶ்வைரஶ்வான்க³ஜைர்நாகா³ன்
	யோதை⁴ர்யோதா⁴ன்ரதை² ரதா²ன் ।
ஸ கபிர்நாஶயாமாஸ
	ஸஹஸ்ராக்ஷ இவாஸுரான் ॥39॥
ஹதைர்நாகை³ஸ்துரங்கை³ஶ்ச
	ப⁴க்³னாக்ஷைஶ்ச மஹாரதை²꞉।
ஹதைஶ்ச ராக்ஷஸைர்பூ⁴மீ
	ருத்³த⁴மார்கா³ ஸமந்தத꞉॥40॥
தத꞉ கபிஸ்தாந்த்⁴வஜினீபதீன்ரணே
	நிஹத்ய வீரான்ஸப³லான்ஸவாஹனான் ।
ததை²வ வீர꞉ பரிக்³ருஹ்ய தோரணம்
	க்ருதக்ஷண꞉ கால இவ ப்ரஜாக்ஷயே ॥41॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ ஷட்சத்வாரிம்ஶ꞉ ஸர்க³꞉