அத² ஸப்தபஞ்சாஶ꞉ ஸர்க³꞉
ஆப்லுத்ய ச மஹாவேக³꞉
	பக்ஷவானிவ பர்வத꞉।
பு⁴ஜங்க³யக்ஷக³ந்த⁴ர்வ-
	ப்ரபு³த்³த⁴கமலோத்பலம் ॥1॥
ஸ சந்த்³ரகுமுத³ம் ரம்யம்
	ஸார்ககாரண்ட³வம் ஶுப⁴ம் ।
திஷ்யஶ்ரவணகாத³ம்ப³ம்
	அப்⁴ரஶைவலஶாத்³வலம் ॥2॥
புனர்வஸுமஹாமீனம்
	லோஹிதாங்க³மஹாக்³ரஹம் ।
ஐராவதமஹாத்³வீபம்
	ஸ்வாதீஹம்ஸவிலாஸிதம் ॥3॥
வாதஸங்கா⁴தஜாலோர்மி-
	சந்த்³ராம்ஶுஶிஶிராம்பு³மத் ।
ஹனூமானபரிஶ்ராந்த꞉
	புப்லுவே க³க³னார்ணவம் ॥4॥
க்³ரஸமான இவாகாஶம்
	தாராதி⁴பமிவோல்லிக²ன் ।
ஹரன்னிவ ஸநக்ஷத்ரம்
	க³க³னம் ஸார்கமண்ட³லம் ॥5॥
அபாரமபரிஶ்ராந்த꞉
	சாம்பு³தி⁴ம் ஸமகா³ஹத ।
ஹனூமான்மேக⁴ஜாலானி
	விகர்ஷன்னிவ க³ச்ச²தி ॥6॥
பாண்டு³ராருணவர்ணானி
	நீலமாஞ்ஜிஷ்ட²கானி ச ।
ஹரிதாருணவர்ணானி
	மஹாப்⁴ராணி சகாஶிரே ॥7॥
ப்ரவிஶன்னப்⁴ரஜாலானி
	நிஷ்க்ரமம்ஶ்ச புன꞉ புன꞉।
ப்ரசன்னஶ்ச ப்ரகாஶஶ்ச
	சந்த்³ரமா இவ த்³ருஶ்யதே ॥8॥
விவிதா⁴ப்⁴ரக⁴னாபன்ன-
	கோ³சரோ த⁴வலாம்ப³ர꞉।
த்³ருஶ்யாத்³ருஶ்யதனுர்வீர꞉
	ததா² சந்த்³ராயதேऽம்ப³ரே ॥9॥
தார்க்ஷ்யாயமாணோ க³க³னே
	ஸ ப³பௌ⁴ வாயுநந்த³ன꞉।
தா³ரயன்மேக⁴ப்³ருந்தா³னி
	நிஷ்பதம்ஶ்ச புன꞉ புன꞉॥10॥
நத³ந்நாதே³ன மஹதா
	மேக⁴ஸ்வனமஹாஸ்வன꞉।
ப்ரவரான்ராக்ஷஸான் ஹத்வா
	நாம விஶ்ராவ்ய சாத்மன꞉॥11॥
ஆகுலாம் நக³ரீம் க்ருத்வா
	வ்யத²யித்வா ச ராவணம் ।
அர்த³யித்வா மஹாவீரான்
	வைதே³ஹீமபி⁴வாத்³ய ச ॥12॥
ஆஜகா³ம மஹாதேஜா꞉
	புனர்மத்⁴யேன ஸாக³ரம் ।
பர்வதேந்த்³ரம் ஸுநாப⁴ம் ச
	ஸமுபஸ்ப்ருஶ்ய வீர்யவான் ॥13॥
ஜ்யாமுக்த இவ நாராசோ
	மஹாவேகோ³ऽப்⁴யுபாக³மத் ।
ஸ கிஞ்சிதா³ராத் ஸம்ப்ராப்த꞉
	ஸமாலோக்ய மஹாகி³ரிம் ॥14॥
மஹேந்த்³ரம் மேக⁴ஸங்காஶம்
	நநாத³ ஸ மஹாகபி꞉।
ஸ பூரயாமாஸ கபி꞉
	தி³ஶோ த³ஶ ஸமந்தத꞉॥15॥
நத³ந்நாதே³ன மஹதா
	மேக⁴ஸ்வனமஹாஸ்வன꞉।
ஸ தம் தே³ஶமனுப்ராப்த꞉
	ஸுஹ்ருத்³த⁴ர்ஶனலாலஸ꞉॥16॥
நநாத³ ஸுமஹாநாத³ம்
	லாங்கூ³லம் சாப்யகம்பயத் ।
தஸ்ய நானத்³யமானஸ்ய
	ஸுபர்ணாசரிதே பதி² ॥17॥
ப²லதீவாஸ்ய கோ⁴ஷேண
	க³க³னம் ஸார்கமண்ட³லம் ।
யே து தத்ரோத்தரே கூலே
	ஸமுத்³ரஸ்ய மஹாப³லா꞉॥18॥
பூர்வம் ஸம்விஷ்டி²தாஶ்ஶூரா
	வாயுபுத்ரதி³த்³ருக்ஷவ꞉।
மஹதோ வாயுனுன்னஸ்ய
	தோயத³ஸ்யேவ நி꞉ஸ்வனம் ।
ஶுஶ்ருவுஸ்தே ததா³ கோ⁴ஷம்
	ஊருவேக³ம் ஹனூமத꞉॥19॥
தே தீ³னமனஸ꞉ ஸர்வே
	ஶுஶ்ருவு꞉ கானனௌகஸ꞉।
வானரேந்த்³ரஸ்ய நிர்கோ⁴ஷம்
	பர்ஜன்யனினதோ³பமம் ॥20॥
நிஶம்ய நத³தோ நாத³ம்
	வானராஸ்தே ஸமந்தத꞉।
ப³பூ⁴வுருத்ஸுகா꞉ ஸர்வே
	ஸுஹ்ருத்³த³ர்ஶனகாங்க்ஷிண꞉॥21॥
ஜாம்ப³வான் ஸ ஹரிஶ்ரேஷ்ட²꞉
	ப்ரீதிஸம்ஹ்ருஷ்டமானஸ꞉।
உபாமந்த்ர்ய ஹரீன்ஸர்வான்
	இத³ம் வசனமப்³ரவீத் ॥22॥
ஸர்வதா² க்ருதகார்யோऽஸௌ
	ஹனூமான்னாத்ர ஸம்ஶய꞉।
ந ஹ்யஸ்யாக்ருதகார்யஸ்ய
	நாத³ ஏவம்விதோ⁴ ப⁴வேத் ॥23॥
தஸ்ய பா³ஹூருவேக³ம் ச
	நிநாத³ம் ச மஹாத்மன꞉।
நிஶம்ய ஹரயோ ஹ்ருஷ்டா꞉
	ஸமுத்பேதுர்யதஸ்தத꞉॥24॥
தே நகா³க்³ரான்னகா³க்³ராணி
	ஶிக²ராச்சி²க²ராணி ச ।
ப்ரஹ்ருஷ்டா꞉ ஸமபத்³யந்த
	ஹனூமந்தம் தி³த்³ருக்ஷவ꞉॥25॥
தே ப்ரீதா꞉ பாத³பாக்³ரேஷு
	க்³ருஹ்ய ஶாகா²மவஸ்தி²தா꞉।
வாஸாம்ஸி ச ப்ரகாஶானி
	ஸமாவித்⁴யந்த வானரா꞉॥26॥
கி³ரிக³ஹ்வரஸம்லீனோ
	யதா² க³ர்ஜதி மாருத꞉।
ஏவம் ஜக³ர்ஜ ப³லவான்
	ஹனுமான்மாருதாத்மஜ꞉॥27॥
தமப்⁴ரக⁴னஸங்காஶம்
	ஆபதந்தம் மஹாகபிம் ।
த்³ருஷ்ட்வா தே வானரா꞉ ஸர்வே
	தஸ்து²꞉ ப்ராஞ்ஜலயஸ்ததா³ ॥28॥
ததஸ்து வேக³வான் வீரோ
	கி³ரேர்கி³ரினிப⁴꞉ கபி꞉।
நிபபாத கி³ரேஸ்தஸ்ய
	ஶிக²ரே பாத³பாகுலே ॥29॥
ஹர்ஷேணாபூர்யமாணோऽஸௌ
	ரம்யே பர்வதநிர்ஜ²ரே ।
சி²ன்னபக்ஷ இவாऽகாஶாத்
	பபாத த⁴ரணீத⁴ர꞉॥30॥
ததஸ்தே ப்ரீதமனஸ꞉
	ஸர்வே வானரபுங்க³வா꞉।
ஹனூமந்தம் மஹாத்மானம்
	பரிவார்யோபதஸ்தி²ரே ॥31॥
பரிவார்ய ச தே ஸர்வே
	பராம் ப்ரீதிமுபாக³தா꞉।
ப்ரஹ்ருஷ்டவத³னா꞉ ஸர்வே
	தமாக³தமுபாக³மன் ॥32॥
உபாயனானி சாதா³ய
	மூலானி ச ப²லானி ச ।
ப்ரத்யர்சயன்ஹரிஶ்ரேஷ்ட²ம்
	ஹரயோ மாருதாத்மஜம் ॥33॥
வினேது³ர்முதி³தா꞉ கேசித்
	கேசித் கிலகிலாம் ததா² ।
ஹ்ருஷ்டா꞉ பாத³பஶாகா²ஶ்ச
	ஆனின்யுர்வானரர்ஷபா⁴꞉॥34॥
ஹனூமாம்ஸ்து கு³ரூன்வ்ருத்³தா⁴ன்
	ஜாம்ப³வத்ப்ரமுகா²ம்ஸ்ததா³ ।
குமாரமங்க³த³ம் சைவ
	ஸோऽவந்த³த மஹாகபி꞉॥35॥
ஸ தாப்⁴யாம் பூஜித꞉ பூஜ்ய꞉
	கபிபி⁴ஶ்ச ப்ரஸாதி³த꞉।
த்³ருஷ்டா தே³வீதி விக்ராந்த꞉
	ஸங்க்ஷேபேண ந்யவேத³யத் ॥36॥
நிஷஸாத³ ச ஹஸ்தேன
	க்³ருஹீத்வா வாலின꞉ ஸுதம் ।
ரமணீயே வனோத்³தே³ஶே
	மஹேந்த்³ரஸ்ய கி³ரேஸ்ததா³ ॥37॥
ஹனூமானப்³ரவீத் ப்ருஷ்ட꞉
	ததா³ தான்வானரர்ஷபா⁴ன் ।
அஶோகவனிகாஸம்ஸ்தா²
	த்³ருஷ்டா ஸா ஜனகாத்மஜா ॥38॥
ரக்ஷ்யமாணா ஸுகோ⁴ராபீ⁴
	ராக்ஷஸீபி⁴ரனிந்தி³தா ।
ஏகவேணீத⁴ரா பா³லா
	ராமத³ர்ஶனலாலஸா ॥39॥
உபவாஸபரிஶ்ராந்தா
	மலினா ஜடிலா க்ருஶா ।
ததோ த்³ருஷ்டேதி வசனம்
	மஹார்த²மம்ருதோபமம் ॥40॥
நிஶம்ய மாருதே꞉ ஸர்வே
	முதி³தா வானரா ப⁴வன் ।
க்ஷ்வேட³ந்த்யன்யே நத³ந்த்யன்யே
	க³ர்ஜந்த்யன்யே மஹாப³லா꞉॥41॥
சக்ரு꞉ கிலகிலாமன்யே
	ப்ரதிக³ர்ஜந்தி சாபரே ।
கேசிது³ச்ச்²ரிதலாங்கூ³லா꞉
	ப்ரஹ்ருஷ்டா꞉ கபிகுஞ்ஜரா꞉॥42॥
ஆயதாஞ்சிததீ³ர்கா⁴ணி
	லாங்கூ³லானி ப்ரவிவ்யது⁴꞉।
அபரே து ஹனூமந்தம்
	ஸ்ரீமந்தம் வானரோத்தமம் ॥43॥
ஆப்லுத்ய கி³ரிஶ்ருங்கே³ஷு
	ஸம்ஸ்ப்ருஶந்தி ஸ்ம ஹர்ஷிதா꞉।
உக்தவாக்யம் ஹனூமந்தம்
	அங்க³த³ஸ்து ததா³ப்³ரவீத் ॥44॥
ஸர்வேஷாம் ஹரிவீராணாம்
	மத்⁴யே வாசமனுத்தமாம் ।
ஸத்த்வே வீர்யே ந தே கஶ்சித்
	ஸமோ வானர வித்³யதே ॥45॥
யத³வப்லுத்ய விஸ்தீர்ணம்
	ஸாக³ரம் புனராக³த꞉।
ஜீவிதஸ்ய ப்ரதா³தா ந꞉
	த்வமேகோ வானரோத்தம ॥46॥
த்வத்ப்ரஸாதா³த் ஸமேஷ்யாம꞉
	ஸித்³தா⁴ர்தா² ராக⁴வேண ஹ ।
அஹோ ஸ்வாமினி தே ப⁴க்தி꞉
	அஹோ வீர்யமஹோ த்⁴ருதி꞉॥47॥
தி³ஷ்ட்யா த்³ருஷ்டா த்வயா தே³வீ
	ராமபத்னீ யஶஸ்வினீ ।
தி³ஷ்ட்யா த்யக்ஷ்யதி காகுத்ஸ்த²꞉
	ஶோகம் ஸீதா வியோக³ஜம் ॥48॥
ததோऽங்க³த³ம் ஹனூமந்தம்
	ஜாம்ப³வந்தம் ச வானரா꞉।
பரிவார்ய ப்ரமுதி³தா
	பே⁴ஜிரே விபுலா꞉ ஶிலா꞉॥49॥
உபவிஷ்டா கி³ரேஸ்தஸ்ய
	ஶிலாஸு விபுலாஸு தே ।
ஶ்ரோதுகாமா꞉ ஸமுத்³ரஸ்ய
	லங்க⁴னம் வானரோத்தமா꞉॥50॥
த³ர்ஶனம் சாபி லங்காயா꞉
	ஸீதாயா ராவணஸ்ய ச ।
தஸ்து²꞉ ப்ராஞ்ஜலய꞉ ஸர்வே
	ஹனூமத்³வத³னோன்முகா²꞉॥51॥
தஸ்தௌ² தத்ராங்க³த³꞉ ஸ்ரீமான்
	வானரைர்ப³ஹுபி⁴ர்வ்ருத꞉।
உபாஸ்யமானோ விபு³தை⁴꞉
	தி³வி தே³வபதிர்யதா² ॥52॥
ஹனூமதா கீர்திமதா யஶஸ்வினா
	ததா²ங்க³தே³னாங்க³த³னத்³த⁴பா³ஹுனா ।
முதா³ ததா³த்⁴யாஸிதமுன்னதம் மஹன்
	மஹீத⁴ராக்³ரம் ஜ்வலிதம் ஶ்ரியாப⁴வத் ॥53॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ ஸப்தபஞ்சாஶ꞉ ஸர்க³꞉