அத² ஏகபஞ்சாஶ꞉ ஸர்க³꞉
தம் ஸமீக்ஷ்ய மஹாஸத்த்வம்
	ஸத்த்வவான் ஹரிஸத்தம꞉।
வாக்யமர்த²வத³வ்யக்³ர꞉
	தமுவாச த³ஶானனம் ॥1॥
அஹம் ஸுக்³ரீவஸந்தே³ஶாத்
	இஹ ப்ராப்தஸ்தவாந்திகே ।
ராக்ஷஸேஶ ஹரீஶஸ்த்வாம்
	ப்⁴ராதா குஶலமப்³ரவீத் ॥2॥
ப்⁴ராது꞉ ஶ்ருணு ஸமாதே³ஶம்
	ஸுக்³ரீவஸ்ய மஹாத்மன꞉।
த⁴ர்மார்த²ஸஹிதம் வாக்யம்
	இஹ சாமுத்ர ச க்ஷமம் ॥3॥
ராஜா த³ஶரதோ² நாம
	ரத²குஞ்ஜரவாஜிமான் ।
பிதேவ ப³ந்து⁴ர்லோகஸ்ய
	ஸுரேஶ்வரஸமத்³யுதி꞉॥4॥
ஜ்யேஷ்ட²ஸ்தஸ்ய மஹாபா³ஹு꞉
	புத்ர꞉ ப்ரியதர꞉ ப்ரபு⁴꞉।
பிதுர்னிதே³ஶாந்நிஷ்க்ராந்த꞉
	ப்ரவிஷ்டோ த³ண்ட³காவனம் ॥5॥
லக்ஷ்மணேன ஸஹ ப்⁴ராத்ரா
	ஸீதயா ஸஹ பா⁴ர்யயா ।
ராமோ நாம மஹாதேஜா
	த⁴ர்ம்யம் பந்தா²னமாஶ்ரித꞉॥6॥
தஸ்ய பா⁴ர்யா ஜனஸ்தா²னே
	ப்⁴ரஷ்டா ஸீதேதி விஶ்ருதா ।
வைதே³ஹஸ்ய ஸுதா ராஜ்ஞோ
	ஜனகஸ்ய மஹாத்மன꞉॥7॥
மார்க³மாணஸ்து தாம் தே³வீம்
	ராஜபுத்ர꞉ ஸஹானுஜ꞉।
ருஷ்யமூகமனுப்ராப்த꞉
	ஸுக்³ரீவேண ச ஸங்க³த꞉॥8॥
தஸ்ய தேன ப்ரதிஜ்ஞாதம்
	ஸீதாயா꞉ பரிமார்க³ணம் ।
ஸுக்³ரீவஸ்யாபி ராமேண
	ஹரிராஜ்யம் நிவேதி³தும் ॥9॥
ததஸ்தேன ம்ருதே⁴ ஹத்வா
	ராஜபுத்ரேண வாலினம் ।
ஸுக்³ரீவ꞉ ஸ்தா²பிதோ ராஜ்யே
	ஹர்ய்ருக்ஷாணாம் க³ணேஶ்வர꞉॥10॥
த்வயா விஜ்ஞாதபூர்வஶ்ச
	வாலீ வானரபுங்க³வ꞉।
ஸ தேன நிஹத꞉ ஸங்க்²யே
	ஶரேணைகேன வானர꞉॥11॥
ஸ ஸீதாமார்க³ணே வ்யக்³ர꞉
	ஸுக்³ரீவ꞉ ஸத்யஸங்க³ர꞉।
ஹரீன்ஸம்ப்ரேஷயாமாஸ
	தி³ஶ꞉ ஸர்வா ஹரீஶ்வர꞉॥12॥
தாம் ஹரீணாம் ஸஹஸ்ராணி
	ஶதானி நியுதானி ச ।
தி³க்ஷு ஸர்வாஸு மார்க³ந்தே
	ஹ்யத⁴ஶ்சோபரி சாம்ப³ரே ॥13॥
வைனதேயஸமா꞉ கேசித்
	கேசித்தத்ரானிலோபமா꞉।
அஸங்க³க³தய꞉ ஶீக்⁴ரா
	ஹரிவீரா மஹாப³லா꞉॥14॥
அஹம் து ஹனுமாந்நாம
	மாருதஸ்யௌரஸ꞉ ஸுத꞉।
ஸீதாயாஸ்து க்ருதே தூர்ணம்
	ஶதயோஜனமாயதம் ॥15॥
ஸமுத்³ரம் லங்க⁴யித்வைவ
	த்வாம் தி³த்³ருக்ஷுரிஹாக³த꞉।
ப்⁴ரமதா ச மயா த்³ருஷ்டா
	க்³ருஹே தே ஜனகாத்மஜா ॥16॥
தத்³ப⁴வாந்த்³ருஷ்டத⁴ர்மார்த²꞉
	தப꞉ க்ருதபரிக்³ரஹ꞉।
பரதா³ரான்மஹாப்ராஜ்ஞ
	நோபரோத்³து⁴ம் த்வமர்ஹஸி ॥17॥
நஹி த⁴ர்மவிருத்³தே⁴ஷு
	ப³ஹ்வபாயேஷு கர்மஸு ।
மூலகா⁴திஷு ஸஜ்ஜந்தே
	பு³த்³தி⁴மந்தோ ப⁴வத்³விதா⁴꞉॥18॥
கஶ்ச லக்ஷ்மணமுக்தானாம்
	ராமகோபானுவர்தினாம் ।
ஶராணாமக்³ரத꞉ ஸ்தா²தும்
	ஶக்தோ தே³வாஸுரேஷ்வபி ॥19॥
ந சாபி த்ரிஷு லோகேஷு
	ராஜன்வித்³யேத கஶ்சன ।
ராக⁴வஸ்ய வ்யலீகம் ய꞉
	க்ருத்வா ஸுக²மவாப்னுயாத் ॥20॥
தத் த்ரிகாலஹிதம் வாக்யம்
	த⁴ர்ம்யமர்தா²னுயாயி ச ।
மன்யஸ்வ நரதே³வாய
	ஜானகீ ப்ரதிதீ³யதாம் ॥21॥
த்³ருஷ்டா ஹீயம் மயா தே³வீ
	லப்³த⁴ம் யதி³ஹ து³ர்லப⁴ம் ।
உத்தரம் கர்ம யச்சே²ஷம்
	நிமித்தம் தத்ர ராக⁴வ꞉॥22॥
லக்ஷிதேயம் மயா ஸீதா
	ததா² ஶோகபராயணா ।
க்³ருஹே யாம் நாபி⁴ஜானாஸி
	பஞ்சாஸ்யாமிவ பன்னகீ³ம் ॥23॥
நேயம் ஜரயிதும் ஶக்யா
	ஸாஸுரைரமரைரபி ।
விஷஸம்ஸ்ப்ருஷ்டமத்யர்த²ம்
	பு⁴க்தமன்னமிவௌஜஸா ॥24॥
தப꞉ஸந்தாபலப்³த⁴ஸ்தே
	யோऽயம் த⁴ர்மபரிக்³ரஹ꞉।
ந ஸ நாஶயிதும் ந்யாய்ய
	ஆத்மப்ராணபரிக்³ரஹ꞉॥25॥
அவத்⁴யதாம் தபோபி⁴ர்யாம்
	ப⁴வான்ஸமனுபஶ்யதி ।
ஆத்மன꞉ ஸாஸுரைர்தே³வை꞉
	ஹேதுஸ்தத்ராப்யயம் மஹான் ॥26॥
ஸுக்³ரீவோ ந ச தே³வோऽயம்
	ந யக்ஷோ ந ச ராக்ஷஸ꞉।
மானுஷோ ராக⁴வோ ராஜன்
	ஸுக்³ரீவஶ்ச ஹரீஶ்வர꞉।
தஸ்மாத் ப்ராணபரித்ராணம்
	கத²ம் ராஜன்கரிஷ்யஸி ॥27॥
ந து த⁴ர்மோபஸம்ஹாரம்
	அத⁴ர்மப²லஸம்ஹிதம் ।
ததே³வ ப²லமன்வேதி
	த⁴ர்மஶ்சாத⁴ர்மநாஶன꞉॥28॥
ப்ராப்தம் த⁴ர்மப²லம் தாவத்
	ப⁴வதா நாத்ர ஸம்ஶய꞉।
ப²லமஸ்யாப்யத⁴ர்மஸ்ய
	க்ஷிப்ரமேவ ப்ரபத்ஸ்யஸே ॥29॥
ஜனஸ்தா²னவத⁴ம் பு³த்³த்⁴வா
	வாலினஶ்ச வத⁴ம் ததா² ।
ராமஸுக்³ரீவஸக்²யம் ச
	பு³த்³த்⁴யஸ்வ ஹிதமாத்மன꞉॥30॥
காமம் க²ல்வஹமப்யேக꞉
	ஸவாஜிரத²குஞ்ஜராம் ।
லங்காம் நாஶயிதும் ஶக்த்த꞉
	தஸ்யைஷ து ந நிஶ்சய꞉॥31॥
ராமேண ஹி ப்ரதிஜ்ஞாதம்
	ஹர்ய்ருக்ஷக³ணஸம்நிதௌ⁴ ।
உத்ஸாத³னமமித்ராணாம்
	ஸீதா யைஸ்து ப்ரத⁴ர்ஷிதா ॥32॥
அபகுர்வன்ஹி ராமஸ்ய
	ஸாக்ஷாத³பி புரந்த³ர꞉।
ந ஸுக²ம் ப்ராப்னுயாத³ன்ய꞉
	கிம் புனஸ்த்வத்³விதோ⁴ ஜன꞉॥33॥
யாம் ஸீதேத்யபி⁴ஜானாஸி
	யேயம் திஷ்ட²தி தே க்³ருஹே ।
காலராத்ரீதி தாம் வித்³தி⁴
	ஸர்வலங்காவிநாஶினீம் ॥34॥
தத³லம் காலபாஶேன
	ஸீதா விக்³ரஹரூபிணா ।
ஸ்வயம் ஸ்கந்தா⁴வஸக்தேன
	க்ஷேமமாத்மனி சிந்த்யதாம் ॥35॥
ஸீதாயாஸ்தேஜஸா த³க்³தா⁴ம்
	ராமகோபப்ரதீ³பிதாம் ।
த³ஹ்யமாநாமிமாம் பஶ்ய
	புரீம் ஸாட்டப்ரதோலிகாம் ॥36॥
ஸ்வானி மித்ராணி மந்த்ரீம்ஶ்ச
	ஜ்ஞாதீன் பா⁴த்ர்ருன் ஸுதான் ஹிதான் ।
போ⁴கா³ந்தா³ராம்ஶ்ச லங்காம் ச
	மா விநாஶமுபானய ॥37॥
ஸத்யம் ராக்ஷஸராஜேந்த்³ர
	ஶ்ருணுஷ்வ வசனம் மம ।
ராமதா³ஸஸ்ய தூ³தஸ்ய
	வானரஸ்ய விஶேஷத꞉॥38॥
ஸர்வான் லோகான் ஸுஸம்ஹ்ருத்ய
	ஸபூ⁴தான் ஸசராசரான் ।
புனரேவ ததா² ஸ்ரஷ்டும்
	ஶக்தோ ராமோ மஹாயஶா꞉॥39॥
தே³வாஸுரனரேந்த்³ரேஷு
	யக்ஷரக்ஷோரகே³ஷு ச ।
வித்³யாத⁴ரேஷு நாகே³ஷு
	க³ந்த⁴ர்வேஷு ம்ருகே³ஷு ச ॥40॥
ஸித்³தே⁴ஷு கின்னரேந்த்³ரேஷு
	பதத்த்ரிஷு ச ஸர்வத꞉।
ஸர்வத்ர ஸர்வபூ⁴தேஷு
	ஸர்வகாலேஷு நாஸ்தி ஸ꞉॥41॥
யோ ராமம் ப்ரதியுத்⁴யேத
	விஷ்ணுதுல்யபராக்ரமம் ।
ஸர்வலோகேஶ்வரஸ்யேஹ
	க்ருத்வா விப்ரியமீத்³ருஶம் ।
ராமஸ்ய ராஜஸிம்ஹஸ்ய
	து³ர்லப⁴ம் தவ ஜீவிதம் ॥42॥
தே³வாஶ்ச தை³த்யாஶ்ச நிஶாசரேந்த்³ர
	க³ந்த⁴ர்வவித்³யாத⁴ரநாக³யக்ஷா꞉।
ராமஸ்ய லோகத்ரயநாயகஸ்ய
	ஸ்தா²தும் ந ஶக்தாஸ்ஸமரேஷு ஸர்வே ॥43॥
ப்³ரஹ்மா ஸ்வயம்பூ⁴ஶ்சதுரானனோ வா
	ருத்³ரஸ்த்ரிநேத்ரஸ்த்ரிபுராந்தகோ வா ।
இந்த்³ரோ மஹேந்த்³ரஸ்ஸுரநாயகோ வா
	ஸ்தா²தும் ந ஶக்தா யுதி⁴ ராக⁴வஸ்ய ॥44॥
ஸ ஸௌஷ்ட²வோபேதமதீ³னவாதி³ன꞉
	கபேர்நிஶம்யாப்ரதிமோऽப்ரியம் வச꞉।
த³ஶானன꞉ கோபவிவ்ருத்தலோசன꞉
	ஸமாதி³ஶத்தஸ்ய வத⁴ம் மஹாகபே꞉॥45॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ ஏகபஞ்சாஶ꞉ ஸர்க³꞉