அத² பஞ்சாஶ꞉ ஸர்க³꞉
தமுத்³வீக்ஷ்ய மஹாபா³ஹு꞉
	பிங்கா³க்ஷம் புரத꞉ ஸ்தி²தம் ।
ரோஷேண மஹதாऽऽவிஷ்டோ
	ராவணோ லோகராவண꞉॥1॥
ஶங்காஹதாத்மா த³த்⁴யௌ ஸ
	கபீந்த்³ரம் தேஜஸாவ்ருதம் ।
கிமேஷ ப⁴க³வான்னந்தீ³
	ப⁴வேத்ஸாக்ஷாதி³ஹாக³த꞉॥2॥
யேன ஶப்தோऽஸ்மி கைலாஸே
	மயா ப்ரஹஸிதே புரா ।
ஸோऽயம் வானரமூர்தி꞉ ஸ்யாத்
	கிம்ஸ்வித்³பா³ணோऽபி வாஸுர꞉॥3॥
ஸ ராஜா ரோஷதாம்ராக்ஷ꞉
	ப்ரஹஸ்தம் மந்த்ரிஸத்தமம் ।
காலயுக்தமுவாசேத³ம்
	வசோ விபுலமர்த²வத் ॥4॥
து³ராத்மா ப்ருச்ச்²யதாமேஷ
	குத꞉ கிம் வாஸ்ய காரணம் ।
வனப⁴ங்கே³ ச கோऽஸ்யார்தோ²
	ராக்ஷஸானாம் ச தர்ஜனே ॥5॥
மத்புரீமப்ரத்⁴ருஷ்யாம் வை
	க³மனே கிம் ப்ரயோஜனம் ।
ஆயோத⁴னே வா கிம் கார்யம்
	ப்ருச்ச²யதாமேஷ து³ர்மதி꞉॥6॥
ராவணஸ்ய வச꞉ ஶ்ருத்வா
	ப்ரஹஸ்தோ வாக்யமப்³ரவீத் ।
ஸமாஶ்வஸிஹி ப⁴த்³ரம் தே
	ந பீ⁴꞉ கார்யா த்வயா கபே ॥7॥
யதி³ தாவத்த்வமிந்த்³ரேண
	ப்ரேஷிதோ ராவணாலயம் ।
தத்த்வமாக்²யாஹி மா தே பூ⁴த்
	ப⁴யம் வானர மோக்ஷ்யஸே ॥8॥
யதி³ வைஶ்ரவணஸ்ய த்வம்
	யமஸ்ய வருணஸ்ய ச ।
சாருரூபமித³ம் க்ருத்வா
	ப்ரவிஷ்டோ ந꞉ புரீமிமாம் ॥9॥
விஷ்ணுனா ப்ரேஷிதோ வாபி
	தூ³தோ விஜயகாங்க்ஷிணா ।
நஹி தே வானரம் தேஜோ
	ரூபமாத்ரம் து வானரம் ॥10॥
தத்த்வத꞉ கத²யஸ்வாத்³ய
	ததோ வானர மோக்ஷ்யஸே ।
அந்ருதம் வத³தஶ்சாபி
	து³ர்லப⁴ம் தவ ஜீவிதம் ॥11॥
அத²வா யந்நிமித்தஸ்தே
	ப்ரவேஶோ ராவணாலயே ।
ஏவமுக்தோ ஹரிவர꞉
	ததா³ ரக்ஷோக³ணேஶ்வரம் ॥12॥
அப்³ரவீன்னாஸ்மி ஶக்ரஸ்ய
	யமஸ்ய வருணஸ்ய ச ।
த⁴னதே³ன ந மே ஸக்²யம்
	விஷ்ணுனா நாஸ்மி சோதி³த꞉॥13॥
ஜாதிரேவ மம த்வேஷா
	வானரோऽஹமிஹாக³த꞉।
த³ர்ஶனே ராக்ஷஸேந்த்³ரஸ்ய
	ததி³த³ம் து³ர்லப⁴ம் மயா ॥14॥
வனம் ராக்ஷஸராஜஸ்ய
	த³ர்ஶனார்த²ம் விநாஶிதம் ।
ததஸ்தே ராக்ஷஸா꞉ ப்ராப்தா
	ப³லினோ யுத்³த⁴காங்க்ஷிண꞉॥15॥
ரக்ஷணார்த²ம் ச தே³ஹஸ்ய
	ப்ரதியுத்³தா⁴ மயா ரணே ।
அஸ்த்ரபாஶைர்ன ஶக்யோऽஹம்
	ப³த்³து⁴ம் தே³வாஸுரைரபி ॥16॥
பிதாமஹாதே³ஷ வரோ
	மமாபி ஹி ஸமாக³த꞉।
ராஜானம் த்³ரஷ்டுகாமேன
	மயாஸ்த்ரமனுவர்திதம் ॥17॥
விமுக்தோऽப்யஹமஸ்த்ரேண
	ராக்ஷஸைஸ்த்வபி⁴வேதி³த꞉।
கேனசித்³ ராமகார்யேண
	ஆக³தோऽஸ்மி தவாந்திகம் ॥18॥
தூ³தோऽஹமிதி விஜ்ஞாய
	ராக⁴வஸ்யாமிதௌஜஸ꞉।
ஶ்ரூயதாமேவ வசனம்
	மம பத்²யமித³ம் ப்ரபோ⁴ ॥19॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ பஞ்சாஶ꞉ ஸர்க³꞉