அத² ஷட்பஞ்சாஶ꞉ ஸர்க³꞉
ததஸ்து ஶிம்ஶபாமூலே
	ஜானகீம் பர்யவஸ்தி²தாம் ।
அபி⁴வாத்³யாப்³ரவீத்³தி³ஷ்ட்யா
	பஶ்யாமி த்வாமிஹாக்ஷதாம் ॥1॥
ததஸ்தம் ப்ரஸ்தி²தம் ஸீதா
	வீக்ஷமாணா புன꞉ புன꞉।
ப⁴ர்த்ருஸ்னேஹான்விதா வாக்யம்
	ஹனூமந்தமபா⁴ஷத ॥2॥
யதி³ த்வம் மன்யஸே தாத
	வஸைகாஹமிஹானக⁴ ।
க்வசித் ஸுஸம்வ்ருதே தே³ஶே
	விஶ்ராந்த꞉ ஶ்வோ க³மிஷ்யஸி ॥3॥
மம சைவால்பபா⁴க்³யாயா꞉
	ஸாம்நித்⁴யாத் தவ வானர ।
ஶோகஸ்யாஸ்யாப்ரமேயஸ்ய
	முஹூர்தம் ஸ்யாத³பி க்ஷய꞉॥4॥
க³தே ஹி ஹரிஶார்தூ³ல
	புன꞉ ஸம்ப்ராப்தயே த்வயி ।
ப்ராணேஷ்வபி ந விஶ்வாஸோ
	மம வானரபுக³ம்வ ॥5॥
அத³ர்ஶனம் ச தே வீர
	பூ⁴யோ மாம் தா³ரயிஷ்யதி ।
து³꞉கா²த்³ து³꞉க²தரம் ப்ராப்தாம்
	து³ர்மன꞉ஶோககர்ஶிதாம் ॥6॥
அயம் ச வீர ஸந்தே³ஹ꞉
	திஷ்ட²தீவ மமாக்³ரத꞉।
ஸுமஹத்ஸு ஸஹாயேஷு
	ஹர்ய்ருக்ஷேஷு மஹாப³ல꞉॥7॥
கத²ம் நு க²லு து³ஷ்பாரம்
	ஸந்தரிஷ்யதி ஸாக³ரம் ।
தானி ஹர்யுக்ஷஸைன்யானி
	தௌ வா நரவராத்மஜௌ ॥8॥
த்ரயாணாமேவ பூ⁴தானாம்
	ஸாக³ரஸ்யாபி லங்க⁴னே ।
ஶக்தி꞉ ஸ்யாத்³ வைனதேயஸ்ய
	தவ வா மாருதஸ்ய வா ॥9॥
தத³த்ர கார்யநிர்ப³ந்தே⁴
	ஸமுத்பன்னே து³ராஸதே³ ।
கிம் பஶ்யஸி ஸமாதா⁴னம்
	த்வம் ஹி கார்யவிஶாரத³꞉॥10॥
காமமஸ்ய த்வமேவைக꞉
	கார்யஸ்ய பரிஸாத⁴னே ।
பர்யாப்த꞉ பரவீரக்⁴ன
	யஶஸ்யஸ்தே ப²லோத³ய꞉॥11॥
ப³லைஸ்து ஸங்குலாம் க்ருத்வா
	லங்காம் பரப³லார்த³ன꞉।
மாம் நயேத்³யதி³ காகுத்ஸ்த²꞉
	தத் தஸ்ய ஸத்³ருஶம் ப⁴வேத் ॥12॥
தத்³யதா² தஸ்ய விக்ராந்தம்
	அனுரூபம் மஹாத்மன꞉।
ப⁴வத்யாஹவஶூரஸ்ய
	ததா² த்வமுபபாத³ய ॥13॥
தத³ர்தோ²பஹிதம் வாக்யம்
	ப்ரஶ்ரிதம் ஹேதுஸம்ஹிதம் ।
நிஶம்ய ஹனுமான் வீரோ
	வாக்யமுத்தரமப்³ரவீத் ॥14॥
தே³வி ஹர்ய்ருக்ஷஸைன்யானாம்
	ஈஶ்வர꞉ ப்லவதாம் வர꞉।
ஸுக்³ரீவ꞉ ஸத்த்வஸம்பன்ன꞉
	தவார்தே² க்ருதநிஶ்சய꞉॥15॥
ஸ வானரஸஹஸ்ராணாம்
	கோடீபி⁴ரபி⁴ஸம்வ்ருத꞉।
க்ஷிப்ரமேஷ்யதி வைதே³ஹி
	ஸுக்³ரீவ꞉ ப்லவகா³தி⁴ப꞉॥16॥
தௌ ச வீரௌ நரவரௌ
	ஸஹிதௌ ராமலக்ஷ்மணௌ ।
ஆக³ம்ய நக³ரீம் லங்காம்
	ஸாயகைர்வித⁴மிஷ்யத꞉॥17॥
ஸக³ணம் ராக்ஷஸம் ஹத்வா
	நசிராத்³ ரகு⁴நந்த³ன꞉।
த்வாமாதா³ய வராரோஹே
	ஸ்வாம் புரீம் ப்ரதி யாஸ்யதி ॥18॥
ஸமாஶ்வஸிஹி ப⁴த்³ரம் தே
	ப⁴வ த்வம் காலகாங்க்ஷிணீ ।
க்ஷிப்ரம் த்³ரக்ஷ்யஸி ராமேண
	நிஹதம் ராவணம் ரணே ॥19॥
நிஹதே ராக்ஷஸேந்த்³ரே ச
	ஸபுத்ராமாத்யபா³ந்த⁴வே ।
த்வம் ஸமேஷ்யஸி ராமேண
	ஶஶாங்கேனேவ ரோஹிணீ ॥20॥
க்ஷிப்ரமேஷ்யதி காகுத்ஸ்தோ²
	ஹர்ய்ருக்ஷப்ரவரைர்யுத꞉।
யஸ்தே யுதி⁴ விஜித்யாரீன்
	சோ²கம் வ்யபனயிஷ்யதி ॥21॥
ஏவமாஶ்வாஸ்ய வைதே³ஹீம்
	ஹனூமான்மாருதாத்மஜ꞉।
க³மனாய மதிம் க்ருத்வா
	வைதே³ஹீமப்⁴யவாத³யத் ॥22॥
ராக்ஷஸான் ப்ரவரான் ஹத்வா
	நாம விஶ்ராவ்ய சாத்மன꞉।
ஸமாஶ்வாஸ்ய ச வைதே³ஹீம்
	த³ர்ஶயித்வா பரம் ப³லம் ॥23॥
நக³ரீமாகுலாம் க்ருத்வா
	வஞ்சயித்வா ச ராவணம் ।
த³ர்ஶயித்வா ப³லம் கோ⁴ரம்
	வைதே³ஹீமபி⁴வாத்³ய ச ॥24॥
ப்ரதிக³ந்தும் மனஶ்சக்ரே
	புனர்மத்⁴யேன ஸாக³ரம் ।
தத꞉ ஸ கபிஶார்தூ³ல꞉
	ஸ்வாமிஸந்த³ர்ஶனோத்ஸுக꞉॥25॥
ஆருரோஹ கி³ரிஶ்ரேஷ்ட²ம்
	அரிஷ்டமரிமர்த³ன꞉।
துங்க³பத்³மகஜுஷ்டாபி⁴꞉
	நீலாபி⁴ர்வனராஜிபி⁴꞉॥26॥
ஸோத்தரீயமிவாம்போ⁴தை³꞉
	ஶ்ருங்கா³ந்தரவிலம்பி³பி⁴꞉।
போ³த்⁴யமானமிவ ப்ரீத்யா
	தி³வாகரகரை꞉ ஶுபை⁴꞉॥27॥
உன்மிஷந்தமிவோத்³தூ⁴தை꞉
	லோசனைரிவ தா⁴துபி⁴꞉।
தோயௌக⁴நி꞉ஸ்வனைர்மந்த்³ரை꞉
	ப்ராதீ⁴தமிவ பர்வதம் ॥28॥
ப்ரகீ³தமிவ விஸ்பஷ்டம்
	நாநாப்ரஸ்ரவணஸ்வனை꞉।
தே³வதா³ருபி⁴ருத்³தூ⁴தை꞉
	ஊர்த்⁴வபா³ஹுமிவ ஸ்தி²தம் ॥29॥
ப்ரபாதஜலநிர்கோ⁴ஷ꞉
	ப்ராக்ருஷ்டமிவ ஸர்வத꞉।
வேபமானமிவ ஶ்யாமை꞉
	கம்பமானை꞉ ஶரத்³வனை꞉॥30॥
வேணுபி⁴ர்மாருதோத்³தூ⁴தை꞉
	கூஜந்தமிவ கீசகை꞉।
நி꞉ஶ்வஸந்தமிவாமர்ஷாத்³
	கோ⁴ரைராஶீவிஷோத்தமை꞉॥31॥
நீஹாரக்ருதக³ம்பீ⁴ரை꞉
	த்⁴யாயந்தமிவ க³ஹ்வரை꞉।
மேக⁴பாத³னிபை⁴꞉ பாதை³꞉
	ப்ரக்ராந்தமிவ ஸர்வத꞉॥32॥
ஜ்ரும்ப⁴மாணமிவாகாஶே
	ஶிக²ரைரப்⁴ரமாலிபி⁴꞉।
கூடைஶ்ச ப³ஹுதா⁴ கீர்ணம்
	ஶோபி⁴தம் ப³ஹுகந்த³ரை꞉॥33॥
ஸாலதாலைஶ்ச கர்ணைஶ்ச
	வம்ஶைஶ்ச ப³ஹுபி⁴ர்வ்ருதம் ।
லதாவிதானைர்விததை꞉
	புஷ்பவத்³பி⁴ரலங்க்ருதம் ॥34॥
நாநாம்ருக³க³ணை꞉ கீர்ணம்
	தா⁴துநிஷ்யந்த³பூ⁴ஷிதம் ।
ப³ஹுப்ரஸ்ரவணோபேதம்
	ஶிலாஸஞ்சயஸங்கடம் ॥35॥
மஹர்ஷியக்ஷக³ந்த⁴ர்வ-
	கிம்நரோரக³ஸேவிதம் ।
லதாபாத³பஸம்பா³த⁴ம்
	ஸிம்ஹாதி⁴ஷ்டி²தகந்த³ரம் ॥36॥
வ்யாக்⁴ராதி³பி⁴꞉ ஸமாகீர்ணம்
	ஸ்வாது³மூலப²லத்³ருமம் ।
ஆருரோஹானிலஸுத꞉
	பர்வதம் ப்லவகோ³த்தம꞉॥37॥
ராமத³ர்ஶனஶீக்⁴ரேண
	ப்ரஹர்ஷேணாபி⁴சோதி³த꞉।
தேன பாத³தலக்ராந்தா
	ரம்யேஷு கி³ரிஸானுஷு ॥38॥
ஸகோ⁴ஷா꞉ ஸமஶீர்யந்த
	ஶிலாஶ்சூர்ணீக்ருதாஸ்தத꞉।
ஸ தமாருஹ்ய ஶைலேந்த்³ரம்
	வ்யவர்த⁴த மஹாகபி꞉॥39॥
த³க்ஷிணாது³த்தரம் பாரம்
	ப்ரார்த²யம்ல்லவணாம்ப⁴ஸ꞉।
அதி⁴ருஹ்ய ததோ வீர꞉
	பர்வதம் பவனாத்மஜ꞉॥40॥
த³த³ர்ஶ ஸாக³ரம் பீ⁴மம்
	மீனோரக³நிஷேவிதம் ।
ஸ மாருத இவாகாஶம்
	மாருதஸ்யாத்மஸம்ப⁴வ꞉॥41॥
ப்ரபேதே³ ஹரிஶார்தூ³லோ
	த³க்ஷிணாது³த்தராம் தி³ஶம் ।
ஸ ததா³ பீடி³தஸ்தேன
	கபினா பர்வதோத்தம꞉॥42॥
ரராஸ விவிதை⁴ர்பூ⁴தை꞉
	ப்ராவிஶத்³வஸுதா⁴தலம் ।
கம்பமானைஶ்ச ஶிக²ரை꞉
	பதத்³பி⁴ரபி ச த்³ருமை꞉॥43॥
தஸ்யோருவேகோ³ன்மதி²தா꞉
	பாத³பா꞉ புஷ்பஶாலின꞉।
நிபேதுர்பூ⁴தலே ப⁴க்³னா꞉
	ஶக்ராயுத⁴ஹதா இவ ॥44॥
கந்த³ரோத³ரஸம்ஸ்தா²னாம்
	பீடி³தானாம் மஹௌஜஸாம் ।
ஸிம்ஹானாம் நினதோ³ பீ⁴மோ
	நபோ⁴ பி⁴ந்த³ன் ஹி ஶுஶ்ருவே ॥45॥
த்ரஸ்தவ்யாவித்³த⁴வஸனா
	வ்யாகுலீக்ருதபூ⁴ஷணா꞉।
வித்³யாத⁴ர்ய꞉ ஸமுத்பேது꞉
	ஸஹஸா த⁴ரணீத⁴ராத் ॥46॥
அதிப்ரமாணா ப³லினோ
	தீ³ப்தஜிஹ்வா மஹாவிஷா꞉।
நிபீடி³தஶிரோக்³ரீவா
	வ்யவேஷ்டந்த மஹாஹய꞉॥47॥
கிம்நரோரக³க³ந்த⁴ர்வ-
	யக்ஷவித்³யாத⁴ராஸ்ததா² ।
பீடி³தம் தம் நக³வரம்
	த்யக்த்வா க³க³னமாஸ்தி²தா꞉॥48॥
ஸ ச பூ⁴மித⁴ர꞉ ஸ்ரீமான்
	ப³லினா தேன பீடி³த꞉।
ஸவ்ருக்ஷஶிக²ரோத³க்³ர꞉
	ப்ரவிவேஶ ரஸாதலம் ॥49॥
த³ஶயோஜனவிஸ்தார꞉
	த்ரிம்ஶத்³யோஜனமுச்ச்²ரித꞉।
த⁴ரண்யாம் ஸமதாம் யாத꞉
	ஸ ப³பூ⁴வ த⁴ராத⁴ர꞉॥50॥
ஸ லிலங்க⁴யிஷுர்பீ⁴மம்
	ஸலீலம் லவணார்ணவம் ।
கல்லோலாஸ்பா²லவேலாந்தம்
	உத்பபாத நபோ⁴ ஹரி꞉॥51॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ ஷட்பஞ்சாஶ꞉ ஸர்க³꞉