அத² சது꞉பஞ்சாஶ꞉ ஸர்க³꞉
வீக்ஷமாணஸ்ததோ லங்காம்
	கபி꞉ க்ருதமனோரத²꞉।
வர்த⁴மானஸமுத்ஸாஹ꞉
	கார்யஶேஷமசிந்தயத் ॥1॥
கிம் நு க²ல்வவஶிஷ்டம் மே
	கர்தவ்யமிஹ ஸாம்ப்ரதம் ।
யதே³ஷாம் ரக்ஷஸாம் பூ⁴ய꞉
	ஸந்தாபஜனனம் ப⁴வேத் ॥2॥
வனம் தாவத்ப்ரமதி²தம்
	ப்ரக்ருஷ்டா ராக்ஷஸா ஹதா꞉।
ப³லைகதே³ஶ꞉ க்ஷபித꞉
	ஶேஷம் து³ர்க³விநாஶனம் ॥3॥
து³ர்கே³ விநாஶிதே கர்ம
	ப⁴வேத் ஸுக²பரிஶ்ரமம் ।
அல்பயத்னேன கார்யேऽஸ்மின்
	மம ஸ்யாத்ஸப²ல꞉ ஶ்ரம꞉॥4॥
யோ ஹ்யயம் மம லாங்கூ³லே
	தீ³ப்யதே ஹவ்யவாஹன꞉।
அஸ்ய ஸந்தர்பணம் ந்யாய்யம்
	கர்துமேபி⁴ர்க்³ருஹோத்தமை꞉॥5॥
தத꞉ ப்ரதீ³ப்தலாங்கூ³ல꞉
	ஸவித்³யுதி³வ தோயத³꞉।
ப⁴வநாக்³ரேஷு லங்காயா
	விசசார மஹாகபி꞉॥6॥
க்³ருஹாத்³க்³ருஹம் ராக்ஷஸானாம்
	உத்³யானானி ச வானர꞉।
வீக்ஷமாணோ ஹ்யஸந்த்ரஸ்த꞉
	ப்ராஸாதா³ம்ஶ்ச சசார ஸ꞉॥7॥
அவப்லுத்ய மஹாவேக³꞉
	ப்ரஹஸ்தஸ்ய நிவேஶனம் ।
அக்³னிம் தத்ர விநிக்ஷிப்ய
	ஶ்வஸனேன ஸமோ ப³லீ ॥8॥
ததோऽன்யத்புப்லுவே வேஶ்ம
	மஹாபார்ஶ்வஸ்ய வீர்யவான் ।
முமோச ஹனுமாநக்³னிம்
	காலானலஶிகோ²பமம் ॥9॥
வஜ்ரத³ம்ஷ்ட்ரஸ்ய ச ததா²
	புப்லுவே ஸ மஹாகபி꞉।
ஶுகஸ்ய ச மஹாதேஜா꞉
	ஸாரணஸ்ய ச தீ⁴மத꞉॥10॥
ததா² சேந்த்³ரஜிதோ வேஶ்ம
	த³தா³ஹ ஹரியூத²ப꞉।
ஜம்பு³மாலே꞉ ஸுமாலேஶ்ச
	த³தா³ஹ ப⁴வனம் தத꞉॥11॥
ரஶ்மிகேதோஶ்ச ப⁴வனம்
	ஸூர்யஶத்ரோஸ்ததை²வ ச ।
ஹ்ரஸ்வகர்ணஸ்ய த³ம்ஷ்ட்ரஸ்ய
	ரோமஶஸ்ய ச ரக்ஷஸ꞉॥12॥
யுத்³தோ⁴ன்மத்தஸ்ய மத்தஸ்ய
	த்⁴வஜக்³ரீவஸ்ய ரக்ஷஸ꞉।
வித்³யுஜ்ஜிஹ்வஸ்ய கோ⁴ரஸ்ய
	ததா² ஹஸ்திமுக²ஸ்ய ச ॥13॥
கராலஸ்ய விஶாலஸ்ய
	ஶோணிதாக்ஷஸ்ய சைவ ஹி ।
கும்ப⁴கர்ணஸ்ய ப⁴வனம்
	மகராக்ஷஸ்ய சைவ ஹி ॥14॥
நராந்தகஸ்ய கும்ப⁴ஸ்ய
	நிகும்ப⁴ஸ்ய து³ராத்மன꞉।
யஜ்ஞஶத்ரோஶ்ச ப⁴வனம்
	ப்³ரஹ்மஶத்ரோஸ்ததை²வ ச ॥15॥
வர்ஜயித்வா மஹாதேஜா
	விபீ⁴ஷணக்³ருஹம் ப்ரதி ।
க்ரமமாண꞉ க்ரமேணைவ
	த³தா³ஹ ஹரிபுங்க³வ꞉॥16॥
தேஷு தேஷு மஹார்ஹேஷு
	ப⁴வனேஷு மஹாயஶா꞉।
க்³ருஹேஷ்வ்ருத்³தி⁴மதாம்ருத்³தி⁴ம்
	த³தா³ஹ கபிகுஞ்ஜர꞉॥17॥
ஸர்வேஷாம் ஸமதிக்ரம்ய
	ராக்ஷஸேந்த்³ரஸ்ய வீர்யவான் ।
ஆஸஸாதா³த² லக்ஷ்மீவான்
	ராவணஸ்ய நிவேஶனம் ॥18॥
ததஸ்தஸ்மின்க்³ருஹே முக்²யே
	நாநாரத்னவிபூ⁴ஷிதே ।
மேருமந்த³ரஸங்காஶே
	நாநாமங்க³ளஶோபி⁴தே ॥19॥
ப்ரதீ³ப்தமக்³னிமுத்ஸ்ருஜ்ய
	லாங்கூ³லாக்³ரே ப்ரதிஷ்டி²தம் ।
நநாத³ ஹனுமான்வீரோ
	யுகா³ந்தஜலதோ³ யதா² ॥20॥
ஶ்வஸனேன ச ஸம்யோகா³த்
	அதிவேகோ³ மஹாப³ல꞉।
காலாக்³நிரிவ ஜஜ்வால
	ப்ராவர்த⁴த ஹுதாஶன꞉॥21॥
ப்ரதீ³ப்தமக்³னிம் பவன꞉
	தேஷு வேஶ்மஸு சாரயன் ।
தானி காஞ்சனஜாலானி
	முக்தாமணிமயானி ச ॥22॥
ப⁴வனானி வ்யஶீர்யந்த
	ரத்னவந்தி மஹாந்தி ச ।
தானி ப⁴க்³னவிமானானி
	நிபேதுர்வஸுதா⁴தலே ॥23॥
ப⁴வனானீவ ஸித்³தா⁴னாம்
	அம்ப³ராத்புண்யஸங்க்ஷயே ।
ஸஞ்ஜஜ்ஞே துமுல꞉ ஶப்³தோ³
	ராக்ஷஸானாம் ப்ரதா⁴வதாம் ॥24॥
ஸ்வே ஸ்வே க்³ருஹபரித்ராணே
	ப⁴க்³னோத்ஸாஹோஜ்ஜி²தஶ்ரியாம் ।
நூனமேஷோऽக்³நிராயாத꞉
	கபிரூபேண ஹா இதி ॥25॥
க்ரந்த³ந்த்யஸ்ஸஹஸா பேது꞉
	ஸ்தனந்த⁴யத⁴ரா꞉ ஸ்த்ரிய꞉।
காஶ்சித³க்³னிபரீதாங்க்³யோ
	ஹர்ம்யேப்⁴யோ முக்தமூர்த⁴ஜா꞉॥26॥
பதந்த்யோ ரேஜிரேऽப்⁴ரேப்⁴ய꞉
	ஸௌதா³மன்ய இவாம்ப³ராத் ।
வஜ்ரவித்³ருமவைதூ³ர்ய-
	முக்தாரஜதஸம்ஹதான் ॥27॥
விசித்ரான்ப⁴வநாத்³தா⁴தூன்
	ஸ்யந்த³மானாந்த³த³ர்ஶ ஸ꞉।
நாக்³நிஸ்த்ருப்யதி காஷ்டா²னாம்
	த்ருணானாம் ச யதா² ததா² ॥28॥
ஹனூமான்ராக்ஷஸேந்த்³ராணாம்
	வதே⁴ கிஞ்சின்ன த்ருப்யதி ।
ந ஹனூமத்³விஶஸ்தானாம்
	ராக்ஷஸானாம் வஸுந்த⁴ரா ॥29॥
ஹனூமதா வேக³வதா
	வானரேண மஹாத்மனா ।
லங்காபுரம் ப்ரத³க்³த⁴ம் தத்
	ருத்³ரேண த்ரிபுரம் யதா² ॥30॥
தத꞉ ஸ லங்காபுரபர்வதாக்³ரே
	ஸமுத்தி²தோ பீ⁴மபராக்ரமோऽக்³னி꞉।
ப்ரஸார்ய சூடா³வலயம் ப்ரதீ³ப்தோ
	ஹனூமதா வேக³வதோபஸ்ருஷ்ட꞉॥31॥
யுகா³ந்தகாலானலதுல்யரூப꞉
	ஸமாருதோऽக்³நிர்வவ்ருதே⁴ தி³விஸ்ப்ருக் ।
விதூ⁴மரஶ்மிர்ப⁴வனேஷு ஸக்தோ
	ரக்ஷ꞉ஶரீராஜ்யஸமர்பிதார்சி꞉॥32॥
ஆதி³த்யகோடீஸத்³ருஶ꞉ ஸுதேஜா
	லங்காம் ஸமஸ்தாம் பரிவார்ய திஷ்ட²ன் ।
ஶப்³தை³ரனேகைரஶனிப்ரரூடை⁴-
	ர்பி⁴ந்த³ன்னிவாண்ட³ம் ப்ரப³பௌ⁴ மஹாக்³னி꞉॥33॥
தத்ராம்ப³ராத³க்³நிரதிப்ரவ்ருத்³தோ⁴
	ரூக்ஷப்ரப⁴꞉ கிம்ஶுகபுஷ்பசூட³꞉।
நிர்வாணதூ⁴மாகுலராஜயஶ்ச
	நீலோத்பலாபா⁴꞉ ப்ரசகாஶிரேऽப்⁴ரா꞉॥34॥
வஜ்ரீ மஹேந்த்³ரஸ்த்ரித³ஶேஶ்வரோ வா
	ஸாக்ஷாத்³யமோ வா வருணோऽனிலோ வா ।
ரௌத்³ரோऽக்³நிரர்கோ த⁴னத³ஶ்ச ஸோமோ
	ந வானரோऽயம் ஸ்வயமேவ கால꞉॥35॥
கிம் ப்³ரஹ்மணஸ்ஸர்வபிதாமஹஸ்ய
	லோகஸ்ய தா⁴துஶ்சதுரானனஸ்ய ।
இஹாऽऽக³தோ வானரரூபதா⁴ரீ
	ரக்ஷோபஸம்ஹாரகர꞉ ப்ரகோப꞉॥36॥
கிம் வைஷ்ணவம் வா கபிரூபமேத்ய
	ரக்ஷோவிநாஶாய பரம் ஸுதேஜ꞉।
அசிந்த்யமவ்யக்தமனந்தமேகம்
	ஸ்வமாயயா ஸாம்ப்ரதமாக³தம் வா ॥37॥
இத்யேவமூசுர்ப³ஹவோ விஶிஷ்டா
	ரக்ஷோக³ணாஸ்தத்ர ஸமேத்ய ஸர்வே ।
ஸப்ராணிஸங்கா⁴ம் ஸக்³ருஹாம் ஸவ்ருக்ஷாம்
	த³க்³தா⁴ம் புரீம் தாம் ஸஹஸா ஸமீக்ஷ்ய ॥38॥
ததஸ்து லங்கா ஸஹஸா ப்ரத³க்³தா⁴
	ஸராக்ஷஸா ஸாஶ்வரதா² ஸநாகா³ ।
ஸபக்ஷிஸங்கா⁴ ஸம்ருகா³ ஸவ்ருக்ஷா
	ருரோத³ தீ³னா துமுலம் ஸஶப்³த³ம் ॥39॥
ஹா தாத ஹா புத்ரக காந்த மித்ர
	ஹா ஜீவிதேஶாங்க³ ஹதம் ஸுபுண்யம் ।
ரக்ஷோபி⁴ரேவம் ப³ஹுதா⁴ ப்³ருவத்³பி⁴
	ஶப்³த³꞉ க்ருதோ கோ⁴ரதரஸ்ஸுபீ⁴ம꞉॥40॥
ஹுதாஶனஜ்வாலஸமாவ்ருதா ஸா
	ஹதப்ரவீரா பரிவ்ருத்தயோதா⁴ ।
ஹனூமத꞉ க்ரோத⁴ப³லாபி⁴பூ⁴தா
	ப³பூ⁴வ ஶாபோபஹதேவ லங்கா ॥41॥
ஸஸம்ப்⁴ரமம் த்ரஸ்தவிஷண்ணராக்ஷஸாம்
	ஸமுஜ்ஜ்வலஜ்ஜ்வாலஹுதாஶனாங்கிதாம் ।
த³த³ர்ஶ லங்காம் ஹனுமான்மஹாமனா꞉
	ஸ்வயம்பு⁴ரோஷோபஹதாமிவாவனிம் ॥42॥
ப⁴ங்க்த்வா வனம் பாத³பரத்னஸங்குலம்
	ஹத்வா து ரக்ஷாம்ஸி மஹாந்தி ஸம்யுகே³ ।
த³க்³த்⁴வா புரீம் தாம் க்³ருஹரத்னமாலினீம்
	தஸ்தௌ² ஹனூமான்பவனாத்மஜ꞉ கபி꞉॥43॥
ஸ ராக்ஷஸாம்ஸ்தான்ஸுப³ஹூம்ஶ்ச ஹத்வா
	வனம் ச ப⁴ங்க்த்வா ப³ஹுபாத³பம் தத் ।
விஸ்ருஜ்ய ரக்ஷோப⁴வனேஷு சாக்³னிம்
	ஜகா³ம ராமம் மனஸா மஹாத்மா ॥44॥
ததஸ்து தம் வானரவீரமுக்²யம்
	மஹாப³லம் மாருததுல்யவேக³ம் ।
மஹாமதிம் வாயுஸுதம் வரிஷ்ட²ம்
	ப்ரதுஷ்டுவுர்தே³வக³ணாஶ்ச ஸர்வே ॥45॥
தே³வாஶ்ச ஸர்வே முனிபுங்க³வாஶ்ச
	க³ந்த⁴ர்வவித்³யாத⁴ரபன்னகா³ஶ்ச ।
பூ⁴தானி ஸர்வாணி மஹாந்தி தத்ர
	ஜக்³மு꞉ பராம் ப்ரீதிமதுல்யரூபாம் ॥46॥
ப⁴ங்க்த்வா வனம் மஹாதேஜா
	ஹத்வா ரக்ஷாம்ஸி ஸம்யுகே³ ।
த³க்³த்⁴வா லங்காபுரீம் பீ⁴மாம்
	ரராஜ ஸ மஹாகபி꞉॥47॥
க்³ருஹாக்³ர்யஶ்ருங்கா³க்³ரதலே விசித்ரே
	ப்ரதிஷ்டி²தோ வானரராஜஸிம்ஹ꞉।
ப்ரதீ³ப்தலாங்கூ³லக்ருதார்சிமாலீ
	வ்யராஜதாதி³த்ய இவார்சிமாலீ ॥48॥
லங்காம் ஸமஸ்தாம் ஸம்பீட்³ய
	லாங்கூ³லாக்³னிம் மஹாகபி꞉।
நிர்வாபயாமாஸ ததா³
	ஸமுத்³ரே ஹரிபுங்க³வ꞉॥49॥
ததோ தே³வாஸ்ஸக³ந்த⁴ர்வா꞉
	ஸித்³தா⁴ஶ்ச பரமர்ஷய꞉।
த்³ருஷ்ட்வா லங்காம் ப்ரத³க்³தா⁴ம் தாம்
	விஸ்மயம் பரமம் க³தா꞉॥50॥
தம் த்³ருஷ்ட்வா வானரஶ்ரேஷ்ட²ம்
	ஹனுமந்தம் மஹாகபிம் ।
காலாக்³நிரிதி ஸஞ்சிந்த்ய
	ஸர்வபூ⁴தானி தத்ரஸு꞉॥51॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ சது꞉பஞ்சாஶ꞉ ஸர்க³꞉