அத² பஞ்சபஞ்சாஶ꞉ ஸர்க³꞉
ஸந்தீ³ப்யமானாம் வித்ரஸ்தாம்
	த்ரஸ்தரக்ஷோக³ணாம் புரீம் ।
அவேக்ஷ்ய ஹானுமாம்ல்லங்காம்
	சிந்தயாமாஸ வானர꞉॥1॥
தஸ்யாபூ⁴த்ஸுமஹாம்ஸ்த்ராஸ꞉
	குத்ஸா சாத்மன்யஜாயத ।
லங்காம் ப்ரத³ஹதா கர்ம
	கிம்ஸ்வித்க்ருதமித³ம் மயா ॥2॥
த⁴ன்யா꞉ க²லு மஹாத்மானோ
	யே பு³த்³த்⁴யா கோபமுத்தி²தம் ।
நிருந்த⁴ந்தி மஹாத்மானோ
	தீ³ப்தமக்³னிமிவாம்ப⁴ஸா ॥3॥
க்ருத்³த⁴꞉ பாபம் ந குர்யாத்க꞉
	க்ருத்³தோ⁴ ஹன்யாத்³கு³ரூனபி ।
க்ருத்³த⁴꞉ பருஷயா வாசா
	நரஸ்ஸாதூ⁴னதி⁴க்ஷிபேத் ॥4॥
வாச்யாவாச்யம் ப்ரகுபிதோ
	ந விஜானாதி கர்ஹிசித் ।
நாகார்யமஸ்தி க்ருத்³த⁴ஸ்ய
	நாவாச்யம் வித்³யதே க்வசித் ॥5॥
ய꞉ ஸமுத்பதிதம் க்ரோத⁴ம்
	க்ஷமயைவ நிரஸ்யதி ।
யதோ²ரக³ஸ்த்வசம் ஜீர்ணாம்
	ஸ வை புருஷ உச்யதே ॥6॥
தி⁴க³ஸ்து மாம் ஸுது³ர்பு³த்³தி⁴ம்
	நிர்லஜ்ஜம் பாபக்ருத்தமம் ।
அசிந்தயத்வா தாம் ஸீதாம்
	அக்³னித³ம் ஸ்வாமிகா⁴தகம் ॥7॥
யதி³ த³க்³தா⁴ த்வியம் ஸர்வா
	நூனமார்யாபி ஜானகீ ।
த³க்³தா⁴ தேன மயா ப⁴ர்து꞉
	ஹதம் கார்யமஜானதா ॥8॥
யத³ர்த²மயமாரம்ப⁴꞉
	தத்கார்யமவஸாதி³தம் ।
மயா ஹி த³ஹதா லங்காம்
	ந ஸீதா பரிரக்ஷிதா ॥9॥
ஈஷத்கார்யமித³ம் கார்யம்
	க்ருதமாஸீன்ன ஸம்ஶய꞉।
தஸ்ய க்ரோதா⁴பி⁴பூ⁴தேன
	மயா மூலக்ஷய꞉ க்ருத꞉॥10॥
விநஷ்டா ஜானகீ வ்யக்தம்
	ந ஹ்யத³க்³த⁴꞉ ப்ரத்³ருஶ்யதே ।
லங்காயா꞉ கஶ்சிது³த்³தே³ஶ꞉
	ஸர்வா ப⁴ஸ்மீக்ருதா புரீ ॥11॥
யதி³ தத்³விஹதம் கார்யம்
	மயா ப்ரஜ்ஞாவிபர்யயாத் ।
இஹைவ ப்ராணஸம்ந்யாஸோ
	மமாபி ஹ்யத்³ய ரோசதே ॥12॥
கிமக்³னௌ நிபதாம்யத்³ய
	ஆஹோஸ்வித்³வட³வாமுகே² ।
ஶரீரமிஹ ஸத்த்வானாம்
	த³த்³மி ஸாக³ரவாஸினாம் ॥13॥
கத²ம் நு ஜீவதா ஶக்யோ
	மயா த்³ரஷ்டும் ஹரீஶ்வர꞉।
தௌ வா புருஷஶார்தூ³லௌ
	கார்யஸர்வஸ்வகா⁴தினா ॥14॥
மயா க²லு ததே³வேத³ம்
	ரோஷதோ³ஷாத்ப்ரத³ர்ஶிதம் ।
ப்ரதி²தம் த்ரிஷு லோகேஷு
	கபித்வமனவஸ்தி²தம் ॥15॥
தி⁴க³ஸ்து ராஜஸம் பா⁴வம்
	அனீஶமனவஸ்தி²தம் ।
ஈஶ்வரேணாபி யத்³ராகா³ன்
	மயா ஸீதா ந ரக்ஷிதா ॥16॥
விநஷ்டாயாம் து ஸீதாயாம்
	தாவுபௌ⁴ வினஶிஷ்யத꞉।
தயோர்விநாஶே ஸுக்³ரீவ꞉
	ஸப³ந்து⁴ர்வினஶிஷ்யதி ॥17॥
ஏததே³வ வச꞉ ஶ்ருத்வா
	ப⁴ரதோ ப்⁴ராத்ருவத்ஸல꞉।
த⁴ர்மாத்மா ஸஹஶத்ருக்⁴ன꞉
	கத²ம் ஶக்ஷ்யதி ஜீவிதும் ॥18॥
இக்ஷ்வாகுவம்ஶே த⁴ர்மிஷ்டே²
	க³தே நாஶமஸம்ஶயம் ।
ப⁴விஷ்யந்தி ப்ரஜா꞉ ஸர்வா꞉
	ஶோகஸந்தாபபீடி³தா꞉॥19॥
தத³ஹம் பா⁴க்³யரஹிதோ
	லுப்தத⁴ர்மார்த²ஸங்க்³ரஹ꞉।
ரோஷதோ³ஷபரீதாத்மா
	வ்யக்தம் லோகவிநாஶன꞉॥20॥
இதி சிந்தயதஸ்தஸ்ய
	நிமித்தான்யுபபேதி³ரே ।
பூர்வமப்யுபலப்³தா⁴னி
	ஸாக்ஷாத்புனரசிந்தயத் ॥21॥
அத² வா சாருஸர்வாங்கீ³
	ரக்ஷிதா ஸ்வேன தேஜஸா ।
ந நஶிஷ்யதி கல்யாணீ
	நாக்³நிரக்³னௌ ப்ரவர்ததே ॥22॥
நஹி த⁴ர்மாத்மனஸ்தஸ்ய
	பா⁴ர்யாமமிததேஜஸ꞉।
ஸ்வசரித்ராபி⁴கு³ப்தாம் தாம்
	ஸ்ப்ரஷ்டுமர்ஹதி பாவக꞉॥23॥
நூனம் ராமப்ரபா⁴வேண
	வைதே³ஹ்யா꞉ ஸுக்ருதேன ச ।
யன்மாம் த³ஹனகர்மாயம்
	நாத³ஹத்³த⁴வ்யவாஹன꞉॥24॥
த்ரயாணாம் ப⁴ரதாதீ³னாம்
	ப்⁴ராத்ரூணாம் தே³வதா ச யா ।
ராமஸ்ய ச மன꞉காந்தா
	ஸா கத²ம் வினஶிஷ்யதி ॥25॥
யத்³வா த³ஹனகர்மாயம்
	ஸர்வத்ர ப்ரபு⁴ரவ்யய꞉।
ந மே த³ஹதி லாங்கூ³லம்
	கத²மார்யாம் ப்ரத⁴க்ஷ்யதி ॥26॥
புனஶ்சாசிந்தயத்தத்ர
	ஹனுமான்விஸ்மிதஸ்ததா³ ।
ஹிரண்யநாப⁴ஸ்ய கி³ரே꞉
	ஜலமத்⁴யே ப்ரத³ர்ஶனம் ॥27॥
தபஸா ஸத்யவாக்யேன
	அனன்யத்வாச்ச ப⁴ர்தரி ।
அஸௌ விநிர்த³ஹேத³க்³னிம்
	ந தாமக்³னி꞉ ப்ரத⁴க்ஷ்யதி ॥28॥
ஸ ததா² சிந்தயம்ஸ்தத்ர
	தே³வ்யா த⁴ர்மபரிக்³ரஹம் ।
ஶுஶ்ராவ ஹனுமாம்ஸ்தத்ர
	சாரணானாம் மஹாத்மனாம் ॥29॥
அஹோ க²லு க்ருதம் கர்ம
	து³ர்விகா³ஹம் ஹனூமதா ।
அக்³னிம் விஸ்ருஜதா தீக்ஷ்ணம்
	பீ⁴மம் ராக்ஷஸஸத்³மனி ॥30॥
ப்ரபலாயிதரக்ஷ꞉ ஸ்த்ரீ-
	பா³லவ்ருத்³த⁴ஸமாகுலா ।
ஜனகோலாஹலாத்⁴மாதா
	க்ரந்த³ந்தீவாத்³ரிகந்த³ரை꞉ ॥31॥
த³க்³தே⁴யம் நக³ரீ லங்கா
	ஸாட்டப்ராகாரதோரணா ।
ஜானகீ ந ச த³க்³தே⁴தி
	விஸ்மயோऽத்³பு⁴த ஏவ ந꞉॥32॥
இதி ஶுஶ்ராவ ஹனுமான்
	வாசம் தாமம்ருதோபமாம் ।
ப³பூ⁴வ சாஸ்ய மனஸோ
	ஹர்ஷஸ்தத்காலஸம்ப⁴வ꞉॥33॥
ஸ நிமித்தைஶ்ச த்³ருஷ்டார்தை²꞉
	காரணைஶ்ச மஹாகு³ணை꞉।
ருஷிவாக்யைஶ்ச ஹனுமான்
	அப⁴வத்ப்ரீதமானஸ꞉॥34॥
தத꞉ கபி꞉ ப்ராப்தமனோரதா²ர்த²-
	ஸ்தாமக்ஷதாம் ராஜஸுதாம் விதி³த்வா ।
ப்ரத்யக்ஷதஸ்தாம் புனரேவ த்³ருஷ்ட்வா
	ப்ரதிப்ரயாணாய மதிம் சகார ॥35॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ பஞ்சபஞ்சாஶ꞉ ஸர்க³꞉