அத² ஸப்தசத்வாரிம்ஶ꞉ ஸர்க³꞉
ஸேனாபதீன்பஞ்ச ஸ து ப்ரமாபிதான்
	ஹனூமதா ஸானுசரான்ஸவாஹனான் ।
நிஶம்ய ராஜா ஸமரோத்³த⁴தோன்முக²ம்
	குமாரமக்ஷம் ப்ரஸமைக்ஷதாக்ஷம் ॥1॥
ஸ தஸ்ய த்³ருஷ்ட்யர்பணஸம்ப்ரசோதி³த꞉
	ப்ரதாபவான்காஞ்சனசித்ரகார்முக꞉।
ஸமுத்பபாதாத² ஸத³ஸ்யுதீ³ரிதோ
	த்³விஜாதிமுக்²யைர்ஹவிஷேவ பாவக꞉॥2॥
ததோ மஹான் பா³லதி³வாகரப்ரப⁴ம்
	ப்ரதப்தஜாம்பூ³னத³ஜாலஸந்ததம் ।
ரதா²ம் ஸமாஸ்தா²ய யயௌ ஸ வீர்யவான்
	மஹாஹரிம் தம் ப்ரதி நைர்ருதர்ஷப⁴꞉॥3॥
ததஸ்தப꞉ஸங்க்³ரஹஸஞ்சயார்ஜிதம்
	ப்ரதப்தஜாம்பூ³னத³ஜாலசித்ரிதம் ।
பதாகினம் ரத்னவிபூ⁴ஷிதத்⁴வஜம்
	மனோஜவாஷ்டாஶ்வவரை꞉ ஸுயோஜிதம் ॥4॥
ஸுராஸுராத்⁴ருஷ்யமஸங்க³சாரிணம்
	தடி³த்ப்ரப⁴ம் வ்யோமசரம் ஸமாஹிதம் ।
ஸதூணமஷ்டாஸிநிப³த்³த⁴ப³ந்து⁴ரம்
	யதா²க்ரமாவேஶிதஶக்திதோமரம் ॥5॥
விராஜமானம் ப்ரதிபூர்ணவஸ்துனா
	ஸஹேமதா³ம்னா ஶஶிஸூர்யவர்சஸா ।
தி³வாகராப⁴ம் ரத²மாஸ்தி²தஸ்தத꞉
	ஸ நிர்ஜகா³மாமரதுல்யவிக்ரம꞉॥6॥
ஸ பூரயன்க²ம் ச மஹீம் ச ஸாசலாம்
	துரங்க³மதங்க³மஹாரத²ஸ்வனை꞉।
ப³லை꞉ ஸமேதை꞉ ஸஹதோரணஸ்தி²தம்
	ஸமர்த²மாஸீனமுபாக³மத்கபிம் ॥7॥
ஸ தம் ஸமாஸாத்³ய ஹரிம் ஹரீக்ஷணோ
	யுகா³ந்தகாலாக்³னிமிவ ப்ரஜாக்ஷயே ।
அவஸ்தி²தம் விஸ்மிதஜாதஸம்ப்⁴ரமம்
	ஸமைக்ஷதாக்ஷோ ப³ஹுமானசக்ஷுஷா ॥8॥
ஸ தஸ்ய வேக³ம் ச கபேர்மஹாத்மன꞉
	பராக்ரமம் சாரிஷு ராவணாத்மஜ꞉।
விசாரயன் ஸ்வம் ச ப³லம் மஹாப³லோ
	யுக³க்ஷயே ஸூர்ய இவாபி⁴வர்த⁴த ॥9॥
ஸ ஜாதமன்யு꞉ ப்ரஸமீக்ஷ்ய விக்ரமம்
	ஸ்தி²த꞉ ஸ்தி²ர꞉ ஸம்யதி து³ர்நிவாரணம் ।
ஸமாஹிதாத்மா ஹனுமந்தமாஹவே
	ப்ரசோத³யாமாஸ ஶிதை꞉ ஶரைஸ்த்ரிபி⁴꞉॥10॥
தத꞉ கபிம் தம் ப்ரஸமீக்ஷ்ய க³ர்விதம்
	ஜிதஶ்ரமம் ஶத்ருபராஜயோசிதம் ।
அவைக்ஷதாக்ஷ꞉ ஸமுதீ³ர்ணமானஸம்
	ஸபா³ணபாணி꞉ ப்ரக்³ருஹீதகார்முக꞉॥11॥
ஸ ஹேமநிஷ்காங்க³த³சாருகுண்ட³ல꞉
	ஸமாஸஸாதா³ஶு பராக்ரம꞉ கபிம் ।
தயோர்ப³பூ⁴வாப்ரதிம꞉ ஸமாக³ம꞉
	ஸுராஸுராணாமபி ஸம்ப்⁴ரமப்ரத³꞉॥12॥
ரராஸ பூ⁴மிர்ன ததாப பா⁴னுமான்
	வவௌ ந வாயு꞉ ப்ரசசால சாசல꞉।
கபே꞉ குமாரஸ்ய ச வீர்யஸம்யுக³ம்
	நநாத³ ச த்³யௌருத³தி⁴ஶ்ச சுக்ஷுபே⁴ ॥13॥
ஸ தஸ்ய வீர꞉ ஸுமுகா²ன்பதத்ரிண꞉
	ஸுவர்ணபுங்கா²ன்ஸவிஷானிவோரகா³ன் ।
ஸமாதி⁴ஸம்யோக³விமோக்ஷதத்த்வவி-
	ச்ச²ரானத² த்ரீன்கபிமூர்த்⁴ன்யதாட³யத் ॥14॥
ஸ தை꞉ ஶரைர்மூர்த்⁴னி ஸமம் நிபாதிதை꞉
	க்ஷரன்னஸ்ருக்³தி³க்³த⁴விவ்ருத்தநேத்ர꞉।
நவோதி³தாதி³த்யனிப⁴꞉ ஶராம்ஶுமான்
	வ்யராஜதாதி³த்ய இவாம்ஶுமாலிக꞉॥15॥
தத꞉ ப்லவங்கா³தி⁴பமந்த்ரிஸத்தம꞉
	ஸமீக்ஷ்ய தம் ராஜவராத்மஜம் ரணே ।
உத³க்³ரசித்ராயுத⁴சித்ரகார்முகம்
	ஜஹர்ஷ சாபூர்யத சாஹவோன்முக²꞉॥16॥
ஸ மந்த³ராக்³ரஸ்த² இவாம்ஶுமாலீ
	விவ்ருத்³த⁴கோபோ ப³லவீர்யஸம்வ்ருத꞉।
குமாரமக்ஷம் ஸப³லம் ஸவாஹனம்
	த³தா³ஹ நேத்ராக்³னிமரீசிபி⁴ஸ்ததா³ ॥17॥
தத꞉ ஸ பா³ணாஸனஶக்ரகார்முக꞉
	ஶரப்ரவர்ஷோ யுதி⁴ ராக்ஷஸாம்பு³த³꞉।
ஶரான்முமோசாஶு ஹரீஶ்வராசலே
	ப³லாஹகோ வ்ருஷ்டிமிவாசலோத்தமே ॥18॥
கபிஸ்ததஸ்தம் ரணசண்ட³விக்ரமம்
	ப்ரவ்ருத்³த⁴தேஜோப³லவீர்யஸாயகம் ।
குமாரமக்ஷம் ப்ரஸமீக்ஷ்ய ஸம்யுகே³
	நநாத³ ஹர்ஷாத்³ க⁴னதுல்யநி꞉ஸ்வன꞉॥19॥
ஸ பா³லபா⁴வாத்³யுதி⁴ வீர்யத³ர்பித꞉
	ப்ரவ்ருத்³த⁴மன்யு꞉ க்ஷதஜோபமேக்ஷண꞉।
ஸமாஸஸாதா³ப்ரதிமம் ரணே கபிம்
	க³ஜோ மஹாகூபமிவாவ்ருதம் த்ருணை꞉॥20॥
ஸ தேன பா³ணை꞉ ப்ரஸப⁴ம் நிபாதிதை-
	ஶ்சகார நாத³ம் க⁴னநாத³நி꞉ஸ்வன꞉।
ஸமுத்ஸஹேநாஶு நப⁴꞉ ஸமாருஜன்
	பு⁴ஜோருவிக்ஷேபணகோ⁴ரத³ர்ஶன꞉॥21॥
தமுத்பதந்தம் ஸமபி⁴த்³ரவத்³ப³லீ
	ஸ ராக்ஷஸானாம் ப்ரவர꞉ ப்ரதாபவான் ।
ரதீ² ரத²ஶ்ரேஷ்ட²தர꞉ கிரஞ்ச²ரை꞉
	பயோத⁴ர꞉ ஶைலமிவாஶ்மவ்ருஷ்டிபி⁴꞉॥22॥
ஸ தாஞ்ச²ராம்ஸ்தஸ்ய ஹரிர்விமோக்ஷயம்-
	ஶ்சசார வீர꞉ பதி² வாயுஸேவிதே ।
ஶராந்தரே மாருதவத்³விநிஷ்பதன்
	மனோஜவ꞉ ஸம்யதி பீ⁴மவிக்ரம꞉॥23॥
தமாத்தபா³ணாஸனமாஹவோன்முக²ம்
	க²மாஸ்த்ருணந்தம் விவிதை⁴꞉ ஶரோத்தமை꞉।
அவைக்ஷதாக்ஷம் ப³ஹுமானசக்ஷுஷா
	ஜகா³ம சிந்தாம் ஸ ச மாருதாத்மஜ꞉॥24॥
தத꞉ ஶரைர்பி⁴ன்னபு⁴ஜாந்தர꞉ கபி꞉
	குமாரவர்யேண மஹாத்மனா நத³ன் ।
மஹாபு⁴ஜ꞉ கர்மவிஶேஷதத்த்வவித்³
	விசிந்தயாமாஸ ரணே பராக்ரமம் ॥25॥
அபா³லவத்³பா³லதி³வாகரப்ரப⁴꞉
	கரோத்யயம் கர்ம மஹன்மஹாப³ல꞉।
ந சாஸ்ய ஸர்வாஹவகர்மஶாலின꞉
	ப்ரமாபணே மே மதிரத்ர ஜாயதே ॥26॥
அயம் மஹாத்மா ச மஹாம்ஶ்ச வீர்யத꞉
	ஸமாஹிதஶ்சாதிஸஹஶ்ச ஸம்யுகே³ ।
அஸம்ஶயம் கர்மகு³ணோத³யாத³யம்
	ஸநாக³யக்ஷைர்முனிபி⁴ஶ்ச பூஜித꞉॥27॥
பராக்ரமோத்ஸாஹவிவ்ருத்³த⁴மானஸ꞉
	ஸமீக்ஷதே மாம் ப்ரமுகோ²ऽக்³ரத꞉ ஸ்தி²த꞉।
பராக்ரமோ ஹ்யஸ்ய மனாம்ஸி கம்பயேத்
	ஸுராஸுராணாமபி ஶீக்⁴ரகாரிண꞉॥28॥
ந க²ல்வயம் நாபி⁴ப⁴வேது³பேக்ஷித꞉
	பராக்ரமோ ஹ்யஸ்ய ரணே விவர்த⁴தே ।
ப்ரமாபணம் ஹ்யஸ்ய மமாத்³ய ரோசதே
	ந வர்த⁴மானோऽக்³நிருபேக்ஷிதும் க்ஷம꞉॥29॥
இதி ப்ரவேக³ம் து பரஸ்ய தர்கயன்
	ஸ்வகர்மயோக³ம் ச விதா⁴ய வீர்யவான் ।
சகார வேக³ம் து மஹாப³லஸ்ததா³
	மதிம் ச சக்ரேऽஸ்ய வதே⁴ ததா³னீம் ॥30॥
ஸ தஸ்ய தாநஷ்ட வரான் மஹாஹயான்
	ஸமாஹிதான்பா⁴ரஸஹான்விவர்தனே ।
ஜகா⁴ன வீர꞉ பதி² வாயுஸேவிதே
	தலப்ரஹாரை꞉ பவனாத்மஜ꞉ கபி꞉॥31॥
ததஸ்தலேநாபி⁴ஹதோ மஹாரத²꞉
	ஸ தஸ்ய பிங்கா³தி⁴பமந்த்ரிநிர்ஜித꞉।
ஸ ப⁴க்³னனீட³꞉ பரிவ்ருத்தகூப³ர꞉
	பபாத பூ⁴மௌ ஹதவாஜிரம்ப³ராத் ॥32॥
ஸ தம் பரித்யஜ்ய மஹாரதோ² ரத²ம்
	ஸகார்முக꞉ க²ட்³க³த⁴ர꞉ க²முத்பதன் ।
ததோऽபி⁴யோகா³த்³ருஷிருக்³ரவீர்யவான்
	விஹாய தே³ஹம் மருதாமிவாலயம் ॥33॥
கபிஸ்ததஸ்தம் விசரந்தமம்ப³ரே
	பதத்ரிராஜானிலஸித்³த⁴ஸேவிதே ।
ஸமேத்ய தம் மாருதவேக³விக்ரம꞉
	க்ரமேண ஜக்³ராஹ ச பாத³யோர்த்³ருட⁴ம் ॥34॥
ஸ தம் ஸமாவித்⁴ய ஸஹஸ்ரஶ꞉ கபி-
	ர்மஹோரக³ம் க்³ருஹ்ய இவாண்ட³ஜேஶ்வர꞉।
முமோச வேகா³த்பித்ருதுல்யவிக்ரமோ
	மஹீதலே ஸம்யதி வானரோத்தம꞉॥35॥
ஸ ப⁴க்³னபா³ஹூருகடீபயோத⁴ர꞉
	க்ஷரன்னஸ்ருஙினர்மதி²தாஸ்தி²லோசன꞉।
ஸம்பி⁴ன்னஸந்தி⁴꞉ ப்ரவிகீர்ணப³ந்த⁴னோ
	ஹத꞉ க்ஷிதௌ வாயுஸுதேன ராக்ஷஸ꞉॥36॥
மஹாகபிர்பூ⁴மிதலே நிபீட்³ய தம்
	சகார ரக்ஷோऽதி⁴பதேர்மஹத்³ப⁴யம் ।
மஹர்ஷிபி⁴ஶ்சக்ரசரை꞉ ஸமாக³தை꞉
	ஸமேத்ய பூ⁴தைஶ்ச ஸயக்ஷபன்னகை³꞉।
ஸுரைஶ்ச ஸேந்த்³ரைர்ப்⁴ருஶஜாதவிஸ்மயை-
	ர்ஹதே குமாரே ஸ கபிர்நிரீக்ஷித꞉॥37॥
நிஹத்ய தம் வஜ்ரிஸுதோபமம் ரணே
	குமாரமக்ஷம் க்ஷதஜோபமேக்ஷணம் ।
ததே³வ வீரோऽபி⁴ஜகா³ம தோரணம்
	க்ருதக்ஷண꞉ கால இவ ப்ரஜாக்ஷயே ॥38॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ ஸப்தசத்வாரிம்ஶ꞉ ஸர்க³꞉