அத² பஞ்சஷஷ்டிதம꞉ ஸர்க³꞉
தத꞉ ப்ரஸ்ரவணம் ஶைலம்
	தே க³த்வா சித்ரகானனம் ।
ப்ரணம்ய ஶிரஸா ராமம்
	லக்ஷ்மணம் ச மஹாப³லம் ॥1॥
யுவராஜம் புரஸ்க்ருத்ய
	ஸுக்³ரீவமபி⁴வாத்³ய ச ।
ப்ரவ்ருத்திமத² ஸீதாயா꞉
	ப்ரவக்துமுபசக்ரமு꞉॥2॥
ராவணாந்த꞉புரே ரோத⁴ம்
	ராக்ஷஸீபி⁴ஶ்ச தர்ஜனம் ।
ராமே ஸமனுராக³ம் ச
	யதா² ச நியம꞉ க்ருத꞉॥3॥
ஏததா³க்²யாய தே ஸர்வம்
	ஹரயோ ராமஸம்நிதௌ⁴ ।
வைதே³ஹீமக்ஷதாம் ஶ்ருத்வா
	ராமஸ்தூத்தரமப்³ரவீத் ॥4॥
க்வ ஸீதா வர்ததே தே³வீ
	கத²ம் ச மயி வர்ததே ।
ஏதன்மே ஸர்வமாக்²யாத
	வைதே³ஹீம் ப்ரதி வானரா꞉॥5॥
ராமஸ்ய க³தி³தம் ஶ்ருத்வா
	ஹரயோ ராமஸம்நிதௌ⁴ ।
சோத³யந்தி ஹனூமந்தம்
	ஸீதாவ்ருத்தாந்தகோவித³ம் ॥6॥
ஶ்ருத்வா து வசனம் தேஷாம்
	ஹனூமான்மாருதாத்மஜ꞉।
ப்ரணம்ய ஶிரஸா தே³வ்யை
	ஸீதாயை தாம் தி³ஶம் ப்ரதி ॥7॥
உவாச வாக்யம் வாக்யஜ்ஞ꞉
	ஸீதாயா த³ர்ஶனம் யதா² ।
தம் மணிம் காஞ்சனம் தி³வ்யம்
	தீ³ப்யமானம் ஸ்வதேஜஸா ॥8॥
த³த்வா ராமாய ஹனுமான்
	தத꞉ ப்ராஞ்ஜலிரப்³ரவீத் ।
ஸமுத்³ரம் லங்க⁴யித்வாஹம்
	ஶதயோஜனமாயதம் ॥9॥
அக³ச்ச²ம் ஜானகீம் ஸீதாம்
	மார்க³மாணோ தி³த்³ருக்ஷயா ।
தத்ர லங்கேதி நக³ரீ
	ராவணஸ்ய து³ராத்மன꞉॥10॥
த³க்ஷிணஸ்ய ஸமுத்³ரஸ்ய
	தீரே வஸதி த³க்ஷிணே ।
தத்ர ஸீதா மயா த்³ருஷ்டா
	ராவணாந்த꞉புரே ஸதீ ॥11॥
த்வயி ஸம்ந்யஸ்ய ஜீவந்தீ
	ராமா ராம மனோரத²ம் ।
த்³ருஷ்ட்வா மே ராக்ஷஸீமத்⁴யே
	தர்ஜ்யமானா முஹுர்முஹு꞉॥12॥
ராக்ஷஸீபி⁴ர்விரூபாபீ⁴
	ரக்ஷிதா ப்ரமதா³வனே ।
து³꞉க²மாபத்³யதே தே³வீ
	த்வயா வீர ஸுகோ²சிதா ॥13॥
ராவணாந்த꞉புரே ருத்³தா⁴
	ராக்ஷஸீபி⁴꞉ ஸுரக்ஷிதா ।
ஏகவேணீத⁴ரா தீ³னா
	த்வயி சிந்தாபராயணா ॥14॥
அத⁴꞉ஶய்யா விவர்ணாங்கீ³
	பத்³மினீவ ஹிமாக³மே ।
ராவணாத்³விநிவ்ருத்தார்தா²
	மர்தவ்யக்ருதநிஶ்சயா ॥15॥
தே³வீ கத²ஞ்சித்காகுத்ஸ்த²
	த்வன்மனா மார்கி³தா மயா ।
இக்ஷ்வாகுவம்ஶவிக்²யாதிம்
	ஶனை꞉ கீர்தயதானக⁴ ॥16॥
ஸா மயா நரஶார்தூ³ல
	ஶனைர்விஶ்வாஸிதா ததா³ ।
தத꞉ ஸம்பா⁴ஷிதா தே³வீ
	ஸர்வமர்த²ம் ச த³ர்ஶிதா ॥17॥
ராமஸுக்³ரீவஸக்²யம் ச
	ஶ்ருத்வா ஹர்ஷமுபாக³தா ।
நியத꞉ ஸமுதா³சாரோ
	ப⁴க்திஶ்சாஸ்யா꞉ ஸதா³ த்வயி ॥18॥
ஏவம் மயா மஹாபா⁴க³
	த்³ருஷ்டா ஜனகனந்தி³னீ ।
உக்³ரேண தபஸா யுக்தா
	த்வத்³ப⁴க்த்யா புருஷர்ஷப⁴ ॥19॥
அபி⁴ஜ்ஞானம் ச மே த³த்தம்
	யதா²வ்ருத்தம் தவாந்திகே ।
சித்ரகூடே மஹாப்ராஜ்ஞ
	வாயஸம் ப்ரதி ராக⁴வ ॥20॥
விஜ்ஞாப்ய꞉ புனரப்யேஷ
	ராமோ வாயுஸுத த்வயா ।
அகி²லேன யதா² த்³த்³ருஷ்டம்
	இதி மாமாஹ ஜானகீ ॥21॥
அயம் சாஸ்மை ப்ரதா³தவ்யோ
	யத்னாத்ஸுபரிரக்ஷித꞉।
ப்³ருவதா வசனான்யேவம்
	ஸுக்³ரீவஸ்யோபஶ்ருண்வத꞉॥22॥
ஏஷ சூடா³மணி꞉ ஸ்ரீமான்
	மயா தே யத்நரக்ஷித꞉।
மன꞉ஶிலாயாஸ்திலகம்
	தத் ஸ்மரஸ்வேதி சாப்³ரவீத் ॥23॥
ஏஷ நிர்யாதித꞉ ஸ்ரீமான்
	மயா தே வாரிஸம்ப⁴வ꞉।
ஏனம் த்³ருஷ்ட்வா ப்ரமோதி³ஷ்யே
	வ்யஸனே த்வாமிவானக⁴ ॥24॥
ஜீவிதம் தா⁴ரயிஷ்யாமி
	மாஸம் த³ஶரதா²த்மஜ ।
ஊர்த்⁴வம் மாஸான்ன ஜீவேயம்
	ரக்ஷஸாம் வஶமாக³தா ॥25॥
இதி மாமப்³ரவீத்ஸீதா
	க்ருஶாங்கீ³ த⁴ர்மசாரிணீ ।
ராவணாந்த꞉புரே ருத்³தா⁴
	ம்ருகீ³வோத்பு²ல்லலோசனா ॥26॥
ஏததே³வ மயாऽऽக்²யாதம்
	ஸர்வம் ராக⁴வ யத்³யதா² ।
ஸர்வதா² ஸாக³ரஜலே
	ஸந்தார꞉ ப்ரவிதீ⁴யதாம் ॥27॥
தௌ ஜாதாஶ்வாஸௌ ராஜபுத்ரௌ விதி³த்வா
	தச்சாபி⁴ஜ்ஞானம் ராக⁴வாய ப்ரதா³ய ।
தே³வ்யா சாக்²யாதம் ஸர்வமேவானுபூர்வ்யாத்³
	வாசா ஸம்பூர்ணம் வாயுபுத்ர꞉ ஶஶம்ஸ ॥28॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ பஞ்சஷஷ்டிதம꞉ ஸர்க³꞉