அத² அஷ்டஷஷ்டிதம꞉ ஸர்க³꞉
அதா²ஹமுத்தரம் தே³வ்யா
	புனருக்த꞉ ஸஸம்ப்⁴ரமம் ।
தவ ஸ்னேஹான்னரவ்யாக்⁴ர
	ஸௌஹார்தா³த³னுமான்ய ச ॥1॥
ஏவம் ப³ஹுவித⁴ம் வாச்யோ
	ராமோ தா³ஶரதி²ஸ்த்வயா ।
யதா² மாமாப்னுயாச்சீ²க்⁴ரம்
	ஹத்வா ராவணமாஹவே ॥2॥
யதி³ வா மன்யஸே வீர
	வஸைகாஹமரிந்த³ம ।
கஸ்மிம்ஶ்சித்ஸம்வ்ருதே தே³ஶே
	விஶ்ராந்த꞉ ஶ்வோ க³மிஷ்யஸி ॥3॥
மம சாப்யல்பபா⁴க்³யாயா꞉
	ஸாம்நித்⁴யாத்தவ வானர ।
அஸ்ய ஶோகவிபாகஸ்ய
	முஹூர்தம் ஸ்யாத்³விமோக்ஷணம் ॥4॥
க³தே ஹி த்வயி விக்ராந்தே
	புனராக³மனாய வை ।
ப்ராணாநாமபி ஸந்தே³ஹோ
	மம ஸ்யான்னாத்ர ஸம்ஶய꞉॥5॥
தவாத³ர்ஶனஜ꞉ ஶோகோ
	பூ⁴யோ மாம் பரிதாபயேத் ।
து³꞉கா²த்³து³꞉க²பராபூ⁴தாம்
	து³ர்க³தாம் து³꞉க²பா⁴கி³னீம் ॥6॥
அயம் ச வீர ஸந்தே³ஹ꞉
	திஷ்ட²தீவ மமாக்³ரத꞉।
ஸுமஹாம்ஸ்த்வத்ஸஹாயேஷு
	ஹர்ய்ருக்ஷேஷு ஹரீஶ்வர ॥7॥
கத²ம் நு க²லு து³ஷ்பாரம்
	தரிஷ்யந்தி மஹோத³தி⁴ம் ।
தானி ஹர்ய்ருக்ஷஸைன்யானி
	தௌ வா நரவராத்மஜௌ ॥8॥
த்ரயாணாமேவ பூ⁴தானாம்
	ஸாக³ரஸ்யாஸ்ய லங்க⁴னே ।
ஶக்தி꞉ ஸ்யாத்³வைனதேயஸ்ய
	வாயோர்வா தவ சானக⁴ ॥9॥
தத³ஸ்மின்கார்யநிர்யோகே³
	வீரைவம் து³ரதிக்ரமே ।
கிம் பஶ்யஸி ஸமாதா⁴னம்
	ப்³ரூஹி கார்யவிதா³ம் வர ॥10॥
காமமஸ்ய த்வமேவைக꞉
	கார்யஸ்ய பரிஸாத⁴னே ।
பர்யாப்த꞉ பரவீரக்⁴ன
	யஶஸ்யஸ்தே ப³லோத³ய꞉॥11॥
ப³லை꞉ ஸமக்³ரைர்யதி³ மாம்
	ஹத்வா ராவணமாஹவே ।
விஜயீ ஸ்வபுரீம் ராமோ
	நயேத்தத்ஸ்யாத்³யஶஸ்கரம் ॥12॥
யதா²ஹம் தஸ்ய வீரஸ்ய
	வநாது³பதி⁴னா ஹ்ருதா ।
ரக்ஷஸா தத்³ப⁴யாதே³வ
	ததா² நார்ஹதி ராக⁴வ꞉॥13॥
ப³லைஸ்து ஸங்குலாம் க்ருத்வா
	லங்காம் பரப³லார்த³ன꞉।
மாம் நயேத்³யதி³ காகுத்ஸ்த²꞉
	தத்தஸ்ய ஸத்³ருஶம் ப⁴வேத் ॥14॥
தத்³யதா² தஸ்ய விக்ராந்தம்
	அனுரூபம் மஹாத்மன꞉।
ப⁴வத்யாஹவஶூரஸ்ய
	ததா² த்வமுபபாத³ய ॥15॥
தத³ர்தோ²பஹிதம் வாக்யம்
	ப்ரஶ்ரிதம் ஹேதுஸம்ஹிதம் ।
நிஶம்யாஹம் தத꞉ ஶேஷம்
	வாக்யமுத்தரமப்³ருவம் ॥16॥
தே³வி ஹர்ய்ருக்ஷஸைன்யானாம்
	ஈஶ்வர꞉ ப்லவதாம் வர꞉।
ஸுக்³ரீவ꞉ ஸத்த்வஸம்பன்ன꞉
	த்வத³ர்தே² க்ருதநிஶ்சய꞉॥17॥
தஸ்ய விக்ரமஸம்பன்னா꞉
	ஸத்த்வவந்தோ மஹாப³லா꞉।
மன꞉ஸங்கல்பஸத்³ருஶா
	நிதே³ஶே ஹரய꞉ ஸ்தி²தா꞉॥18॥
யேஷாம் நோபரி நாத⁴ஸ்தான்
	ந திர்யக்ஸஜ்ஜதே க³தி꞉।
ந ச கர்மஸு ஸீத³ந்தி
	மஹத்ஸ்வமிததேஜஸ꞉॥19॥
அஸக்ருத்தைர்மஹாபா⁴கை³꞉
	வானரைர்ப³லஸம்யுதை꞉।
ப்ரத³க்ஷிணீக்ருதா பூ⁴மி꞉
	வாயுமார்கா³னுஸாரிபி⁴꞉॥20॥
மத்³விஶிஷ்டாஶ்ச துல்யாஶ்ச
	ஸந்தி தத்ர வனௌகஸ꞉।
மத்த꞉ ப்ரத்யவர꞉ கஶ்சின்
	நாஸ்தி ஸுக்³ரீவஸம்நிதௌ⁴ ॥21॥
அஹம் தாவதி³ஹ ப்ராப்த꞉
	கிம் புனஸ்தே மஹாப³லா꞉।
நஹி ப்ரக்ருஷ்டா꞉ ப்ரேஷ்யந்தே
	ப்ரேஷ்யந்தே ஹீதரே ஜனா꞉॥22॥
தத³லம் பரிதாபேன
	தே³வி மன்யுரபைது தே ।
ஏகோத்பாதேன தே லங்காம்
	ஏஷ்யந்தி ஹரியூத²பா꞉॥23॥
மம ப்ருஷ்ட²க³தௌ தௌ ச
	சந்த்³ரஸூர்யாவிவோதி³தௌ ।
த்வத்ஸகாஶம் மஹாபா⁴கே³
	ந்ருஸிம்ஹாவாக³மிஷ்யத꞉॥24॥
அரிக்⁴னம் ஸிம்ஹஸங்காஶம்
	க்ஷிப்ரம் த்³ரக்ஷ்யஸி ராக⁴வம் ।
லக்ஷ்மணம் ச த⁴னுஷ்மந்தம்
	லங்காத்³வாரமுபாக³தம் ॥25॥
நக²த³ம்ஷ்ட்ராயுதா⁴ன்வீரான்
	ஸிம்ஹஶார்தூ³லவிக்ரமான் ।
வானரான் வாரணேந்த்³ராபா⁴ன்
	க்ஷிப்ரம் த்³ரக்ஷ்யஸி ஸங்க³தான் ॥26॥
ஶைலாம்பு³த³னிகாஶானாம்
	லங்காமலயஸானுஷு ।
நர்த³தாம் கபிமுக்²யானாம்
	நசிராச்ச்²ரோஷ்யஸே ஸ்வனம் ॥27॥
நிவ்ருத்தவனவாஸம் ச
	த்வயா ஸார்த⁴மரிந்த³மம் ।
அபி⁴ஷிக்தமயோத்⁴யாயாம்
	க்ஷிப்ரம் த்³ரக்ஷ்யஸி ராக⁴வம் ॥28॥
ததோ மயா வாக்³பி⁴ரதீ³னபா⁴ஷிணா
	ஶிவாபி⁴ரிஷ்டாபி⁴ரபி⁴ப்ரஸாதி³தா ।
உவாஹ ஶாந்திம் மம மைதி²லாத்மஜா
	தவாதிஶோகேன ததா²திபீடி³தா ॥29॥
இத்யார்ஷே ஸ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ அஷ்டஷஷ்டிதம꞉ ஸர்க³꞉