அத² த்³விஷஷ்டிதம꞉ ஸர்க³꞉
தானுவாச ஹரிஶ்ரேஷ்டோ²
	ஹனூமான்வானரர்ஷப⁴꞉।
அவ்யக்³ரமனஸோ யூயம்
	மது⁴ ஸேவத வானரா꞉॥1॥
அஹமாவர்ஜயிஷ்யாமி
	யுஷ்மாகம் பரிபந்தி²ன꞉।
ஶ்ருத்வா ஹனூமதோ வாக்யம்
	ஹரீணாம் ப்ரவரோऽங்க³த³꞉॥2॥
ப்ரத்யுவாச ப்ரஸன்னாத்மா
	பிப³ந்து ஹரயோ மது⁴ ।
அவஶ்யம் க்ருதகார்யஸ்ய
	வாக்யம் ஹனுமதோ மயா ॥3॥
அகார்யமபி கர்தவ்யம்
	கிமங்க³ம் புனரீத்³ருஶம் ।
அங்க³த³ஸ்ய முகா²ச்ச்²ருத்வா
	வசனம் வானரர்ஷபா⁴꞉॥4॥
ஸாது⁴ ஸாத்⁴விதி ஸம்ஹ்ருஷ்டா
	வானரா꞉ ப்ரத்யபூஜயன் ।
பூஜயித்வாங்க³த³ம் ஸர்வே
	வானரா வானரர்ஷப⁴ம் ॥5॥
ஜக்³முர்மது⁴வனம் யத்ர
	நதீ³வேக³ இவ த்³ருமம் ।
தே ப்ரவிஷ்டா மது⁴வனம்
	பாலானாக்ரம்ய ஶக்தித꞉॥6॥
அதிஸர்கா³ச்ச படவோ
	த்³ருஷ்ட்வா ஶ்ருத்வா ச மைதி²லீம் ।
பபு꞉ ஸர்வே மது⁴ ததா³
	ரஸவத்ப²லமாத³து³꞉॥7॥
உத்பத்ய ச தத꞉ ஸர்வே
	வனபாலான்ஸமாக³தான் ।
தே தாட³யந்த꞉ ஶதஶ꞉
	ஸக்தா மது⁴வனே ததா³ ॥8॥
மதூ⁴னி த்³ரோணமாத்ராணி
	பா³ஹுபி⁴꞉ பரிக்³ருஹ்ய தே ।
பிப³ந்தி கபய꞉ கேசித்
	ஸங்க⁴ஶஸ்தத்ர ஹ்ருஷ்டவத் ॥9॥
க்⁴னந்தி ஸ்ம ஸஹிதா꞉ ஸர்வே
	ப⁴க்ஷயந்தி ததா²பரே ।
கேசித்பீத்வாபவித்⁴யந்தி
	மதூ⁴னி மது⁴பிங்க³லா꞉॥10॥
மதூ⁴ச்சிஷ்டேன கேசிச்ச
	ஜக்⁴னுரன்யோன்யமுத்கடா꞉।
அபரே வ்ருக்ஷமூலேஷு
	ஶாகா² க்³ருஹ்ய வ்யவஸ்தி²தா꞉॥11॥
அத்யர்த²ம் ச மத³க்³லானா꞉
	பர்ணாந்யாஸ்தீர்ய ஶேரதே ।
உன்மத்தவேகா³꞉ ப்லவகா³
	மது⁴மத்தாஶ்ச ஹ்ருஷ்டவத் ॥12॥
க்ஷிபந்த்யபி ததா²ன்யோன்யம்
	ஸ்க²லந்தி ச ததா²பரே ।
கேசித்க்ஷ்வேடா³ன்ப்ரகுர்வந்தி
	கேசித்கூஜந்தி ஹ்ருஷ்டவத் ॥13॥
ஹரயோ மது⁴னா மத்தா꞉
	கேசித்ஸுப்தா மஹீதலே ।
த்⁴ருஷ்டா꞉ கேசித்³த⁴ஸந்த்யன்யே
	கேசித் குர்வந்தி சேதரத் ॥14॥
க்ருத்வா கேசித்³வத³ந்த்யன்யே
	கேசித்³பு³த்⁴யந்தி சேதரத் ।
யேऽப்யத்ர மது⁴பாலா꞉ ஸ்யு꞉
	ப்ரேஷ்யா த³தி⁴முக²ஸ்ய து ॥15॥
தேऽபி தைர்வானரைர்பீ⁴மை꞉
	ப்ரதிஷித்³தா⁴ தி³ஶோ க³தா꞉।
ஜானுபி⁴ஶ்ச ப்ரக்⁴ருஷ்டாஶ்ச
	தே³வமார்க³ம் ச த³ர்ஶிதா꞉॥16॥
அப்³ருவன்பரமோத்³விக்³னா
	க³த்வா த³தி⁴முக²ம் வச꞉।
ஹனூமதா த³த்தவரை꞉
	ஹதம் மது⁴வனம் ப³லாத் ।
வயம் ச ஜானுபி⁴ர்க்⁴ருஷ்டா
	தே³வமார்க³ம் ச த³ர்ஶிதா꞉॥17॥
ததா³ த³தி⁴முக²꞉ க்ருத்³தோ⁴
	வனபஸ்தத்ர வானர꞉।
ஹதம் மது⁴வனம் ஶ்ருத்வா
	ஸாந்த்வயாமாஸ தான்ஹரீன் ॥18॥
ஏதாக³ச்ச²த க³ச்சா²மோ
	வானரானதித³ர்பிதான் ।
ப³லேனாவாரயிஷ்யாமி
	ப்ரபு⁴ஞ்ஜானான் மதூ⁴த்தமம் ॥19॥
ஶ்ருத்வா த³தி⁴முக²ஸ்யேத³ம்
	வசனம் வானரர்ஷபா⁴꞉।
புனர்வீரா மது⁴வனம்
	தேனைவ ஸஹிதா யயு꞉॥20॥
மத்⁴யே சைஷாம் த³தி⁴முக²꞉
	ஸுப்ரக்³ருஹ்ய மஹாதரும் ।
ஸமப்⁴யதா⁴வன் வேகே³ன
	ஸர்வே தே ச ப்லவங்க³மா꞉॥21॥
தே ஶிலா꞉ பாத³பாம்ஶ்சைவ
	பாஷாணானபி வானரா꞉।
க்³ருஹீத்வாப்⁴யாக³மன்க்ருத்³தா⁴
	யத்ர தே கபிகுஞ்ஜரா꞉॥22॥
ப³லாந்நிவாரயந்தஶ்ச
	ஆஸேது³ர்ஹரயோ ஹரீன் ।
ஸந்த³ஷ்டௌஷ்ட²புடா꞉ க்ருத்³தா⁴
	ப⁴ர்த்ஸயந்தோ முஹுர்முஹு꞉॥23॥
அத² த்³ருஷ்ட்வா த³தி⁴முக²ம்
	க்ருத்³த⁴ம் வானரபுங்க³வா꞉।
அப்⁴யதா⁴வந்த வேகே³ன
	ஹனூமத்ப்ரமுகா²ஸ்ததா³ ॥24॥
ஸவ்ருக்ஷம் தம் மஹாபா³ஹும்
	ஆபதந்தம் மஹாப³லம் ।
வேக³வந்தம் விஜக்³ராஹ
	பா³ஹுப்⁴யாம் குபிதோऽங்க³த³꞉॥25॥
மதா³ந்தோ⁴ ந க்ருபாம் சக்ரே
	ஆர்யகோऽயம் மமேதி ஸ꞉।
அதை²னம் நிஷ்பிபேஷாஶு
	வேக³ன வஸுதா⁴தலே ॥26॥
ஸ ப⁴க்³னபா³ஹூருமுகோ²
	விஹ்வல꞉ ஶோணிதோக்ஷித꞉।
ப்ரமுமோஹ மஹாவீரோ
	முஹூர்தம் கபிகுஞ்ஜர꞉॥27॥
ஸ கத²ஞ்சித்³விமுக்தஸ்தை꞉
	வானரைர்வானரர்ஷப⁴꞉।
உவாசைகாந்தமாக³த்ய
	ஸ்வான் ப்⁴ருத்யான் ஸமுபாக³தான் ॥28॥
ஏதாக³ச்ச²த க³ச்சா²மோ
	ப⁴ர்தா நோ யத்ர வானர꞉।
ஸுக்³ரீவோ விபுலக்³ரீவ꞉
	ஸஹ ராமேண திஷ்ட²தி ॥29॥
ஸர்வம் சைவாங்க³தே³ தோ³ஷம்
	ஶ்ராவயிஷ்யாம பார்தி²வே ।
அமர்ஷீ வசனம் ஶ்ருத்வா
	கா⁴தயிஷ்யதி வானரான் ॥30॥
இஷ்டம் மது⁴வனம் ஹ்யேதத்
	ஸுக்³ரீவஸ்ய மஹாத்மன꞉।
பித்ருபைதாமஹம் தி³வ்யம்
	தே³வைரபி து³ராஸத³ம் ॥31॥
ஸ வானரானிமான்ஸர்வான்
	மது⁴லுப்³தா⁴ன்க³தாயுஷ꞉।
கா⁴தயிஷ்யதி த³ண்டே³ன
	ஸுக்³ரீவ꞉ ஸஸுஹ்ருஜ்ஜனான் ॥32॥
வத்⁴யா ஹ்யேதே து³ராத்மானோ
	ந்ருபாஜ்ஞாபரிபந்தி²ன꞉।
அமர்ஷப்ரப⁴வோ ரோஷ꞉
	ஸப²லோ மே ப⁴விஷ்யதி ॥33॥
ஏவமுக்த்வா த³தி⁴முகோ²
	வனபாலான்மஹாப³ல꞉।
ஜகா³ம ஸஹஸோத்பத்ய
	வனபாலை꞉ ஸமன்வித꞉॥34॥
நிமேஷாந்தரமாத்ரேண
	ஸ ஹி ப்ராப்தோ வனாலய꞉।
ஸஹஸ்ராம்ஶுஸுதோ தீ⁴மான்
	ஸுக்³ரீவோ யத்ர வானர꞉॥35॥
ராமம் ச லக்ஷ்மணம் சைவ
	த்³ருஷ்ட்வா ஸுக்³ரீவமேவ ச ।
ஸமப்ரதிஷ்டா²ம் ஜக³தீம்
	ஆகாஶாந்நிபபாத ஹ ॥36॥
ஸ நிபத்ய மஹாவீர꞉
	ஸர்வைஸ்தை꞉ பரிவாரித꞉।
ஹரிர்த³தி⁴முக²꞉ பாலை꞉
	பாலானாம் பரமேஶ்வர꞉॥37॥
ஸ தீ³னவத³னோ பூ⁴த்வா
	க்ருத்வா ஶிரஸி சாஞ்ஜலிம் ।
ஸுக்³ரீவஸ்யாஶு தௌ மூர்த்⁴னா
	சரணௌ ப்ரத்யபீட³யத் ॥38॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ த்³விஷஷ்டிதம꞉ ஸர்க³꞉