அத² ஏகோனபஞ்சாஶ꞉ ஸர்க³꞉
தத꞉ ஸ கர்மணா தஸ்ய
	விஸ்மிதோ பீ⁴மவிக்ரம꞉।
ஹனுமான் க்ரோத⁴தாம்ராக்ஷோ
	ரக்ஷோऽதி⁴பமவைக்ஷத ॥1॥
ப்⁴ராஜமானம் மஹார்ஹேண
	காஞ்சனேன விராஜதா ।
முக்தாஜாலவ்ருதேநாத²
	முகுடேன மஹாத்³யுதிம் ॥2॥
வஜ்ரஸம்யோக³ஸம்யுக்தை꞉
	மஹார்ஹமணிவிக்³ரஹை꞉।
ஹைமைராப⁴ரணைஶ்சித்ரை꞉
	மனஸேவ ப்ரகல்பிதை꞉॥3॥
மஹார்ஹக்ஷௌமஸம்வீதம்
	ரக்தசந்த³னரூஷிதம் ।
ஸ்வனுலிப்தம் விசித்ராபி⁴꞉
	விவிதா⁴பி⁴ஶ்ச ப⁴க்திபி⁴꞉॥4॥
விசித்ரம் த³ர்ஶனீயைஶ்ச
	ரக்தாக்ஷைர்பீ⁴மத³ர்ஶனை꞉।
தீ³ப்ததீக்ஷ்ணமஹாத³ம்ஷ்ட்ரம்
	ப்ரலம்ப³ம் த³ஶனச்ச²தை³꞉॥5॥
ஶிரோபி⁴ர்த³ஶபி⁴ர்வீரோ
	ப்⁴ராஜமானம் மஹௌஜஸம் ।
நாநாவ்யாலஸமாகீர்ணை꞉
	ஶிக²ரைரிவ மந்த³ரம் ॥6॥
நீலாஞ்ஜனசயப்ரக்²யம்
	ஹாரேணோரஸி ராஜதா ।
பூர்ணசந்த்³ராப⁴வக்த்ரேண
	ஸபா³லார்கமிவாம்பு³த³ம் ॥7॥
பா³ஹுபி⁴ர்ப³த்³த⁴கேயூரை꞉
	சந்த³னோத்தமரூஷிதை꞉।
ப்⁴ராஜமானாங்க³தை³ர்பீ⁴மை꞉
	பஞ்சஶீர்ஷைரிவோரகை³꞉॥8॥
மஹதி ஸ்பா²டிகே சித்ரே
	ரத்னஸம்யோக³சித்ரிதே ।
உத்தமாஸ்தரணாஸ்தீர்ணே
	ஸூபவிஷ்டம் வராஸனே ॥9॥
அலங்க்ருதாபி⁴ரத்யர்த²ம்
	ப்ரமதா³பி⁴꞉ ஸமந்தத꞉।
வாலவ்யஜனஹஸ்தாபி⁴꞉
	ஆராத்ஸமுபஸேவிதம் ॥10॥
து³ர்த⁴ரேண ப்ரஹஸ்தேன
	மஹாபார்ஶ்வேன ரக்ஷஸா ।
மந்த்ரிபி⁴ர்மந்த்ரதத்த்வஜ்ஞை꞉
	நிகும்பே⁴ன ச மந்த்ரிணா ॥11॥
உபோபவிஷ்டம் ரக்ஷோபி⁴꞉
	சதுர்பி⁴ர்ப³லத³ர்பிதம் ।
க்ருத்ஸ்னம் பரிவ்ருதம் லோகம்
	சதுர்பி⁴ரிவ ஸாக³ரை꞉॥12॥
மந்த்ரிபி⁴ர்மந்த்ரதத்த்வஜ்ஞை꞉
	அன்யைஶ்ச ஶுப⁴த³ர்ஶிபி⁴꞉।
ஆஶ்வாஸ்யமானம் ஸசிவை꞉
	ஸுரைரிவ ஸுரேஶ்வரம் ॥13॥
அபஶ்யத்³ராக்ஷஸபதிம்
	ஹனூமானதிதேஜஸம் ।
வேஷ்டி²தம் மேருஶிக²ரே
	ஸதோயமிவ தோயத³ம் ॥14॥
ஸ தை꞉ ஸம்பீட்³யமானோऽபி
	ரக்ஷோபி⁴ர்பீ⁴மவிக்ரமை꞉।
விஸ்மயம் பரமம் க³த்வா
	ரக்ஷோऽதி⁴பமவைக்ஷத ॥15॥
ப்⁴ராஜமானம் ததோ த்³ருஷ்ட்வா
	ஹனுமான்ராக்ஷஸேஶ்வரம் ।
மனஸா சிந்தயாமாஸ
	தேஜஸா தஸ்ய மோஹித꞉॥16॥
அஹோ ரூபமஹோ தை⁴ர்யம்
	அஹோ ஸத்த்வமஹோ த்³யுதி꞉।
அஹோ ராக்ஷஸராஜஸ்ய
	ஸர்வலக்ஷணயுக்ததா ॥17॥
யத்³யத⁴ர்மோ ந ப³லவான்
	ஸ்யாத³யம் ராக்ஷஸேஶ்வர꞉।
ஸ்யாத³யம் ஸுரலோகஸ்ய
	ஸஶக்ரஸ்யாபி ரக்ஷிதா ॥18॥
அஸ்ய க்ரூரைர்ந்ருஶம்ஸைஶ்ச
	கர்மபி⁴ர்லோககுத்ஸிதை꞉।
ஸர்வே பி³ப்⁴யதி க²ல்வஸ்மாத்
	லோகா꞉ ஸாமரதா³னவா꞉॥19॥
அயம் ஹ்யுத்ஸஹதே க்ருத்³த⁴꞉
	கர்துமேகார்ணவம் ஜக³த் ।
இதி சிந்தாம் ப³ஹுவிதா⁴ம்
	அகரோன்மதிமான்கபி꞉।
த்³ருஷ்ட்வா ராக்ஷஸராஜஸ்ய
	ப்ரபா⁴வமமிதௌஜஸ꞉॥20॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ ஏகோனபஞ்சாஶ꞉ ஸர்க³꞉