அத² ஏகஷஷ்டிதம꞉ ஸர்க³꞉
ததோ ஜாம்ப³வதோ வாக்யம்
	அக்³ருஹ்ணந்த வனௌகஸ꞉।
அங்க³த³ப்ரமுகா² வீரா
	ஹனூமாம்ஶ்ச மஹாகபி꞉॥1॥
ப்ரீதிமந்தஸ்தத꞉ ஸர்வே
	வாயுபுத்ரபுர꞉ஸரா꞉।
மஹேந்த்³ராக்³ராத் ஸமுத்பத்ய
	புப்லுவு꞉ ப்லவக³ர்ஷபா⁴꞉॥2॥
மேருமந்த³ரஸங்காஶா
	மத்தா இவ மஹாக³ஜா꞉।
சா²த³யந்த இவாகாஶம்
	மஹாகாயா மஹாப³லா꞉॥3॥
ஸபா⁴ஜ்யமானம் பூ⁴தைஸ்தம்
	ஆத்மவந்தம் மஹாப³லம் ।
ஹனூமந்தம் மஹாவேக³ம்
	வஹந்த இவ த்³ருஷ்டிபி⁴꞉॥4॥
ராக⁴வே சார்த²நிர்வ்ருத்திம்
	கர்தும் ச பரமம் யஶ꞉।
ஸமாதா⁴ய ஸம்ருத்³தா⁴ர்தா²꞉
	கர்மஸித்³தி⁴பி⁴ருன்னதா꞉॥5॥
ப்ரியாக்²யானோன்முகா²꞉ ஸர்வே
	ஸர்வே யுத்³தா⁴பி⁴னந்தி³ன꞉।
ஸர்வே ராமப்ரதீகாரே
	நிஶ்சிதார்தா² மனஸ்வின꞉॥6॥
ப்லவமானா꞉ க²மாப்லுத்ய
	ததஸ்தே கானனௌகஸ꞉।
நந்த³னோபமமாஸேது³꞉
	வனம் த்³ருமஶதாயுதம் ॥7॥
யத்தன்மது⁴வனம் நாம
	ஸுக்³ரீவஸ்யாபி⁴ரக்ஷிதம் ।
அத்⁴ருஷ்யம் ஸர்வபூ⁴தானாம்
	ஸர்வபூ⁴தமனோஹரம் ॥8॥
யத்³ரக்ஷதி மஹாவீர꞉
	ஸதா³ த³தி⁴முக²꞉ கபி꞉।
மாதுல꞉ கபிமுக்²யஸ்ய
	ஸுக்³ரீவஸ்ய மஹாத்மன꞉॥9॥
தே தத்³வனமுபாக³ம்ய
	ப³பூ⁴வு꞉ பரமோத்கடா꞉।
வானரா வானரேந்த்³ரஸ்ய
	மன꞉காந்தம் மஹாவனம் ॥10॥
ததஸ்தே வானரா ஹ்ருஷ்டா
	த்³ருஷ்ட்வா மது⁴வனம் மஹத் ।
குமாரமப்⁴யயாசந்த
	மதூ⁴னி மது⁴பிங்க³லா꞉॥11॥
தத꞉ குமாரஸ்தான்வ்ருத்³தா⁴ன்
	ஜாம்ப³வத்ப்ரமுகா²ன்கபீன் ।
அனுமான்ய த³தௌ³ தேஷாம்
	நிஸர்க³ம் மது⁴ப⁴க்ஷணே ॥12॥
தே நிஸ்ருஷ்டா꞉ குமாரேண
	தீ⁴மதா வாலிஸூனுனா ।
ஹரய꞉ ஸமபத்³யந்த
	த்³ருமான் மது⁴கராகுலான் ॥13॥
ப⁴க்ஷயந்த꞉ ஸுக³ந்தீ⁴னி
	மூலானி ச ப²லானி ச ।
ஜக்³மு꞉ ப்ரஹர்ஷம் தே ஸர்வே
	ப³பூ⁴வுஶ்ச மதோ³த்கடா꞉॥14॥
ததஶ்சானுமதா꞉ ஸர்வே
	ஸுஸம்ஹ்ருஷ்டா வனௌகஸ꞉।
முதி³தாஶ்ச ததஸ்தே ச
	ப்ரந்ருத்யந்தி ததஸ்தத꞉॥15॥
கா³யந்தி கேசித் ப்ரஹஸந்தி கேசி-
	ந்ந்ருத்யந்தி கேசித் ப்ரணமந்தி கேசித் ।
பதந்தி கேசித் ப்ரசரந்தி கேசித்
	ப்லவந்தி கேசித் ப்ரலபந்தி கேசித் ॥16॥
பரஸ்பரம் கேசிது³பாஶ்ரயந்தி
	பரஸ்பரம் கேசித³திப்³ருவந்தி ।
த்³ருமாத்³த்³ருமம் கேசித³பி⁴த்³ரவந்தி
	க்ஷிதௌ நகா³க்³ரான்னிபதந்தி கேசித் ॥17॥
மஹீதலாத்கேசிது³தீ³ர்ணவேகா³
	மஹாத்³ருமாக்³ராண்யபி⁴ஸம்பதந்தி ।
கா³யந்தமன்ய꞉ ப்ரஹஸன்னுபைதி
	ஹஸந்தமன்ய꞉ ப்ரருத³ன்னுபைதி ॥18॥
துத³ந்தமன்ய꞉ ப்ரணத³ன்னுபைதி
	ஸமாகுலம் தத் கபிஸைன்யமாஸீத் ।
ந சாத்ர கஶ்சின்ன ப³பூ⁴வ மத்தோ
	ந சாத்ர கஶ்சின்ன ப³பூ⁴வ த்³ருப்த꞉॥19॥
ததோ வனம் தத்பரிப⁴க்ஷ்யமாணம்
	த்³ருமாம்ஶ்ச வித்⁴வம்ஸிதபத்ரபுஷ்பான் ।
ஸமீக்ஷ்ய கோபாத்³த³தி⁴வக்த்ரநாமா
	நிவாரயாமாஸ கபி꞉ கபீம்ஸ்தான் ॥20॥
ஸ தை꞉ ப்ரவ்ருத்³தை⁴꞉ பரிப⁴ர்த்ஸ்யமானோ
	வனஸ்ய கோ³ப்தா ஹரிவ்ருத்³த⁴வீர꞉।
சகார பூ⁴யோ மதிமுக்³ரதேஜா
	வனஸ்ய ரக்ஷாம் ப்ரதி வானரேப்⁴ய꞉॥21॥
உவாச காம்ஶ்சித் பருஷாண்யபீ⁴த-
	மஸக்தமன்யாம்ஶ்ச தலைர்ஜகா⁴ன ।
ஸமேத்ய கைஶ்சித் கலஹம் சகார
	ததை²வ ஸாம்னோபஜகா³ம காம்ஶ்சித் ॥22॥
ஸ தைர்மதா³த³ப்ரதிவார்யவேகை³-
	ர்ப³லாச்ச தேன ப்ரதிவார்யமாணை꞉।
ப்ரத⁴ர்ஷணே த்யக்தப⁴யை꞉ ஸமேத்ய
	ப்ரக்ருஷ்யதே சாப்யனவேக்ஷ்ய தோ³ஷம் ॥23॥
நகை²ஸ்துத³ந்தோ த³ஶனைர்த³ஶந்த-
	ஸ்தலைஶ்ச பாதை³ஶ்ச ஸமாபயந்த꞉।
மதா³த்கபிம் தே கபய꞉ ஸமந்தா-
	ந்மஹாவனம் நிர்விஷயம் ச சக்ரு꞉॥24॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ ஏகஷஷ்டிதம꞉ ஸர்க³꞉