அத² ஸப்தஷஷ்டிதம꞉ ஸர்க³꞉
ஏவமுக்தஸ்து ஹனுமான்
	ராக⁴வேண மஹாத்மனா ।
ஸீதாயா பா⁴ஷிதம் ஸர்வம்
	ந்யவேத³யத ராக⁴வே ॥1॥
இத³முக்தவதீ தே³வீ
	ஜானகீ புருஷர்ஷப⁴ ।
பூர்வவ்ருத்தமபி⁴ஜ்ஞானம்
	சித்ரகூடே யதா²தத²ம் ॥2॥
ஸுக²ஸுப்தா த்வயா ஸார்த⁴ம்
	ஜானகீ பூர்வமுத்தி²தா ।
வாயஸ꞉ ஸஹஸோத்பத்ய
	வித³தா³ர ஸ்தனாந்தரம் ॥3॥
பர்யாயேண ச ஸுப்தஸ்த்வம்
	தே³வ்யங்கே ப⁴ரதாக்³ரஜ ।
புனஶ்ச கில பக்ஷீ ஸ
	தே³வ்யா ஜனயதி வ்யதா² ॥4॥
தத꞉ புனருபாக³ம்ய
	வித³தா³ர ப்⁴ருஶம் கில ।
ததஸ்த்வம் போ³தி⁴தஸ்தஸ்யா꞉
	ஶோணிதேன ஸமுக்ஷித꞉॥5॥
வாயஸேன ச தேனைவம்
	ஸததம் பா³த்⁴யமானயா ।
போ³தி⁴த꞉ கில தே³வ்யா த்வம்
	ஸுக²ஸுப்த꞉ பரந்தப ॥6॥
தாம் ச த்³ருஷ்ட்வா மஹாபா³ஹோ
	தா³ரிதாம் ச ஸ்தனாந்தரே ।
ஆஶீவிஷ இவ க்ருத்³த⁴꞉
	ததோ வாக்யம் த்வமூசிவான் ॥7॥
நகா²க்³ரை꞉ கேன தே பீ⁴ரு
	தா³ரிதம் வை ஸ்தனாந்தரம் ।
க꞉ க்ரீட³தி ஸரோஷேண
	பஞ்சவக்த்ரேண போ⁴கி³னா ॥8॥
நிரீக்ஷமாண꞉ ஸஹஸா
	வாயஸம் ஸமுதை³க்ஷதா²꞉।
நகை²꞉ ஸருதி⁴ரைஸ்தீக்ஷ்ணை꞉
	தாமேவாபி⁴முக²ம் ஸ்தி²தம் ॥9॥
ஸுத꞉ கில ஸ ஶக்ரஸ்ய
	வாயஸ꞉ பததாம் வர꞉।
த⁴ராந்தரக³த꞉ ஶீக்⁴ரம்
	பவனஸ்ய க³தௌ ஸம꞉॥10॥
ததஸ்தஸ்மின்மஹாபா³ஹோ
	கோபஸம்வர்திதேக்ஷண꞉।
வாயஸே த்வம் வ்யதா⁴꞉ க்ரூராம்
	மதிம் மதிமதாம் வர ॥11॥
ஸ த³ர்ப⁴ஸம்ஸ்தராத்³க்³ருஹ்ய
	ப்³ரஹ்மாஸ்த்ரேணன்யயோஜய꞉।
ஸ தீ³ப்த இவ காலாக்³னி꞉
	ஜஜ்வாலாபி⁴முக²ம் க²க³ம் ॥12॥
ஸ த்வம் ப்ரதீ³ப்தம் சிக்ஷேப
	த³ர்ப⁴ம் தம் வாயஸம் ப்ரதி ।
ததஸ்து வாயஸம் தீ³ப்த꞉
	ஸ த³ர்போ⁴ऽனுஜகா³ம ஹ ॥13॥
பீ⁴தைஶ்ச ஸம்பரித்யக்த꞉
	ஸுரை꞉ ஸர்வைஶ்ச வாயஸ꞉।
த்ரீம்ல்லோகான்ஸம்பரிக்ரம்ய
	த்ராதாரம் நாதி⁴க³ச்ச²தி ॥14॥
புனரப்யாக³தஸ்தத்ர
	த்வத்ஸகாஶமரிந்த³ம ।
த்வம் தம் நிபதிதம் பூ⁴மௌ
	ஶரண்ய꞉ ஶரணாக³தம் ॥15॥
வதா⁴ர்ஹமபி காகுத்ஸ்த²
	க்ருபயா பரிபாலய꞉।
மோக⁴மஸ்த்ரம் ந ஶக்யம் து
	கர்துமித்யேவ ராக⁴வ ॥16॥
ப⁴வாம்ஸ்தஸ்யாக்ஷி காகஸ்ய
	ஹினஸ்தி ஸ்ம ஸ த³க்ஷிணம் ।
ராம த்வாம் ஸ நமஸ்க்ருத்ய
	ராஜ்ஞோ த³ஶரத²ஸ்ய ச ॥17॥
விஸ்ருஷ்டஸ்து ததா³ காக꞉
	ப்ரதிபேதே³ ஸ்வமாலயம் ।
ஏவமஸ்த்ரவிதா³ம் ஶ்ரேஷ்ட²꞉
	ஸத்த்வவாஞ்சீ²லவானபி ॥18॥
கிமர்த²மஸ்த்ரம் ரக்ஷ꞉ஸு
	ந யோஜயஸி ராக⁴வ ।
ந தா³னவா ந க³ந்த⁴ர்வா
	நாஸுரா ந மருத்³க³ணா꞉॥19॥
தவ ராம ரணே ஶக்தா꞉
	ததா²  ப்ரதிஸமாஸிதும் ।
தவ வீர்யவத꞉ கச்சித்
	மயி யத்³யஸ்தி ஸம்ப்⁴ரம꞉॥20॥
க்ஷிப்ரம் ஸுநிஶிதைர்பா³ணைர்-
	ஹன்யதாம் யுதி⁴ ராவண꞉।
ப்⁴ராதுராதே³ஶமாஜ்ஞாய
	லக்ஷ்மணோ வா பரந்தப꞉॥21॥
ஸ கிமர்த²ம் நரவரோ
	ந மாம் ரக்ஷதி ராக⁴வ꞉।
ஶக்தௌ தௌ புருஷவ்யாக்⁴ரௌ
	வாய்வக்³நிஸமதேஜஸௌ ॥22॥
ஸுராணாமபி து³ர்த⁴ர்ஷௌ
	கிமர்த²ம் மாமுபேக்ஷத꞉।
மமைவ து³ஷ்க்ருதம் கிஞ்சித்
	மஹத³ஸ்தி ந ஸம்ஶய꞉॥23॥
ஸமர்தௌ² ஸஹிதௌ யன்மாம்
	ந ரக்ஷேதே பரந்தபௌ ।
வைதே³ஹ்யா வசனம் ஶ்ருத்வா
	கருணம் ஸாது⁴பா⁴ஷிதம் ॥24॥
புனரப்யஹமார்யாம் தாம்
	இத³ம் வசனமப்³ருவம் ।
த்வச்சோ²கவிமுகோ² ராமோ
	தே³வி ஸத்யேன தே ஶபே ॥25॥
ராமே து³꞉கா²பி⁴பூ⁴தே ச
	லக்ஷ்மண꞉ பரிதப்யதே ।
கத²ஞ்சித்³ப⁴வதீ த்³ருஷ்டா
	ந கால꞉ பரிஶோசிதும் ॥26॥
அஸ்மின் முஹூர்தே து³꞉கா²னாம்
	அந்தம் த்³ரக்ஷ்யஸி பா⁴மினி ।
தாவுபௌ⁴ நரஶார்தூ³லௌ
	ராஜபுத்ரௌ பரந்தபௌ ॥27॥
த்வத்³த³ர்ஶனக்ருதோத்ஸாஹௌ
	லங்காம் ப⁴ஸ்மீகரிஷ்யத꞉।
ஹத்வா ச ஸமரே ரௌத்³ரம்
	ராவணம் ஸஹபா³ந்த⁴வம் ॥28॥
ராக⁴வஸ்த்வாம் வராரோஹே
	ஸ்வபுரீம் நயிதா த்⁴ருவம் ।
யத்து ராமோ விஜானீயாத்
	அபி⁴ஜ்ஞானமனிந்தி³தே ॥29॥
ப்ரீதிஸஞ்ஜனனம் தஸ்ய
	ப்ரதா³தும் தத்த்வமர்ஹஸி ।
ஸாபி⁴வீக்ஷ்ய தி³ஶ꞉ ஸர்வா
	வேண்யுத்³க்³ரத²னமுத்தமம் ॥30॥
முக்த்வா வஸ்த்ராத்³த³தௌ³ மஹ்யம்
	மணிமேதம் மஹாப³ல ।
ப்ரதிக்³ருஹ்ய மணிம் தோ³ர்ப்⁴யாம்
	தவ ஹேதோ ரகு⁴ப்ரிய ॥31॥
ஶிரஸா ஸம்ப்ரணம்யைனாம்
	அஹமாக³மனே த்வரே ।
க³மனே ச க்ருதோத்ஸாஹம்
	அவேக்ஷ்ய வரவர்ணினீ ॥32॥
விவர்த⁴மானம் ச ஹி மாம்
	உவாச ஜனகாத்மஜா ।
அஶ்ருபூர்ணமுகீ² தீ³னா
	பா³ஷ்பக³த்³க³த³பா⁴ஷிணீ ॥33॥
மமோத்பதனஸம்ப்⁴ராந்தா
	ஶோகவேக³ஸமாஹதா ।
மாமுவாச தத꞉ ஸீதா
	ஸபா⁴க்³யோऽஸி மஹாகபே ॥34॥
யத்³ த்³ரக்ஷ்யஸி மஹாபா³ஹும்
	ராமம் கமலலோசனம் ।
லக்ஷ்மணம் ச மஹாபா³ஹும்
	தே³வரம் மே யஶஸ்வினம் ॥35॥
ஸீதயாப்யேவமுக்தோऽஹம்
	அப்³ருவம் மைதி²லீம் ததா² ।
ப்ருஷ்டமாரோஹ மே தே³வி
	க்ஷிப்ரம் ஜனகனந்தி³னி ॥36॥
யாவத்தே த³ர்ஶயாம்யத்³ய
	ஸஸுக்³ரீவம் ஸலக்ஷ்மணம் ।
ராக⁴வம் ச மஹாபா⁴கே³
	ப⁴ர்தாரமஸிதேக்ஷணே ॥37॥
ஸாப்³ரவீன்மாம் ததோ தே³வீ
	நைஷ த⁴ர்மோ மஹாகபே ।
யத்தே ப்ருஷ்டம் ஸிஷேவேऽஹம்
	ஸ்வவஶா ஹரிபுங்க³வ ॥38॥
புரா ச யத³ஹம் வீர
	ஸ்ப்ருஷ்டா கா³த்ரேஷு ரக்ஷஸா ।
தத்ராஹம் கிம் கரிஷ்யாமி
	காலேனோபனிபீடி³தா ॥39॥
க³ச்ச² த்வம் கபிஶார்தூ³ல
	யத்ர தௌ ந்ருபதே꞉ ஸுதௌ ।
இத்யேவம் ஸா ஸமாபா⁴ஷ்ய
	பூ⁴ய꞉ ஸந்தே³ஷ்டுமாஸ்தி²தா ॥40॥
ஹனுமன்ஸிம்ஹஸங்காஶௌ
	தாவுபௌ⁴ ராமலக்ஷ்மணௌ ।
ஸுக்³ரீவம் ச ஸஹாமாத்யம்
	ஸர்வான்ப்³ரூயா அநாமயம் ॥41॥
யதா² ச ஸ மஹாபா³ஹு꞉
	மாம் தாரயதி ராக⁴வ꞉।
அஸ்மாத்³து³꞉கா²ம்பு³ஸம்ரோதா⁴த்
	தத் த்வமாக்²யாதுமர்ஹஸி ॥42॥
இமம் ச தீவ்ரம் மம ஶோகவேக³ம்
	ரக்ஷோபி⁴ரேபி⁴꞉ பரிப⁴ர்த்ஸனம் ச ।
ப்³ரூயாஸ்து ராமஸ்ய க³த꞉ ஸமீபம்
	ஶிவஶ்ச தேऽத்⁴வாஸ்து ஹரிப்ரவீர ॥43॥
ஏதத்தவார்யா ந்ருப ஸம்யதா ஸா
	ஸீதா வச꞉ ப்ராஹ விஷாத³பூர்வம் ।
ஏதச்ச பு³த்³த்⁴வா க³தி³தம் யதா² த்வம்
	ஶ்ரத்³த⁴த்ஸ்வ ஸீதாம் குஶலாம் ஸமக்³ராம் ॥44॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ ஸப்தஷஷ்டிதம꞉ ஸர்க³꞉